論盡家傭 今日: 0 | 主題: 134060

積分: 574

1^#

發表於 07-4-5 14:34 |只看該作者

工人唔認虐老，死 lur一個月通知金！

轉左新賓賓（上一個僱主做左八年）至今四個月，佢上工就誓神劈願會好好照顧我老豆（八十歲），依家：
1.我阿爸瘦左十幾磅（佢淨係煮公仔麵加腸仔）
2.我阿爸行動緩慢，佢唔同佢去廁所，淨係俾片佢！
3.遇到樓下看更阿姐，佢話無見我阿爸落公園幾個月
（以前天氣好，每日都落去，我阿爸每次都會同看更阿姐揮手，所以阿姐認得佢！）佢攪到阿爸淨係臥床，由於好少活動，依家弱到唔能夠坐起超過五分鐘！:cry:
4.問佢點解 d鬍鬚剃唔淨，佢話妳阿爸郁黎郁去！
點解唔同佢沖涼，佢話妳阿爸唔肯！點解咁遲至食 lunch（兩點半至食，我地規定佢三餐要7am、12pm同6pm）妳阿爸今朝十點至食早餐！點解…，妳阿爸…！我都好悶同憫憎！

既然佢話阿爸成日訓，應該好多時間掃地，但我地輪流返去，每次個地都黑麻麻，連掃地都懶！

個雪櫃 d菜爛晒都唔煮！俾錢佢買送，佢就買十幾蚊條餅俾自己食或者買蛋糕話俾我老豆食（佢有糖尿病！）每次問到佢點做野架，佢就喊到出眼淚話：I try my very best！God know！真係人神共憤！

我地養左兩隻狗十幾年，佢黎左之後，大年初三，隔離捉住我阿妹投訴有臭味！警告完隻死野，一星期後，個鄰居又同我阿妹講，佢地依家唔敢開門！問佢永遠答妳：I try my very best！God know！跟住我地發現 d狗糧無mud消耗過！兩隻狗見到人表現好肚餓！:cry: 跟住隻腳仔仲發炎含農！

起初以為佢無人指示，於是我捱義氣，叫佢每朝六點打俾我（我阿女到依家仲晚晚起身，我arm arm 訓著電話就到，我都好辛苦，好無奈！但為左阿爸無辦法！）我教佢煮早餐，同確保佢起左身，我老豆唔駛捱肚餓！

我地知道事態嚴重，先試下搵老人院，但搵唔arm，後黎決定由我阿妹日日返屋企睇住下，同時搵arm工人就炒佢！我阿妹日日當然有好多好激氣既發現！明明關埋房門（八點未夠）講電話，佢死口唔認，話開著收音機。妳鏟佢：mud妳會同收音機講野咩？佢先無野講！

廚房個窗有油漬，問佢佢就話係落雨，我問返佢咁點解 d雨水無衝走另一邊窗 d塵，佢至收口！:tongue:

arm arm收到電話，我細佬妹發現台面有五隻杯用過無洗，有兩隻裡面 d茶葉勁發mould（起碼幾日無洗！我叫佢地影左相）！我今朝已警告佢我細佬（出糧俾佢果個）會返屋企，要執乾淨 d野！我懷疑佢有心要我地炒佢！我地都想，無奈跟住我老豆無人睇點算好！一諗到我阿爸養大我地，眠乾睡濕，供書教學，依家俾人咁樣對待，我就好唔開心！我都唔止喊過一次！我依家想報警，告佢虐老，但舉證係咪算不足呢？就算唔告佢，佢依家已擺明示威，我地應該即炒佢，但跟住我阿爸又點算呢？唉！我應該點算好！ :cry: :cry: :cry:

今日我個工人放假，我打字咁耐，bb就喊咁耐，但唔講我會抑鬱！ :cry: :cry: :cry:

私人傳訊

積分: 3552

2^#

發表於 07-4-5 14:39 |只看該作者

Re: 工人虐老，我應該點做？！

wan-wan-ma ,
contact fa,我地順便做埋...

私人傳訊

viscattery

積分: 3393

3^#

發表於 07-4-5 16:41 |只看該作者

Re: 工人虐老，我應該點做？！

同agent 講,話請個工人係想照顧爸爸,但佢做得好差,無餐好野比爸爸食,出warning letter, 出夠三封佢就要走,水都無得補....當初一早知道要照顧老人家,依家做得o甘差,我係你我連個agent 都柄埋!!...sorry... 我好贈工人蝦老人家,所以好懆!!!

私人傳訊

ellawyc

公爵府

積分: 26643

好媽媽勳章

4^#

發表於 07-4-5 18:15 |只看該作者

Re: 工人虐老，我應該點做？！

wan-wan-ma,
快d出去搵間私家老人院, 帶你爸爸入去住先啦, 一萬幾千都要使架啦, 唔好再比機會隻野咁對老人家.

自己照顧到梗係好, 冇辦法起上黎, 老人院都好過工人. 起碼咁多個護理員, 點都有好有唔好; 工人唔好就硬食.
唔好唔開心, 有咩上黎呻吓.

私人傳訊

ballchi

洋房

積分: 415

5^#

發表於 07-4-5 19:31 |只看該作者

Re: 工人虐老，我應該點做？！

怏d揾安老院安置個老人家先.到時佢玩野你爸爸就慘啦.炒就sure啦.对個工人都吾好鬧得太厲害你哋吾係到你老人家修晒

私人傳訊

winnie_sh

子爵府

積分: 10622

醒目開學勳章

6^#

發表於 07-4-5 22:40 |只看該作者

Re: 工人虐老，我應該點做？！

wan-wan-ma,

不如你快D搵老人院安置你爸爸啦，我都有呀嬤住過，老實講可以做到兩方都開心，老人家又有伴，我地做子孫咪密D去探佢囉！我果時一個月去4次，呀嬤唱粵曲唔理我，話阻住佢玩添，到佢走之前，話後悔唔早D入老人院，有咁多朋友陪佢行埋最後，好過屈係屋企等死喎！

另一方面睇，老人院真係你所講，都好難搵到間好，慢慢同兄弟姊妹商量下，咁落去唔係辦法。

私人傳訊

cat_house

積分: 4108

7^#

發表於 07-4-5 22:47 |只看該作者

Re: 工人虐老，我應該點做？！

你阿爸既情況﹐我會信老人院多過信工人。d工人精到死﹐你阿爸無反抗之力你地又唔睇得咁多﹐個工人肯定偷懶乜都唔做啦。再請都係一樣。老人院再差都有基本照顧﹐好嗰d仲可以有朋友﹐同埋有乜事肯定第一時間通知你地﹐好過信工人啦。

私人傳訊

積分: 3552

8^#

發表於 07-4-5 22:55 |只看該作者

Re: 工人虐老，我應該點做？！

唉...除咗虐兒...其實虐老都係比較嚴重...有次睇電視專題果d特輯,話而家政府開始都注重虐老既問題....

私人傳訊

FA8866

公爵府

積分: 28578

好媽媽勳章醒目開學勳章

9^#

發表於 07-4-5 23:02 |只看該作者

Re: 工人虐老，我應該點做？！

嘻嘻,各位,ok啦.wan-wan-ma 有方向啦.

wan-wan-ma ,
您睇,BK幾多人關心您,記住唔好唔開心,事情總有解決既辦法既,有咩唔好匿埋唔開心,上黎BK呻下,個人都會開心d.[img align=left]http://smileys.smileycentral.com/cat/4/4_1_201.gif[/img]

私人傳訊

florence852

複式洋房

積分: 488

10^#

發表於 07-4-5 23:09 |只看該作者

Re: 工人虐老，我應該點做？！

最憎人下老人家，快搵老人院啦，唔知邊間好就問社工，駛多少少錢啦！等新工人到或老人家覺得老人院好呢！

私人傳訊

Sammiy

積分: 4485

11^#

發表於 07-4-5 23:54 |只看該作者

Re: 工人虐老，我應該點做？！

快快搵老人院,老人院有適當同合格護理人員,
加上有糖尿病，一定要小心飲食架！

請工人同老人院用既錢差唔多,
如果經濟有問題可以申請政府支助既老人院、
緊要老人院有適當照顧。

工人養佢一個都成$5000人工+稅+一曰三餐

(未計每曰買餸$+其他雜費$e.g.水電煤)

所以快快搵老人院啦.可必養個衰工人

私人傳訊

積分: 574

12^#

發表於 07-4-6 00:06 |只看該作者

Re: 工人虐老，我應該點做？！

多謝咁多位媽咪支持同關心！

今日係清明假期，想搵個社工頃下都無人采！（佢地放晒假！）但係我就發現阿 FA 比社署個社工仲 Pro.

我諗住妳地係假期都唔得閒采我，到睇到妳地既回應，我真係好感動， bk真係好溫情！

:-P

私人傳訊

winnie_sh

子爵府

積分: 10622

醒目開學勳章

13^#

發表於 07-4-6 11:36 |只看該作者

Re: 工人虐老，我應該點做？！

wan-wan-ma ,

最緊要係大家都有父母，都知道老o左後會點，咁你爸爸有病，請工人真係唔得，一來無專業資格，二來主要係無耐性同愛心，係老人院做果D，一來有資歷，二來有無心都好，都會有機制去監察運作同可以投訴，對於老人家，都係一個好選擇

私人傳訊

ellawyc

公爵府

積分: 26643

好媽媽勳章

14^#

發表於 07-4-6 13:40 |只看該作者

Re: 工人虐老，我應該點做？！

同意呀, 起碼老人家唔會連食都冇得食, 唔會連涼都冇得沖咁陰功!
我爸爸初初都好抗拒住老人院, 我地係呃佢去住.....住落佢都覺得可以, 就唔介意了 (其實佢當時已經照顧唔到自己, 請工人又溝通唔到, 都冇得介唔介意).
佢住老人院時, 我地幾兄弟姊妹同我老公輪流探佢, 總之日日都有人到, 唔係佢以為我地掉低佢唔理.

winnie_sh 寫道:
wan-wan-ma ,

最緊要係大家都有父母，都知道老o左後會點，咁你爸爸有病，請工人真係唔得，一來無專業資格，二來主要係無耐性同愛心，係老人院做果D，一來有資歷，二來有無心都好，都會有機制去監察運作同可以投訴，對於老人家，都係一個好選擇

私人傳訊

LEON

積分: 2010

15^#

發表於 07-4-6 14:02 |只看該作者

Re: 工人虐老，我應該點做？！

wan-wan-ma ，

TKO的胡平護老院值得推介，直屬靈實，自付盈虧經營，收費中上，但環境、護理、甚至員工上下都好好！我外婆住左半年，當時我幾乎日日去探，社工都識埋，你不妨walk in去參觀了解下先，應該不難有位的！老人家有d朋友仔一齊傾下講下冇咁孤獨架！

私人傳訊

SandraLo

珍珠宮

積分: 33215

16^#

發表於 07-4-6 21:36 |只看該作者

Re: 工人虐老，我應該點做？！

wan-wan-ma ：

如果未揾到老人院，装個cam

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 3552

17^#

發表於 07-4-6 22:05 |只看該作者

Re: 工人虐老，我應該點做？！

wan-wan-ma ,
我十分明白你請工人照顧老人家既感受..因為喺舊年我真係比隻衰印激到我嘔白泡...我差唔多要日日生長水又遠要出去"夾"實佢...雖然我媽有時真係唔抵爭兼惡頂(有個mom就聽我呻過架喇)...但隻死印亦冇奶由半年多嚟都要婆婆煮埋飯比佢食...又要細佬放工十一點幾返嚟開機洗衫加麻...果排日日出去篤住佢,鬧佢都鬧到我聲沙....連我家姐都出動埋...唉..d仔又唔多理野(男人係咁個噃)....唔通唔理阿媽咩...

所以我真係好明白你感受...因為佢地始終養大我地加麻...

私人傳訊

積分: 574

18^#

發表於 07-4-7 15:46 |只看該作者

Re: 工人虐老，我應該點做？！

開門見山：

妳講「中」晒個情況！

我地見情況唔妥，一個月前我同細細妹已想搬阿爸去老人院，無奈大佬認識好多老人家入完院舍仲差左，細佬又擔心阿爸（唔識 so so）適應唔到集體生活，一齊頃過不過達唔到共識。最後大細妹好好，拍心口趁轉工時期每日返屋企督導下。我當時高興都黎唔切，有什麼比仔女照顧老豆更好！只係月中佢要考試，呢兩個禮拜都睇唔到阿爸。隻衰野好似知道，所以更加放肆！放兩隻發moid 茶杯係台面！無奈我自己住係對面海，老公又唔係香港，自己一個人湊緊三個細路，邊度有咁多精力去接力！

另外搵起人先知艱難，事關要搵個大大隻執得起我阿爸（隻衰野上工以來，我阿爸跌左落地五次都有多！佢可以俾我阿爸訓係冰涼地磚上一個鐘唔諗辦法！

）有經驗湊老人家 o既亦少，肯湊阿公 o既就更少。符合以上條件，又要搵個聽得明廣東話/英文就更少！要搵 o岩人真係 mission impossible！

私人傳訊

積分: 3552

19^#

發表於 07-4-7 15:58 |只看該作者

Re: 工人虐老，我應該點做？！

wan-wan-ma ,
有冇諗過泰傭呀??聽講照顧老人家佢地會好d...

私人傳訊