親子旅遊 今日: 0 | 主題: 161808

積分: 18698

1^#

發表於 07-3-21 11:46 |只看該作者

有無人啱啱係東京/大阪回來?

好想問下個邊咩天氣? 我下星期三一家3口出發去大阪,
上網check只有7度-12度, 本人唔prefer帶太厚的衫, 想實際知道天氣如何? 羽絨, 厚外套? 恐怕不用了罷?

私人傳訊

積分: 18698

2^#

發表於 07-3-28 01:42 |只看該作者

Re: 有無人啱啱係東京/大阪回來?

我明天一早出發去大阪/京都啦, 既然無人回應, 咁等我去完返黎, 同大家update下個邊的天氣啦...希望幫到將於4月初出發的媽咪!

私人傳訊

ss2003

積分: 1295

3^#

發表於 07-3-29 01:36 |只看該作者

Re: 有無人

cheapbombom,

等你番黎同大家分享呀

私人傳訊

1928mickey

寶石宮

積分: 415537

2018父親節勳章 2018母親節勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章美好大世界2017勳章開心吸收勳章

4^#

發表於 07-3-29 10:31 |只看該作者

Re: 有無人

上星期日25號東京回來, 最熱19度, 最凍14/15度
早晚較涼有風, 川越& 迪迪尼涼d, 穿薄褸都夠
櫻花開哂喇, 川越最靚最多
新宿御苑好靚, 上野就一般, 淺草得花

私人傳訊

991129

水晶宮

積分: 54483

2018復活節勳章 hashtag影視迷勳章好媽媽勳章畀面勳章

5^#

發表於 07-3-29 10:39 |只看該作者

Re: 有無人

[quote]
1928mickey 寫道:
上星期日25號東京回來, 最熱19度, 最凍14/15度
早晚較涼有風, 川越& 迪迪尼涼d, 穿薄褸都夠
櫻花開哂喇, 川越最靚最多
新宿御苑好靚, 上野就一般, 淺草得花

私人傳訊

1928mickey

寶石宮

積分: 415537

6^#

發表於 07-3-29 11:12 |只看該作者

Re: 有無人

櫻花有好多品種, 唔同既唔同時間開,
我去時開哂but 唔燦爛 , 有d 花

私人傳訊

991129

水晶宮

積分: 54483

2018復活節勳章 hashtag影視迷勳章好媽媽勳章畀面勳章

7^#

發表於 07-3-29 11:49 |只看該作者

Re: 有無人

1928mickey,

If so, that's great. I will go on April 4 :mrgreen: :mrgreen:

私人傳訊

積分: 18698

8^#

發表於 07-4-2 17:00 |只看該作者

Re: 有無人

我尋晚啱啱係大阪返黎啦!同大家分享一下以下各點:

1) 天氣(9-18度)
全程陽光普照, 最冷的一天只有9度 (晚上), 大部份日間都有15-18度, 所以穿衣只要裡面薄薄的, 一件一件加上去便ok, 不需要穿羽絨了, 帶件厚少少的外套, 加頸巾便萬無一失。我Day 3去了京都, 由於近郊, 氣溫相對低, 記住帶多件厚衫!

2) 纓花 (開左好多啦, 漂亮極了!)
賞花的地方多的是, 我昨天去了大阪城公園, 由於是適逢週日, 很多當地的一家大細, 男女老幼都在樹下賞花, 花"海"非常漂亮! 路邊兩旁開滿了食物小攤檔, 又可以坐小火車遊覽公園一週, 很感受到當地人那種開心, 熱鬧的賞花氣氛! 不過, 唔知平日去是否有咁熱鬧呢? 另, 我覺得論賞花, 還是在京都的嵐山區更漂亮! 那裡盡是很多穿和服的少女少婦前往, 我們更跟她們拍了很多照片呢!

3) 酒店
原來住在梅田區是超方便的, 因為正正坐落於JR+地鐵+電車的中心地帶, 當中又以Granvina Osaka最優越, 甚至比起New Hankyu, Osaka Daiichi 甚至Hilton還要方便! 我住在大阪第一, 房間比想像中細, 但很整潔, 不得不提, 是酒店的早餐是超早的, 6:45am - 9:45am, 即是香港時間8:45am便無早餐食啦, 所以變相日日起得很早, 早出晚歸盡用時間, 你都要check下你地間酒店早餐buffet時間啊!

4) 交通
超方便! 身在大阪, 去那裡也可一粒鐘即到! 我步行去JR大阪站, 只需3-5分鐘, 在那裡便可坐JR到京都, 只需35分鐘, 去奈良, 只需55分鐘, 當然, JR大阪連接住地鐵及電車, 所以一map在手, 那裡也可以去啦....當然, 大阪地鐵很複雜的, 雖然日日穿梭其中, 但有時都迷了路, 單是D出口, 也有40幾個啦, 仲未計JR啦, 阪神線啦....所以, 5日裡面, 都不得不問了很多次路啊! (he he...)

5) 環球片場 (勁多人)
如果你地有打算去, 記住一定要超早出發啊! 我早上十時去到, 雖然當天不是週未, 但也有很多人, 平均排隊也需要1 - 1.5小時, 我們一家無玩機動遊戲, 但其他的節目如跟公仔拍照, 看巡遊, 看4D立體show, JAWS坐船探險, Back to the Future, Snoopy泡泡船等等, 已玩得不亦樂乎! 我對Universial Studio的感覺, 等如好似去左Disneyland, 如果你地小朋友喜歡Disneyland, 那麼環球片場也一樣不可以錯過啊! 不得不提, 你地可以考慮買fast pass, 分4個遊戲同7個遊戲兩種! 我地排左兩種show之後, 心感不妙, 決定買fast pass時, 可惜已sold out, 原來fast pass每日都有指定quota, 沽清就無得賣啦！我都好後悔無買, 要不然可以省卻了時間, 盡情玩晒所有遊戲/show啦! 本來我只plan了玩到6:00pm, 可惜啊女實在太興奮啦, 最後足足留了一整天呢!
另外, 大部份節目都沒有年齡限制 (當然最新的過山車只適合大人玩咋), 反而有身高限制, 身高在120cm之上的, 幾乎所有遊戲都可以自行玩, 身高在120cm以下的, 則需要一位成年人陪同才可玩! 對啊女來說, 去Universial Studio也是很盡興的一天!

6) 海遊館
入場時, 記住取一份給小朋友的問答遊戲單張, 有6個簡單問題, 只要離開前在出口交回, 便有一份紀念品(either毛巾仔or袋仔)。份問答遊戲單張雖然只有日文, 但聰明的媽媽總會容易知道答案的, 不過, 最後只要你交回, 便一定有紀念品了! 啊女很努力去回答, 取了毛巾仔也很高興, 因為是她付出努力的成果啊!

7) 購物
順道一提, 心齊橋一帶的商鋪, 晚上八時便關, 個別頂多8:30pm也拉閘啦, 對香港人來說還是很早啊! 相對, 道頓崛食街一帶則到晚上十時許還是很旺, 所以, 打算晚上才去shopping的, 要注意啊!

8) 行程
最後, 我覺得五日四夜, 比我想像中充實及開心, 以下係本人的行程供參巧, 樂於同大家分享本人大阪之行, 也預祝你們玩得好開心!

Day 1 中午機到大阪, 傍晚心齌橋
Day 2 環球片場、美國村
Day 3 京都 - 清水寺, 衹園, 金閣寺、道頓崛食街
Day 4 京都 - 嵐山公園, 嵯峨野小火車, 渡月橋、奈良
HEP FIVE纜車
Day 5 海遊館、大阪城公園

8) 日本人 vs 香港人
感覺日本人非常友善, 在多次的問路經歷, 他們很熱心回答你, 就算他們本身不懂, 也馬上打手提問佢自己的朋友, 之後再很積極咁教你點行；乘地鐵時, 有幾次身旁的婆婆也跟我聊起天上來！所以, 對這次旅行都加了印象分! 相反, 今次行程只碰到幾次香港人, 一次是乘巴士去金閣寺, 一次是在奈良, 大家望了望, 笑一笑罷了... 反而, 我們在清水寺碰到過三位穿和服的女孩, 跟她們拍了照, 午後又在袛園重遇, 大家還一起坐下喝coffee。奇怪的是, 最後我們離開前, 居然又在金閣寺的巴士站遇上, 大家在對面馬路揮手, 旁邊的日本伯伯還以為我們是認識的, 於是我便跟他說我們我故事, 最後, 他還送了一份小禮物給啊女! 所以, 日本人都很親切!

總括, 我很喜歡京都, 尤其是在嵐山乘坐嵯峨野小火車, 穿過山洞接觸大自然, 而在渡月橋一帶很有特色, 纓花開得很漂亮, 我們一家都玩得很開心, 我老公話, 很想再去一次大阪啊! 唯一失望的是, 本來plan左星期六早上去杯麵館, 最後因為情願去多一日京都, 及臨時興起, 決定去埋奈良, 唯有放棄了杯麵館罷!

分享到此, 你們回來後, 也一起回味罷!

私人傳訊

Oscar媽

子爵府

積分: 14086

好媽媽勳章醒目開學勳章畀面勳章環保接龍勳章

9^#

發表於 07-4-2 17:05 |只看該作者

Re: 有無人

私人傳訊

Oscar媽

子爵府

積分: 14086

好媽媽勳章醒目開學勳章畀面勳章環保接龍勳章

10^#

發表於 07-4-2 17:12 |只看該作者

Re: 有無人

cheapbombom,

返黎啦!!!

你就好啦!!我見日本天氣預報 3/4 開始氣溫下降..
4/4 出發得 4 - 13 度 5/4 3-14 度咋...
要著羽絨....

私人傳訊

積分: 18698

11^#

發表於 07-4-2 17:48 |只看該作者

Re: 有無人

Oscar 媽,
我出發前也都看了天氣預報, 7-12度, 但去到原來都有15度起碼, 中午最熱試接近20度添, 一點都不寒冷。天氣預報話天陰, 但每日都陽光普照, 只有去京都的第一天有點寒！不過, 如果你出發的期間真係有機會只得4度, 咁帶羽絨穩陣di啦, 我今次只帶di薄衫+一件厚外套咁大把, 大部份時間只穿長袖T-Shirt + 棉外套, 算好彩, 如果真係得7度, 咁我肯定唔夠衫!

你plan左去邊度玩啊? 你準備就緒了罷! 我也祝你有一個難忘的復活節假期!

私人傳訊

Oscar媽

子爵府

積分: 14086

好媽媽勳章醒目開學勳章畀面勳章環保接龍勳章

12^#

發表於 07-4-2 17:53 |只看該作者

Re: 有無人

cheapbombom,

其實我都怕會係咁..所以諗緊帶唔帶羽絨..
但我老公一早一晚有 4,5 度就要著.

我都 plan 好左行程 la..
同你差唔多...

私人傳訊

TwinsMother

男爵府

積分: 7872

13^#

發表於 07-4-2 18:13 |只看該作者

Re: 有無人

cheapbombom,

多謝你同我哋分亨大板之旅!
我會記住你的貼士!
羽絨會幫小朋友帶, 自己就唔帶啦!

希望大家有個愉快旅程!

私人傳訊

貓大姐

版主

積分: 30687

好媽媽勳章 BK Milk勳章

14^#

發表於 07-4-2 20:04 |只看該作者

Re: 有無人

如果我 4月5日去東京, 係咪會比大阪凍啊
係咪一定要帶羽絨??

「到我這裏來的，我總不丟棄他。」(約6:37)"

私人傳訊

積分: 18698

15^#

發表於 07-4-3 10:08 |只看該作者

Re: 有無人

貓大姐,
我不清楚東京個邊天氣係點, 不過如果預報4度, 估都係講緊晚上最低的溫度而已, 日頭都會有10度以上啩, 有媽咪建議比小朋友穿羽絨, 自己則不帶, 都係一個好辦法!

總之, 如果唔怕行理多, 大人細路帶埋羽絨都無壞既, 不過真係估唔到, 前後只差一個星期, 大阪氣溫變化會咁大呢!

私人傳訊

心心形形

積分: 4650

16^#

發表於 07-4-3 10:44 |只看該作者

Re: 有無人

cheapbombom :

wa!見到你的行程，我已很興奮，因我在8/4亦是去大阪，請問海遊館值得去嗎?是否像海x公園睇魚類??

我都好想睇櫻花呀!

私人傳訊

*.*

積分: 1048

17^#

發表於 07-4-3 12:06 |只看該作者

Re: 有無人

Hi cheapbombom,

我會4/5出發去大板,但係會跟團去的.
我參加的團有一日會去環球片場,請問你fast pass係邊到可以買呀,幾錢呀?

thanks!

私人傳訊

積分: 18698

18^#

發表於 07-4-3 12:39 |只看該作者

Re: 有無人

如果你跟團, 不如先問下領隊可唔可以幫你買到Universial Express Pass Booklet, 適用於幾項最熱門的節目, 包括大白鯊, Jurrassic Park, Back to the Future, ET Adventure, Terminator 及4D立體電影, 價錢分別是2800Yen (4個遊戲)及4200Yen (7個遊戲), 片場內以下地點買到:
Hollywood Area:
1) Backlot Photo
2) Universial Studio Store
New York Area:
3) The Brow n Derby
4) Cyberdyne Product Showcase
Jurassic Park Area:
5) Jurassic Outfitters

多口順便建議各位自備即棄雨衣, 因為在片場內買, 一件都成850Yen, 一家人每人一件, 無左幾千Yen, 唔化算, 自己係7-eleven買定HK$10咋! 適合小朋友玩的, 都會有機會濕身, 我啊女玩完Snoopy Stunt Slide, 都嚷著要再玩...我Pat Pat濕晒...

另, 提一提大家記住帶adaptor, 我地第二天相影已無電, (因太多野影啦), 而我老公又忘了帶adaptor (日本的plug/socket是2腳的), 由於恐怕萬一酒店無提供, Day 3便無相影, 於是乎在心齊橋買了一個adaptor, 居然要5000Yen, 太貴了, 不過無計, 所以可能的話, 都係自備罷!

至於海遊館, 其實都係為小朋友才去, 感覺同海洋公園的差不多, 分分鐘海洋公園的較好, 不過, 花2小時去一個景點, 都OK, 小朋友都會很開心!它位於天保山, 大阪梅田過去都需要半小時, 入口有一個摩天輪, 不過我地因為已經坐左Hep Five的那個, 所以無再坐! 再者, 我都係prefer晚上才坐, 浪漫好多!

小小分享希望幫到你!

私人傳訊

KLLP

積分: 15143

2018復活節勳章

19^#

發表於 07-4-3 13:02 |只看該作者

Re: 有無人

*.* 寫道:
Hi cheapbombom,

我會4/5出發去大板,但係會跟團去的.
我參加的團有一日會去環球片場,請問你fast pass係邊到可以買呀,幾錢呀?

thanks!

我上次去大阪跟東X遊, 去環球片場前一天, 佢有問大家要唔要買fast pass, but 佢advise 我地唔駛買, 因唔係假期, 唔要排好耐, 最終都真係唔要排好耐

你不如去到, 聽下導遊個意見law, 因為fast pass 都唔平, 而且只係限幾種遊戲

私人傳訊

*.*