論盡家傭 今日: 0 | 主題: 134067

積分: 927

1^#

發表於 07-4-20 12:59 |只看該作者

一個咁既工人, 你地覺得值幾多分?

各位,

佢已經响香港完約兩個約, 兩個約係唔同僱主, 我係第三個僱主, 佢响我屋企超過一年啦, 大家睇吓下面寫既, 覺得佢值幾多分? 會唔會同佢續約?

基本上係做嘢一般啦, 但問題一堆:

1. 落街接放學, 只係一分鐘路程, 都要戴帽扮型.

2. 間中就嚟試你底線, 有: 响耳骨位戴耳環, 一路响屋企做嘢要一路戴住大隻介指, 工作時間畫眼線, 死口唔認. 留個剪得超碎既髮型(我覺得佢又係响度扮型扮in), 重要染埋髮.

3. 每日自己响屋企起碼8-9個鐘頭, 但係做嘢極度求其, 抺嘢係有抺, 不過係抺唔乾淨, 佢覺得自己有做咗, 冇錯!

4. 日日做既嘢, 到今時今日都重係會唔記得, 問佢, 佢就答"係喎..."

5. 做咗咁耐, 都依家佢幫朋友著鞋著襪, 都重係會整痛佢, 攪到佢瓜瓜叫, 要我幫佢著.

6. 放假永唔會早返嚟, 永遠到同一時間/分鐘就會返嚟.

講真, 你話佢好差咩, 又唔至於, 起碼冇偷錢, 手提電話又俾我keep, 淨係放假先用. 但係我覺得佢唔似嚟做嘢囉, 其實屋企好多嘢都係我自己做返, 因為唔放心俾佢做.

續又唔係, 唔續又驚請過個重差既, 煩!

大家俾d意見呀, 交流吓呀, 唔該晒.

私人傳訊

LILY媽咪

珍珠宮

積分: 41995

2^#

發表於 07-4-20 13:24 |只看該作者

Re: 一個咁既工人, 你地覺得值幾多分?

1. 落街接放學, 只係一分鐘路程, 都要戴帽扮型.
--> 佢喜歡你阻止唔到，或者大風怕涷，不過她似唔似TB
　
2. 間中就

私人傳訊

vitasoy

積分: 930

好媽媽勳章

3^#

發表於 07-4-20 13:25 |只看該作者

Re: 一個咁既工人, 你地覺得值幾多分?

其實香港的僱主都幾悲哀，唔偷錢已經叫好。我諗個個工人都係差唔多，
1.& 2. 佢個人喜好，管都管唔到
3.&4 & 6.我用過三個都係咁，死症。
5. 小朋友一定鍾意媽咪幫自已著衫，可能佢地扮野卦。

私人傳訊

大和撫子

洋房

積分: 311

4^#

發表於 07-4-20 13:26 |只看該作者

Re: 一個咁既工人, 你地覺得值幾多分?

1. 落街接放學, 只係一分鐘路程, 都要戴帽扮型.
--->可接受(個人喜好)

2. 間中就嚟試你底線, 有: 响耳骨位戴耳環, 一路响屋企做嘢要一路戴住大隻介指, 工作時間畫眼線, 死口唔認. 留個剪得超碎既髮型(我覺得佢又係响度扮型扮in), 重要染埋髮.
--->不能接受,由其係工作時間畫眼線...叫佢去搵過份工比佢畫眼線啦!

3. 每日自己响屋企起碼8-9個鐘頭, 但係做嘢極度求其, 抺係有抺, 不過係抺唔乾淨, 佢覺得自己有做咗, 冇錯!
--->工人通病,視乎你自己嘅要求接唔接受到!

4. 日日做既嘢, 到今時今日都重係會唔記得, 問佢, 佢就答"係喎..."

--->成日唔記得野,真係唔係好得...如果係小事都ok,不過如果係關係到家居安全嘅野,唔可以接受!

5. 做咗咁耐, 都依家佢幫朋友著鞋著襪, 都重係會整痛佢, 攪到佢瓜瓜叫, 要我幫佢著.
--->即係無心機揍小朋友啦擺明,死罪!

6. 放假永唔會早返嚟, 永遠到同一時間/分鐘就會返嚟.
--->咁都唔係佢錯嘅...如果你有要求佢都係咁又唔同!

私人傳訊

fsleung

民房

積分: 64

5^#

發表於 07-4-20 13:32 |只看該作者

Re: 一個咁既工人, 你地覺得值幾多分?

俾著係我，我不會同佢續約了，講真只是第二及第五、六點，若我提過佢，佢仍依然固我，即係話佢都幾放肆，我會炒佢。請另一個，起碼有機會請一個好的。再同佢續約，就即係話要我激氣多兩年。D bun bun 同印印係口黎幫你，不是給氣你受嘛，不如你考慮一下轉第二個啦。

私人傳訊

積分: 927

6^#

發表於 07-4-20 13:36 |只看該作者

Re: 一個咁既工人, 你地覺得值幾多分?

[quote]
LILY媽咪寫道:
1. 落街接放學, 只係一分鐘路程, 都要戴帽扮型.
--> 佢喜歡你阻止唔到，或者大風怕涷，不過她似唔似TB ---> 我都明, 但佢初初重堅, 係戴黑超呀. 我覺得係心態問題囉, 感覺上唔應該係工人身份做既事囉(放假我另作別論, 接放學仍然係工作時間)
　
4. 日日做既

私人傳訊

積分: 927

7^#

發表於 07-4-20 13:44 |只看該作者

Re: 一個咁既工人, 你地覺得值幾多分?

fsleung 寫道:
俾著係我，我不會同佢續約了，講真只是第二及第五、六點，若我提過佢，佢仍依然固我，即係話佢都幾放肆，我會炒佢。請另一個，起碼有機會請一個好的。再同佢續約，就即係話要我激氣多兩年。D bun bun 同印印係口黎幫你，不是給氣你受嘛，不如你考慮一下轉第二個啦。

fsleung,
佢戴飾物同化妝, 唔係一次過發生既事, 係做一樣, 係我話完, 一段時間又到第二樣, 一路係咁落去, 所以我先覺得佢係放肆緊同一直响度試我既底線, 我先咁唔鍾意.

我就係覺得佢幫唔到我, 唔係完全, 而係幫到既唔多, 主力係買餸煮飯, 我連屋企所有衫都唔駛佢洗, 只係要求佢手洗佢自己既.

有時自已返咗成日工, 重要幫佢記埋有冇嘢做漏, 真係好攰.

或者佢覺得自己响香港叫做有5-6年經驗, 唔怕冇人請卦.....有d開始本"pei"既感覺.

私人傳訊

積分: 927

8^#

發表於 07-4-20 13:47 |只看該作者

Re: 一個咁既工人, 你地覺得值幾多分?

vitasoy 寫道:
其實香港的僱主都幾悲哀，唔偷錢已經叫好。我諗個個工人都係差唔多，
1.& 2. 佢個人喜好，管都管唔到
3.&4 & 6.我用過三個都係咁，死症。
5. 小朋友一定鍾意媽咪幫自已著衫，可能佢地扮野卦。

係呀, 我覺得我地既要求真係越嚟越低....

不過話分兩頭, 我地平時唔响屋企就會鎖主人房, 可能係佢冇機會偷啫

私人傳訊

LILY媽咪

珍珠宮

積分: 41995

9^#

發表於 07-4-20 13:53 |只看該作者

Re: 一個咁既工人, 你地覺得值幾多分?

cherry_2005 ,

你咁形容工人, 佢的行為奇特 (奇裝異服又眼鏡飾物), 同懶散, 最慘講極都係咁, 教而不善, 都係放棄吧.

私人傳訊

積分: 927

10^#

發表於 07-4-20 14:03 |只看該作者

Re: 一個咁既工人, 你地覺得值幾多分?

LILY媽咪寫道:
cherry_2005 ,

你咁容易工人, 佢的行為奇特 (奇裝異服又眼鏡飾物), 同懶散, 最慘講極都係咁, 教而不善, 都係放棄吧.

LILY媽咪,
我其實心目中放棄既成數比較高, 但重係15, 16, 因為我冇時間教工人, 可能最多只有一個禮拜, 所以真係好擔心, 好彩請到個好既就話啫, 好驚請著個重差既, 又冇其他人幫到我手.

講真, 我自知太少嘢俾工人做啦, 呢樣我都明, 或者係咁攪到佢太多時間, 咪諗諗埋埋攪攪震囉, 但少嘢俾佢做唔係我錯喎, 咁既工我諗佢大把同鄉爭住做呀, 但係佢一D都冇珍惜囉. 唉....

私人傳訊

bbrma

積分: 5632

11^#

發表於 07-4-20 14:09 |只看該作者

Re: 一個咁既工人, 你地覺得值幾多分?

3 & 4. 工人通病, 罪不至炒.
5. 對小朋友無心機, 換人.

私人傳訊

mymelody2003

積分: 8643

12^#

發表於 07-4-20 14:13 |只看該作者

Re: 一個咁既工人, 你地覺得值幾多分?

其實你都覺得佢幫唔到你, 但你又冇時間教人才想續佢約啫, 但你有沒有諗過佢的表現長此下去你忍受到嗎? 佢比你收埋電話唔等於佢沒有另一個, 工人唔講電話真係奇蹟了; 不過你工人未偷過野都可以考慮留唔留低佢, 或者你試探一下佢會唔會續約才諗啦

我就係覺得佢幫唔到我, 唔係完全, 而係幫到既唔多, 主力係買餸煮飯, 我連屋企所有衫都唔駛佢洗, 只係要求佢手洗佢自己既.
有時自已返咗成日工, 重要幫佢記埋有冇嘢做漏, 真係好攰.

私人傳訊

積分: 927

13^#

發表於 07-4-20 14:18 |只看該作者

Re: 一個咁既工人, 你地覺得值幾多分?

bbrma 寫道:
3 & 4. 工人通病, 罪不至炒.
5. 對小朋友無心機, 換人.

bbrma,
哈哈, 好一句"罪不至炒", 所以我一定唔會揾自己個荷包笨, 俾多個月人工佢走

私人傳訊

積分: 927

14^#

發表於 07-4-20 14:25 |只看該作者

Re: 一個咁既工人, 你地覺得值幾多分?

mymelody2003,

1. 基本上以我脾性, 我都知我未必忍到佢.
2. 佢又真係有呢個奇蹟喎, 以我所以佢冇另一個電話, 亦都從來唔會用我屋企電話, 除咗打俾我.
3. 我試探過佢啦, 應該係我好直接咁問佢, 但係佢答"唔知"囉. 我要plan定架啦, 因為基本上我好難放假, 尤其是年假, 所以我一定唔會等佢答我囉.

私人傳訊

satu

積分: 8043

15^#

發表於 07-4-20 15:51 |只看該作者

Re: 一個咁既工人, 你地覺得值幾多分?

蠢仲可以教，　但似乎你個工人無心裝載．唔似嚟做嘢囉!

奇裝異服戴帽扮型，耳骨位戴耳環，戴住大隻介指，畫眼線，　超碎既髮型，仲染埋髮.　比我一早炒左啦，教壞細路呀　

做嘢極度求其，日常工作仲唔記得，即係無心機做，連你都覺得幫唔到手，唔放心俾佢做，屋企好多嘢都係自己做返，　仲留佢做咩呀　？　我係你就一定唔續,忍到約滿，搏一搏，請個新工人啦．
我之前個工人又懶又古惑，忍左１１個月，寧願賠錢送賊，而家新工人雖然蠢蠢地，但勤力又乖，我覺得暫時都係明智的決定　

私人傳訊

積分: 927

16^#

發表於 07-4-20 15:57 |只看該作者

Re: 一個咁既工人, 你地覺得值幾多分?

satu 寫道:
蠢仲可以教，　但似乎你個工人無心裝載．唔似嚟做嘢囉!

奇裝異服戴帽扮型，耳骨位戴耳環，戴住大隻介指，畫眼線，　超碎既髮型，仲染埋髮.　比我一早炒左啦，教壞細路呀　

做嘢極度求其，日常工作仲唔記得，即係無心機做，連你都覺得幫唔到手，唔放心俾佢做，屋企好多嘢都係自己做返，　仲留佢做咩呀　？　我係你就一定唔續,忍到約滿，搏一搏，請個新工人啦．
我之前個工人又懶又古惑，忍左１１個月，寧願賠錢送賊，而家新工人雖然蠢蠢地，但勤力又乖，我覺得暫時都係明智的決定　

satu,

:-( 我好感動啊, 你完全講中晒我既心聲...

1. 唔似嚟做嘢
2. 教壞細路, 呢點作為阿媽既覺得尤其緊要, 我用咁多心機教導個小朋友, 一個唔好意思俾佢教壞我就真係想殺咗佢.
3. 我會聽大家意見, 唔續約, 忍到完約, 希望呢舖好彩d啦.
4.

响度順便恭喜你請到好工人

私人傳訊

satu

積分: 8043

17^#

發表於 07-4-20 16:22 |只看該作者

Re: 一個咁既工人, 你地覺得值幾多分?

cherry_2005 ,

唔駛客氣 ! 我真係感同身受, 諗起我個衰工人就火燒心,

　你仲要忍幾耐至完約呀? 你個工人噤 'in' , 小心佢唔續約玩死你呀. 我當日倒數日子等新工人個兩個月，　直情屋企都唔想返，晚晚揾藉口同個女出街，又唔可以比佢知我會炒佢，廢事人志有危險，簡直人都顛 :-(

請到好工人 ...．

．．我都唔知係真定係幻象, 呢個好工人乖乖地做到完約, 我真係會鍚佢一啖！！！！

cherry_2005 寫道:

satu,

:-( 我好感動啊, 你完全講中晒我既心聲...

1. 唔似嚟做嘢
2. 教壞細路, 呢點作為阿媽既覺得尤其緊要, 我用咁多心機教導個小朋友, 一個唔好意思俾佢教壞我就真係想殺咗佢.
3. 我會聽大家意見, 唔續約, 忍到完約, 希望呢舖好彩d啦.
4. 响度順便恭喜你請到好工人

私人傳訊

積分: 927

18^#

發表於 07-4-20 16:48 |只看該作者

Re: 一個咁既工人, 你地覺得值幾多分?

satu,

我嗰個要年尾呀, 等......唉!

真係講真, 佢係打扮得in, 但人又好似唔至於咁in, 不過我唔肯定係唔係佢故意扮出嚟, 你知佢地都係訓練班出身, 响我地面前同其他人面前可以有n個樣, 或者已經响度諗緊計點玩我都唔奇. 好彩agency到而家都幫到手, 呢層我唔太驚, 但我當然唔會表露出嚟俾佢知我唔續約啦, 命仔緊要呀.

我就可能好你少少, 我跟手點都係請現成, 應該唔洗等兩個月咁耐, 但係我心目中都預留咗多d時間去揀人, 希望好彩d啦. 而家呢個當時就係炒舊工人, 情急下請既, 我都後悔當初太急啦, 試完工第二日就簽約啦. 如果當時有多少少時間, 俾我揀多幾個, 結局可能又唔同啦.

不過又真係, 如果而家呢個時勢請到個好工人, 真係"而不得"足住佢錫, 等同中六合彩一樣......點解攪到好似我地做太太既反而感激工人咁既? 哈哈哈.

[quote]
satu 寫道:
cherry_2005 ,

唔駛客氣 ! 我真係感同身受, 諗起我個衰工人就火燒心,

．．我都唔知係真定係幻象, 呢個好工人乖乖地做到完約, 我真係會鍚佢一啖！！！！ [quote]

私人傳訊

satu

積分: 8043

19^#

發表於 07-4-20 17:38 |只看該作者

Re: 一個咁既工人, 你地覺得值幾多分?

年尾．．．仲有好耐捱噃，噤你呢個應該同我炒既極品同期請噃（ｄｅｃ　２００５），　大家同期中招，真係各安天命　！！！我個極品就比我　０６年１１月炒左．　希望你個ｉｎ工人乖乖地做埋落去啦．　祝你好運啦　！　真係全部都係訓練班出身，　ｔｖｂ　唔簽佢地做戲真係走寶！！

私人傳訊