就算埋身餵都要掃風的，不過無用奶樽咁多風就真。BB喊都會入風的。BB的橫隔膜未發育成育，好易受到少少刺激就打c egg，正常的，我個女都成日打 c egg。你BB會唔會好緊張食奶？我BB會，一開始食得比較急，你可以輕輕拍吓佢，同佢講慢慢食，唔使心急，媽媽喺度有多多奶奶畀你食。我覺得佢雖然心急，但都算OK，起碼無濁親。同埋唔好等佢真係好肚餓喊得好大聲先餵，喺佢有想食的表現時（頭仔擰來擰去、嘴仔開開合合、啜自己拳頭）就餵佢，咁佢就無咁心急啦。你可以搵手指掂吓佢嘴仔側邊和下巴，睇佢有無伸脷或打開口，如有即是想食。佢打c egg時你可以繼續餵佢食奶，餵餵吓就會停，就好似大人飲水咁。
發表於 
返回列表
