吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請工人注意事項

論盡家傭今日: 0|主題: 134091

收藏本版

發帖

返回列表

跳至頁

查看: 70341 | 回覆: 127

請工人注意事項

12 3 4 5...7

積分: 1553

1^#

發表於 13-6-30 11:49 |只看該作者 |倒序瀏覽 |打印

本帖最後由 edgar292 於 13-9-18 00:26 編輯

見到好多第一次想請工人嘅post,又冇乜經驗,係度同大家分享吓.
1.瞭解下佢以前嘅工作狀況,工作環境.例如以前有冇老人家,細路仔,車,寵物;地方大細,房間多少,照顧人數,煮飯次數,睡覺及起身時間,諸如此類;相對你屋企,如果無咁多野做,冇咁辛苦,佢就開心d,樂意做,如果相反我就勸你無請佢啦.

2.問佢介唔介意daytime有成人系屋企,好多工人唔鍾意甚至講明唔會做.

3.如果你要佢系屋企照顧bb,冇得落街,問佢介唔介意先,因為有d工人可能以前有得時常出街,可能會吾慣.

4.回答一啲問題時，例如介唔介意照顧寵物,老人家細路仔女,有需要時星期日可能放唔到假之類,通常都話無問題，但如果回答時面有難色，咁你就要考慮吓.

5.有d野,例如工人唔食豬,唔食牛,要拜神,要早睡,....你要事前要瞭解清楚,睇吓可唔可以包容到.

6.見工時睇吓佢有冇好多耳環首飾，手甲腳甲油,如果有,即系平時好得閒去搞呢d野，咁你自己諗.

7.如果系香港完約,check吓佢个passport,睇下佢嘅出入境紀錄，同佢个resume夾吾夾.

8.如果系斷約,好嘅系萬中冇一,斷約原因五花八門,什麼僱主離婚，輪椅上的老人家太重,唔想出鋪頭幫手,家中小孩有智障等等,通通唔可以信.

9.吾好用朋友用過而个紹比你嘅工人，大家環境唔同,佢會比較,吾開心會向朋友投訴，俾面朋友關係你又唔可以太鬧佢,同埋佢會似熟賣熟.

10.唔好揀一d太肥嘅工人,因為食都食窮你,同埋佢好容易訓覺.

11.最好揀一d工人,唔好太多經驗,最好得兩年,以海外未黎過hk較佳,20至30歲,結咗婚同埋有小孩,有負担;太多經驗,太老,同本地嘅,會有自己嘅一套,唔聽你講,一言九頂(講一句頂十句).

12.上網查吓agent嘅口碑,有時平,包換都唔喺咁好架咋,換都未必換一個好嘅俾你,仲要有排等.check吓agent有冇領事館發給,嘅<經營許可證明>,有嘅通常卡片上面有印,或者事先上網check.

13.要打電話問多幾間agent,言談之間,你吾多吾少會feel到agent有無耐性,有無耍你,氹你要d斷約,有冇真系因應你嘅需要比d姐姐資料你揀?佢地嘅respond快吾快呢?如果快得呢又吾係你嘅要求,就即係求其,如果好耐先覆你,就即系冇貨,須然未正式俾過錢,但如果佢地都follow得好嘅話,都起碼有d誠意,所以不妨先打電話揾多幾間agent,然后等佢地覆,再作挑選,我之前都揾左十多間,區內區外都冇所為,返正都系打電話啫.

14.去接工人時,乜嘢都吾使講,太早同佢太熟冇好處.最緊要check清楚驗身報告ok吾ok.

15.工人通常初期要按月還錢,出糧嘅日子最好就一就,以免佢遲還;佢還左亦要問佢攞單睇下,以免佢吾還.

16.返到屋企,簡單介紹下間屋,話俾佢聽佢訓覺嘅地方,俾佢自己執下行李先.然后攞佢緊急聯絡電話及老家地址,以作紀錄.要佢簽家規,可以做一排先簽,太早簽反而可能吾記得晒.

17.你要話俾佢聽每日嘅流程,時間可以吾使好死,但要知道先后次序,例如抹咗玩具先，抑或抹地先，抑或煮早餐先...,要俾清晰嘅概念佢.

18.每一樣野都要示範一次俾佢睇先,要佢寫低,尤其系電器嘅操作,每樣野都要跟到十足十,用幾多洗潔精都要比指令佢,否則佢習慣左佢嘅標準同方法,就好難返轉頭.

19.最初黎嘅時候要對佢嚴格一點，唔可以寬鬆,唔可以offer太多基本以外嘅野,d野做吾到的話,就重複要求佢做到為止,吾使吾好意思,一定要嚴謹.因為佢地會不停試你底線,你要清楚俾佢知道你嘅底線.

20.千其唔好同佢講咁多私人野,太熟佢會便得鬆散,亦唔好問佢嘅過去,以免比較,或者懷念過去,如果佢問你私人野,例如問你做乜工作,揾幾錢,吾使正面答佢,你話先生/太太吾鐘意人問咁多野,你只管做好d野就得啦.

21.對初來你家嘅工人,唔多唔少要採取包容嘅態度,因為吾會有一個工人百分之百同你一樣,你自己都有時會做錯野啦.唔好淨系叫佢做,講出你要點解咁做既原因,佢會清楚的d易記d.

其實工人有無經驗唔緊要，因為每個家庭都會唔同,每一個家庭用嘅電器都吾同,每个人湊bb嘅方法都唔同,佢都要重新學習過,你都會重新教過,面試時睇得出嘅野,就系佢究竟同你溝吾溝通到,問得耐時睇下佢有無d唔耐煩嘅表情出現,呢d都系我小小嘅心得,希望可以俾到大家參考啦.

0 4 0

私人傳訊

emilysih

複式洋房

積分: 104

2^#

發表於 13-6-30 11:58 |只看該作者

回覆：請工人的注意事項

多謝分享！

私人傳訊

jacaranda96

大宅

積分: 1768

BK Milk勳章

3^#

發表於 13-6-30 13:41 |只看該作者

好有用的資訊，謝謝分享

私人傳訊

edgar292

大宅

積分: 1553

4^#

發表於 13-6-30 14:19 |只看該作者

update咗少少野

私人傳訊

iriskwokmama

大宅

積分: 1163

5^#

發表於 13-6-30 15:24 |只看該作者

回覆 edgar292 的帖子

但海外既表情真係好難睇！

私人傳訊

elliebb0913

複式洋房

積分: 177

6^#

發表於 13-6-30 16:01 |只看該作者

回覆：edgar292 的帖子

Thanks thanks

私人傳訊

edgar292

大宅

積分: 1553

7^#

發表於 13-6-30 16:42 |只看該作者

本帖最後由 edgar292 於 13-6-30 16:50 編輯

update

私人傳訊

edgar292

大宅

積分: 1553

8^#

發表於 13-6-30 23:59 |只看該作者

up~

私人傳訊

keithkk_chan

洋房

積分: 36

9^#

發表於 13-7-1 00:09 |只看該作者

My new helper said she need to paid back money to the agent but i found that the deposit slip is not the agent name but "Indonesia oversea credit"!!??

私人傳訊

maggie9900

大宅

積分: 1016

10^#

發表於 13-7-1 00:39 |只看該作者

私人傳訊

edgar292

大宅

積分: 1553

11^#

發表於 13-7-1 10:36 |只看該作者

keithkk_chan 表於 13-7-1 00:09
My new helpe said she need to paid back money to the agent but i found that the deposit slip is not ...

因為d agent 為左減低風險,吾會直接借錢比工人,而系先收左佢地的介紹費先,再張佢地嘅負責轉介給另外一些財務工司,然后按月攤還,呢个情況都好平常,吾使擔心.

私人傳訊

blue-in-sea

大宅

積分: 3666

12^#

發表於 13-7-1 10:53 |只看該作者

引用：Quote:keithkk_chan+表於+13-7-1+00:09+My+

原帖由 edgar292 於 13-07-01 發表
因為d agent 為左減低風險,吾會直接借錢比工人,而系先收左佢地的介紹費先,再張佢地嘅負責轉介給另外一些財 ...

唉！宜家我都唔知揾邊間？印印已經少，仲要揾間有信譽嘅

私人傳訊

minniepig

大宅

積分: 2910

畀面勳章

13^#

發表於 13-7-1 11:32 |只看該作者

回覆：請工人注意事項

私人傳訊

edgar292

大宅

積分: 1553

14^#

發表於 13-7-1 16:11 |只看該作者

Blue-in-sea 發表於 13-7-1 10:53
唉！宜家我都唔知揾一邊間？印印已經少，仲要揾間有信譽嘅

系要打電話問多幾間agent,言談之間,你吾多吾少會feel到d agent有無耐性,有無耍你,氹你要d 斷約,有冇真系因應你嘅需要比d 姐姐資料你揀?佢地嘅respond快吾快呢?如果快得呢又吾係你嘅要求,就即係求其,如果好耐先覆你,就即系冇貨,須然未正式俾過錢,但如果佢地都follow up得好嘅話,都起碼有d誠意,所以不妨先打電話揾多幾間agent,然后等佢地覆,再作挑選,我之前都揾左十多間,區內區外都冇所為,返正都系打電話啫.