論盡家傭 今日: 0 | 主題: 134085

積分: 16558

1^#

發表於 14-2-8 17:39 |只看該作者 |正序瀏覽 |打印

本帖最後由 ioi 於 14-7-1 13:23 編輯

此印傭仍未完約（p.s.延咗期一個月，7月7日夠期走），曾在新加坡及台灣打工，但廣東話、普通話和英文都屎，做咗年半有多都冇乜進步，經常誤解指示或講錯嘢唔認。做嘢求其、亂七八糟、污糟、無常識、蠢、唔用腦（可能真係無腦）、懶、工作時不停玩手機，睡前又玩，玩到好夜瞓（後備電和水塘一舊駁一舊不停义）。教、提點、話、鬧幾百次都做錯，只會笑笑口話唔記得，笑笑口話下次唔會，但完全無心改善，做錯嘢後又會講啲九唔搭八嘅解釋俾你聽。唔想被激死的勿請佢。（我現在等緊前工人返嚟。）

0 0 0

私人傳訊

ioi

積分: 16558

30^#

發表於 14-7-1 13:38 |只看該作者

做足兩年零一個月，臨走前都仲係儍嘢一籮籮！

中午叫佢將啲飯餸入飯壼俾我帶出去for dinner，個高身壼內有三層膠盒嗰種，佢入完飯餸，每個都冇冚蓋放喺枱面放涼，而裝飯嗰格仲冇冚蓋就入咗落個壼最底，咁點攞番出嚟呀？話佢就答之前冇用過這個壼，即佢認為冇人教過唔識用係正常。我話我去買這個壼時都冇人教過我點用。三十幾歲人做埋人哋阿媽都唔用腦，真係頂佢唔順！

祝新僱主用佢用得愉快！

私人傳訊

ioi

積分: 16558

29^#

發表於 14-5-27 15:34 |只看該作者

阻住個地球轉......

尋晚已話定佢知我仔今日要提早7:45返到學校. 今朝6:55我叫醒我仔, 當我仔準備去梳洗之際, 佢就閃咗入廁所. 十分鐘後, 仲未出嚟, 聽聲喺擦牙洗臉... 我拍門佢先施施然開門, 塊臉仲濕. 我問: "阿仔趕住返學, 你點解這個時候用廁所?" 佢答: "肚痛, 痾屎." 真係吹脹!!

我家有套廁, 客廁只係佢和我仔用. 佢又唔係趕住起身做嘢或落街, 佢平日係7:25起身, 今朝早咗. 就算係肚痛要痾, 痾完就好出嚟先啦! 都唔理人哋趕時間嘅! 如果有心提早起身幫手預備早餐之類, 就早過我哋啦!

私人傳訊

積分: 2193

28^#

發表於 14-5-11 19:59 |只看該作者

ioi 發表於 14-5-11 12:58
7月中將會成為WxxTINx的新傭主：

如果你哋打算請佢照顧即將出世嘅BB或小朋友, 請三思！現在轉工人都仲趕得 ...

你chok下佢邊區邊間見工，再改題目show出嚟，佢地啲名個個差不多，啲僱主唔會留意。

私人傳訊

ioi

積分: 16558

27^#

發表於 14-5-11 12:58 |只看該作者

本帖最後由 ioi 於 14-5-11 16:14 編輯

7月中將會成為WxxTINx的新傭主：

如果你哋打算請佢照顧即將出世嘅BB或小朋友, 請三思！現在轉工人都仲趕得切.

如果俾佢獨自照顧BB, 真係好危險, 因為佢懶, 又粗心大意. 唔好以為佢生過仔就識湊, 佢自己個仔唔係佢湊的, 係佢屋企人湊的. 我舊工人當時臨走前有個半月同WxxTINx相處, 舊工人都無奈地同我講: "太太, 我走咗之後妹妹就慘喇."

以下是一些例子:
1. 用膠杯斟水俾先生飲, 從95度熱水的煲攞水, 卻以為自己斟緊60度那煲水. 最出奇係佢隻手攞住個杯身都feel唔到好熱, 照遞俾先生.
2. 奶樽每次用完冇沖乾淨, 仲有奶水甚至未溶嘅一堆奶粉在樽內或奶咀內.
3. 洗奶樽超快. (唔知沖走晒啲洗潔液未)
4. 奶樽消毒器的蓋有廚房油污漬, 明顯好耐冇洗或求其用水沖沖便算.
5. 餵BB食奶, BB食到成頭汗, 餵完都照坐係度, 唔識去攞毛巾幫BB抹汗.
6. 自己食麵包時一邊撕俾BB食.
7. 當住我哋面前用牙撕開佢自己嘅食物包裝.
8. 幫我個特殊小朋友著尿片, 唔知點解有一次扭轉咗一個圈嚟著, 莫名奇妙.
9. 諗住BB唔識郁, 放BB在梳化, 自己行入房攞嘢.
10. 留下有危險嘅嘢俾BB獨自玩, 例如膠袋, 長型物體, 三尖八角的物體.
11. 洗完廁所板, 滿佈水點, 唔抹, 照放小朋友坐上去.
12. 幫小朋友著鞋, 唔睇, 唔知裡面有塊大puzzle, 照著.
13. 幫我個特殊小朋友著腳托, 腳托有足弓位, 常人一望就知左右, 佢竟然調轉嚟著.
14. 嚟咗香港接近兩年仍然唔識分乜嘢天氣著乜嘢衫同冚乜嘢被, 佢自己嘅衣著大半年後都已掌握到, 但幫小朋友著就唔會用腦諗的. (佢個腦淨係用嚟記佢啲friends和電話嘅事)
15. 煮嘢通常過咸, 話完改善一排, 之後冇提又變番咸. (尤其對BB和小朋友身體唔好)
16. 成日玩電話，炒緊餸中途都要從褲袋攞電話出嚟望望.
17. 蒸完餸冇熄火.
18. 買街邊廉價電話, 充電時火牛爆炸. 聽到爆炸聲唔去查清楚發生咩事, 走返入廚房做嘢. (危機意識極低, 亦肯定唔識處理危機.)
...... ...... ...... ...... ......

惡行眾多, 未能盡錄!

唔好以為佢錯過一次嘅嘢就會醒目, 教過就會改. 有啲人係"教極唔聽"的! 以上的事件多數會重覆發生.

新僱主有需要知道更多可PM我.

私人傳訊

積分: 2193

26^#

發表於 14-5-10 22:27 |只看該作者

ioi 發表於 14-5-10 22:08
剛才佢話已經搵到新僱主，係新婚夫婦，未有 / 將有BB，主要只係請個人打掃。筍工！咁得閒，可以俾佢日日夜 ...

大件事，有人中招！

私人傳訊

積分: 2193

25^#

發表於 14-5-10 22:09 |只看該作者

ioi 發表於 14-5-10 21:48
我都成日強調其他僱主都好醒，咁做嘢法去到邊度都死。

Exactly

私人傳訊

ioi

積分: 16558

24^#

發表於 14-5-10 22:08 |只看該作者

剛才佢話已經搵到新僱主，係新婚夫婦，未有 / 將有BB，主要只係請個人打掃。筍工！咁得閒，可以俾佢日日夜夜玩電話！僱主冇小朋友要求又可能冇咁高，開心死佢！所以我買埋機票俾佢返印尼（咁啱完約就嚟係印尼新年）佢都話唔返，agent會安排佢去大陸等visa，批咗就上新工。

我會喺佢離開前fax佢啲衰嘢同有佢簽名確認嘅n封警告信去入境處，希望唔批佢visa啦！

將有BB的夫婦：
此工人除了日夜玩電話外，做事仲非常大意，幾乎發生意外，亦極不合符照顧BB的衛生標準（詳見我的post）。請閣下三思！

私人傳訊

ioi

積分: 16558

23^#

發表於 14-5-10 21:48 |只看該作者

happyelvis 發表於 14-5-10 15:31
哈哈⋯⋯個個都咁衰格，我果個成日比我踢爆，有時過咗氣就同我講：Mom, you are so smart! 呢句說話反映咗d ...

我都成日強調其他僱主都好醒，咁做嘢法去到邊度都死。

私人傳訊

積分: 2193

22^#

發表於 14-5-10 15:31 |只看該作者

ioi 發表於 14-5-10 14:47
今早又講大話兼駁咀！

執拾小童床鋪, 攬枕兩端條繩蝴碟結被小朋友解開了, 攬枕芯外露, 冇打算綁番 (經常係 ...

哈哈⋯⋯個個都咁衰格，我果個成日比我踢爆，有時過咗氣就同我講：Mom, you are so smart! 呢句說話反映咗d工人，你唔出聲，佢就以為你懞同傻嘅。所以，有d僱主成日話＂將心比己＂、＂無所謂＂，我就覺得好搞笑，其實個工人當個僱主又儍又懞，僱主以為個工人當佢自己好好人。
每次工人同我講＂Mom, you are so smart! "我都答佢：No, I am not the smartest one, most of the employers in Hong Kong is smarter than me. 點解我咁答？
佢地話我地smart=麻鬼煩，
You are so smart=你好麻鬼煩，
我答佢＂No, I am not the smartest one, most of the employers in Hong Kong is smarter than me. =大把香港僱主麻鬼煩過我。

等佢自己諗下，跳糟？搏唔搏？還是打好呢份工？

私人傳訊

ioi

積分: 16558

21^#

發表於 14-5-10 14:47 |只看該作者

今早又講大話兼駁咀！

執拾小童床鋪, 攬枕兩端條繩蝴碟結被小朋友解開了, 攬枕芯外露, 冇打算綁番 (經常係咁). 我叫佢綁番.

順便醒起這個攬枕套已用好耐, 問佢點解咁耐唔洗, 佢話每星期洗一次, 今個星期都有洗, 床單連攬枕套, 枕袋一齊洗, 講到大大聲似層層咁, 差啲俾佢大到. 好彩我好肯定記得星期日佢放假時都已經係用緊這個套, 因為當日我發現攬枕繩頭有個細扣針, 因小朋友拉咗條繩出嚟, 佢用扣針穿番, 穿完又冇拆扣針, 就咁俾小朋友用, 有危險, 事後我話佢, 佢都識講話危險, 但佢就係咁, 總係做嘢求求其其, 唔鬧唔做, 鬧就份儍.

被我踢爆佢講大話, 根本超過一星期冇洗嘢, 佢就改口風, 笑笑口話:"係咩? 我唔記得喇." 之後再話:"係喇, 上星期見淨係張床單污糟, 所以只係換床單, 冇換攬枕套." 我繼續炳佢, 佢話:"係喇, 太太, 我唔記得咋嘛, 駛唔駛咁大聲鬧呀?" 我話:"你講大話都咁大聲, 我唔大聲過你點得呀!"

私人傳訊

ioi

積分: 16558

20^#

發表於 14-5-10 10:50 |只看該作者

以下係我之前寫過關於WxxTINx所做的事情, 如閣下打算請佢, 請慎重考慮!

外傭黑名單
http://www.baby-kingdom.com/foru ... 3&fromuid=36967

處事方式
http://www.baby-kingdom.com/foru ... ead&tid=7542772

煮食
http://www.baby-kingdom.com/foru ... ad&tid=11313681

違規
http://www.baby-kingdom.com/foru ... ad&tid=11420991

私人傳訊

ioi

積分: 16558

19^#

發表於 14-5-10 09:59 |只看該作者

ioi 發表於 14-2-9 14:08
準備請人的jm小心，衰印剛出門去銅鑼灣agent.
點評
 bb女女 邊間agent. 發表於 8 小時前

bb女女:

銅鑼灣邊間agent我就唔知, 佢冇講.
但佢有講佢亦有喺我原本請佢嗰間agent度搵工, 在青衣.

佢離港限期係7月7日, 佢打算唔返印尼, 已同佢老公講咗唔返去過新年. 佢有一個幾歲大嘅仔.

私人傳訊

ioi

積分: 16558

18^#

發表於 14-5-9 23:53 |只看該作者

happyelvis 發表於1 4-5-9 23:20
難為你好媽媽。感受到你嘅無奈，咬緊牙關，好快過，還有一個月左右！撐你！
我舊工人返嚟都係要train ...

多謝支持！我原本搵咗一間agent收好平，又駛工人嚟到還錢，但係最衰印尼嗰邊間agent離工人好遠，佢教工人自己去申請passport，話之後靠fax搞文件，但工人覺得好難，所以都係冇幫襯這間，否則就唔駛入training school咁耐。

私人傳訊

積分: 2193

17^#

發表於 14-5-9 23:20 |只看該作者

ioi 發表於 14-5-9 23:05
唉！一肚氣呀！咪就係舊工人未過得嚟囉！因為佢要train夠60日先可以出國做嘢，而間agent事前根本唔知亦冇講 ...

難為你好媽媽。感受到你嘅無奈，咬緊牙關，好快過，還有一個月左右！撐你！

我舊工人返嚟都係要trainning60日，唔理係唔係做過，根本係印尼的貪官做training school賺錢途徑。不過，我工人好醒咁即刻揾咗幾間同training school有linkage嘅香港agent比我，叫我揀其中一間，我有我呢邊做嘢，佢有佢果邊不斷搵方法加快速度。搞咗二個半月。

私人傳訊

ioi

積分: 16558

16^#

發表於 14-5-9 23:05 |只看該作者

happyelvis 發表於 14-5-9 22:38
你唔係舊工人會返嚟咩？講下，講下，又比佢完到約喎

唉！一肚氣呀！咪就係舊工人未過得嚟囉！因為佢要train夠60日先可以出國做嘢，而間agent事前根本唔知亦冇講，宜家先話合法途徑係一定要咁，我寫晒信去印尼果邊都話冇得通容，枉我當日捱眼瞓打好封加快信俾入境處令visa三日就批出都冇用！我另文有講。http://www.baby-kingdom.com/forum.php?mod=viewthread&tid=11363081

舊工人最快6月11日先上機過嚟，已過咗衰印原本完約的日子，咪唯有死死地氣同佢延期囉！我屋企兩個小朋友，其中一個傷殘，冇辦法冇工人。如果正常小朋友帶出帶入煮飯，老人家日間嚟幫手都得，我就晨早炒佢啦。但照顧傷殘嗰個要非常多體力，老人家做唔嚟。

嚟緊6月尾傷殘的仲要做手術添，全家要總動員輪流留院照顧，體力勞動+冇覺好瞓，又要有人在家照顧另一名小朋友，又要返工，所以老公索性叫衰印留至7月7日，多個人幫手喎。我就兩睇，多個人幫手，亦係多個人激我！

私人傳訊

積分: 2193

15^#

發表於 14-5-9 22:38 |只看該作者

ioi 發表於 14-5-9 22:23
又俾我發現佢做衰嘢，掉紙巾出窗口！佢認話抹少少嘢廢事去攞布和攞出房掉，所以攞小童床頭嘅面紙抹同掉出窗 ...

你唔係舊工人會返嚟咩？講下，講下，又比佢完到約喎

私人傳訊

ioi