吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 神經衰弱

婆媳關係今日: 0|主題: 27775

收藏本版

發帖

返回列表

跳至頁

查看: 1215 | 回覆: 12

神經衰弱 [複製鏈接]

RockMusicLover

男爵府

積分: 6081

1^#

發表於 13-12-10 18:47 |只看該作者 |倒序瀏覽 |打印

前文講過我奶奶有病，但已康復，現在行得走得食得訓得，有仔女有孫好辛苦，但份人負面又唔知足，因為佢仔女話佢後生都係咁成日怨呢怨路，感懷身世，但另一方面又唔衰得，連病都要同人比較，因為佢之前有病，所以我地搬埋一齊同住，但聽佢呻得多，由最初慢慢勸，勸一勸由分鐘到3個鐘不等， (佢日日呻，你返工前呻，你放工連鞋都未除佢就抱怨) 勸完佢好開心，猛話好在有你開解，但真係好累。

後來索性唔理佢，叫佢打俾自己仔女，我日日都講講到口臭，佢會擺出個可憐的表情，我有時忍唔住，好似好慘咁，又勸，但自己心情就好差。因為勸人都好花精神，好佩服d社工同心理醫生，佢地真係好偉大。。。

而家因為有幾次俾佢搞到情緒好緊張，連個仔笑笑我都無mood抱佢同佢玩，因為個仔一面笑笑，佢就一面嚮後面煩，話老左無用呀，呻成日要覆診呀，怨d人掟狼振英呀，怨陳振聰點解咁衰呀，怨另一個仔唔係成日睇佢呀咁。。我話佢知我好累，我唔舒服，唔夠訓，你唔好同我講，你同d仔講，佢又唔開心，又擺出個好可憐既樣。搞到自己好似好衰咁，人地講野都唔聽 (.但佢不斷重覆，有佢呻無我呻，成日要你tum)

我而家返工前，除左叫佢一聲奶奶早晨後，我直情唔唔問佢野，唔問佢食左早餐未，因為只要少少野就trigger到佢呻 (例如: 有食，唉不過我而家淨係食麥皮，唔可以食雞蛋呀，呢樣唔食得果樣唔食得好慘啊) 我有時甚至直頭唔望佢，因為佢會擺出個好慘想你tum既樣，其實各位要鬧我我都要講，如果唔係年紀大，唔係我奶奶，而係我仔女，少少野就翁起個面扁起個咀要人tum 。我真係想兜把星埋去。當然唔會啦，我仲很理智的。

好喇，唔望佢，唔回應佢呻啦，放工都費事嚮廳坐了，食完飯，個仔訓左我未訓都返入房，我通常唔係訓覺或換衫既話，我唔閂門的，因為始終一家人，我又有個仔，成日關埋房門好似唔太好，佢而家直頭成日去你房，一個唔該就坐落你張床，猛講佢d負面野，我話個仔訓左，唔好講啦，我訓啦，聽日你打俾你個仔講啦。。。

有時趕左佢出去，佢亦會隔一陣拍門叫我出黎傾下，我話唔傾，我唔舒服。佢又俾個慘樣我。

我它公成日出trip.. 同佢講，佢只會叫我唔好理佢，我話我唔理佢佢照怨住我呀，我而家一聽到佢腳步聲我就心跳加速，我本來係好樂天，好開朗既女人仔黎，就算工作辛苦，個仔難湊，我都唔驚，但我真係就快頂唔順，已影響我生活同作息，影響親子既時間，咁負面亦會影響我地個仔。第時學埋麻麻乜都負面，少少野都整起個可憐樣要人同情，唔捱得苦，未做就話唔得，咁我生個仔出來咪害死佢？

同大伯姑奶佢地講，話佢阿媽好負面，我搞唔掂，影響埋自己，佢地淨係話唔洗理佢，當佢唱歌，根本唔明白唔係唔理就唔得，叫奶奶同佢地呻唔好同我呻，但佢地打黎或返黎果陣佢又乜野事都無，完全兩個人，都唔知幾正面，仲識話返人地洗乜咁緊張。

我就快癲，而家我唯有返到去食完飯閂門扮訓，或有時扮OT唔返黎食，唔洗對住佢個慘樣，但我少左時間同我仔玩。

0 1 0

私人傳訊

RockMusicLover

男爵府

積分: 6081

2^#

發表於 13-12-10 18:48 |只看該作者

回覆：神經衰弱

有仔有孫好幸福 (之前打錯了

私人傳訊

lolmum

禁止訪問

積分: 13848

3^#

發表於 13-12-10 18:56 |只看該作者

提示: 作者被禁止或刪除內容自動屏蔽

私人傳訊

肥妹心

禁止訪問

積分: 54592

4^#

發表於 13-12-10 20:01 |只看該作者

回覆：神經衰弱

提示: 作者被禁止或刪除內容自動屏蔽

私人傳訊

Anan3388

大宅

積分: 4418

5^#

發表於 13-12-10 20:37 |只看該作者

http://soultalk.org/chi/about-soultalk/what-makes-soultalk-unique/

游說佢打熱線，超級好！

私人傳訊

RockMusicLover

男爵府

積分: 6081

6^#

發表於 13-12-10 23:08 |只看該作者

Anan3388 發表於 13-12-10 20:37
http://soultalk.org/chi/about-soultalk/what-makes-soultalk-unique/

游說佢打熱線，超級好！

謝謝你，奶奶在我上班時已成日打俾佢既朋友吹水，反之，我自己因為唔想麻煩人，好少同朋友傾，我真切地覺得我也有這個需要去打呢個熱線，多謝你呀！

私人傳訊

gooddaynight

大宅

積分: 4948

7^#

發表於 13-12-10 23:12 |只看該作者

有睇樓主你之前D POST ，你好好，對你99好好。
唔係話衰，有無可能搬開唔再同佢一齊住？佢個人都唔知足，佢其他仔女都唔理佢，無可能你做心抱一個食哂
之前睇你D POST 我都覺得你好開朗，今次真係覺得你好辛苦，情緒好低落，再係咁落去怕你精神會有問題，對你對你屋企小朋友都唔好
我諗你要認真諗諗，同你C6傾下，唔好再同99 一齊住
與其係大家困埋一齊但係又要避開怕左佢，不如搬開見少D，咁對你O既負面影細左，你個人開心返，先有心有力閒時見面陪99，一定好過而家咁囉
你諗諗啦
我一路都覺得你99有你呢個心抱真係執到唔知寶
你都係時候要對返自己同仔仔好D

加油呀

私人傳訊

bee918

伯爵府

積分: 17252

8^#

發表於 13-12-10 23:39 |只看該作者

回覆：神經衰弱

要氹一個咁既人真係虛耗好多精力。試過好好心機氹完家人，好似舒解左個問題，第二日佢又用同一個問題向我由頭呻過，吾知係咪積積埋埋果次我覺得點解有人會咁怨天尤人，簡直人都癲直情失控喊曬發脾氣，要呻果個人被嚇左一嚇，竟然識得話我可能有D吾開心，然後行左開去。
長遠落去吾係辦法，你99其實好應該一個人自己住，過一排你地會發覺佢仍然係「活得好好」。

The only thing necessary for the triumph of evil is for good men to do nothing.

私人傳訊

zitzai

珍珠宮

積分: 35564

9^#

發表於 13-12-10 23:45 |只看該作者

好明白你心情！我婆都係咁。佢本身係情緒病／抑鬱病底，唔知你 99 係咪？

佢同我媽住，我媽住我隔離座幫我湊 b，所以基本上日日都會見到。除o左我仔＆我妹個仔呢兩個 bb（佢兩個’室’），無人會 tum 得到佢開心。今晚又唔知做乜佢連飯都唔出來同我地食。我媽又成日同我呻。

我諗個電話你俾你 99 都無用，因為佢唔會打，佢會堅決認為人地幫唔到佢（事實幫到佢o既得佢自己！)。我o既策略係，唔好 tum，佢同你講慘o野你就 ’哦’，但你又唔使避佢，你同你仔繼續做你地o既o野，繼續玩，又漏下佢同你地玩。我發覺老人家唔玩都好，o係側邊坐下睇下，有 d 人氣，佢又會好少少。講到尾老人家都係 attention seeking，佢避你一件事，你避佢佢一見到你會更 chur。唯有嘗試令佢融入。叫下佢，佢唔去唔做就算數

私人傳訊

LSHMWS

子爵府

積分: 13895

10^#

發表於 13-12-11 00:54 |只看該作者

回覆：null

我99之前都系甘，我一出左街就勁5想反屋企，簡直系恐懼

但又5識表達比c6聽，佢就以為我成日話佢屋企人，好變態，日講夜講，又系走入我房坐系到講，講到半夜2點幾

我勁眼訓都要應酬佢

c6仲要佢有佢打機，完全5理我感受

仲要佢講啲野離離去去3篤屁聽到識背，佢就永遠呻依樣個樣但又5知自己已經好幸福

不過好彩既系已經脫離苦海，如果5系我變成下一個精神病患者

依家俾一億我都5會同佢住一日

我驚啦

私人傳訊

點算好

別墅

積分: 934

11^#

發表於 13-12-11 13:32 |只看該作者

唯有搵社工睇下有冇得拆啦

私人傳訊

寶寶劉

禁止訪問

積分: 3383

12^#

發表於 13-12-11 13:55 |只看該作者

回覆：神經衰弱

提示: 作者被禁止或刪除內容自動屏蔽

私人傳訊

RockMusicLover

男爵府

積分: 6081

13^#

發表於 13-12-13 02:17 |只看該作者

回覆：神經衰弱

除了負面，也越來越霸道，佢要24小時都有仔女嚮身邊先安樂，但她行得走得，以下是今晚的對話:

奶奶: 聖誕果幾日點？
我: 我唔知呀，你問老公啦! (佢都唔想日日留在家陪佢)
奶奶: 咁你地陪我嚮屋企
我: 我唔知佢有無約人喎
奶奶: 你地出左去咁我點 (有時連我返工佢都講呢句)
我: 咁佢都想帶下阿仔出下街見下人咖，個仔已好怕生保人。又成日留嚮屋企。
奶奶: 咁你地出左去我點？叫人地黎囉。
我: 我唔知佢d friend得唔得閒喎，你都係問返佢啦。定係叫大伯同姑奶黎，或你去佢度啦。
奶奶: 扯! 要我嚮度等佢地黎呀？我又唔去佢地度。
我: 扯乜？輪流陪下阿媽唔岩？
奶奶: 佢地要去街嘛。
我: 咁我地都要去街wor. 你同你仔講啦，我唔知佢想點亦代表唔到佢。