Baby Kingdom - 親子王國 香港 討論區 › 首頁 › 想生BB› 吉叔勁串

想生BB

收藏本版
發帖
返回列表
跳至頁
吉叔勁串 [複製鏈接]

首頁
12345...8

尾頁
   0
花花168


複式洋房

積分: 112


1#
發表於 05-7-1 00:49 |只看該作者

吉叔勁串

今日去睇吉叔, 可能佢老人家今日心情唔好, 無啦啦比佢勁鬧一餐, 覺得好委屈, 好無辜, 想o係度呻o下.

我由今年二月起開始睇佢, BK o既姊妹話佢好串, 成日鬧人, 所以我每次睇佢時都很小心, 唔敢問太多o野, 驚佢唔鐘意, 通常等佢自己講, 而佢又講得唔多, 所以每次都只係睇兩三分鐘就走得.

今日我一坐低, 吉叔問我睇乜o野, 我話想調理身體生bb, 佢睇住我上次張藥方, 問我點解上次5月6日睇左之後, 而家先再o黎睇, 我話我之後去左旅行, 所以無o黎到. 佢跟住問我今日係M第幾日, 我話第五日, 佢話: ”我講左好多次一定要M第三日就要o黎睇, 飲7劑藥, 飲完接住又o黎睇, 再飲7劑, 谷行佢, 咁先容易受孕, 點解你唔記得? 係味旅行完就乜o野都唔記得晒?” 其實佢由頭到尾都無同我講過M第三日就要o黎睇, 佢可能同其他人講過, 但就一定無同我講過, 佢冇記低病歷, 點解咁肯定有同我講過? 講真我咁心急要bb, 佢每句話我都好留心聽同記住, 如果佢有同我講過我點會唔記得? 不過我見佢有d唔高興, 所以唔想同佢拗, 忍佢. 過左一陣, 我見佢差唔多寫完藥方, 我問佢我個底子其實係屬於寒底定熱底, 佢話: “你知o黎有乜用?” 我話我想得個知字, 佢話: “你係味知道後就自己去行動? 如果我話你知係寒底你就去食d熱氣o野, 如果我話熱底你就去食d寒涼o野?’ 我話唔係, 我一定會照你吩咐戒口, 唔會自己自作主張. 跟住我問佢咁我要戒d乜o野, 係味生冷o野唔好食, 佢好大聲咁反問我乜o野叫做生冷o野, 叫我舉例, 有無搞錯! 中醫竟然唔知乜o野叫做生冷o野? 佢分明係度玩o野, 發我脾氣, 我開始忍唔住, 唔出聲, 剛好我電話響, 我知佢又會借頭借路鬧人, 所以我即刻關機, 果然, 佢話你o既電話打斷左我o既話, 頭先講D o野, 我唔再重複o既啦. 我心唸你頭先有講過D 乜丫, 咪一路係度鬧人囉, 我好”崛”咁話: “我息左啦”! 跟住佢都知我好唔高興, 係度解釋乜o野係生冷o野, 但我已經聽唔入耳, 我個刻剩係知道我今次係o黎貼錢受氣, 以後唔使旨意我會再o黎睇佢! 比完錢後我冇講唔該就走左.

我覺得佢好過份, 你心情唔好係你閣下o既事, 唔可以發洩係顧客身上, 我付出診金, 你提供診斷服務, 大家等價交易, 冇話邊個可以大聲d, 但佢當自己係神咁, 高高在上, 你要對佢唯命是從, 不得有異議. 付出三百大元, 連問一d同病有關o既問題o既權利都冇, 想知自己係寒底定熱底又唔得, 完全冇知o既權利, 唔係丫馬, 依度係香港喎, 咁o既服務態度我絕對唔認同, 講真好o既中醫香港唔只得佢一個, 何況佢係咪真係咁勁? 想生bb又睇過佢o既姊妹自己心中有數.

其實全香港註冊中醫網http://www.drhongkong.com/new_page_1.htm仲有好多註冊中醫選擇. 話時話, 點解吉叔唔登記o既?
私人傳訊

yan爸


洋房

積分: 109


2#
發表於 05-7-1 06:39 |只看該作者

Re: 吉叔勁串

私人傳訊

olimo


伯爵府

積分: 17449

好媽媽勳章


3#
發表於 05-7-1 07:12 |只看該作者

Re: 吉叔勁串

真係好過份
我體會到你那種心情，因為我之前睇過一個中醫，都係好串
:evil:

算吧
睇過第二個囉
話唔定第二個醫師同你更加夾
私人傳訊

hihicathk


男爵府

積分: 7703


4#
發表於 05-7-1 09:41 |只看該作者

Re: 吉叔勁串

唔好唔開心0拉.

如果睇醫生睇到0甘就唔好再去. 因為我今個禮拜剛小產, 本來我諗住遲0的搵吉叔幫手調理下.而家我都打消呢個念頭.

因為要受孕, 都要媽咪心情開朗, 少壓力先可以bingo.

違規簽名-超版代刪
私人傳訊

che00rry


大宅

積分: 2860


5#
發表於 05-7-1 10:21 |只看該作者

Re: 吉叔勁串

我之前都有唸過睇佢, 不過成日都聽人講解話個吉叔好串, 而且又等得耐, 同埋我住九龍區, 所以我都冇去過, 而家佢又比人投訴, 其實又唔係唔駛錢, 費事貼錢之餘仲要受人氣.老實講, 我真係唔信全香港得佢一個中醫可以令人有得生, 妳地話係咪. 我而家睇果個都ok0架, 又方面(地鐵出口), 又唔駛等,不過貴小小, 通常睇一次$150, 開3-4日藥.
私人傳訊

CB7678


男爵府

積分: 8008


6#
發表於 05-7-1 10:34 |只看該作者

Re: 吉叔勁串

請問吉叔個地址係邊到?等我叫d朋友唔好幫襯佢 你地講得岩...全香港咁多中醫我就唔信得佢一個咁巴閉
私人傳訊

該用戶已被刪除

7#
發表於 05-7-1 10:46 |只看該作者

Re: 吉叔勁串

提示: 作者被禁止或刪除 內容自動屏蔽
私人傳訊

che00rry


大宅

積分: 2860


8#
發表於 05-7-1 10:50 |只看該作者

Re: 吉叔勁串

Platinum,
咁岩0既, 我果個都係响油麻地, 可能係同一個呀
我睇左2個月, d人都話我面色好左, 而且仲肥左幾磅.
私人傳訊

Emen


大宅

積分: 2138


9#
發表於 05-7-1 10:52 |只看該作者

Re: 吉叔勁串

吉叔好勁的嗎?

我惗都有其他唔錯既中醫....
私人傳訊

該用戶已被刪除

10#
發表於 05-7-1 10:54 |只看該作者

Re: 吉叔勁串

提示: 作者被禁止或刪除 內容自動屏蔽
私人傳訊

che00rry


大宅

積分: 2860


11#
發表於 05-7-1 11:04 |只看該作者

Re: 吉叔勁串

哦...我果個姓蘇, 係女中醫.
私人傳訊

cutie_mum


複式洋房

積分: 426


12#
發表於 05-7-1 11:30 |只看該作者

Re: 吉叔勁串

態度咁差，不和病人溝通的醫生，就算醫術再好都冇用，消費者絕對有選擇權。


而季節週而復始，尤如旋轉木馬不停的轉，我們迷失在時間的巨輪中，我們祇能回望，卻不能返回往昔的歲月，惟有在這旋轉遊戲裏不停的轉。
Circle Game - Joni Mitchell
私人傳訊

455


別墅

積分: 840


13#
發表於 05-7-1 11:40 |只看該作者

Re: 吉叔勁串

有無攪錯呀? 離晒譜! 一於叫所有sisters 唔好睇佢!
其之前我都有唸過睇, 但一來好好睇過的人都話佢寸, 而且又貴, 又遠, 所以最後都係打消左呢個念頭!
我前排睇過一個喺大圍叫東叔的中e, 又好多想要bb的都去找佢, 佢枱頭重貼左好多bb相, 應該係成功例子, 但我因為睇緊西醫所以無再去找他!
因為愛...所以等待...
私人傳訊

trees


複式洋房

積分: 262


14#
發表於 05-7-1 11:42 |只看該作者

Re: 吉叔勁串

佢份人係咁架，對病人不太友善，你唔好記向心呀
私人傳訊

mlkk


子爵府

積分: 11116


15#
發表於 05-7-1 12:10 |只看該作者

Re: 吉叔勁串

正所謂醫者父母心,佢連安撫病人既耐心都冇,好極都有限 :evil: 放心啦!香港有好多好既中醫,最緊要同您夾呀!
私人傳訊

fanipwife


大宅

積分: 1998


16#
發表於 05-7-1 12:40 |只看該作者

Re: 吉叔勁串

我30/6都係睇過吉叔wo, 佢對我好好我一早8:50分去到, 我地有傾有講, 我都有問左我係乜低, 佢又有答我wo, 因為我都係睇生bb(調理身體), 上次因內感, 所以食左內感藥先, 我又問佢我係唔係血氣唔好佢又有答我wo, 下午我12:00到我又陪朋友去, 佢又對佢有傾有講問乜答乜wo, 又叫我地唔好食乜野tim wo, 你睇$300?係唔係永樂街吉叔?佢都係香港政府註冊中醫呀~
憲泓出世6磅 2歲10個月29磅
私人傳訊

花花168


複式洋房

積分: 112


17#
發表於 05-7-1 12:50 |只看該作者

Re: 吉叔勁串

其實我都係今年1月小產左, 所以2月開始搵佢幫手調理下, 諗住調理三四個月後再開始試, 因為我年紀唔細, 心急生bb. 我2月睇佢時講比佢聽我0既情況, 佢竟然叫我可以立即再試, 咁我當然藥照飲, 但一定唔開始住, 因為即使西醫都建議小產後起碼兩三次M之後才可以再試, 中醫更叫人調理半年才開始試, 而且小產左0既bb越大, 需要調理0既時間越長, 但吉叔冇問我小產左0既bb有幾多個月大, 竟然就話可以立即再試, 我唔知佢係藝高人膽大, 定係連依d常識都冇, 雖然話心急生bb姐, 都唔係咁搵條命去博架, 你地話係咪?

我好同意hihicathk0既講法: "要受孕, 都要媽咪心情開朗, 少壓力先可以bingo", 次次睇佢都咁受氣, 點會開心? 唔開心又點會bingo?




私人傳訊

花花168


複式洋房

積分: 112


18#
發表於 05-7-1 13:11 |只看該作者

Re: 吉叔勁串

我係下午5:00左右睇0既, 我問佢d問題其實都好正路, 相信每個去睇佢0既人都會問, 可能佢見我係day 5先去睇, 而佢又以為佢已經同我講過"好多次", (但其實佢真係冇同我講過) 覺得我唔記住佢0既"聖旨", 所以開始唔高興, 之後就係咁"啄"住我.

佢之前診金係100, 而家加到120, 加埋藥費(我相信藥費吉叔係有得分返多少回佣0既), 都差唔多有300.

佢係咪香港政府註冊中醫我真係唔知, 但個網真係搵唔到佢個名囉.

fanipwife 寫道:
我30/6都係睇過吉叔wo, 佢對我好好我一早8:50分去到, 我地有傾有講, 我都有問左我係乜低, 佢又有答我wo, 因為我都係睇生bb(調理身體), 上次因內感, 所以食左內感藥先, 我又問佢我係唔係血氣唔好佢又有答我wo, 下午我12:00到我又陪朋友去, 佢又對佢有傾有講問乜答乜wo, 又叫我地唔好食乜野tim wo, 你睇$300?係唔係永樂街吉叔?佢都係香港政府註冊中醫呀~
私人傳訊

lingchi


大宅

積分: 3380

好媽媽勳章 醒目開學勳章


19#
發表於 05-7-1 14:22 |只看該作者

Re: 吉叔勁串

其實, 網上的人個個都話去吉叔度睇懷孕, 一個傳一個, 究竟成功的個案有幾多, 我不知道, 就以我同我老公去睇吉叔的經驗來看, 總覺得他被網上的人吹捧得名過其實, 而他本人又被吹捧得進入忘我境界, 對病人病態度傲慢.

至於他是否註冊中醫我不知道, 我只知去睇過其他註冊中醫, 趺打, 都要登記病人資料地址, 在診所有告示話政府規定註冊中醫要登記病人的資料的.
私人傳訊

Nail


大宅

積分: 2199


20#
發表於 05-7-1 14:48 |只看該作者

Re: 吉叔勁串

我都係睇開佢既,大約一兩年先睇一段時間,每次都係病完搵佢調理身子.佢對我無乜野喎,都有問有答架,又會問下我有冇好d精神d,仲會話埋俾我聽睇多幾多次就ok,或者話之後無乜大事唔駛屣時間黎睇,照最後張單執就補得.我宜家真係健康o左架.
其實佢個人係唔識呵護o個種關懷病人,但係佢係o個種傳統既父母中醫,雖然嚴厲,但都好想病人快d好,唔駛再搵佢.佢最唔鍾意d病人唔錫身,所以有時會慶d咯.希望你搵到個夾你既中醫啦.
私人傳訊


首頁
12345...8

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy