吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 我好唔開心！點解會咁！

母乳餵哺今日: 0|主題: 85707

收藏本版

回覆發帖

返回列表

跳至頁

查看: 4447 | 回覆: 44

我好唔開心！點解會咁！ [複製鏈接]

12 3

文里文靜

男爵府

積分: 7339

1^#

發表於 07-7-13 03:44 |只看該作者 |正序瀏覽 |打印

http://discuz.baby-kingdom.com/viewthread.php?tid=1056526&extra=page%3D1&page=1

呢個節目出街，我一d都唔覺得有問題，
非常之開心！俾多d正確既觀念各位媽咪唔好咩？
點解d餵奶粉既媽咪要去投折人呢？
點解自已餵唔到/各原因就話人地引導錯誤呢？
真係好唔開心！

雖然有自由權選擇人奶定奶粉，但何苦要投折人呢？

我覺得我地要幫手做d野！
我好希望會有第3第4集出街！

有無計？

[ 本文章最後由文里文靜於 07-7-13 04:00 編輯 ]

0 0 0

私人傳訊回覆引用

kenix^~^

別墅

積分: 513

45^#

發表於 07-7-18 13:36 |只看該作者

原文章由 Kristy555 於 07-7-13 10:27 發表
" 有時見到佢地話
"有d人奶媽咪好惡" "
講清楚d好播, 邊個惡呀...... 人地以為我地無錢, 我地要害bb先餵人奶, 好似佢地惡d播

有時d人問我地餵人奶定奶粉,,答人奶d人就唔出聲,,好似覺得我地無錢買奶粉甘,,我地咪又係受了不少白眼,,但其實我地餵人奶用既錢咪仲多,,淨係買黎減肥..健胸膏咪仲貴,,,仲有人奶既宣傳其實好少,,更何況我都唔覺個節目有貶低奶粉既感覺,,奶粉媽媽會唔會激左d呢??:lol: :lol: :lol: :lol:我相信所有奶粉媽都知人奶比奶粉好,, 我知要成功餵人奶唔係容易既事,,但我覺得奶粉媽好似自己餵唔到都好似唔想別人餵到咁:-( :-( :-( :-( 個人感覺啫

私人傳訊回覆引用

miutang

大宅

積分: 1964

44^#

發表於 07-7-18 06:31 |只看該作者

wawamama

你好勁... 如果係我, 我可能已經放棄...... 第時有咩人奶講座, 你一定要現身說法, 因為, 你就係"人辦"!!!

私人傳訊回覆引用

Glad

版主

積分: 16388

好媽媽勳章醒目開學勳章

43^#

發表於 07-7-17 21:51 |只看該作者

"最好的配方 " 有感

一個好值得我們深思的節目, 最近引發了討論. 從中體味到不同人的觀後感和理解.
是時候, 讓我們反思究竟人類的糧食資訊, 可以從那裡得到最全面呢?

從傳媒中說奶粉對孩子成長的風險, 是第幾次呢? 是我的第一次, 如有更早的, 請分享.

究竟如何表達這個訊息, 才會是皆大歡喜呢?

最好的配方的定義是甚麼呢?

我好喜歡節目的命名, 給我有很廣闊的思考空間.

在我個人來說, 現時可供父母為子女在初生期決定的糧食, 就是母乳和奶粉. 如果要找當中的 “最好的配方”, 母乳是絕對不能與奶粉來相提並論. 因為母乳並不是一種配方產品.

因為配方是有一定的程式和組合, 有可量度的分量. 母乳是因應母親的飲食和身體狀況, 而又配合寶寶的成長轉變. 人人不同. 而是同一人, 今天拿去檢定的分量, 報告出來之時, 又轉變了. 更何況, 以今時今日的人類智慧和科技, 都未能完全發掘母乳全部的營養成分. 單就是已知的, 就是300多種. 所以母乳並不是一種配方.

看過節目, 我就想到問幾個抽象的 “最好的配方”.

如何發展一個友善的母乳餵哺之社會環境呢?“最好的配方”是怎樣的呢?
如何發展一個保障和維護全民健康的社會呢?“最好的配方”是怎樣的呢?
如何發展一個尊重不同育兒方式者的社會呢?“最好的配方”是怎樣的呢?
如何發展一個具備完善的食物資訊的社會呢?“最好的配方”是怎樣的呢?

看過就著節目所觸發的不同討論, 最深印象的, 就是曾經努力和有餵過母乳而因著種種原因, 無奈忍痛放棄母乳的媽媽, 她們被觸動的情感, 令我感到難過和同情. 我不禁問: 我們的社會要有怎樣的“最好的配方”去支援這些媽媽呢?

又有怎樣的“最好的配方”去幫助新手媽媽面對哺乳育兒的障礙呢? 力不從心的感受真的是很無奈和傷痛. 讓我們為有需要的人獻出關心和支持.

在此, 我向以上經歷的媽媽致以深切的關懷! 你們的付出, 是無價的寶物, 已經孕育在寶寶的身上, 不斷成長. 他們定會貼心地回饋你們盡心盡力的愛!

讓我們在育兒路上繼續努力!

[ 本文章最後由 Glad 於 07-7-18 12:28 編輯 ]

願 【母乳餵哺資料庫】 保守著大家的母乳路 ! 無論順逆 , 願大家都以喜樂和盼望的心迎接喜與憂 ! 加油啊 ! 因為我們在這裡耕耘的路上 , 有的是扶持和關顧啊 ! 願 【母乳餵哺區】 是母乳家庭的加油站 !

私人傳訊回覆引用

peaceaa1122

珍珠宮

積分: 37878

馬年勳章 2025中秋節勳章 2025勳章蛇年勳章 2024年龍年勳章好媽媽勳章醒目開學勳章畀面勳章

42^#

發表於 07-7-17 20:22 |只看該作者

好同意你的說法！
亦希望見到個節目有新一集的出現！最好係一系列專輯添！

原文章由 basilmama 於 07-7-15 23:19 發表
我都唔明點解要攪到好似好複雜
食奶只係最多好幾年ge事,何必攪到"人奶"vs"奶粉"
再gum樣,呢個對抗係永遠都唔會停,因為日日都有人出世
人bb-->食人奶,牛bb-->食牛奶,羊bb-->食羊奶
呢D係每個生完bb ge媽媽天 ...

私人傳訊回覆引用

wawamama

大宅

積分: 2807

41^#

發表於 07-7-17 20:05 |只看該作者

放棄的理由，我全部有，包括

仔仔要住兒科而食左奶樽...
我要做手術(兩次!)...
仔仔初期體重很輕(好在現在已追番)
乳腺炎...
乳頭破損(依家變成一個小洞)...
傷口痛但每晚還要餵奶...
每日還要番工番到8、9點...

但是...

仔仔食完很滿足的樣子，是我最大最大的動力。

雖然有血有淚很辛苦，但又樂在其中。

laughin' to keep from cryin'

私人傳訊回覆引用

mangocat

別墅

積分: 863

40^#

發表於 07-7-17 18:11 |只看該作者

原文章由 eeb 於 07-7-16 10:53 發表
係好離奇，因為雖然我唔完全認同佢既投訴，特別係"奶粉既配方跟母乳已經很相近, 相信對身體絕對沒有影響"呢兩句，但我撐佢唔係我鼓勵佢去投訴，而係鼓勵佢唔好因為其他人屈佢而唔開心。

同一個節目，大家睇既 ...

佢用philipine 個case 唔係同香港比較, 係想帶出奶粉商在當地經營手法問題同美國點樣在經濟上干預小國, 個case 沒有跟香港比較wor

私人傳訊回覆引用

bbpooh

男爵府

積分: 9395

39^#

發表於 07-7-16 14:15 |只看該作者

每個人有唔同的看法是一樣的,确實有一班餵奶粉的媽媽,她們的原意是希望餵母乳,但種種的原因,她們無法辦到,換個角度,如果我們是她們,或許看過節目都會唔舒服!

我們可以餵到母乳,當然自己有付出,還有好多人事物的配合.想一想節目中說在04年出生的小朋友,只有17%能持續半年享用母乳,我們一班母乳媽媽是香港小有的一個族類,兒子差不多二歲了,現在仍能餵母乳,當中像每一個母乳媽媽一樣都會有被人用奇異的眼光對待,如果我們能正面看節目內容,不去理會一些枝節的問題,就如人家的奇異眼光,不是很好嗎?

無論大家有什麼不同觀點,我深信節目是可以作為宣傳母乳的一個渠道,至於不同的觀點,盡管尤他罷!因為這是言論自由的社會,我們也無法使各人觀點一致.試想再這樣惡意的討論下去,一些準媽媽或許覺得我們是怪人,他日他們有母乳問題也未必敢來問.

歡迎來看丁噹的成長點滴

私人傳訊回覆引用

Mcdull

子爵府

積分: 11401

38^#

發表於 07-7-16 13:44 |只看該作者

大家都唔好唔好心啦! 各人有各人立場ma!

之不過我係好羡慕你地餵到人奶gei媽咪gei，亦為你們的兒囡高興。 (我第二個仔因為我乳線炎唔識處理回奶餵唔到，我到而家都覺得有d遺憾呀!)

原文章由 ivyscyip 於 7/13/07 12:58 PM 發表
我同意你的諗法﹗我地付出左好大努力先可以比最好的BB﹗

私人傳訊回覆引用

eeb

水晶宮

積分: 51073

至尊種植勳章醒目開學勳章畀面勳章環保接龍勳章

37^#

發表於 07-7-16 10:53 |只看該作者

係好離奇，因為雖然我唔完全認同佢既投訴，特別係"奶粉既配方跟母乳已經很相近, 相信對身體絕對沒有影響"呢兩句，但我撐佢唔係我鼓勵佢去投訴，而係鼓勵佢唔好因為其他人屈佢而唔開心。

同一個節目，大家睇既時候著眼點唔同，所以有人大讚，甚至要去信感謝節目製作，又有人睇完唔開心，要投訴，o係呢個自由社會，我完全睇唔到有乜問題，正如有人會支持投訴既人，又有人會因有人投訴而唔開心，都係因為大家對投訴內容既著眼點唔同。

講真，呢d投訴只可以表達投訴者既不滿，我唔覺得會抹殺往後其他推廣母乳/打擊奶粉商既郵目，我之前都因為生果報大肆報導日本奶粉而投訴，又唔見有關部門有實質行動 :tongue:

其實個投訴係咪完全無point，我覺得見仁見智，睇完令投訴者唔開心係好personal，有人睇完肥人扮公主都可以去投訴，如果後者有point，前者都可以有。另外，我都覺得佢講用菲律賓比香港既手法有問題，我都覺得有point，可能妳覺得講菲律賓只係帶出某個事實，好factual，但佢覺得係唔公平咁比較緊發展中/已發展國家既問題，都無錯。正如奶粉商都無真係講過奶粉既營養好過人奶，只係factually講自己添加咗d乜，但呢個手法都幾有問題，因為人奶有o個d成份係過咗一般人既common sense，而好多人一諗就會覺得"要添加先有，天然既人奶就無"，我地就覺得奶粉商講得唔夠全面。

我再講，我唔係鼓勵佢去投訴，我撐佢係因為好多人唔理佢既投訴內容，單純看為人奶vs奶粉，仲扭曲人地既意思/無中生有，令到佢都幾唔開心，甚至作出失實既指控，我因為識佢，所以知道佢係支持餵人奶同人奶媽媽既，其實佢自己都有表明，但d人唔知係故意睇唔到定係唔信佢，所以我為佢澄清，我唔係想加入唔理智既罵戰，但又好難袖手旁觀，唉，好在呢d話題好快會告一段落。

我估我都表明立場，唔夠清晰係因為我拙口笨舌，我唔想大家對我有誤會，亦唔求大家既認同，人奶路上我仍然繼續努力ing。

原文章由 dj.hkhk 於 07-7-15 01:13 發表
最離奇係其他mami撐佢唔係因為覺得佢投訴得有道理, 而係因為佢好努力試 ...

私人傳訊回覆引用

bb012506

大宅

積分: 2641

36^#

發表於 07-7-16 09:26 |只看該作者

我睇到o個個投訴post都覺得好唔開心！奶粉商成日洗人腦話奶粉好接近母乳，但如果母乳無優勝之處，點解奶粉要跟母乳成份去制造？但又一直無話比人知，母乳仲有好多成份係奶粉複制唔到，母乳仲可以跟據BB的成長，自行調節成份，配合BB發展，奶粉係有1號2號，但眼見身邊同事幫BB轉奶粉，BB會便秘、敏感等等，我就係要將呢D奶粉無的成份同好處比BB，所以我堅持。

我相信每位奶媽都經歷緊唔同的困難，我自已係在職媽媽，返工時間唔穩定，有時要長時間戶外工作，好彩我公司有女更衣室，我可以坐響更衣室泵奶，如果要戶外工作，我就要帶埋個泵去，谷到痛就搵公廁泵奶，然後倒左佢。我都試過要響廁所餵奶，又熱，又驚比人話我霸住廁格。

我個仔而家就快18個月，一晚仲要飲3次夜奶，叫我戒人奶的聲音成日有，仲有同事叫我唔好再癲，話人奶而家無晒營養，又成日食唔飽。我一直覺得政府只得把口支持餵哺母乳，但見到政府比奶媽的支援真係少得可鄰，想搵間餵奶室餵奶都好困難，而家難得有一個電視節目，比大家認識下奶粉同人奶，唔係好好咩？

有人睇到覺得難受，正是因為呢D人已經接受左奶粉商話奶粉好好，好接近人奶，甚至比人奶好的訊息，而家一個電視節目講出真實面目，就覺得難以接受，但難接受還是要接受，因為呢個係事實，再多投訴也改變不了的，我覺得選擇人奶或奶粉，係無對或錯的，因為這都是個人選擇，而接受呢個選擇的是媽媽與BB，跟第三者全無關系，但請比個機會未來的媽媽，比佢地了解奶粉同人奶，將來可以做一個適合的決定，而唔係因為覺得奶粉好過人奶而放棄。

私人傳訊回覆引用

acomcom88

子爵府

積分: 11204

好媽媽勳章大廚勳章

35^#

發表於 07-7-16 02:18 |只看該作者

原文章由 Glad 於 07-7-16 00:21 發表
這幾天忙到隻字不能打, 只有在看.
願大家在互相尊重和理性下交流分享.
我有一些感受, 遲些跟大家分享.
我在引發討論的題目中看見一位會員對投訴信有較詳細和深入的分享和體會, 可讓我們思索一番. 大家有看 ...

剛剛睇左,非常正確

私人傳訊回覆引用

Glad

版主

積分: 16388

好媽媽勳章醒目開學勳章

34^#

發表於 07-7-16 00:21 |只看該作者

這幾天忙到隻字不能打, 只有在看.
願大家在互相尊重和理性下交流分享.
我有一些感受, 遲些跟大家分享.
我在引發討論的題目中看見一位會員對投訴信有較詳細和深入的分享和體會, 可讓我們思索一番. 大家有看過嗎?

如果從舊的在前看, #196/#198~#202.
http://discuz.baby-kingdom.com/viewthread.php?tid=1056526&extra=page%3D1&page=10

oh, 可以下班了.

[ 本文章最後由 Glad 於 07-7-16 00:23 編輯 ]

私人傳訊回覆引用

carlyli

別墅

積分: 569

33^#

發表於 07-7-15 23:30 |只看該作者

我都餵左三個幾月,人奶,奶粉兩樣,因為個性容易有壓力,餵唔到全人奶,接受左事實後,pump下pump下又多d,而家想修身,驚影響奶質素,唔敢再餵(唔好鬧我呀),我覺得三個月人奶都唔錯,因為開頭為了餵人奶,搞到同大仔d關係好惡劣,心情好差,我老公都覺得我故此失彼,搞到家庭氣氛好差.....所以我好明白投訴個d媽媽的心情,我睇左可能都會有同感,只是我唔認同人奶和奶粉差唔多,但我覺得每個人的情況唔同,唔餵人奶一定有其他重要原因,餵奶粉唔等於害左bb.....佢地投訴只是出自情緒的抒發,多於理性上的不認同....因為想餵而餵唔到,一定要安慰自己,事情無法返轉頭,如果不安慰自己....奶粉都ok,咁好易內疚到抑鬱架!
希望bf媽媽體諒.

私人傳訊回覆引用

YEAH-YEAH

大宅

積分: 1775

32^#

發表於 07-7-15 23:29 |只看該作者

餵人奶真係有苦有樂，我都係2005奶媽，仲餵緊，我都來支持下。

人仔飲人奶，牛仔飲牛奶，羊仔飲羊奶，狗仔飲狗奶係天經地意嘅事，偏偏現世代嘅人對呢d正常不過嘅事都睇唔過眼，真係有病。?-(

私人傳訊回覆引用

basilmama

子爵府

積分: 12911

31^#

發表於 07-7-15 23:19 |只看該作者

我都唔明點解要攪到好似好複雜
食奶只係最多好幾年ge事,何必攪到"人奶"vs"奶粉"
再gum樣,呢個對抗係永遠都唔會停,因為日日都有人出世
人bb-->食人奶,牛bb-->食牛奶,羊bb-->食羊奶
呢D係每個生完bb ge媽媽天職,好自然ge事

而點解俾bb食人奶?對我黎講就好似平時飲食一樣
人奶=住家飯
奶粉=出街食

您地覺得住家飯健康,有益D,定出街食有益D呢,就要各下自己去衡量
當然,日日响屋企都煮D多油多脂肪,甚至餐餐公仔麵,一定無益
亦等於做奶媽飲食唔均衡影響奶ge質素
不過點都好,人奶裡面ge抗體,係無法複製,而且我見大部份ge嬰兒配方奶粉上都會話"母乳係最適合嬰兒"
有D又會話自己ge配方最接近母乳
既然奶粉商都係抄母乳,gum點解我地有原裝正版唔餵呢?
支持正版!支持母乳

[ 本文章最後由 basilmama 於 07-7-15 23:30 編輯 ]

私人傳訊回覆引用

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

30^#

發表於 07-7-15 21:21 |只看該作者

我bb仲有4個月先出世，之前一直都以為bf之外一定要加奶粉ga!
好彩bk有forum講bf嘅經驗，先知比人誤導左!

我上網睇返呢個港台節目重溫，唔覺得係傷害奶粉mami wor!!! 節目內容好正面，又唔怕得罪財雄勢大奶粉商，港台，好o野!!!

生完bb要返工，我都唔知自己堅唔堅持到bf，希望可以啦!!:lol (真係好佩服各位bf mami!)

私人傳訊回覆引用

chickenwing2006

瑪瑙宮

積分: 142864

好媽媽勳章

29^#

發表於 07-7-15 20:56 |只看該作者

我一路都係 bf 路上得 2 - 3 個人支持 , 連自己 mami + 99 都話辛苦同對自己身體唔好 .... 因為怕我 sleep 得小 !!

好彩到而家都快 10 個月 , 時間過得好快 cash 又健康同活潑 ! 所以其他人無得投訴 !

講番支持我的人只有 hb , 菲姐同姑仔 !! 其他人都係口頭支持下, 轉頭又話你辛苦 !

anyways, 大家係呢度都真係要支持下新任奶媽 !!!

私人傳訊回覆引用

nobleyuki

複式洋房

積分: 123

28^#

發表於 07-7-15 18:34 |只看該作者

仲記得我當初選擇餵人奶時,我奶奶當正我係顛婆,以為我虐待佢個孫,好彩我老爺(已同佢分居)係自然療發權威,知道人奶好,佢先至肯比我餵~~但期間真係受盡屈辱,有理說不清~~期間佢嗰邊有個親崴(成日覺得自已好有錢,係上等人)同我講:其實奶粉好有營養架,我呢隻xx牌,連醫院都食佢架~~但佢個女兩歲以黎,一个月最少睇次醫生,多起黎可以一個月五六次,最常見係食物敏感~`(
其實佢最初都想bf,已經買咗套pump~但最後誤信雪x牌奶粉係接近母乳,所以試都無試就放棄,並且認為食得起曰本奶粉係身份像徵~食人奶唔配佢,所以放棄~歸根奶粉商真係影鄉好大~
好在最後佢老公都去讀自然療發,先至為我平反,同我講:小朋友身體健康d,都會乖d,易教d~
總算我每晚捱更抵夜,每三個鐘泵次奶,用部ameda機都泵半粒鐘,泵到損,谷到痛,眼訓到暈,餵到喊既辛苦無白費~~
不過好在老公全程支持,呢樣好重要~所以有多d呢種節目比d無知既人睇真係好緊要