你好，shkln，我依家第七週，未有bb前，我已經覺得工作壓力大，因為我個工作崗位係one man bank，如果我放咗病假或一兩日假，週圍啲人就係咁打電話俾我，好似無咗我唔得，所以我有時都會為工作而喊同發脾氣，我都唔係好明，有咩話無咗邊個會唔得！
到咗依家有咗bb，我就同我老細講，有好多粗重o既我唔做得，走來走去又要快o既就唔好預我，urgent就做咗先，唔urgent就慢慢做，唔好令自己焦急，用私人時間做公司o既嘢我都盡量避免，因為我依家三個月都未夠，個胎唔穩定，要喺屋企休息多啲，touchwood有事，公司邊個會可憐我，所以我覺得雖然大肚唔係大晒，但係工作上有咩事，真係要同公司講清楚，以免影響到自己同bb，你都想生個開開心心健健康康o既bb啦！所以有咩問題就同你上司或同事提出，公司裡面，唔會因為一個人而令公司停頓呀！咁到你生o既時候放產假，佢哋咪一樣要搵人做埋你o個份，所以唔好將所有心機時間放晒喺公司，除非你要向上爬，不過都等你生完bb先啦！
（雖然唔知幫唔幫到你，但希望你日日笑多啲，開心啲！）
發表於 
返回列表
