我同你情況差唔多~不過唔響HK, 同埋有兩個, 少左成班三姑金婆嘈點湊爽好多。
1，生完之後，我身材走樣，胸下垂，肚紋，每次照鏡都想喊，奶奶同我媽都叫我要盡快修身，我係貪靚，但bb只係出世2個月，我忙到死，仲邊有時間搞自己？但我心好怕老公會嫌棄我變得咁醜，但諗深一層，點解我要專登迎合討好佢
唔係討好邊個, 係為左自己黎KEEP, 邊個保證段婚姻一定長長久久, 所以一定要KEEP, 同埋只有受自己既人先識愛人地。太花時間既就唔好諗, 不過KEEP FIT做MASK就一定要~
2，細路有任何問題，第一時間個個都會怪個媽咪。bb敏感，bb紋陣，bb成日喊，大家都會覺得係我湊得佢唔好。
我通常一聽就火起, 跟手一句"係喎, 攪唔掂,你黎幫我湊丫" , 即刻收聲~唔幫手就收嗲啦
3，bb既照顧，冇人幫倒忙。出街帶少張被仔，就算果日唔係我執袋，都會俾人怪
做人阿媽都要學, 你估你一黎就可以上晒手咩, 放鬆D啦~只要個BB唔係大病都冇野。
4，奶奶話染髮，整指甲對bb唔好，想扮靚都唔得，因為唔聽佢話好似唔係太尊重佢。。。我想好似出面d女人咁，可以扮靚d
我都冇, 一黎要時間, 同埋D野真係好多化學成份, 忍幾年~
5，人地睇我唔洗做好嘆咁，但每日唯一做既事就係等老公返，為佢打點一切，我有時覺得好幸福，但有時又覺得每日好似圍住佢轉咁，佢做每一件事我都好上心。。。好似除左佢咩都冇
咩冇呀, 你有BB, 同子女關係係一生一世, 咩都買唔到, 老公搵錢俾你獨佔個BB既成長片段, 對佢好D都應該, 出面D人同事都唔可以陪你一世~
6，特別係bb出世之後，我真係乜社交都冇哂。。人地約我，永遠就唔到，因住得極偏遠，出黎要跟老公車，揹住個大背囊，早上6點要開始pump奶執野，個樣緊係殘，扮靚緊係冇。。。唉。。。第日如果讀書返工又唔捨得阿bb
幾年JA, 時間比你想像快好多, 真係朋友既會等你~
好在我老公係100% family man，事業都唔錯，冇不良喜好。放工即返屋企，放假就陪佢父母，有交帶，我同囡囡。佢對我好好，每樣都好照顧我，好錫我，好包容我。
我應該好開心好幸福，點解有時會覺得好屈結？係咪我唔識做人老婆或者唔夠愛佢？
諗野正面D, 湊BB同打理家庭可以係樂事, 好多PTM恨唔到, 加油!
我有不滿就話我太認真,
你對我有不滿都最好同自己講"佢唔係認真"
費事大家冇癮~
發表於 
返回列表
