吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知點同阿媽相處下去.......

婆媳關係今日: 0|主題: 27769

收藏本版

發帖

返回列表

跳至頁

查看: 4394 | 回覆: 28

唔知點同阿媽相處下去....... [複製鏈接]

beubeupig

大宅

積分: 1713

1^#

發表於 13-12-30 13:27 |只看該作者 |正序瀏覽 |打印

本帖最後由 beubeupig 於 13-12-30 14:41 編輯

自小阿媽都有d脾氣,成日鬧我們三姊弟,其實佢最錫我兩個細佬,唔鍾意我,而阿爸就大家都錫,不過表面上錫我多d,由於阿爸媽都冇讀書,自小家中大細事務,申請d乜,都係我處理,阿媽有什麼事,都係搵我做

由我出來工作開始,佢睇家用好重,成日唔開心,就搵我來鬧,到我結婚了,都係俾大份家用, 到我生了大女,阿爸叫阿媽幫我湊,(佢以前幫人湊小朋友),佢要求好似同外人湊咁,加家用,煲粥加錢,幫我買bb野要當晚俾$$,

於是,阿囡日夜放在阿媽處,我同老公晚晚返去食飯,放假湊阿囡回家,到阿囡歲半時,阿媽發現腦前額有腫瘤,做左開腦手術,之後阿囡只是日間在阿媽處,夜晚我湊番,又請左鐘點幫佢做家務, 自開始湊阿囡,阿媽成日向我發脾氣,話湊仔困身,話男家d人唔幫手湊 (我冇老爺奶奶,男家只有當時70多歲的太麻),佢又成日話男家d人唔熟手,驚湊壞手勢,我已忍得好辛苦,我已提出請工人,不用佢太辛苦,但我阿爸話唔放心工人湊
p.s. 我阿媽話我屋企交通唔方便,附近又冇街市,食肆等,唔會上來我家

今年9月我生左阿囝,阿囡5歲,返上午班, 生之前已同阿媽商量好,請左一個相熟住附近的姨姨日間幫手, 阿囝日夜都在阿媽湊,夜晚我們湊番阿囡,阿囝出生時,阿媽勁發我脾氣,在醫院都俾佢在電話鬧,話我生左仔後唔理個女,在醫院時只有老公照顧我,負責拿飯俾我,坐月時亦是成日鬧,當然姨姨都有問題,不主動,不熟湊初生,幫唔到手,而我阿媽因為太辛苦(當時我在醫院,佢同阿女都病了),所以向家人發脾氣,姨姨都有反映阿媽雖然唔係向佢發脾氣,但在現場都會不太舒服,唔想做
(ps我阿媽發脾氣時,大力掟手袋,大力閂門,借鬧阿囡俾說話我聽, 做野呯呯嘭嘭,俾人知佢嬲緊)

終於,換左姨姨,搵左相熟鐘點幫手,好了一排,又是這樣,信唔過人,d野自己做,唔叫姨姨幫手,如收衫,又投訴新姨姨,人工高,但做唔到佢要求,冇分工,上午做哂,下午冇野做 etc,但呢個姨姨已在媽家做鐘點三年多了,佢日日發脾氣,但唔會講,要你知估佢想點,成日同阿囡講d難聽的說話,但其實係俾說話你聽,間中夾雜粗口,佢對我的不滿都是由阿爸,細佬,姨姨口中得知,從來唔會當面同我講......

其間已同佢嘈了兩次,但佢永遠覺得冇錯,係我做囡做得唔好,其他人幫我講好說話,佢就話人,話所有人都幫我,阿囡自懂事已好怕返婆婆度,最近仲嚴重,喊哂口話唔想去婆婆度,話婆婆惡, 見到都心痛,

阿媽近兩個月日日發脾氣,(不只我,係全家人冇一倖免),我同佢講野,唔睬,只講必須的,仲要搵人傳話,家人叫我夜晚都湊阿囝回家湊,星期六日我老公湊兩個(因我返shift,隔個六日返工),阿媽只湊星期一至五日間,都唔滿意, 但冇人知佢嬲乜,想點.......

最於,我們請工人不用佢湊,阿媽依舊發脾氣,唔睬我,唔溝通, 我成日都想改善關係,努力了幾年都冇用,約佢去街,有時約好冇端端發脾氣唔去, 我們已問左醫生,開腦手術對佢d情緒有冇影響,醫生話冇,阿媽話我們唔激佢便好,想同佢睇精神科,但唔知點講,宜家咁,更加冇得講.....
(ps我已俾一萬家用,再用八千幾請姨姨,佢話有事做,我即羅假湊仔,成日同佢去街,幫佢買野,處理娘家大小事務)

現在唯有請左工人,少見面,少磨擦

0 1 0

私人傳訊

maxifoxy

大宅

積分: 2074

BK Milk勳章

29^#

發表於 14-1-2 01:32 |只看該作者

引用：自小阿媽都有d脾氣,成日鬧我們三姊弟,其實

原帖由 beubeupig 於 13-12-30 發表
本帖最後由 beubeupig 於 13-12-30 14:41 編輯

自小阿媽都有d脾氣,成日鬧我們三姊弟,其實佢最錫我兩個細 ...

開腦手術有影響啊。最近睇咗本由荷蘭腦科權威醫生寫既書，根據做受影響既腦區，病人性情會有唔同改變。

私人傳訊

leechansandy

子爵府

積分: 11511

28^#

發表於 14-1-1 14:20 |只看該作者

回覆 beubeupig 的帖子

你老公說得對,減少見面,對大家都好

私人傳訊

littlefafa

大宅

積分: 2619

27^#

發表於 14-1-1 03:09 |只看該作者

回覆：beubeupig 的帖子

我覺得見少啲都好，有時人寂寞時先會自我反醒一下。

成日見，但又唔開心，何苦? 仲有個幾禮拜啫，加油!

私人傳訊

Ka_BB

大宅

積分: 2650

26^#

發表於 13-12-31 18:10 |只看該作者

回覆：hohinmama 的帖子

好多阿媽都係甘。

私人傳訊

hohinmama

公爵府

積分: 26606

2025勳章 2025勳章蛇年勳章牛年勳章我的育兒心得勳章

25^#

發表於 13-12-31 13:34 |只看該作者

引用：回覆+方方媽媽+的帖子真係好似呀,都有親友,

原帖由 beubeupig 於 13-12-30 發表
回覆方方媽媽的帖子

真係好似呀,都有親友,朋友話我地縱容佢的,

盡吓人事喇~妳好好㗎喇，諗到搵社工，都係個嘗試嚟嘅

可能佢自己都辛苦，唔識點同妳地表達啫

有時只係一個微不足道嘅野，已可令她改變…唔好放棄吖，幾唔着都係阿媽，仲要佢同妳湊咗咁耐B(其實，咁嘅情況，妳應及早請工人+鐘點姨姨，唔使影響到小朋友)…加油吖

私人傳訊

carolchow88

大宅

積分: 2393

24^#

發表於 13-12-31 12:22 |只看該作者

你個case 好似我,但我吾同亞媽住,忍左三年,亞仔6歲我請工人,因為之前太細請工人有陰影,而家識行識講希望吾須亞媽湊,下下都講錢,自己都比佢攪到精神病,唉,希望請到個好工人啦

私人傳訊

大肥羊

大宅

積分: 3908

23^#

發表於 13-12-31 12:20 |只看該作者

本帖最後由大肥羊於 13-12-31 12:24 編輯

beubeupig 發表於 13-12-31 11:08
呻下~

昨晚同阿媽講左工人姐姐下星期六到,佢勁唔開心,發脾氣但又唔出聲,

唔係話邊個靠邊個嘅,如果你媽太long lai, 減少d見佢你當俾個break自己囉,你唔好諗得太複雜

我都同我老公洗左腦,既然要我媽湊仔女,呢個黑面套餐大家都要硬食,只要佢錫d孫,我地大人硬食冇咩所謂,我就盡力令到個黑面餐冇咁難食囉

私人傳訊

mini1204

翡翠宮

積分: 79224

22^#

發表於 13-12-31 12:18 |只看該作者

你老公O岩喎
就算係自己阿媽都唔可以比佢無理取鬧
有心理病就要睇醫生
你絕對唔可以縱容
你再係咁會影響自己既家庭生活同埋同老公既感情
絕對唔值得; 對其仔人亦唔公平
阿媽係要照顧, 少見左你可以照樣打電話返去, 不過你預左佢無好說話聽; 你唔好理; 照打. 不過真係少見D直到大家好D先見下面.

私人傳訊

大肥羊

大宅

積分: 3908

21^#

發表於 13-12-31 12:17 |只看該作者

本帖最後由大肥羊於 13-12-31 12:18 編輯

beubeupig 發表於 13-12-31 11:08
呻下~

昨晚同阿媽講左工人姐姐下星期六到,佢勁唔開心,發脾氣但又唔出聲,

樓主,我以為你講緊我阿媽

我媽都同我湊仔女,我已經忍左佢d無理取鬧幾年,真係點做都唔o岩,我近兩年唔再啞忍,真係直接指出佢唔o岩嘅諗法,再同我妹一唱一和,佢見冇人企佢果邊,真係見到佢有改善.

你地真係唔好再縱容佢,學方方媽媽嘅方法,佢唔冷靜你要冷靜,你要有超高eq去講道理,唔開心喊完就重新振作,為左仔女要堅強d

私人傳訊

beubeupig

大宅

積分: 1713

20^#

發表於 13-12-31 11:08 |只看該作者

呻下~

昨晚同阿媽講左工人姐姐下星期六到,佢勁唔開心,發脾氣但又唔出聲,
成日都想大家平心靜氣坐低傾,但我已經好怕同佢講野,放左工都要等其他家人都回去,
我才敢返去

其他家人唔會出一句聲,由得阿媽自己發脾氣,
仲有個幾禮拜,點捱......

我們決定不用阿媽湊,都唔會cut佢家用~
但我老公見阿媽咁對我,覺得應該減少d,唔見一排,
等佢知道唔係我地靠佢,係佢靠我地~
但我唔想,始終係阿媽,係一家人,
好難做~

私人傳訊

littlefafa

大宅

積分: 2619

19^#

發表於 13-12-31 05:21 |只看該作者

回覆：唔知點同阿媽相處下去.......

做媽媽的都要堅強，加油！
有時我覺得太影響我情緒，我就會避開佢。唔係唔孝順，而係我都被迫都入死角。等大家都冷靜一排，我既經驗係會好啲。

而家有時婆婆會叫工人姐姐帶bb返去玩一個下午咁，佢無壓力，好似都無咁大脾氣。我bb之前都話唔要婆婆，依家，不知幾鍾意。

我之前同你面對的都好相似，媽媽加油，互勉之。

點評

beubeupig 謝謝! 為了小朋友,我會努力~ 發表於 13-12-31 10:57

私人傳訊

bbsukiyw

大宅

積分: 2048

18^#

發表於 13-12-30 23:02 |只看該作者

不如過多一排,你自己返去同媽咪傾下計,比佢點話都好,喊晒出黎又好,你又講下擔心佢同關心佢(千其唔係叫你數咁多年黎既怨呀)...等佢可以發洩一下.

私人傳訊

Evilgrin

侯爵府

積分: 22888

hashtag影視迷勳章

17^#

發表於 13-12-30 21:53 |只看該作者

beubeupig 發表於 13-12-30 14:50
回覆方方媽媽的帖子

真係好似呀,都有親友,朋友話我地縱容佢的,

我媽都係咁，我地咩方法都試過都無用，軟硬都唔得。佢狂鬧之外仲會扔野，然後就會開始鬧幾十年前既野，沒完沒了。我地而家放棄，全家都採取忍、唔理、順住佢既態度，希望佢唔好成日發顛就好了。

私人傳訊

beubeupig

大宅

積分: 1713

16^#

發表於 13-12-30 21:40 |只看該作者

回覆 littlefafa 的帖子

係呀,所以宜家我都係忍,食完飯即閃,就算放假得我一個湊兩個,我都唔去阿媽度,
我好眼淺,容易受人影響情緒,
我坐月時不知喊了幾多眼淚

私人傳訊

littlefafa

大宅

積分: 2619

15^#

發表於 13-12-30 21:16 |只看該作者

回覆：唔知點同阿媽相處下去.......

我覺得小朋友唔可以喺啲咁既環境成長，聽到你請工人，都鄧你高興
其實我媽咪都火爆，所以我最後都係請工人接走佐小朋友。之後佢亂發皮氣，我就唔搵佢一排，佢就會好啲。
我自己好怕屋企好嘈，日鬧夜鬧為咩呢？所以一有唔妥我即閃

私人傳訊

Wilson_Mami

複式洋房

積分: 435

14^#

發表於 13-12-30 17:30 |只看該作者

你地真系無緣分咯！點解個啊媽可以甘對自己個女，大家都有錯，即使你媽病左但系之前距都甘對你，你太就你媽變左距以為你系應分既，你媽就變本加厲！大家點都系一家人！應該大家坐埋一齊諗解決既辦法

私人傳訊

fanny219

大宅

積分: 3295

13^#

發表於 13-12-30 17:07 |只看該作者

回覆 beubeupig 的帖子

我反而唔會比老人家湊, 始終佢哋老, 要響清福. 同埋老人人係會"種". 而且,佢地舊時湊既方法同我哋嗰代都唔同, 同佢哋講, 佢肯定唔聽, 最終咪自己屈住屈住. 工人, 你可以話, 可以講!!所以我兩個小朋友都係工人湊.

私人傳訊

方方媽媽

水晶宮

積分: 74328

12^#

發表於 13-12-30 16:41 |只看該作者

beubeupig 發表於 13-12-30 14:50
回覆方方媽媽的帖子

真係好似呀,都有親友,朋友話我地縱容佢的,

我地由細到大都好驚阿媽發嬲架,所以好"順"佢意.
原來咁做係唔arm,正如教小朋友一樣,佢做得唔arm就要出聲話比佢聽.
我最細的弟弟,恃住阿媽鍚,就用發脾氣方式表達對阿媽無理取鬧既不滿,最終,兩敗俱傷.
我最初"反"我媽時,都好驚架.但只要心平氣和,同埋嚴肅地講,唔好比佢既情緒牽動到,原來係work既.
至於社工方面,你可以上網找"社會福利署家庭綜合服務",應可以搵到你果區的社工.
加油!!