吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同甘共苦??

夫婦情感今日: 4|主題: 42705

收藏本版

發帖

返回列表

跳至頁

查看: 1389 | 回覆: 10

同甘共苦?? [複製鏈接]

謙謙媽ME

大宅

積分: 2229

1^#

發表於 07-4-27 02:24 |只看該作者

同甘共苦??

我老爺欠下咭數30萬,兩個仔代父還,每人每個月還2千多元,總共還10年(包括息其實係50萬),由於借款人是我,所以要向我戶口扣錢,大大話話都而家扣左成五萬蚊,但我可以收回的只有1/3,有時我知道我老公無錢,佢有做嘢,但唔知點解成日都無錢,所以會幫佢還住先,而另一還款人我大伯佢話有交數比我老公,但兩年後我發覺我老公無將佢亞哥啲錢交俾我,而我老公都唔係咁肯定佢亞哥有無交數比佢,佢仲同佢亞哥嘈添,還到咁上下我又唔憤氣,點解要我還呀?同甘共苦?除左呢條財務外,我結婚既時候到而家總共借左5萬蚊比我老公,即連財務total欠我10萬,每次打完簿發覺自己啲錢一個月比一個月少既時候就好勞氣,會即刻打去小我老公,話比佢知我啲錢就比你地扣晒,好忟,一忟既時候就好想每次出糧將啲錢轉走晒,但又驚佢地無錢還既時候要比財務收息,唔抵麻,其實一個問題,我應唔應該繼續幫佢呢?(如果我自己唔洗錢份糧就啱啱好,但一蚊都儲唔到)同埋我成日叫佢還錢比我,但佢又好有苦衷,我咁樣會唔會迫死佢?但真係好唔甘心,作為一個媳婦要孭上一條咁樣既財務,其實我可以點?有時真係想屎左算,而家仲有兩個仔一個工人要養,我99仲成日以為我地有錢,佢唔知佢老公有條咁既數,知但唔知幾多,所以我呢一胎佢話我老爺一個湊唔掂,要請個工人返黎,我99自己就去打風流工,煩死,呢個問題,一直到而家都未解決,你地幫下我可唔可以,又唔可以俾人知,thx

私人傳訊

心滿意足

男爵府

積分: 8910

好媽媽勳章

2^#

發表於 07-4-27 02:42 |只看該作者

Re: 同甘共苦??

你會唔會叫你老公或佢阿哥自己借返條數呀?
咁你米唔洗上身囉,其實比我就一定唔會用自己名幫佢地借,
不過你都借左啦,都唔好理呢樣野喇,最緊要快d過返條數比佢地...佢地如係肯依時還都無問題,宜家佢地咁,唔通要你還哂咩...
兩公婆話就話唔好計得咁清楚,但你係要保障自己架嘛,
唔係叫你完全唔幫,條數轉返比佢地之後,如你老公因為特別事還唔到,你幫佢比一件事,但就唔好用自己名...我講得好亂,希望你明我講乜啦

私人傳訊

siufung

子爵府

積分: 13005

3^#

發表於 07-4-27 02:49 |只看該作者

Re: 同甘共苦??

真係千絲萬縷.....
其實我覺得你算唔話得, 62 0既債都揹。問題係, 一家人就算冇計, 都要知道係大家一齊努力。呢單野最大問題係你大伯唔知有冇幫手還? 如果有, 0的錢去左你老公度你老公又唔出聲, 咁係咪你老公自己食左?
條數要清楚0的先咯, 即係大家有共識, 邊個每月還幾多, 點還法, 入邊個0既戶口, 一定要清楚, 如果唔係, 還黎還去原來得個吉, 你係借貸人, 到時比人追數0既係你。
好明白你唔開心,不過你老公唔會睇住佢老豆有事都唔理, 而你又唔會睇住你老公有事都唔理, 所以你真係進退兩難。
不如大家開個會, 講得清楚0的, 始終係用你個名借0既, 你有權知道佢地點分配還款額。仲有, 你都用左個名出黎, 冇理由要你0既儲蓄作還款0既。好好同你老公,大伯傾下啦。

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

謙謙媽ME

大宅

積分: 2229

4^#

發表於 07-4-27 03:02 |只看該作者

Re: 同甘共苦??

有時我驚我老公會無左呢個還款既責任,同埋最搞笑佢話而家有兩個小朋友,其實可以唔洗比家用我亞媽,我梗唔掣啦,佢叫我自己儲返啲錢,跟住我同佢講,我儲啲錢向度咪盞比你地洗晒,好心痛,痛左好多次,每隔兩個月就會痛一次,訓唔著,好大壓力咁,但又好似無辦法解決,但工作咁辛苦,一蚊都無得洗既感覺好辛苦,而家我大伯話入返數比我,咁之前未比我啲數,全部入我老公數,咁仲大鑊,我老公都唔知幾多年後先還返比我,佢欠我20萬,我真係覺得好唔抵,做咁多年嘢咩都無晒,真係好辛苦,佢地有樓有地又唔可以申請破產(村屋,做左按揭),多謝你地用心去睇我寫呢兩篇(論文)呀,感激不盡,此事亦令到我同我老公經常不快,嘈交

私人傳訊

siufung

子爵府

積分: 13005

5^#

發表於 07-4-27 03:16 |只看該作者

Re: 同甘共苦??

你老公好自私, 首先, 就算要唔要還錢都好, 你阿媽都要食飯, 冇可能因為同你地還錢要自己阿媽屈就。其次, 講真如果有事0既係你屋企, 你老公會唔會咁抵得諗同你地還, 犧牲比佢阿媽份家用呢??
講真, 就算你唔幫都係道理, 之不過果個係你老公0既老豆, 叫做一家人,所以先幫。但幫還幫, 都唔係話老馮。
佢同大伯, 仲有阿老爺, 都唔該生生性性合作下。其實可唔可以話你壂出黎0既錢其實係你阿媽"暗"啞底借比你0既, 你都要還番比阿媽0既。等佢唔好覺得係老婆0既錢, 有拖冇欠, 唔緊要還咁。
其實冇話抵唔抵0既, 你幫過佢地, 你個心知道你做左好0既事, 積到福0既。而且果0的都係你屋企人, 都唔計得咁多。不過真係要保障下自己, 同埋一定要佢地有責任心, 一齊清左條數, 講責任, 佢地大過你0架。
唔好唔開心, 唔好成日諗住件事, 錢係咪都要還, 如果仲加埋又失眠又唔開心又喊咁, 咁咪蝕得仲甘? 笑番啦, 明天會更好。大家好好溝通一下

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

carrie_1102

伯爵府

積分: 19211

6^#

發表於 07-4-27 03:20 |只看該作者

Re: 同甘共苦??

我都明白你既苦處...真係覺得你好唔抵...講真自己老公都係咁話啦~d $$係自己辛苦做野賺返黎架嘛~眨下眼就冇晒..真係衰d講句..自己都未掂過d $$就已經轉晒去還$$喇~不過冇辦法..果個係自己老公,又冇得唔幫..(我都試過老公有次轉向唔ok..我幫過佢一次...一出糧就轉晒d $$比佢...果一刻真係好唔開心...)我覺得你應該盡快叫你老公還返晒d $$比你...始終d $$係你既..大吉利是,第時你老公唔要你...咁點算呀?同埋唔好為左d $$嘈喇~嘈得多嗯間佢詐傻唔還比你咪衰~

私人傳訊

謙謙媽ME

大宅

積分: 2229

7^#

發表於 07-4-27 03:24 |只看該作者

Re: 同甘共苦??

其實得我老公同大伯知我自己還,我老爺奶奶唔知,咁先煩,我幾想俾地知,有時諗諗下,供款人係我,但層樓係我老爺,到時唔還錢,等嗰啲人打俾我唔聽咁就會打俾我老爺,咁由佢自己同兩個仔傾,真係好多謝你地既意見呀,仲有成8,9年呀,幾時先還完呀..........

私人傳訊

米米女

別墅

積分: 728

8^#

發表於 07-4-27 04:13 |只看該作者

Re: 同甘共苦??

之前D數可能好難追, 呢刻最緊要係佢地每個月會俾錢你還錢, 好彩你大伯果邊搞掂, 你老公果邊你試下佢一出糧就問佢攞先, 到月底佢真係唔夠錢用先幫佢.

私人傳訊

tweetybird

男爵府

積分: 5929

9^#

發表於 07-4-27 09:30 |只看該作者

Re: 同甘共苦??

點解當年係你大伯入錢俾你老公唔係你？你大伯亦應該知道錢係由你還，無奶油仲要入錢俾個細佬的。

我同意其他媽咪的講法，分別叫你老公和大伯去借錢將你條數還左先，借唔到咁多都唔緊要，總之有幾多借錢多，盡量將你自己條數減細..有起事上來都唔使咁甘先。

坦白講，兩公婆的野其實真係無得計當初你出了幾多，他又出了幾多，最緊要就係俾個一刻你係心甘情願俾的。以前的數真的好難計的...

如果他個個月都餐餐清的，最多可能的就叫你老公將份糧出係大家的聯名戶口，他無card的，每個月俾番基本的使費俾他，唔夠先再算。他發老脾都無用的，因為家他有份，小朋友他都有份，老豆的債就真係無你份呢..要計都係他自己去幫他還，但點數都唔到你啦..

當初，可能叫你老爺破產還好過家下你咁辛苦..無了陣樓咪租屋住先啦..平有平租..唔使家下每個月要俾幾千銀出來..你有小朋友你自己都要為自己打算下。