吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 豪宅的定義?!

樓市動向今日: 2|主題: 74594

收藏本版

發帖

返回列表

跳至頁

查看: 1979 | 回覆: 5

豪宅的定義?! [複製鏈接]

Allie

男爵府

積分: 6007

1^#

發表於 06-4-14 12:17 |只看該作者

豪宅的定義?!

轉貼:

對於今時今日全部樓盤都聲稱自己係豪宅我有點不敢苟同，到底「豪宅」呢一詞係咪已經被完完全全地濫用呢？如果只靠包裝同市場推廣策略，捧到自己個盤上天，但實際價值就並唔係呢個豪宅價，又係咪物不所值呢？

我對豪宅始終有幾樣離唔開的定義。

第一，首先唔係一層八到十個單位，幾十層樓高，同千幾二千戶用埋同一個會所設施同在繁忙時間要爭電梯搭。入到電梯撞到甩頭甩髻，你眼望我眼好似好唔妥咁，試問咁樣又點會住得舒服呢？相反，應該係一個恬靜的環境，座與座之間屬開揚設計，一梯兩三伙甚至係一伙，有私隱之餘又唔會住到幾十層高要等電梯都等到冇命。

其次，環境要舒適同埋景觀有保障。香港發展一日千里﹙其實正確應該話填海同埋響你屋企前面起高樓﹚，要有個唔會望到人地響屋企做乜的單位確係幾困難，但亦正正解釋點解物以罕為貴呢個從來都不變的定律。

第三，位處地段一定要係優越，交通唔一定要方便，因為通常住得起呢種貴價樓的人都有賓賓或者私家車，但所處位置最好係傳統名校網﹙有好事業當然想子女繼承﹚或者私隱度較高地方，而唔係日日車水馬龍，人來人往的地方。

第四，會所設施同支援服務一定要足夠，因為平常作息時間已經非常少的香港人，如果返到屋企樓下或者入會所唸住消閒，但換來卻係一肚氣同埋如果係唔放心將小朋友流在會所玩，咁樣無形會加重家長的壓力。如果響會所唔可以取回生活平衡點，就難以應付日後繁重的工作啦。如果係優皮一族，冇得請個管家專門上來服務打點屋企，又確係要忙埋家務果份。

其實或者你會同我講，咁你講晒啦邊有咁可能呀，但不如我叫你返轉頭唸唸，你有冇發覺而家冇左好多一二百萬上車樓﹙哩，果時報紙仲寫住好多上車盤呢個ｔｅｒｍ呢﹚，仲多左好多咩頂層複式單位、特色單位咩露台單位，種種巧立名目說法。其實只係有人玩緊把戲，將樓盤重新包裝同定位，令一群完全唔做入市功課同實地考察的買家入局，買完先呻笨同後悔，都係因為當初佢地真係當正或者以為住緊果度係豪宅嘖！

如果唔係，又點會仲有人肯花幾千萬買間南區大屋呢回事呀，總括一句，豪宅係被外界認同同評定出來，而唔係美其名造出來的。

私人傳訊

conniechan1975

禁止訪問

積分: 16556

2^#

發表於 06-4-17 12:24 |只看該作者

Re: 豪宅的定義?!

提示: 作者被禁止或刪除內容自動屏蔽

私人傳訊

GreyParrot

大宅

積分: 1708

3^#

發表於 06-4-17 21:51 |只看該作者

Re: 豪宅的定義?!

豪宅應該係中兩三次三千八百萬六合彩都買唔起，勉強買到都冇錢裝修同交管理費。住豪宅d人屋企唔止一個工人，仲有司機，d賓賓揸車去買餸。工人同主人分開電梯。

http://www.baby-kingdom.com/index.php?uid-34397-action-spacelist-type-blog

私人傳訊

mission

子爵府

積分: 13831

4^#

發表於 07-4-9 09:51 |只看該作者

Re: 豪宅的定義?!

公屋地區居屋質素都叫豪宅？

豪宅定義已經被無限擴大，甚至乎無處不在，一個唔小心就會真假豪宅難分， krisyip 早前《香港討論區》列舉 10 個新近樓盤，叫網友投票邊個豪宅最假，最後投票搞唔成，但網友反而各抒己見。

有錢人通常住得好寬敞，單位密度低先保持到私隱，諒虜之父有感而發：「幾百個單位質埋一座樓，全部都不能稱豪宅。」

單位要千五呎以上

Joe1970 反對：「原來高樓大廈多單位就唔可以係豪宅，咁中半山地利根德閣、陽明山莊、禮頓山都唔係喎。新界小鄉村屋就係豪宅。」

另一邊，網友 chaulapkei 提出較具體定義，佢話：「豪者，大也，間屋一定要夠大， 500 幾 600 幾呎算咩豪宅？起碼要千五呎以上啦，大門要係子母門，要有工人房、工人廁，要有後門畀工人出入。」

唔止咁，佢認為單位內配套設備一樣要齊，例如「要有雜物房，主人房要有衣帽間，個套廁要有兩個洗手盆，有按摩浴缸同企缸。不過，對屋企貓貓狗狗講，五六百呎或者算豪。」

城堡 + 鬼妹 + 英文歌

Wingwing514 諗起近年樓盤廣告，大都睇唔到真樓盤，實用資料就更加唔使講 ─ ─ 係冇，完全係概念廣告，佢因此有感而發咁話：「家個個樓盤都話自己豪，廣告又九唔搭八，咩貴族生活、皇族氣派，你估買城堡咩。拍個冇實樓睇廣告 + 幾個鬼妹 + 一首英文歌 = 豪宅？」

jessie888 同意：「住得起豪宅人始終都係少數，如果唔係就唔矜貴，但係賣樓都係豪宅價錢、公屋地區、居屋質素，咁就好難頂。」

http://www11.discuss.com.hk/viewthread.php?tid=3814856&extra=page%3D1&page=1

蘋果日報