吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 你認唔認同以下的一番話呢?

自由講場今日: 1905|主題: 1361804

收藏本版

發帖

返回列表

跳至頁

查看: 1498 | 回覆: 13

你認唔認同以下的一番話呢? [複製鏈接]

蓁媽

子爵府

積分: 11144

1^#

發表於 07-4-23 16:50 |只看該作者

你認唔認同以下的一番話呢?

我今日有D唔開心,因為有一個朋友應成參加我小B生日會，但結果佢用了一Ｄ藉口，無嚟到．
當我今日見到佢既時候真係好唔想同佢講野，可能你地會覺得我好鬼無聊，但個中既故事好難解釋比你地聽，就是因為生日會既事而令我觸發起，原來我和她都不是想像中那麼要好，一切只不過是我一廂情願，這件事我同咗一個好朋友講，佢就同我講咗以下這番話：－
｛就是因為你太在乎佢,所以先至會去嬲佢,如果一個人對你來說是沒有影響的,你還會介意她對你做過些什麼麻.）
我聽完之後都想問問自己，我真的在乎她嗎？

私人傳訊

Asher

男爵府

積分: 8325

2^#

發表於 07-4-23 16:55 |只看該作者

Re: 你認唔認同以下的一番話呢?

我唔係好認同
呢個係誠信問題啫,明明答應咗嚟,但又突然唔嚟,
咁生日會預咗佢嘛

私人傳訊

jk67jk

子爵府

積分: 10867

3^#

發表於 07-4-23 16:58 |只看該作者

Re: 你認唔認同以下的一番話呢?

蓁媽,

我覺得未必一定。因為我也曾為一個朋友爽我約 (我仲幫佢出錢買左入場票, 解釋只係一句：唔記得左)，我嬲了她3年... 那3年來，任何有她出現的地方我也不出席。我與她只是認識已久的一般朋友吧！我在乎她嗎？一點也不是。我在乎的，可能是一度面子、一度氣。

「多元社區，和諧並存；你我出手，聾健共融」

私人傳訊

麟媽媽

王國長老

積分: 89576

好媽媽勳章王國長老

4^#

發表於 07-4-23 16:58 |只看該作者

Re: 你認唔認同以下的一番話呢?

咁你朋友有無小朋友呢？
有時做朋友除左想人地對你好，
你亦要設身處地諗吓佢喎。
如果佢無小朋友，你叫佢去生日會，
你又忙住招呼其他小朋友，
又同其他家長傾吓揍仔經，
咁你朋友會唔會好On 居呢？
而且你話佢比藉口唔黎，
或者人地真係有事唔黎得呢？

私人傳訊

芝達

男爵府

積分: 8716

5^#

發表於 07-4-23 17:00 |只看該作者

Re: 你認唔認同以下的一番話呢?

我都唔認同，你只係嬲佢放你飛機嘛！

私人傳訊

rubytang

子爵府

積分: 12706

6^#

發表於 07-4-23 17:29 |只看該作者

Re: 你認唔認同以下的一番話呢?

我認為係兩件事囉~
因為果個友人應承左黎生日會, 但又爽約, 我都會有d唔開心,
但就唔會為左咁而嬲好耐~
至於話係咪自己一廂情願當人地係你老友,
咁就真係要問自己點對人, 人地又點對你囉~
而你個朋友同你講既說話, 我覺得好o岩喎,
如果你唔在乎某人既話, 都唔使花氣力去嬲佢啦~
其實, 你老友都係度安慰緊你, 叫你睇開d,
唔好為左d無聊人, 搞到自己咁唔開心啫~
你諗下, 係咪~
每個人都有佢對待朋友既價值觀,
或者係佢既天秤上面, 你佔唔到重要既位置,
但唔緊要啦 ~ 你又唔係得1個fd, 仲有大把朋友,
o岩傾既, 咪多d來往,
唔o岩咀型既, 咪點下頭打過招呼咪算囉~
咪咁上心啦~ c 好多細胞架~

私人傳訊

Karena1015

男爵府

積分: 9099

7^#

發表於 07-4-23 17:45 |只看該作者

Re: 你認唔認同以下的一番話呢?

嬲一個人唔一定係係在乎果個人，而係在於件事係你心目中有幾重要，好似我咁以前識得一個人佢冇拿拿話我水性楊花，我嬲到即係同佢絕交，因呢件事係我影響到我既名譽，點解我要比個咁既人侮辱呀？！
唔鍾意既就唔好迫自己同人做朋友喇，我都成日怕得罪人，好多野都收埋係心，到頭來只會比人誤以為自己好重視佢，比d壞朋友恰到上心口，唔好好似我咁而家先發現呢樣野蝕底晒呀。

私人傳訊

karenlohy

珍珠宮

積分: 45556

父親節2025勳章母親節2025勳章 2025勳章蛇年勳章 2018復活節勳章開心吸收勳章最關心BB問題熱投勳章畀面勳章

8^#

發表於 07-4-23 18:18 |只看該作者

Re: 你認唔認同以下的一番話呢?

我同蓁媽 case 有 d 似, 我可唔可以又問吓各位意見, 我係咪好小氣 ?

我有個中學同學, 巳相識 20年啦, 我都一直以為大家好好感情, 當年佢結婚我做伴娘嘅, 我 c6 & mami 都有去飲. 後來過咗年多到我結婚, 佢都一路都好開心話做我姊妹, 後尾無耐佢話有咗 bb, 預產期喺我結婚嗰日, 佢即時話來唔到 even 中午註冊都

私人傳訊

Asher

男爵府

積分: 8325

9^#

發表於 07-4-23 18:34 |只看該作者

Re: 你認唔認同以下的一番話呢?

karenlohy
你係真係在乎呢位朋友,所以你先咁介意佢無出席,
正因為你十分著重這位朋友,所以每當你有咩開心事
都想同佢一齊分享,結婚係人生大事,但她因大肚未能
出席,到你心愛的bb出生了,她亦都有佢自己講不出的理
由已拒絕你了(或者佢真係有講不出的理由,有否試吓問
過她為何不來呢?),至於bbq就直得原諒佢,佢有咗4個月,
又要拖住個2歲半小朋友,的確係辛苦咗啲,總括來講,唔
可以話係你小氣,只係你在意這位朋友,好想同佢分享好多野,
但佢多次拒絕咗你既邀請啫.

私人傳訊

加應子

大宅

積分: 1288

10^#

發表於 07-4-23 20:19 |只看該作者

Re: 你認唔認同以下的一番話呢?

蓁媽,
在唔在乎唔係重點,重點係妳想唔想同佢繼續發展,
互相了解?繼續見面,繼續做朋友?
我覺得做朋友係講心,講性格,最重要當然係人甲人.
如果只係放飛機,絕對可以體諒.
唔好嬲啦~

私人傳訊

janeleung

公爵府

積分: 27683

11^#

發表於 07-4-23 21:22 |只看該作者

Re: 你認唔認同以下的一番話呢?

我諗我明你ge感受.

因為我都試過, 就係個朋友結婚明明成半年前同我講叫我去, 點知臨結婚前幾日打黎叫我唔洗去, 我都不知幾嬲. 無再打比佢, 但過了幾個月佢打黎say sorry, 原來因為女家攞唔夠酒席所以佢要避迫抽起我.
或者佢真係有其他原因, 你試下過一排打個電話比佢.

私人傳訊

AC_138

複式洋房

積分: 242

12^#

發表於 07-4-23 22:02 |只看該作者

Re: 你認唔認同以下的一番話呢?

我估佢只當你係好普通好普通既朋友.
但你一直就當佢好朋友, 而且覺得對方一樣當你係好朋友.
依家咁, 所以你先至嬲, 又或者係失望到嬲.

我已前都有個朋友, 佢結婚都冇講比我知, 需然不在香港行禮, 但之後都冇講...I don't know why? 冇再見了, 我又失望又嬲, 我都唔知仲可唔可以當佢係朋友.

私人傳訊

AC_138

複式洋房

積分: 242

13^#

發表於 07-4-23 22:06 |只看該作者

Re: 你認唔認同以下的一番話呢?

janeleung 寫道:
我諗我明你ge感受.

因為我都試過, 就係個朋友結婚明明成半年前同我講叫我去, 點知臨結婚前幾日打黎叫我唔洗去, 我都不知幾嬲. 無再打比佢, 但過了幾個月佢打黎say sorry, 原來因為女家攞唔夠酒席所以佢要避迫抽起我.
或者佢真係有其他原因, 你試下過一排打個電話比佢.

我同你差不多, 但你朋友之後都仲有say sorry, 我o個個, 哈!
唉......