懷孕前後 今日: 0 | 主題: 330561

積分: 3663

1^#

發表於 07-7-4 00:09 |只看該作者 |正序瀏覽 |打印

各位媽咪,

希望再新起個主題,搵得番你地喇!!轉左format 之後,唔知點搵你地呀??:-( :-(

0 0 0

私人傳訊

積分: 3663

194^#

發表於 07-10-5 21:46 |只看該作者

原文章由 JRBB 於 07-10-5 17:11 發表
bonbon16,
我都send咗我囡囡D相俾你睇，我諗第日兩個小朋友再大D我一定會約你同你仔仔出黎見吓面，到時我就可以見吓你個大隻B。真係見到都想「meet meet」佢。
你個仔仔個名真係好勁呀！一睇落就好有氣勢！你會 ...

JRBB,

系呀, 遲點可以出黎見下大家既bb! 我身體都ok,開始有番點面色喇,我奶奶唔識廣東人既野,系我老公一手包辦煲湯同燉野比我食!佢講笑話可以以後做專業陪月喎!
系呢段時間我除左去健康院外就無去過街!因為全人奶,日頭除左餵奶外跟本無時間訓,只靠晚上呀b會有一覺訓3.5-4個鐘同一覺3個鐘既中間時間訓,我大概每晚訓4-5個鐘喇,怪之得d人話餵人奶好快修身,無得訓僅系快瘦喇!!

私人傳訊

JRBB

積分: 483

193^#

發表於 07-10-5 17:11 |只看該作者

bonbon16,
我都send咗我囡囡D相俾你睇，我諗第日兩個小朋友再大D我一定會約你同你仔仔出黎見吓面，到時我就可以見吓你個大隻B。

真係見到都想「meet meet」佢。
你個仔仔個名真係好勁呀！一睇落就好有氣勢！

你會唔會幫佢改英文名？
係呢你坐月身體好嗎？你奶奶有無燉野俾你食呀！　剛剛呢個星期我開始睇番中醫，佢話我坐月身子麻麻，都係唔夠血氣，佢仲叫我生完好即刻去搵佢，依家要寶可能再以多D時間，唉！但我又唔覺得自己有邊到唔舒服，淨係知自己每日都唔夠瞓，睇黎都希一輪要Keep住睇中醫，所以我老公突登幫我買咗份醫療保可以保睇中醫，仲有呀！俾我中醫師估到我成日坐唔定要走出街，所以佢叫我乖乖地唔好成日出街，原來佢地嘅角度要４０天先叫坐滿月，如果唔係真係好難保得好。依家惟有聽話啦！返工前我都唔會再出咁多街。

私人傳訊

積分: 3663

192^#

發表於 07-10-3 22:05 |只看該作者

原文章由 JRBB 於 07-10-3 20:44 發表
bonbon16,
你有無諗住幫BB擺滿月酒呀？　我星期日已食咗飯，因為我同我老公堅持唔擺滿月，我老公怕應酬，我就怕BB辛苦，但奶奶又話唔擺滿月都要請熟嗰D親戚食飯，所以都要食咗餐飯，我係千萬個唔願意，最後都有D枝節，攪到我老公發我脾 ...

JRBB,

我會幫呀b擺滿月,系因為老爺奶奶老遠黎到再加上我老闆話記著擺滿月請埋佢黎高興下,所以黎緊星期日會擺滿月,不過都系屋企人、公司幾個同事同幾個好好既朋友,會系童軍總會搞,傍晚系燒烤,傾下偈,飲下酒,晚上再食飯!
我地幫呀b改左名喇,系老爺、奶奶同我地一齊諗既,覺得幾有意思,系呢,你有無女女相,我陣間email我呀仔既相同名比你!
我而家都煩緊邊個湊呀仔既問題,我諗等老爺、奶奶系下星期走左,一切回復正常,再諗下點安排喇!

私人傳訊

JRBB

積分: 483

191^#

發表於 07-10-3 20:44 |只看該作者

bonbon16,
你有無諗住幫BB擺滿月酒呀？　我星期日已食咗飯，因為我同我老公堅持唔擺滿月，我老公怕應酬，我就怕BB辛苦，但奶奶又話唔擺滿月都要請熟嗰D親戚食飯，所以都要食咗餐飯，我係千萬個唔願意，最後都有D枝節，攪到我老公發我脾氣，嬲咗我兩日，喊到我死:-( ，早知唔食飯就咩事都唔會有。
我見過你老公，佢都好似係比較和善嘅，我諗呢段期間你老公都好就得你。總之為咗阿囡真係同我老公屋企人多咗好多矛盾，好彩我老公都多數同我諗法一樣，如果唔係孤軍作戰就真係好慘！依家反然我唔想同我奶奶住得太近，因為大家生活習慣真係好唔同，好難朝見口晚見面，呢樣野真係生之前完全諗唔倒。今日我媽咪聽我呻完話第日我返工就幫我湊阿囡，其實我好想出聲話好，但我又怕我媽咪自己一個湊會好辛苦，又怕得失我奶奶，其實我自從上星期六返咗屋企住之後都無帶過阿囡上奶奶到，佢尋日話上我屋企幫我湊BB，唔知點解我應得佢好快話唔駛，我自己一個都攪得掂，我見我奶奶都呆一呆，因為我奶奶喺我未有BB之前已經話幫我湊，唉！依家個情況真係好混亂，不過我照顧咗阿囡幾日，佢真係返咗屋企定過喺我奶奶到，真係唔知點解，唔通阿囡同我真係有心靈感應，我唔鍾意嘅野佢都感覺到

。

私人傳訊

JRBB

積分: 483

190^#

發表於 07-10-3 13:30 |只看該作者

[quote]原文章由 bonbon16 於 07-10-3 00:58 發表

bonbon16,
我覺得尋日去聽改名嗰到都幾好，我同我老公預定D問題都未開口問佢都已經講埋，其實除咗名之外，都講埋阿囡大約一生運程，佢話阿囡好硬頸，呢樣我好同意，因為我個囡最唔鐘意掃風，佢人仔細細但每次幫佢掃風佢都好似同我地鬥力咁抗衡，都真係好好力，

最攪笑佢話阿囡唔係好鍾意讀書，將來會向藝術方面發展，仲好適合創業。聽完我都未必會盡信，但係第日就可以印証吓師傅講D野準唔準，跟著就佢有一本書記錄咗阿囡一D資料，宜咩、忌咩、咩顏色啱佢等待，跟住就有３組唔同分數嘅名，而每一組佢都有建議一D名，但又可以就住原則將唔同字對調，咁即係話除咗佢改嗰D仲有其他配搭，所以我同我老公都頭痕緊，佢仲幫我地揀埋日子、時間攞出世紙，我都唔知會咁講究。
其實我見網上面有D人話個師傅好串，咁我都覺得未至於串嘅，不過佢就無咩表情，但我俾錢佢又講到我地想知嘅野我都覺得好OK，都唔埋得佢串唔串。

咁你仔仔改名情況又係點呢？我見你曾經post過改名問題出黎，咁你諗住幾時幫BB攞出世紙？

私人傳訊

積分: 3663

189^#

發表於 07-10-3 00:58 |只看該作者

原文章由 JRBB 於 07-10-2 12:41 發表

bonbon16,
原來你講你老爺同奶奶係門神你唔俾你接近BB，而我媽咪就好似守護神咁，總之BB一預備喊，佢就會第一時間走埋去睇吓BB發生咩事！不過如果我遇到咁嘅情形，我就會嘗試忍，因為最慘就係老公，又唔知顧你好，定係話佢 ...

JRBB,

我覺得d老人家太過緊張,搞到比左好大既無形壓力我地d 媽咪,佢地以前個輩唔同,唔止生一個半個,工作又無而家社會甘大壓力!
我同你一樣,琴晚我best friend 黎左睇呀仔,食完晚飯,佢幫我用teaspoon 餵人奶,因之前擠左出黎,諗著唔好晒,點果時老爺同奶奶系睇緊電視播煙花,但短短10分鐘內,佢地回頭偷望著我地餵奶,我即時好唔開心,似系罪犯被人監視甘,跟著呀仔仲摟眼訓,唔食,仲喊添,我奶奶就第一時間撲埋黎系我手度抱走呀仔,我即時好唔開心,發脾氣走左入房喊!
其實我明知佢地系緊張呀仔,無其他意思,但系系果個情況,就系忍唔著,好唔開心,覺得好委屈!
你幫女女改名改成點呀??

私人傳訊

JRBB

積分: 483

188^#

發表於 07-10-3 00:16 |只看該作者

bonbon16,

我都認同你話有好多野都預計唔到，因為我以為自己已經買齊所有BB用品，但呢個月以黎，我老公都不停為阿囡添咗好多用品，我都有幾次一齊出街揀，雖然話坐月唔好出街，但我真係忍唔住，如果再唔俾我出街我諗我會癲，有時出去行吓心情都會好D。

今晚阿囡都唔知做咩！由下晝５：００開始都瞓唔lum，一擺落床瞓１０多分鐘就提醒，希望飲埋餐奶佢可以瞓長D時間，如果唔係我同我老公都唔駛瞓。

你依家平均每日瞓幾多個鐘？　我諗我大約瞓７－８個鐘，但散開的，要睇阿囡瞓幾長時間。以前一放假就可以瞓１０幾個鐘，（係連續）睇怕有排都唔駛旨意．．．．．:-(

私人傳訊

JRBB

積分: 483

187^#

發表於 07-10-2 12:41 |只看該作者

原文章由 bonbon16 於 07-9-30 20:58 發表

JRBB,
剛才要餵奶,繼續講! 甘你要有2手準備,睇下女女邊個湊喇!至於我都有少少憂慮,本來我2嫂會幫我湊,但睇近2星期,我覺得佢可能太耐無指定時間做野,所以每日黎我度都系唔定時,可能佢覺得呢段時間我屋企有好多人,暫 ...

bonbon16,
原來你講你老爺同奶奶係門神你唔俾你接近BB，

而我媽咪就好似守護神咁，總之BB一預備喊，佢就會第一時間走埋去睇吓BB發生咩事！不過如果我遇到咁嘅情形，我就會嘗試忍，因為最慘就係老公，又唔知顧你好，定係話佢爸爸、媽媽好，其實之前我喺奶奶到都試過同奶奶意見不一，我即刻唔出聲走入房，我老公入房睇我發生咩事，我就即刻喊咗出黎，仲鬧我老公添，我都係第一次發我老公悔氣，嚇到我老公都呆咗！原來剛剛生完情緒真係唔係好穩定，我都睇過產後抑鬱病徵，我都中咗過半數嘅病徵，好彩我唔係持續係咁，通常都係有野撩到我先發作，希望遲D會無事。
依家我要出街，約咗李承責改名，返黎得閒咗再傾過。

你有時間都休息多D休息！因為你餵人奶應該仲攰過我。

私人傳訊

積分: 3663

186^#

發表於 07-9-30 21:06 |只看該作者

原文章由 joanne1231 於 07-9-29 23:39 發表

Bonbon16,

好佩服你的恆心，祝你可以繼續開開心心餵人奶，你的分享相信可以幫到其他媽咪克服困難！
我如果真d見到你的分享，相信我唔会只餵咗10日人奶咁少！
我呀b女現在食全奶粉，今日剛滿月，現差不多9磅，佢出世時得6灣多d！ ...

joane1231,

多謝你的鼓勵,我覺得頭一胎,真系好多野唔識,大家媽咪可以分享下經驗,我覺得對大家都有好處!不過我承認我可能有時太過堅持,自己比左自己好大既無形壓力,有時真系好唔開心,好彩我一向都比較樂觀,如果唔系,我諗我會嚴重產後抑鬱!
你b女都重得好快喎!我呀仔前日磅,有10磅喇!因餵人奶初時要調教,所以會重得慢點,姑娘話好快就會重番多點喎!

私人傳訊

積分: 3663

185^#

發表於 07-9-30 20:58 |只看該作者

原文章由 JRBB 於 07-9-30 13:19 發表

bonbon16,
我都好佩服你，我會支持你繼續餵人奶架！加油！:mrgreen:
我返咗屋企兩日，我囡囡呢兩日已經全線食奶粉，希望有機會生第二個時又唔駛返工可以全職湊BB，我一定會餵人奶！停咗兩日人奶，我都有泵D奶出奶，仲俾我之前嘅量多 ...

JRBB,
剛才要餵奶,繼續講! 甘你要有2手準備,睇下女女邊個湊喇!至於我都有少少憂慮,本來我2嫂會幫我湊,但睇近2星期,我覺得佢可能太耐無指定時間做野,所以每日黎我度都系唔定時,可能佢覺得呢段時間我屋企有好多人,暫時唔使甘緊張呱,不過我都系要請番個可以每日都黎既鐘點,但我老公話請個每日都黎2-2.5個鐘既鐘點,價錢同請個全職既賓賓無乜分別,請個賓,就晚黑我地唔使甘辛苦!我而家都未決定,原來有左個呀b,就真系無野系一早可以預計到既!好似我一向都話我老爺同奶奶系好好人同好講道理,但一面對個孫同我面對個仔,原來真系好難無驅距離同分歧!:cry:

私人傳訊

積分: 3663

184^#

發表於 07-9-30 20:22 |只看該作者

原文章由 JRBB 於 07-9-30 13:19 發表

bonbon16,
我都好佩服你，我會支持你繼續餵人奶架！加油！:mrgreen:
我返咗屋企兩日，我囡囡呢兩日已經全線食奶粉，希望有機會生第二個時又唔駛返工可以全職湊BB，我一定會餵人奶！停咗兩日人奶，我都有泵D奶出奶，仲俾我之前嘅量多 ...

JRBB,

我完全明白你感受,開初一星期我就連呀仔個樣都認唔到,因左右門神圍到實,我話抱下佢,佢地有話會整親我傷口,雖然明知系為我好,但佢地無顧及我感受,好似呢排呀仔就比奶奶縱到每次訓覺都要摟抱先肯訓,就算我有朋友黎睇呀仔,佢地會番入房,但只要聽到呀仔喊一聲甘多,奶奶就會系房度撲出黎,我覺得好遺背自湊仔果套,仲有只要呀仔喊,我奶奶就會系我手搶走呀仔,我好唔想比,但我老公話 : 佢地有唔系成日對著,過多2星期就走喇,你比佢抱喇,但佢地無顧我既感受,我而家餵人奶,除左餵奶時間,我幾乎無得埋呀仔身,你話呀!我覺得自己只系一部餵奶機囉!!
我之前都好似你甘,一聽到奶奶話呀仔系咪唔飽,我就好唔開心,我諗系呢段期間,學我大嫂經驗之談,我地系好脆弱同情緒化,要過一段時間先可以適應!
你奶量夠但又放棄餵人奶真系可惜!我聽健康院姑娘講,只要番工前2星期,tune 呀仔用奶樽餵人奶,一早一晚埋身餵都無問題,因佢到時可以自己適應,亦都唔會有奶嘴混淆喎!所以我會堅持繼續餵人奶,聽我生過bb既朋友講,有餵人奶同無餵人奶既呀b比較,體格真系好好多!再加上姑娘話因我呀仔出世時甘重,頭幾個月如果食奶粉會令佢變成超級肥b,唔健康,就系呢點就值得我堅持喇!!

私人傳訊

JRBB

積分: 483

183^#

發表於 07-9-30 13:19 |只看該作者

原文章由 bonbon16 於 07-9-29 16:26 發表

JRBB,

你好,出左院之後既7-8日,我都未可以自己落床,傷口好痛,每日起身第一件事系要食左止痛藥,等20-30分鐘先可以落床,如果無食藥,根本無法走動,如果有得揀,我情願自己生,唔開刀,因我手術後飲左過量既水,搞到墜著個 ...

bonbon16,
我都好佩服你，我會支持你繼續餵人奶架！加油！:mrgreen:
我返咗屋企兩日，我囡囡呢兩日已經全線食奶粉，希望有機會生第二個時又唔駛返工可以全職湊BB，我一定會餵人奶！停咗兩日人奶，我都有泵D奶出奶，仲俾我之前嘅量多好多、快好多，其實都幾矛盾，有咁嘅量又好想餵返人奶，但一諗到返咗工後嘅工作量又好驚囡囡太黏身，奶奶湊唔掂，（就連我諗住唔買嘅High Chair尋日都要訂一張，因為阿囡唔肯返奶奶屋企房嗰張BB床，瞓５分鐘就會醒，惟有擺張Hige Chair喺廳，希望阿囡可以望倒人，有返D人氣唔會成日都要人抱）又驚攪番轉頭自己又抑鬱番，總之太多憂慮．．．喇！其實屋企人都無出過聲反對我餵人奶架！但佢地有時D說話令我聽咗好唔開心，如﹕飲完人奶都喊，係咪食唔飽？　都餵咗成個鐘，都唔飽，仲要扭計．．．。我老公成日話我太敏感，可能都係嘅，但聽倒嗰陣時真係好唔開心，坐月時喺奶奶到真係好想快D走，所以我好羨慕你！你耍繼續努力！

初初我咪話奶奶幫我湊BB，，對咗佢差不多成個月，唔知我係咪好衰，我對我奶奶真係無咩信心，每次我都係要我媽咪稷埋個心就會定D，瞓覺都會安樂D，因為我奶奶實在好多心，成日喺屋企都會好多野做，又每日不定時會出街，（買餸、煮晚飯、送薑醋．．．加同佢D朋友飲茶），總之唔計照顧BB都好似好多野做，我都覺得好似攪到佢咁，但我媽咪就好似你奶奶、老爺咁做門神，無時無刻都睇住BB，就算做其他野佢都好關顧到BB，好似我媽咪會喺原定時間預備好所有野等BB沖涼，但我奶奶就唔係，太有彈性得制，日日沖涼時間都唔同，總之佢有時間就會同BB沖涼，但我好想阿囡可以有一個固定日程，令佢有多D安全感。又好似上一次，其實我真係好嬲，事原早上我將阿囡交俾奶奶後我就會去小睡，（９：００　－　１：００）但嗰次我瞓到１２：００，聽到阿囡喊得好犀利，初初我無埋，因為咁簡單我奶奶應該收服到阿囡，但後尾我個老公個妹走黎叫醒我問阿囡係咪肚餓要食奶，咁我咪叫佢問奶奶幾點食，點知妹妹就話奶奶去咗街攞薑醋俾人，都唔知幾時返，話咁我即刻彈起身開奶，（妹妹係連奶都唔識開，淨係識抱住BB周圍行）但我奶奶之前無同我講過會出街，如果佢講咁我就唔會瞓咁耐，攪到阿囡喊咗咁耐，我真係好唔開心，:-( 其實仲有其他令到我對佢無信心，依家真係好想自己媽咪湊阿囡，但我媽咪平日都係得佢自己一個人，我又驚佢辛苦，但我奶奶到雖然有老爺加妹妹，但佢地要返工，到放工老爺同妹妹都係淨係識抱住BB換片、餵奶．．係唔得架！咁最後都係我奶奶自己一個人做番哂屋企D野，如果佢要睇埋個BB跟本兼顧唔到，仲未計隻狗，唉！都唔知點算！！！！:-( :-( :-( :-( :-( :-(
下次再傾過，因為阿囡又要飲奶！　

私人傳訊

joanne1231

別墅

積分: 997

182^#

發表於 07-9-29 23:39 |只看該作者

原文章由 bonbon16 於 07-9-29 16:26 發表

JRBB,

你好,出左院之後既7-8日,我都未可以自己落床,傷口好痛,每日起身第一件事系要食左止痛藥,等20-30分鐘先可以落床,如果無食藥,根本無法走動,如果有得揀,我情願自己生,唔開刀,因我手術後飲左過量既水,搞到墜著個 ...

Bonbon16,

好佩服你的恆心，祝你可以繼續開開心心餵人奶，你的分享相信可以幫到其他媽咪克服困難！
我如果真d見到你的分享，相信我唔会只餵咗10日人奶咁少！
我呀b女現在食全奶粉，今日剛滿月，現差不多9磅，佢出世時得6灣多d！

私人傳訊

積分: 3663

181^#

發表於 07-9-29 16:26 |只看該作者

原文章由 JRBB 於 07-9-27 21:01 發表

bonbon16,
long time no see!!!!!
你近況好嗎? 嗰次收到你個massage都嚇一跳，原來你個仔仔真係咁重，想你喺醫院嗰9日一定好辛苦。
喺奶奶坐月嘅日子真係好唔開心呀! 想同你呻巳吓，又驚你都要照顧仔仔同堆要休息 ...

JRBB,

你好,出左院之後既7-8日,我都未可以自己落床,傷口好痛,每日起身第一件事系要食左止痛藥,等20-30分鐘先可以落床,如果無食藥,根本無法走動,如果有得揀,我情願自己生,唔開刀,因我手術後飲左過量既水,搞到墜著個傷口,所以比其他人痛!
我諗我明你既感受,因我出院後頭1個星期我都幾乎無乜點見過我呀b,我老爺同奶奶抱左呀b出廳度訓,佢地好似左右門神甘睇到呀B實,我偶爾落床出廳想抱下呀b,佢地就話唔比,驚佢整親我傷口,我出左院5日我就繼續試餵人奶,但未系好上到奶,我只系聽奶奶講一句,呀b喊到甘利害,系咪食唔飽,我就喊到收唔到聲,就連我飲一大杯唔凍既木瓜奶(想上奶),我聽到老爺同奶奶細細聲講話叫奶奶叫我唔好飲生冷野,我就覺得好冤枉,大喊起黎,我都覺得自己有點產後抑鬱,好彩唔系維持好耐同我老公發覺到我情緒唔系好好,就同我傾下講下甘,呢幾日開始回復正常喇!
不過對於餵人奶,我就好有體會,系醫院試過餵5次,但唔成功,出院後幾日再試,經過幾次比呀b咬到流晒血,第一次去健康院做母乳餵哺平估,系一個多鐘內,我同呀b都喊到收唔到聲,因呀b食左一個星期奶粉後對奶嘴同乳頭有混淆,食唔到人奶,姑娘要矯正,就只準用樽蓋裝奶放系呀b個嘴邊等佢自己呷,但我呀b甘大食,平時10分鐘就飲晒2安半奶,而家要甘飲,飲成10分鐘得果幾啖,咪喊到顛左甘,我見到就好心痛,跟住喊埋一份,最後系2母子喊住甘離開健康院!之後我就要隔日番去學餵人奶,去左3次,OK無問題喇,姑娘話見我第一次甘既情形,大部分媽咪都唔再番轉頭,餵左奶粉喇!所以叫我以後連續4個星期5都帶呀B番去佢地既工作坊同其他新手媽咪一起餵下人奶,分享下經驗.同其他媽咪交流下!
所以我覺得我今次懷孕至生左呢段日子,我有好多體會同唔同既經歷,令我好難忘!有經歷、有挫折、最後開心,我覺得人生應該系甘,幸福唔系必然!
甘你系咪打算番工後就餵奶粉??我而家呀B每日食10-11餐,全人奶,只系間中我太累睡了,我奶奶就會補住40ML奶粉頂住等我醒再餵人奶,而家最多一日補一次奶粉,我希望再過幾日,適應了便每天都全人奶!!

你呀B而家有幾重,我昨天在健康院磅,呀B 足10磅喇!!

私人傳訊

積分: 3663

180^#

發表於 07-9-29 14:47 |只看該作者

原文章由 bear2 於 07-7-9 11:23 發表
hi bonbon16,

Oh so you should be extra careful and rest more at home la. I'm sure you'd love to meet your bb soon and likewise for your bb (eager to see you), but I'm sure your bb will be nice and h ...

Bear2,

無見你上網,你同bb點呀?我終於都系要開刀生,bb仔重9磅9安士,系個大隻b系9月11出世,而家已有10磅重!!

私人傳訊

JRBB

積分: 483

179^#

發表於 07-9-27 21:01 |只看該作者

原文章由 bonbon16 於 07-9-27 19:26 發表

bear2,

你點呀??我呀b系9月11日出世,重9磅9安士,最後都系開刀!我仲失血過多,要48小時先落得床,出左院成個星期仲系面無血色,近2日先開始好點,醫生開左成2個月補血丸比我!!

你同呀b點呀?? ...

bonbon16,
long time no see!!!!!

你近況好嗎? 嗰次收到你個massage都嚇一跳，原來你個仔仔真係咁重，想你喺醫院嗰9日一定好辛苦。
喺奶奶坐月嘅日子真係好唔開心呀! 想同你呻巳吓，又驚你都要照顧仔仔同堆要休息，未必會上網，不過我聽日終於可以返同囡囡返自己屋企，所以今日都好興奮等緊聽日快D到。

我為咗餵人奶攪到天昏地暗，你呢? 不過都好可能慢慢開始要戒，因為真係好困身，第日返咗工一定無時間再埋身餵，雖然好唔捨得，但都無辦法，依家tune到，每日奶粉餐5次，人奶餐2-3次。

見到你失血過多，咁你一定要好好補吓! 你個傷口仲痛唔痛呢? 唉，唔知點解仲未好敢用手摸自己條刀疤，雖然醫生手勢非常好，但始終覺得條痕好核突。

同埋個醫生成日都問住我D情緒，佢話有醫學研究話有媽媽一直諗住順產但最後要開刀比患產後抑鬱機會高。

記住要休息D!:)

私人傳訊

JuliaCheng

公爵府

積分: 25972

178^#

發表於 07-9-27 19:54 |只看該作者

出讓：Avent 手動奶泵

出讓：Avent 手動奶泵

我係 0709 媽咪，岩岩今日中午買左 Avent 手動奶泵，只用過一次，不過實在攪唔掂（已食藥停奶），現以 $300 出讓（原價 $380），有意請 PM 我 :)

私人傳訊