Baby Kingdom - 親子王國 香港 討論區 › 首頁 › 懷孕前後› 分娩很恐懼+急幫

懷孕前後

收藏本版
發帖
返回列表
跳至頁
分娩很恐懼+急幫 [複製鏈接]

首頁
12

尾頁
   0
tsangv


別墅

積分: 879


1#
發表於 07-4-21 04:29 |只看該作者

分娩很恐懼+急幫

我下星期會開刀生, 半身痳醉, 因太害怕, 最初未覺甚麼, 但只餘一星期, 明知不用痛, 但心理很難克服, 現在驚到晚上不能入睡, 而驚的程度前所未有,難以形容, 常想著手術室, 自己在床上, 有大光燈......之前ivf我都唔驚, 但現在的恐懼如此大,不知怎算, 以前恨到不得了, 成日妒忌有小孩的人, 但現在竟然很害怕, 又驚自己不愛BB, 會對他不好, 又驚對BB不利,有產後抑鬱, 加上我一直很怕醫院的感覺........很想你們有人可以教我如何渡過這一關, 各位基督徒, 可以幫我嗎? 我己不斷祈禱, 真覺得自己沒有信心, 很無用, 很擔心我這樣會影響BB
我現在的方法是睡不到寧上網分散注意, 因為在床上愈想愈恐懼, 很多畫面, 咁會否好一些, 不想影響BB都驚.在之前一心想BB, 真沒想過面對分娩會如此怕,我可可如何, 找人幫手, 有無機構得呢? 求求大家幫手, 我真的很驚.
私人傳訊

Jackievv


大宅

積分: 3665


2#
發表於 07-4-21 04:44 |只看該作者

Re: 分娩很恐懼+急幫

你再亂諗野就會有產前抑鬱喇.......

你半身麻醉唔會痛,又可以見到bb,有d全身麻醉等到醒返都可能未見到bb架........

你第一眼見到bb果種喜悅好唔同架,你都係靜心等你既bb啦~~
希望係生個肥肥白白既bb啦....

你知道係囝囝or囡囡未呀??

  
私人傳訊

simonssquaw


複式洋房

積分: 123


3#
發表於 07-4-21 04:49 |只看該作者

Re: 分娩很恐懼+急幫

我都係第一胎, 仲要唔係有左好耐, 我而家都成日驚會冇左佢, 你已經好幸運喇, 都就生啦, 唔使好似我地咁一日驚會冇左。同埋, 我覺得你唔會唔愛佢o架, 咁辛苦十個月挨到佢出世, 邊有可能唔愛佢喎, 你諗多左o者。放鬆d啦, 我都試過全身麻醉, 一支針打落去, 不消五秒, 就已經冇左意識lu, 所以你唔好諗咁多啦, 你諗多左喇....咦..o岩o岩睇返, 原來你係半身麻醉, 咁咪睇到bb出世囉, 好感動喎 ^^

私人傳訊

adachui


民房

積分: 15


4#
發表於 07-4-21 04:58 |只看該作者

Re: 分娩很恐懼+急幫

傻瓜, 唔駛驚架! 我唔係基督徒, 但係我二月o係美國生左個BB. 我唔係開刀, 仲要係下半身麻醉添! (無痛分娩)
打左針, 五至十分鐘就無晒知覺架喇! 唔會痛! 但係見到bb出黎, 你會好開心! 好想錫錫佢. 我老公仲拍左video, 見証住bb出世一刻! 我成日睇番段片, 真係好甜架!
你開刀, 人地話十分鐘就攪掂架喇! 放心啦! BB出世o個刻, 你會鬆左一口氣架喇! 唔駛再怕行得快, 唔駛戒口,唔駛怕爬高爬低! 乜都食得!!

我未生之前, 一樣好多野擔心, 都有產前抑鬱啦. 老公又唔識氹我, 我都成日喊, 成日亂諗野! 不過你諗下平日BB踢你, 又聽到佢心跳聲, 你會覺得好期待架! 其實開刀真係唔駛驚架!
老公可以陪你入去生嘛? 你係基督徒, 你要信相神, 相信你自己係做得到! 唔應該噤軟弱呀! 努力呀! 生完之後記得話俾我地知, 俾相我地睇下啦!

私人傳訊

tsangv


別墅

積分: 879


5#
發表於 07-4-21 06:41 |只看該作者

Re: 分娩很恐懼+急幫

醫生同我講話成個鐘, 拿bb要10分鐘, 之後要50分鐘聯線, 我驚我見完bb之後驚到起身, 別人捉我唔到(幻想), 其實,我係好渴望能成功半身痳醉, 但我如此的驚, 我也不能了, 或者要全身才能過渡.
其實, 我這個 bb己比別人付出很多, 得來不易, 一直期待, 我,真沒想過分娩對我來說會如此的驚, 一個月前, 我還以為自己很幸福, 看見bb會感動到哭, 為開[心而流哭, 真難以控制現在的惶恐, 我頂不住了, 今早開始打算找輔導, 不想日日睡不到, 但又唔知找心理醫生定精神科好不好, 總之,我就一直想著手術室的情況, 好驚. 都控制不來. 或者我本身都係嘜都驚的人, 因為我最細, 又未有過大挑戰(不育或者是). 我真希望可以像你們一樣, 己經經驗過, 有經驗就好一些掛, 我生完一定告訴大家, 一定會幫一些與我現在心情的人, 告訴他們如何過渡. (不知我是否世上唯一會這樣的人). 因為我問他,我的醫生話佢都未試過有病人會咁驚, 去醫院(香港港安)問姑娘, 佢都話無人試過好驚, 或許我真的是唯一, 咁我真係有病了.我一直都覺得自己應有焦慮症. 很多謝很多謝你們的安慰,雖然重好驚,但 非常多謝.
tsangv 寫道:
我下星期會開刀生, 半身痳醉, 因太害怕, 最初未覺甚麼, 但只餘一星期, 明知不用痛, 但心理很難克服, 現在驚到晚上不能入睡, 而驚的程度前所未有,難以形容, 常想著手術室, 自己在床上, 有大光燈......之前ivf我都唔驚, 但現在的恐懼如此大,不知怎算, 以前恨到不得了, 成日妒忌有小孩的人, 但現在竟然很害怕, 又驚自己不愛BB, 會對他不好, 又驚對BB不利,有產後抑鬱, 加上我一直很怕醫院的感覺........很想你們有人可以教我如何渡過這一關, 各位基督徒, 可以幫我嗎? 我己不斷祈禱, 真覺得自己沒有信心, 很無用, 很擔心我這樣會影響BB
我現在的方法是睡不到寧上網分散注意, 因為在床上愈想愈恐懼, 很多畫面, 咁會否好一些, 不想影響BB都驚.在之前一心想BB, 真沒想過面對分娩會如此怕,我可可如何, 找人幫手, 有無機構得呢? 求求大家幫手, 我真的很驚.
:cry:
私人傳訊

adachui


民房

積分: 15


6#
發表於 07-4-21 07:03 |只看該作者

Re: 分娩很恐懼+急幫

你驚都係無補於事呀, 放鬆D!
BB係一個好細, 好脆弱既小生活, 需要你去保護佢架.
你要振作, 大個女架喇! 做人老婆, 做人媽媽喇!
你有無同老公傾下呀? 等佢開解下你啦!
老公既支持係好緊要架! 想當日, 我老公淨係顧住打機, 無乜點理我, 我一樣唔開心架! 再唔係, 你MSN我啦!
[email protected]
我叫ADA
私人傳訊

meiling222


侯爵府

積分: 20648

2018復活節勳章 畀面勳章 環保接龍勳章 BK Milk勳章


7#
發表於 07-4-21 13:51 |只看該作者

Re: 分娩很恐懼+急幫

Hi tsangv :

妳好呀! 我剛於上年十一月生了 BB, 也是一個基督徒, 記得我 '駝' 住 BB 既時侯, 有時都會覺得好驚同好唔平安, 一來驚生既時候會好痛, 又驚 BB 會唔正常, 又驚生左之後唔識揍, 加上我媽媽過左身, 爸爸中風住在老人院, 所以好多時會覺得好孤單同唔開心, 但好寶貴就係妳同我都有一個好大的依靠, 就是那位愛我們為我們捨己的主耶穌, 衪顧念我們聽我們的祈禱, 親愛的, 妳一定要對主和妳自己有信心呀! 子女是耶和華所給的產業, 難道衪會不祝福我們嗎?
其實生 BB 只是我們人生中一個小小的經歷, (說實在實會有D 痛架, 整 '損' 左手指都痛啦! 哈哈!) 但當妳回想就會覺得這是很難忘的經歷, 我都好似妳一樣不斷祈禱, 所以我在生產上滿了神的祝福, 我真的很感恩, 依家 我和BB也 很健康快樂, 希望妳都一樣呀! 願主祝福妳!
私人傳訊

LMCK


伯爵府

積分: 17062

好媽媽勳章 醒目開學勳章 畀面勳章 BK Milk勳章


8#
發表於 07-4-21 14:54 |只看該作者

Re: 分娩很恐懼+急幫

Hi tsangv,
你好呀, 我都係基督徒, bb都係做ivf得來的, 同你好相似. 我仲係順產添. bb而家已經四個月大, 好cutie的. 我明白你的恐懼. 我平時無mug運動的, 人又好大件頭, 我都好驚痛好耐都生唔到bb出來, 但係我地要多向好的方面諗. 最重要是神的帶領同保守, 神賜產業比我地, 係要我地做一個好管家, 試問如果神覺得我地唔得, 又點會賜小孩子比我地呢. 另外, 我地係比其他人做多好多野先有bb的, 對我地來講, 我地更加要好好珍惜神比我地的bb, 我到呢刻都好記得自己生阿仔的情形, 我好proud of自己由一開始做treatment到終於見到阿仔o個剎那, 我真的很感恩同時又好欣賞自己o個種堅持同忍耐. 我覺得我同bb都盡左好大的力量. 多點依靠神, 愛裡沒有懼怕, 因為神是一直在我地身邊, 一直保守我地. 努力湊好我地的bb, 使bb成為合神心意的人.
,
私人傳訊

beeroro


洋房

積分: 114


9#
發表於 07-4-21 17:19 |只看該作者

Re: 分娩很恐懼+急幫

tsangv,
咁啱嘅∼，我都係基督徒，又係下星期(28/4)開刀生呀,唔洗驚喎,有我陪你喎 :lol: 。你知嘛,小Ｂ係主比我哋嘅禮物外,其實主亦想我哋從中得到學習及鍛鍊....主一定會旁伴你,幫助你,只要你對主有信心...... 主被釘十字架前並無懼怕,係因為相信,你可唔可以做得到？.......記住,愛裹沒有懼怕,愛既完全,就把懼怕除去.....你愛主,愛你嘅家庭,愛你嘅ＢＢ嘛？交託比主啦,主會保守你
私人傳訊

beeroro


洋房

積分: 114


10#
發表於 07-4-21 18:03 |只看該作者

Re: 分娩很恐懼+急幫

tsangv,
你下星期幾開刀？我好想同你分享,一同經歴。我半身麻醉呀,我一直希望順產,但奈何小Ｂ好乖,36週都仲坐定定,唔掉頭,唯有開刀,最初我都好唔開心及好驚,我份人都係成日乜都驚青,過度焦慮,不過我唔想錯過由陀小Ｂ到
私人傳訊

ellawyc


公爵府

積分: 26643

好媽媽勳章


11#
發表於 07-4-21 20:53 |只看該作者

Re: 分娩很恐懼+急幫

tsangv,
輕鬆d! 手術室一D都唔恐怖架!

我2月尾在法國生, 一早起身有姑娘黎推我去手術室
佢地同推車嘅助理姐姐一路同我傾計, 等我可以放鬆d
(不過我由頭到尾都唔驚, 連緊張都講唔上, 係上到手術床有d興奮, 因為就快可以同老公一齊迎接bb)

入到手術室周圍都係人
會先泊架車埋一邊
一兩分鐘左右就入手術室
全程一路都有3-4個人陪住 (當然佢地個個都有野做)
但都keep住同我傾計
可能佢地知道好多產婦都會驚, 所以佢地會主動傾計

半麻的感覺好奇妙, 除咗你知道有人搞住你個肚皮之外
知道唔使一個鐘就見到自己嘅bb
可以親手抱佢, 同佢玩, 照顧佢
仲可以同個30幾磅嘅肚講拜拜
不知幾開心

其實成件事係好開心好美好嘅事, 唔好想咁多負面野啦
私人傳訊

Agneschoi


男爵府

積分: 6990


12#
發表於 07-4-21 22:48 |只看該作者

Re: 分娩很恐懼+急幫

我都係 下星期六 4月28日開刀.
我都從來未入過醫院, 未有過任何手術, 亦都係細女呀!
但你想想, 個個都開刀都是一樣的.
不用怕喎! 大把人陪你喎! 唔會有事的話
只要一個小時便可以見到自己的 BB!
你記得叫你老公陪產.
你會放鬆些的.
私人傳訊

bridge


大宅

積分: 2776


13#
發表於 07-4-21 23:50 |只看該作者

Re: 分娩很恐懼+急幫

tsangv,
不用懼怕呢! 我都係在5月中要開刀，我是基督徒，最近想起開刀都很擔心，老公又唔係太懂關心我，只是說人人開刀都是這樣，但當我想起自己有機會有bb並不是必然，是天父賜給我的，天父一定會看顧我，何況只不過是一個小時的手術，我最怕坐飛機，最耐坐過近5小時，想深一層，這個手術如去台北的航行時間，1個小時，而且仲可以見到bb，其實都係一件難能可貴的事，真的很多人想有這個經歷都不可以有，能經歷這一切乃是主的恩典，為何因自己的懼怕而看不見上主給我們的恩典??
希望你在懼怕裡禱告，告訴天父知道你的憂慮，主是知道的。
不要怕，只要信
私人傳訊

nicky127


大宅

積分: 1253


14#
發表於 07-4-25 12:35 |只看該作者

Re: 分娩很恐懼+急幫

tsangv,
我都同你一樣,好驚,仲好煩tim,因為我係一個船頭驚鬼船尾驚賊,15,16,3心兩意嘅人,由順產or開刀我都諗到而家34weeks,我老公同屋企人一直想我順產,但我實在太憂慮順產問題,所以而家打算開刀(所以好似冇乜人支持我),仲諗住轉醫生tim,又想搵人擇日開刀,d時間緊迫到不得了(因我預產期係6月1日,如果開刀要早兩星期左右,即5月中),又想見證bb出世,但又驚半麻,又驚傷口痛,我平時連睇牙都驚到全身振,我都唔知到時會點,但我會自己安慰自己,諗吓bb出世果刻,諗吓其實生bb點都會痛,做個偉大媽咪就咩都唔可以怕,我要保護我bb,就算將來有咩危險咩痛我都願意為我bb擋,那怕開刀生佢出嚟,自己平衡吓自己,壯大自己個膽,咁就冇咁驚ga la
私人傳訊

Little_cy


伯爵府

積分: 18372


15#
發表於 07-4-25 12:50 |只看該作者

Re: 分娩很恐懼+急幫

我都驚我有產前恐懼証, 我生第2個喇, 不過第1個已經係4, 5 年前既事 :cry:
私人傳訊

ruthcsp


別墅

積分: 660


16#
發表於 07-4-25 12:54 |只看該作者

Re: 分娩很恐懼+急幫

tsangv:

我教會姊妹係星期一半麻開刀生咗對孖女，比預約開刀仲早咗１６日．．．佢話過程好快，凌晨５點穿水，但去到醫院都無痛，７點半醫生到，打咗麻醉針，好快（８點）就聽到ｂｂ喊聲．．．佢都係第１胎，又係ｉｖｆ，但都好順利，睇佢係手術室影嘅全家福都不知幾精神，生完個晚仲話好興奮，訓唔著，同我傾咗大半個鐘電話．．．．你都會咁順利，唔駛驚，神與你同在，你出你入，神都會保守你！
私人傳訊

愛登士家庭


子爵府

積分: 10768

母親節2025勳章 2025勳章 2025勳章蛇年勳章


17#
發表於 07-4-25 13:12 |只看該作者

Re: 分娩很恐懼+急幫

記得４年前生囡囡時，我一路都好驚，直到有晚忽然穿水，我直頭驚到腳震，好啦，推入產ＲＯＯＭ，聽到人地尖叫，仲驚，打完”吹”生針，就知道原來沒得你驚，當姑娘話”生得啦”　個刻我就祈禱，同主講，”開始啦，你要陪伴住我，直到完成為止”，結果我用左２０分鐘就生左出來，感謝主啊！

所以唔好自己嚇自己啦，而家就來生得啦，心情唔好，會影響到ＢＢ　ＧＡ，你唔開心佢都會唔開心啊．我而家都係有Ｄ精神緊張，驚遲Ｄ年尾生時唔知點，不過一想到，”我要生個健康ＢＢ出來”這口號時，都要立即停止所有”幻想”．
你知道ＢＢ得來不易時，就應該放鬆，唔可以比任何野影響到你，唔好再想太多，要努力啊，我地會支持你啊．生完記得返來報喜啊．
:-D
私人傳訊

Little_cy


伯爵府

積分: 18372


18#
發表於 07-4-25 15:27 |只看該作者

Re: 分娩很恐懼+急幫

如果無痛分勉, 加幾多$左右呀…… 同埋生完之後會點架 ?-(
私人傳訊

bblove


複式洋房

積分: 297


19#
發表於 07-4-25 16:36 |只看該作者

Re: 分娩很恐懼+急幫

私人傳訊

crimson


複式洋房

積分: 480


20#
發表於 07-4-25 16:58 |只看該作者

Re: 分娩很恐懼+急幫

tsangv,

孩兒是上天回應你祈禱的恩賜,你又怎會不愛他/她呢?BB既是辛苦得來,到這個收成的時候,是值得歡喜的事啊.回想以往的努力,BB出世的過程已經微不足道了,是嗎?

我是高齡產婦,也是做ivf的,BB出世時醫生指明要開刀,否則會難產,我當時的心情也很不安.結果我都是聽醫生意見,做半身麻醉,一點都不痛,而且可以和我先生一起聽到BB第一聲喊聲,那是我聽過最動人的哭聲啊,當時我和先生都激動得哭起來.

半身麻醉的好處,是可以無痛苦的全程參與BB出生的過程,是一生回味的經歷,將來BB長大更可以告訴他/她出世是怎樣?爸媽當時又怎樣..,還有就是副作用少,手術後不似全身麻醉辛苦(醫生說的).如果你真的很懼怕,可以叫醫生不要告訴你何要開始,直至你BB出來了,聽到哭聲,你甚麼驚怕都會過去!

有一班同路人可以給你勇氣,鼓勵和支持,請CHECK我給你的"私人傳訊". :-P
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見