夫婦情感

收藏本版
發帖
返回列表
跳至頁

首頁
1

尾頁
   0
咕b


伯爵府

積分: 16040

好媽媽勳章 畀面勳章


1#
發表於 07-5-25 13:50 |只看該作者

死啦....好擔心....冇咩心機.....

老公今朝叫我幫佢買報紙...一聽呢句已經知唔妥, 第一句我即刻問佢係唔係要轉工...佢話係....唉...唔知點算....
份份工都做唔長...都係做得一年半載...以前有d工佢唔鐘意做, 為咗生活頂硬上, 會返工發吓脾氣, 同人有拗撬, 跟住就成機一係佢唔做, 一係比人炒, 呢d就自己抵死, 但有d就好唔抵...好似呢份工咁, 佢好鐘意做, 好比心機做, 人哋叫佢ot, 明明放假都照去ot, 明明知道要收好夜, 自己蝕埋的士錢, 都肯ot, 為咗份工好少時間陪屋企, ...為咗呢份工佢咩都肯制, 當老細見佢做到嘢幫到手, 慢慢放權比佢, 重視佢時, 就有小人攪事攪非迫走佢, 今次呢份工老公做咗大半年, 日日返工準時, 放工例遲, 無請過假 (除咗兩日喪假), 無論文職定搬搬台台佢都去做, 只要見同事做唔掂, 唔識做, 或者自己得閒, 都會自動自覺去幫手, 希望大家快快趣趣, 舒舒服服早d收工, 但由佢升咗職開始 (但升咗職都冇人工加) , 呢幾個月都無意中聽到佢同同事講電話時話, 比人玩佢, 好受氣, 但佢都忍, 比著以前佢真係唔會咁好忍耐力, 所以我睇得出佢好鐘意呢份工, 好仆心仆命咁去為份工而返工, 但係都要比呢d小人咁迫佢...一嚟 "鄧" 佢唔抵, 二嚟為生活擔心....好煩, 好驚呀.....
私人傳訊

jacquesau


珍珠宮

積分: 35592


2#
發表於 07-5-25 13:55 |只看該作者

Re: 死啦....好擔心....冇咩心機.....

你老公升職有無請同事食
好好過每一天......
私人傳訊

咕b


伯爵府

積分: 16040

好媽媽勳章 畀面勳章


3#
發表於 07-5-25 14:09 |只看該作者

Re: 死啦....好擔心....冇咩心機.....

呢樣我真係唔知, 但我老公份人冇咩所謂, 有錢鬆動時, 同事叫請食嘢飲嘢都冇所謂, 亦知道佢平時同d同事好好, 成日一齊食晏, 收工又會講吓電話, 你幫我我幫你咁, 但我知其中有個佢阿頭, 以前我老公未升職時, 佢已經對班下屬唔好, 好多人都唔鐘意呢個阿頭, 到我老公一升職就更加針對我老公, 因為升我老公而唔係升阿頭個心腹, 呢幾個月成日都為難我老公(我老公同呢個阿頭係兩個唔同部門, 不過都有需要經常來往, 嚴格嚟講, 我老公係職權細過呢個阿頭), 我老公次次都忍, 好多次比個上司(職權大過阿頭)知道咗, 其實係上司見到, 上司事後都暗中幫我老公, 又留我老公, 叫佢唔好走, 有幾次阿頭太過份, 上司都忍唔住出聲捉個阿頭埋一二邊, 今次唔知咩事攪成咁, 係電話問老公佢又唔講, 係都話今晚返嚟講... :-(
私人傳訊

RAA


珍珠宮

積分: 35941

2025勳章蛇年勳章 2018復活節勳章 好媽媽勳章 醒目開學勳章


4#
發表於 07-5-25 15:46 |只看該作者

Re: 死啦....好擔心....冇咩心機.....

辦公室政治, 真係一門好高深嘅學問.....

私人傳訊

可愛的天使


男爵府

積分: 5839


5#
發表於 07-5-25 16:38 |只看該作者

Re: 死啦....好擔心....冇咩心機.....

咁慘！我幫你 你老公ｄ同事下．
私人傳訊

onon1022


子爵府

積分: 12600

好媽媽勳章


6#
發表於 07-5-25 17:33 |只看該作者

Re: 死啦....好擔心....冇咩心機.....

其實你擔心都無用...如果你老公決定辭職...不過你同你老公傾下...解釋比佢知道...而家搵工唔易...搵份自己鍾意既工仲難...唔好話打份工...做老闆都會受氣...係出面做野就係咁...無論係邊到做野...都會有是非...有人唔鍾意你...如果d人迫你辭職唔做...咁你辭職唔做...最開心既咪就係個d人...咁你老公咪中左計囉...只要你老公一走...佢地就有機會升職...既然你老公咁鍾意呢份工...為左呢d人...辭職無左呢份工...你老公覺得值唔值得...等你老公冷靜諗清楚...如果佢決定辭職...你都要支持佢...



[url=http://lilypie.com][img]
私人傳訊

renren


子爵府

積分: 12024

好媽媽勳章


7#
發表於 07-5-25 20:43 |只看該作者

Re: 死啦....好擔心....冇咩心機.....

如果我係你一定會勸老公留低唔好辭職,去到邊都有氣受,打工好做老板又好,一樣要受氣.既然咁鐘意份工無謂為左d唔好同事而走,咁咪好傻?做咩要避佢地,做好自己份內事就得.周星星話頭:喂,搵食啫,俾條路行下好噃
春有百花秋有月 夏有涼風冬有雪 若無閒事掛心頭 便是人間好時節
私人傳訊

飛機師


別墅

積分: 673


8#
發表於 07-5-25 22:33 |只看該作者

Re: 死啦....好擔心....冇咩心機.....

我自問都已經受盡同事歡迎, 但亦知同樣地亦有一些同事不太喜歡我. 所以話呢, 人無話能夠受盡歡迎, 只要問心無x, 對得住自己, 公司同埋同事, 放心去做. 唔使驚.
私人傳訊

PCCW2319


水晶宮

積分: 67993


9#
發表於 07-5-25 22:35 |只看該作者

Re: 死啦....好擔心....冇咩心機.....

renren 寫道:
如果我係你一定會勸老公留低唔好辭職,去到邊都有氣受,打工好做老板又好,一樣要受氣.既然咁鐘意份工無謂為左d唔好同事而走,咁咪好傻?做咩要避佢地,做好自己份內事就得.周星星話頭:喂,搵食啫,俾條路行下好噃


agree
天空之城, 快樂之地
私人傳訊

moonychan


珍珠宮

積分: 42559

叻叻勳章 wyeth冷知識勳章 2011至尊種植勳章 畀面勳章 環保接龍勳章 大廚勳章 親子達人勳章


10#
發表於 07-5-25 23:38 |只看該作者

Re: 死啦....好擔心....冇咩心機.....

你老公升左職, 証明top management係 "看好" 佢的, 叫佢沉住氣好似一向咁做, 至於果ｄ小人，遲早　ｏｕｔ啦，因為佢地冇比心機做　"公事" 只顧攪 "辦公室政治"

但如果換轉係我, 我一定唔會走住, 因為連辭職都唔怕, 怕乜同 d 小人玩大佢呀!!!!!!!
私人傳訊

小寶貝兒


珍珠宮

積分: 30295


11#
發表於 07-5-26 00:41 |只看該作者

Re: 死啦....好擔心....冇咩心機.....

moonychan 寫道:
你老公升左職, 証明top management係 "看好" 佢的, 叫佢沉住氣好似一向咁做, 至於果ｄ小人，遲早　ｏｕｔ啦，因為佢地冇比心機做　"公事" 只顧攪 "辦公室政治"

但如果換轉係我, 我一定唔會走住, 因為連辭職都唔怕, 怕乜同 d 小人玩大佢呀!!!!!!!


講得好!!!

呢個世界有人就會有小圈子, 有排擠, 避得去邊?
有冇聽過, "只要有2個人既地方, 就會有3個小圈子!!"
(你, 我, 同我們!!)

所以同妳老公傾下啦, RESIGN唔係解決辦法!! 咁樣落去張CV點比人睇呀? 每年轉一轉工, 如果只有1,2次, 其他老闆會覺得OK, 係其他人既問題, 但次數一多, D老闆好自然就會諗, 係咪呢個人本身社交方面有D問題? 點解每一間公司都做唔耐?

唔係我亂講, 好多人力資源顧問都係咁講架!!!

同妳老公傾下啦, 傾唔掂, 叫佢上黎睇下!!
我地係第三者, 好客觀既, 我又唔識佢, 佢RESIGN左我又唔會有得分既!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

禾正痴人


複式洋房

積分: 286


12#
發表於 07-5-26 01:11 |只看該作者

Re: 死啦....好擔心....冇咩心機.....

就係妳老公乜都肯做,成隻牛咁,就會俾人排斥,覺得佢搏上位,做壞規矩!

鍾意份工都要醒少少,睇下人眉頭眼額,做人唔怕蝕底係好,但係同人夾得黎,都係好高深學問.
私人傳訊

咕b


伯爵府

積分: 16040

好媽媽勳章 畀面勳章


13#
發表於 07-5-26 06:55 |只看該作者

Re: 死啦....好擔心....冇咩心機.....

噚晚老公返嚟問過佢....佢話噚日成日係公司都冇做過嘢, 比上司扣起哂d嘢, 咩都唔駛佢做, 佢噚就坐足成日, 坐到夠鐘放工...佢都唔知發生咩事, 老公本來打算直接搵上司傾, 睇吓發生咩事, 點知搵咗3次, 上司都耍佢, 唔見佢, 咁老公同過另一個部門阿頭(稱阿頭b)講過有咁嘅事, 咁阿頭b就幫佢找上司傾啦, 點知...上司都係唔傾....
我都有問老公點解會咁, 之前都同上司好地地, 老公話唔知會唔會係阿頭a(即係噚日我講個衰阿頭)係上司面前落藥....而家老公比人扣起d嘢, 坐咗成日, 老公話好似攪到佢係公司成個廢人咁, 淨係坐係度, 都唔知做咩, 好唔開心, 好難受....所以佢話要搵定份工......
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy