[唔好意思 太長氣了 打左好多字....]
∼＊candy＊∼ 寫道:
我依家同緊呀b+c6+99+62+c6細佬一齊住 一路大家都相處得好好 由其6299好鍚我 鍚我仲多過鍚佢地自己仔女 但係 好景不常 呀b5個月大個時 62中左風入院都成2個月 依家已經出左院3個月了 但係62行動不便 講唔到野了 因為99佢地個個都要返工而我雖然係全職媽媽 但係我唔識煮飯 又要照顧BB 所以99係大陸叫左親戚落黎照顧62 經過呢幾個月時間 62好左好多 佢想講D咩大約都聽得明 行路都已經唔係點要人扶[但係都仲係好易跌....]所以99就申請緊日間護老中心[不過最快都要排半年] 俾62係入邊做下運動 又可以有中午飯食 最重要係可以俾62介煙 99就希望申請到既話我可以朝早送62落樓下 因為樓下有專車接62落護老院 其實我都冇問題 我亦都願意幫手 但係 係呢個時候 我媽媽隻腳生骨刺 我次次返親去佢都會痛到想喊 無耐我媽媽一把年紀[57歲啦]都仲要返通宵班搵錢 見到自己媽媽咁樣 有邊個做女既仲忍心要佢返工呢.... 其實我同C6結婚個時 一早就相量好 申請到公屋既話 就接埋我媽媽一齊住 我就可以返工 佢幫手照顧BB又可以煮飯俾我地兩公婆食[我唔識煮....] 所以我尋晚就同C6傾 話左俾佢知我媽媽而家既情況 提議媽媽退休 我就返出黎做野 公屋審查個時先唔做 上樓再搵返工 點知C6話咁我地兩公婆點呀 我話[依家未有屋 一齊返呀媽度住先啦] C6就話[咁我屋企人點喎 一係你同呀B自己返去媽度住先啦 同埋 第時我呀爸入護老院 邊個送佢上車 我呀媽仲諗住你會幫手架]我話[咁依家我呀媽夠有事啦 如果佢依家唔做野 我又唔俾呀B佢幫我照顧 咁佢邊有錢生活呀 我一日唔做野 我都冇能力養我呀媽... :-( 至於62個度 其實專車個度都有人可以上門接62落樓 細佬又係度 未返工 佢叫幫一幫手都唔得架咩....如果我地第時公屋派到樓 都會搬出去架啦 62呢個問題 遲早都係要解決.... :-( :-( :-( ]跟住C6又開始講返我兩個呀哥都唔俾家用 點解要我一個人去負責我呀媽既生活 但係我覺得 兩個呀哥都唔俾家用 唔通我都唔俾咩....自己都生過仔 知呀媽辛苦 所以我唔可以唔理我呀媽....
結果同C6傾得好唔開心 大家都發脾氣 依家真係唔知點算好 有冇人可以教教我
米米女 寫道:
到有樓先唔做, 公屋果邊有無問題架? 好似會睇2年入息 (sorry我唔清楚但有d印象).
如果99係明事理, 你可唔可以透d風聲問下99有骨剌咩湯水好, 傾開就講埋你媽媽骨刺好痛, 你好心痛唔想佢痛成咁都要不停做野無得退休, 睇下可唔可以帶入你想出去返工個話題.
∼＊candy＊∼ 寫道:
睇兩年入息架咩@@我都唔係好知=.=
其實我99都知我媽媽既情況 佢仲叫佢大陸d親戚拎野俾我媽搽 佢都知我地第時會同我呀媽住 而且99仲係咁搵區議員睇下我地有冇得快d拎到公屋[因為我地兩公婆+呀b間房超細...得5尺x7尺....]
但係 最大問題係同c6傾到好唔開心 佢覺得我好似淨係理自己呀媽唔理佢呀爸咁....[quote]
米米女 寫道:
到有樓先唔做, 公屋果邊有無問題架? 好似會睇2年入息 (sorry我唔清楚但有d印象).
如果99係明事理, 你可唔可以透d風聲問下99有骨剌咩湯水好, 傾開就講埋你媽媽骨刺好痛, 你好心痛唔想佢痛成咁都要不停做野無得退休, 睇下可唔可以帶入你想出去返工個話題.
雲妮彭 寫道:
講開各自既家庭問題,一定唔會開心架.尤其是呢D甘爭議性既野.......所以,唔使介意.等遲D大家心情好D,再傾啦.人一定係自私,先偏幫左自己屋企先既.你老公都會一樣站係自己阿媽既立場諗.......講真,你99都算唔錯....
[quote]
∼＊candy＊∼ 寫道:
但係 最大問題係同c6傾到好唔開心 佢覺得我好似淨係理自己呀媽唔理佢呀爸咁....[quote]
發表於 
返回列表
