吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 湊住兩個，餵奶餵到好灰了

母乳餵哺今日: 0|主題: 85709

收藏本版

回覆發帖

返回列表

跳至頁

查看: 3397 | 回覆: 32

湊住兩個，餵奶餵到好灰了 [複製鏈接]

demi1439

大宅

積分: 1100

1^#

發表於 14-2-12 04:03 |只看該作者 |正序瀏覽 |打印

原來，湊住兩個，又要餵人奶，真係好累
大仔兩歲，細仔5星期大

細仔而家全埋身，夜晚有時臨瞓食完我一邊胸，會補兩至三安奶粉
有時bb瞓得lum,無補奶粉，半夜哭，又怕吵醒大仔，真係唔夠瞓，
夜晚有時會起身起兩三次

唔夠瞓，奶量都跌埋，半夜會有少少谷奶感覺，但bb食多兩餐，個胸好淋，
bb個零兩個鐘食一次，每次20至30分鐘，但食得咁密，我覺得自己上唔切奶，每次餵，都覺得個胸好淋，唔知入面有無奶，bb好似成日好肚餓要食，我俾晒兩邊淋的胸佢食，佢都好似唔夠

因為就黎搬屋的關係，屋企雪櫃壞左，都唔敢買住！無雪櫃用，想泵出黎都唔得

我真係唔知我呢個人奶的決心可以維持幾耐

0 0 0

私人傳訊回覆引用

JH_Mama

大宅

積分: 2918

33^#

發表於 14-2-22 12:53 |只看該作者

回覆：草的帖子

草，好多謝你分享呀！

私人傳訊回覆引用

demi1439

大宅

積分: 1100

32^#

發表於 14-2-22 11:01 |只看該作者

回覆：湊住兩個，餵奶餵到好灰了

而家我都係見步行步，喂得幾耐就幾耐，真係唔夠奶就補奶粉
慶幸，BB而家6星期大，我仲系全埋身，只係臨瞓前個餐埋完身之後，才補奶粉

私人傳訊回覆引用

多啦baby

大宅

積分: 1140

31^#

發表於 14-2-22 10:43 |只看該作者

從"零歲開始"我都有呀, 我都覺得佢講得好正, 好多我suffer緊既野佢都講中, 但跟住佢做又好難, 始終唔係自己一手一腳湊
BTW, 封面個bb好可愛

私人傳訊回覆引用

草

伯爵府

積分: 18713

環保接龍勳章

30^#

發表於 14-2-22 09:56 |只看該作者

回覆多啦baby 的帖子

我睇左幾多, 以前成日係書局等老公放公打書釘, 真係買的只有'從零歲開始', 好多都係係書局睇的, 多年前我湊到差d想掉左阿b落街, 雖然唔係我生, 我覺得我湊到有抑鬱, 我當時真係諗以後都唔會生. 有陰影之下我都幾努力去睇同埋學, 先有信心走出個陰影生bb.

私人傳訊回覆引用

多啦baby

大宅

積分: 1140

29^#

發表於 14-2-22 09:37 |只看該作者

回覆草的帖子

草, 請問你係睇邊本書架?

私人傳訊回覆引用

草

伯爵府

積分: 18713

環保接龍勳章

28^#

發表於 14-2-22 09:12 |只看該作者

回覆 JH_Mama 的帖子

佢喊有好多原因, 如果淨係諗住用大量奶粉令佢忙於消化而唔喊, 又或者只係求其塞住佢, 佢真正喊的原因就唔會得到解決. 喊係追食的本能, 亦可以係濕/熱/驚/凍/痕/痛/痹..... 好多人媽媽成日只係覺得佢唔飽, 忽略晒其他. 我好多年湊過一個奶粉bb, 好辛苦, 到我自己結婚我睇返好多育嬰書, 發覺佢成日喊, 訓唔林原來好多都係大人造成的, 一開始建立好bb的安全感同規律, bb就會好湊, 對佢同我都好. 唔好驚佢喊, 佢喊時係側邊陪下佢, 研究下, 唔好急於要佢即停, 慢慢你會發現有d唔同, 當佢真正需要係經常被滿足, 生活有規律易掌握, 佢就會更感安全. 當然以上都係睇書的理論, 我湊過只有三個, 需然第一個奶粉bb好難湊, 之後兩個人奶bb都好好湊, 同書講的一樣.
邊餵邊泵我持續到唔洗再泵咁多, 大約都成歲半, 其實係慳時間, 剛開始返工係會谷, 話唔會都係呃你, 不過幾日就會適應.

私人傳訊回覆引用

JH_Mama

大宅

積分: 2918

27^#

發表於 14-2-22 00:05 |只看該作者

回覆：草的帖子

草，謝謝回覆！我bb成日喊，又醒瞓。而家我約2-3個鐘埋身餵，但佢成日喊同埋瞓得唔好都令我懷疑佢係咪食唔飽。但我又唔想做泵媽住，所以好矛盾。仲有個大要湊住，好辛苦，成日都諗係咪餵奶粉大家都好呢？

另外想問吓係咪邊餵邊泵到返工嗰日嗎？第一日返工隔咗咁耐先泵會好谷好痛？

私人傳訊回覆引用

草

伯爵府

積分: 18713

環保接龍勳章

26^#

發表於 14-2-21 21:46 |只看該作者

回覆 JH_Mama 的帖子

你睇下bb而家係幾耐食一次, 個個都唔同, 如果佢仲係每個鐘就要食, 一下子三個鐘大小都辛苦, 如果佢有時都3個鐘食, 可以試, 我女5k大約都係三個鐘一次, 3-6-9-12 咁餵, 易記d.
返工前得閒用左泵, 因為身體未適應, 起初會好少, 學埋邊埋身邊泵, 到時冇咁辛苦.

私人傳訊回覆引用

JH_Mama

大宅

積分: 2918

25^#

發表於 14-2-21 14:05 |只看該作者

回覆：草的帖子

草，想請教一下，我bb而家五星期大，可以改成3個鐘一餐嗎？

同埋我而家係埋身餵，想問吓要點準備返工泵奶。到時返工我打算响公司泵兩次，但怕到時會塞到痛。

唔該晒！

私人傳訊回覆引用

草

伯爵府

積分: 18713

環保接龍勳章

24^#

發表於 14-2-21 10:04 |只看該作者

回覆 Kalaphone 的帖子

其實好簡單, 只要唔驚佢餓/ 喊就得, 本身你都知道你奶已穩定, 佢又識食, 完全冇野好擔心. 慢慢拉長D時間, 你明知佢唔會餓死, 只係差半個鐘就會食, 一個半個鐘係唔會餓食的, 佢喊係唔知一個半個鐘之後有得食, 但係你知家嘛. 咁佢喊, 你用其他野引開佢, 同佢講唔會餓死你架, 就係咁易.
佢喊你又慌唔知點做先會覺得難, 慢慢佢知道信得過你就建立到時間表. 同時建立埋安全感, 亦做到延遲滿足呢PART, 仲可以防止佢食點心奶.

私人傳訊回覆引用

Kalaphone

大宅

積分: 1213

23^#

發表於 14-2-21 04:05 |只看該作者

回覆：草的帖子

草，你好勁呀！
我覺得埋身餵好難set 時間表，
我個仔而家六週大，
未滿月時驚佢餓未去黃，所以一喊就餵，
但佢又只食十分鐘內就瞓鬼著左
到而家瞓嗰度已變成習慣，始終有時都唔夠三粒鐘就要食，如果係，我應該點做先set 到？？

私人傳訊回覆引用

Rainye

大宅

積分: 2171

22^#

發表於 14-2-21 01:14 |只看該作者

回覆草的帖子

2-3wek就set時間表？你好勁呀！我B1個月大，咁應該點set呀？因為佢食奶都唔係好定時…所以成日都無得瞓……

我要更加努力！

私人傳訊回覆引用

panda098020

別墅

積分: 637

21^#

發表於 14-2-20 21:55 |只看該作者

我有三個，一個6歲，一個7歲，一個5個半月食全人奶，係好辛苦呀……由其揍大個兩個又要帶佢地返學放學又要教佢地做功課，又要做家頭細務，阿b自從食左人奶之後……又吾肯食奶粉，又吾肯用奶樽，就算我出街都要行有育嬰室既商場

私人傳訊回覆引用

草

伯爵府

積分: 18713

環保接龍勳章

20^#

發表於 14-2-20 20:59 |只看該作者

回覆 Phoebewhy 的帖子

其實我唔係訓練佢, 我一開始已經比佢自己訓, 係由day1, 係醫院開始, 呢個係習慣, 所以完全唔洗戒.
連續幾日都夠濕片, 又唔洗去醫院睇黃之後, 我就開始set 時間表, 中間都會有猛長期, 係好唔同, 佢明顯地係唔同晒, 食唔離口, 好快又想食, 比佢又真係食唔係梅. 咁就係猛長期.

我睇書講, 有時間表又會自己訓, 大部分bb 6wk左右會自己戒, 我女都係呀. 生活有規律又唔會係訓時成日比人轉移地點, bb就會有安全感, 唔會成日醒, 腸胃ready就會自己戒.

私人傳訊回覆引用

Phoebewhy

大宅

積分: 1570

19^#

發表於 14-2-20 19:34 |只看該作者

回覆草的帖子

謝謝你的分享呀！我之前都有訓練個女自己瞓，所以到而家都係自己瞓唔駛我煩。不過佢早一個月開始連午睡都無埋，好似唔駛瞓咁，可能係因為我就生時少左帶佢出公園放電，唔係太攰變左唔瞓午覺。我好想佢瞓返，但暫時無咩計仔！想問下你，2﹣3weeks就set到時間表咁勁？佢仲係食得好唔regular，我又怕D咩猛長期會食得密，都唔知點set 好。同埋呢想問你，第二個幾時開始訓練佢自行入睡呀？因我大女當時3個月先開始訓練（因為之前同奶奶住訓練唔到），我想快D 訓練細B呀！同埋呢，戒夜奶幾時開始好？有咩心得？要就住大女好多野都唔知點安排好！！！怕嘈住女女瞓覺。