吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› bb7個月啦, 諗返bb o係肚入面o既時候有咩特別事呢?! 分 ...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1879 | 回覆: 30

[2006年] bb7個月啦, 諗返bb o係肚入面o既時候有咩特別事呢?! 分享下呀! [複製鏈接]

baby_yuyu

男爵府

積分: 5508

1^#

發表於 07-7-18 22:59 |只看該作者 |正序瀏覽 |打印

時間過得好快好快, 唔捨得個女咁快就7個月, 諗返起佢初生o既樣, 都已經有少少模糊, 因為日日都好似好忙碌咁過, 不過真係好開心。

諗起05年尾開始想要bb時, 個個月都好緊張, 成日怕自己身體唔係好好 (其實身體都唔係差), 好難有bb...個個月都話可能中喎, 講到我老公都唔係幾理我..哈哈...點知3月尾o既時候又覺得好似中喎, 驗一驗, 真係好似中o左喎...話比老公聽, 佢都唔係幾理我, 仍然依為我係講下...

我記得我頭o個幾個月食得訓得, 之後開始有少少嘔啦, 一嘔就嘔黃膽水, 不過又唔算係好辛苦...

之後就係個肚比較細啦, 到生之前有2個醫生都話我個b細, 有一個話要開刀tim...最後呀b好乖自己出世, 2.62kg, 細細粒, 5mins就生o左啦, 仲冇剪tim

, 依家大個o左好多啦

不過我仍然記得我o係屋企陣痛唔入院, 一入院就去待產室, 我老公比姑娘叫入產房同埋產後一個人o係醫院o既時候...真係我人生一o的好特別o既經歷:lol:

其實個腦入面仲有好多野, 不過寫唔到咁多出來了, 你地又覺得點?!

0 0 0

私人傳訊

SUKI622

大宅

積分: 2029

31^#

發表於 07-7-21 14:55 |只看該作者

睇完你地原來咁辛苦,我真係覺得自己好好彩,我陀得好舒服,食得瞓得,冇嘔冇咩作悶,係試過1,2次,不過我今次係第3次喇,之前小產過2次,所以我今次都好小心,同埋初初有左個時都好擔心,一路到我生完我都過得好舒服,我順產架,生完2,3日傷口都已經唔痛,個仔又3個月到就戒左夜奶,我同我老公都好錫佢同好珍惜佢,因為佢係第3個喇,所以做左媽媽先會有個種感觸!

私人傳訊

HaydenNg

別墅

積分: 610

30^#

發表於 07-7-21 13:48 |只看該作者

好感動..:-( ..做左媽媽先感受到:媽媽真係好偉大...

My pregnancy is pretty smooth, mild nausea, mild pain and no other complications, natural birth and took me 5 hours in total from water break to deliver the baby. After reading all other mummies experience, I feel myself to be a very lucky one. The only difficulty for me would be I tried to get pregnant for almost 1.5 yr before finally succeeded.

I wish all the best for every 0612 bk mums!! We are all brave and super mums

私人傳訊

sunba_mama

別墅

積分: 641

29^#

發表於 07-7-21 11:10 |只看該作者

見到你地d經歷，真係有d眼濕濕，你地真係好堅強，好叻！我整個懷孕至生產都係屬於非常普通case，唯一我向5、6個月時，d荷爾蒙影響，個肚皮突然敏感，好痕，又唔"R"得，怕有紋，醫生又唔可以開d勁藥，又話可能痕到生，後來痕得濟，唔理咁多就係咁"R"，"R"緊個時好舒服，但一停手，個肚皮就痛，過了個幾月就無咁痕，勁好彩咁"R"法都無肚紋。跟住我就開始咳，醫生又話可能荷爾蒙again，有可能又咳到生，我睇了好耐醫生，醫生都無咩藥可以開畀我，我咳到訓唔到，當時又有尿頻，幾乎咳到標vv呀！後來睇中醫睇好，終於係放產假前唔使再食藥，但我都咳了3個月先好返，個肚又大，咳個時又要就住！當時覺得自己好可憐，但當見到小b就咩都唔記得晒！

[ 本文章最後由 sunba_mama 於 07-7-21 11:24 編輯 ]

私人傳訊

cat.siu

大宅

積分: 3227

28^#

發表於 07-7-21 02:45 |只看該作者

睇完你地的經歷, 我都算好好.
我一直都無唔舒服, 無嘔, 陀到差不多3個月的某朝早起身發覺肚痛, 我以為正常無理佢, 果日要返晏 (14:30-22:30) 我繼續返工, 直至放工返到屋企諗住沖涼 & 睡覺, 口多多講比老公聽肚痛, 佢非常緊張, 即刻同我去瑪嘉烈急症, 個醫生話子宮收縮作小產要我留院觀察, 到第二日我發覺其實醫院都無野幫到我, 我咪出院囉, 隔左一日發覺見紅, 但第二日黃昏約了私家醫生做檢查&睇OSCAR報告, 我又唔理等到產檢才告知醫生, 又係作小產, 及通知我報告屬高危, 佢開左幾日病假叫我留在家瞓床, 我無理, 因為心情實在太差, 如果唔返工o係屋企我會喊死&胡思亂想, 好彩無事, 之後才知原來一定要在床休息, 到抽羊水當然膽心(因有機會流產), 好彩一切順利, 但因bb頸皮厚, 驚唔係唐氏會係心臟問題, 又要成日照u/s, 總算無事啦, 鬆一口氣.
生產過程好順利(順產), 我去到醫院姑娘話已經4度, 跟住我仲可以自己行入去換衫, 換完後再check話7度, 羊水都無穿(由醫生整穿的), 跟住就好痛, 好痛, 跟住就話生左啦, 我由踏入醫院登記到生左都係個半鐘, 非常感恩.

私人傳訊

fion2504

大宅

積分: 4007

27^#

發表於 07-7-20 22:34 |只看該作者

amyhohohk

又唔係喎.

當時半夜我下半身尾龍骨位痛到起唔到身又陏都唔陏得.但係又係深夜時候, 所以我就自己訓係到等天光. 咁5點幾才叫醒c6話俾佢知. 佢知道後就話:吓....再睇定d先.....跟住佢就再訓番

, 再到6點幾, 我都係陏唔到. 咁唯有再叫佢起身. 叫先付我落床,同我慢慢....慢慢....慢慢咁行兩步.跟住當自己都可以行到時(不過我都係痛的)就自己搭MTR番工啊:-( .之後問佢你做乜咁無人性, 佢話當時第一時間係諗, 我又無仆x過, 無問題的, 話有諗過我一係就有血癌,如果係的話佢起身都無用, 如果唔係都唔係嚴重事. 仲話好彩佢再訓下先咋. 如果唔係真係call白車就笑死喎

. 跟住我成日都行唔到路, 因為賀爾蒙迫住d神經系統, 但佢又話我吹水...成日話我陏少少就話好痛

好彩生完後醫生話我係小腸氣, 所以係痛的. 証明我無吹水:loveliness: 生完一星期後發燒,燒到108度, 用探熱針俾c6睇, 佢又話係睇錯姐, 快d訓啦. 我當晚用左3張被,著"雨用",但都係由骨到凍出來. 到左天光,同c6講都係好唔舒適, 打去問99, 99話要立即睇醫生, 醫生都話我燒到108度, 點解咁唔小心啊

.之後c6都係餵左兩日夜奶.我好少少就自己餵番了.....但c6到現在都覺得我係超舒服的. 因為我生個一刻係用無痛娩面....所以好多時候佢都唔知道我好辛苦, 但自己可以做到的都費時佢做啦. 因為其實c6做o野好辛苦, 好大壓力, 番來都散晒, 所以成日都想訓覺

原文章由 amyhohohk 於 07-7-20 17:08 發表
哇! 你真係好勵害......
實在太辛苦...... 你老公一定好錫你...
我問我老公... 你覺唔覺得我生仔好辛苦, 好偉大... 佢話覺得我生得好容易... 好似五分鐘攪點噤.... 所以佢唔當我生個仔係一回事... 激死我.... ...

[ 本文章最後由 fion2504 於 07-7-20 22:40 編輯 ]

小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs

細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)

私人傳訊

judymama

子爵府

積分: 13744

26^#

發表於 07-7-20 18:53 |只看該作者

好感動..:-( ..做左媽媽先感受到:媽媽真係好偉大...

私人傳訊

amyhohohk

洋房

積分: 262

25^#

發表於 07-7-20 17:10 |只看該作者

我昨晚都突然間自己係到諗返bb係我個肚時

私人傳訊

amyhohohk

洋房

積分: 262

24^#

發表於 07-7-20 17:08 |只看該作者

哇! 你真係好勵害......
實在太辛苦...... 你老公一定好錫你...
我問我老公... 你覺唔覺得我生仔好辛苦, 好偉大... 佢話覺得我生得好容易... 好似五分鐘攪點噤.... 所以佢唔當我生個仔係一回事... 激死我....

原文章由 fion2504 於 07-7-19 16:14 發表
睇完你地ｏ既經歷，真係睇到我好想好想喊:-( :-( ，真係好辛苦好辛苦啊．我自己係因為成日見紅，紅左成兩星期，去睇醫生，醫生話我賀爾蒙失調，叫我打通經針，我怕痛，所以食通經藥．之後因為我跳緊belly dance ...

私人傳訊

eshiro

男爵府

積分: 6247

23^#

發表於 07-7-20 14:37 |只看該作者

"見到你地既經歷,就覺得自己都算係幾幸福啦" <--- me, too .... planned to have baby since dec 2005... checked every month and finally found out in early April lar~ (around 6 weeks)~ Luckily... didn't feel any unwell at all... the whole pregnancy period just went soo smooth.. and baby was born 4 hours after I was admitted into the hospital.. and baby just came out so smoothly ... so the labour process was just 30 mins... didn't feel too much pain at all....

The only thing that upset me was the visit of my mom~ She came back with my dad on my 4-5th months pregnancy.... it should be happy, but she just too easy to get mad.. and scolded at me once when I returned home from work.. that was the only time I cried during my pregnancy.

So, I told her indirectly to come back after baby was one month old but not right after baby was born. And the relationship with her gets worst and worst after baby was born lu.................

[ 本文章最後由 eshiro 於 07-7-20 14:38 編輯 ]

私人傳訊

gigi82008

大宅

積分: 2165

22^#

發表於 07-7-20 01:06 |只看該作者

原文章由 baby_yuyu 於 07-7-18 22:59 發表
時間過得好快好快, 唔捨得個女咁快就7個月, 諗返起佢初生o既樣, 都已經有少少模糊, 因為日日都好似好忙碌咁過, 不過真係好開心。

諗起05年尾開始想要bb時, 個個月都好緊張, 成日怕自己身體唔係好好 (其實身體 ...

Me 2, 諗起05年尾開始想要bb時, 個個月都好緊張, 成日怕自己身體唔係好好 (其實身體都唔係差), 好難有bb...個個月都話可能中喎, 講到我老公都唔係幾理我..哈哈...點知5月份伤风去睇醫生,因經期遲到顺便驗一驗, 真係中o左喎.
因為呢胎係我既第一胎...唔係好知點做.但係由初初有o左到生一直都有好多人錫我,我都算幸福la.
見到咁多媽咪喱d經歷真係睇到我眼濕濕:-( 大家都為BB付出好多&好堅強!
祝各位mama&BB都健健康康開開心心:-P

BB - 12月29日 - 重6.9磅.

私人傳訊

PeggyNgan

複式洋房

積分: 346

21^#

發表於 07-7-20 00:09 |只看該作者

見到你地既經歷,就覺得自己都算係幾幸福啦...由初初知道有o左到生一直都有好多人錫,因為呢胎係我既第一胎...唔係好知點做,但因有一個做護士家姐,佢已經有兩個女,所以第一時間問家姐,第一次係家姐陪我去婦科醫生睇既,跟住自己因為本身有病,已是一個每天都要食藥既人(但算幸運呢個病冇傳比阿b),驗血報告唔係咁好...比讚育sendo左去瑪麗既高危組睇,都算有一班大醫生照住.....不過我一直都冇乜嘔,算係陀得舒服,行得走得,公司又有一個同事住在附近,差唔多日日都陪我返工放工睇住我,落雨怕我跌又扶住我走....唯一最令我辛苦的係...醫生因為我o個病要我提早入院催生...."塞"o左兩日藥係下面,第一日冇乜反應,第二日夜晚8點幾開始痛得好快...以為生得...點知都係開得一度....忍極都瞓唔都,打o左一支止痛針,終於睡了...到第二天仍是一度.....痛到晚上食埋飯,又比姑娘發現穿羊水,但仍是一度....於是趕去沖涼洗頭啦....跟住又話我發燒...要釣水..催生...急call老公入產房,但釣了12小時,子宮脛仍是開得一度...結果又要開刀...(而我因為發燒血液既白血球偏高,而要全身麻醉),b女到星期日既十一點多才正式出世,足足痛左差唔多兩日先生...嚇到我老公話唔生第2個

不過宜家見到女女既可愛早已將所有既痛忘得一乾二淨啦...仲諗住下年生多個陪女女添....

有時我都覺得要和應一下老公所講媽媽真係偉大啦....

私人傳訊

hungmabbbb

複式洋房

積分: 451

20^#

發表於 07-7-19 21:30 |只看該作者

睇完你地o既經歷, 真係覺得經險萬分, 我陀住bb 時冇咩特別唔舒服, 只是當時未知有咗去了日本旅行, 吃了很多魚生, 雞泡魚都有食

走了很多路, 後來想起都有點担心.好彩BB很健康出生

私人傳訊

ruby168

大宅

積分: 1756

好媽媽勳章

19^#

發表於 07-7-19 19:51 |只看該作者

我都同大家分享一下我的經歷∼∼

我等左呀ｂ足足三年喇！足於俾我等到了，初初未知有左的時候，成日擒高擒低攞鞋俾客試（因為個時幫我老公家姐看鞋舖），後來發覺留啡已經一星期，個人就無咩餵口食野和見暈，自己就係屋企驗啦！真係有左，知後去婦科檢查，醫生話我作小產要訓床，當時好驚會失去呀ｂ，就拿拿聲同我老公家姐講話唔可幫佢看鞋舖喇，足足訓左個幾月床，又食唔到野，又成日作嘔作悶見暈喎，嘔到生呀！個段日子真係好難過，好想呀ｂ快ｄ出來，到要生呀ｂ時都痛左１２個鍾都只係開左３度咋，最後都要開刀，仲係要全身麻醉tim，因為落左半身麻醉時都感覺到有感覺呀，當時我驚到:-( 到收唔到聲，醫生見我:-( 成咁，就決定同用全身麻醉生呀ｂ，好可惜我和ｂｂ爸爸唔可以親眼睇住ｂｂ出世，真係好遺憾．

雋彥bb出世重3.125kg

私人傳訊

fion2504

大宅

積分: 4007

18^#

發表於 07-7-19 16:14 |只看該作者

睇完你地ｏ既經歷，真係睇到我好想好想喊:-( :-( ，真係好辛苦好辛苦啊．我自己係因為成日見紅，紅左成兩星期，去睇醫生，醫生話我賀爾蒙失調，叫我打通經針，我怕痛，所以食通經藥．之後因為我跳緊belly dance, 攪到只腳好痛，又走去照ｘ光．跟住食左成個星期通經藥都係見紅，走去睇婦科，一照就話我有左１０個星期，仲作小產所以才見紅，我個心都唔知點算好．醫生又怕我之前食ｄ藥會影響ｂｂ，所以ｓｅｎｄ左我去贊育到的產前診斷科到．成日ｃｈｅｃｋ住，又話我ｄ藥如果生女會影響性器官．之後就成日都好擔心仔定女．跟住又要立即攪結婚（３日ｂｏｏｋ晒所有ｏ野

ops:" /> ），又要計＄＄（失晒預算），之後又攪搬屋．到醫生話係仔，但之後醫生又話可能呢ｄ藥會影響ｂｂ心仔．成日都ｃｈｅｃｋ住，跟住醫生又話我７個月時個一個月肥得太多，要我減肥，我唔食飯，食１�３個麵，自己煮菜，日日餓住個肚．跟住又話我可能有孕ｘ糖尿病，ｓｅｎｄ我去檢查，抽紅，飲糖水．．．．自己又有小腸氣攪到行路好痛（２００份之一的機會的孕婦才有，我都仲左

），又因為賀爾蒙影響到只手痛，有次條尾龍骨刺痛，直情起唔到床，陏唔到仲差ｄ要ｃａｌｌ白車．又有一次一起身就頭暈，暈到立即去廁所嘔，嘔完都係勁暈，唔陏得，一陏就嘔，又唔訓得低，又食唔到．真係一步一驚心．成日都失眠，訓唔到覺．．．．生完ｂｂ一起身，９９就叫我食疆飯，可能ｄ飯太勁，一食就嘔，之後又迫我再食，又嘔．．但個人又勁肚餓，勁辛苦，之後攪到咳又傷風，回家後自己仲發燒，燒到１０８度．成個人散晒．但又要餵夜奶（４個鐘一次），病左兩次．生完後去小便又勁痛，以為發炎，去種尿，好彩唔係，不過都痛左個幾星期．．．．．好好彩，小叭好得意，肥肥白白．．．做啊媽真係好辛苦好辛苦啊．:-( :-(

原文章由 yenmyvv 於 07-7-19 12:33 發表

睇完你地呢幾個媽咪o既經歷, 真係覺得你地好好好偉大呀, 雖然我陀住bb 時都有辛苦o既時候, 但就差得遠...

大家最辛苦o既時候過去了, 而家雖然都辛苦(因為冇覺好訓, 又擔心佢), 不過呢d 都係開心o既辛苦時 ...

[ 本文章最後由 fion2504 於 07-7-19 16:41 編輯 ]

私人傳訊

little_ribs

複式洋房

積分: 378

17^#

發表於 07-7-19 15:23 |只看該作者

托賴整個懷孕過程都好順利﹐唯獨是選醫生方面出了問題。

原本我有一個資深的婦產科醫生﹐她在告訴我預產期(27/12)的同時告訴我這日子碰正她的長假期﹐並給了我一些提意。當時只是我懷孕的初期 (大約四個月) ﹐我想自然分娩及很希望可由一個醫生由頭跟到尾﹐於是我便轉了另一個何醫生。

在第一次看這位何醫生時我已清清楚楚的交待了事原及說明我的要求﹐她亦回覆說﹕"你放心﹐那段時間我唔會放假"。自此之後我便找她為我做產檢﹐直到預產期前五個星期的一次檢查。。。我和她reconfirm她在我預產期那段日子付近是不會放假的﹐她竟然回被我個問題﹐以下是我們的部份對話

何: 你放心啦﹐我一定可以同你接生的。
我: o甘你係咪即係唔會放假呀?
何: 會放假.
我: o甘幾時?
何: 16 號.
我: 一月16號呀﹖
何: 十二月
我: 放到幾時呀?
何: ??? (一個過了我預產期的日子)
我: o下﹐o甘你點樣肯定你可以同我接生呀??-(
何: 我會用藥/一D方法另到你早D作棟﹐早三個星期都已經叫足月架喇﹐唔使擔心。
我: o甘咪即係催生﹐我唔想.
何: 我地醫務中心還有另外一個婦產科醫生楊醫生
...

呢個時間又叫我轉醫生!!?? o甘我當初點解要睇佢丫﹐她還有很多很多籍口﹐我聽到她甘講真係好嬲﹐覺得她非常無醫德﹐無醫德的醫生又怎會為個大人和BB著想﹐點可以交呢個接生重任給她。最荒謬係我點解要因為她去旅行而催生呢

臨生時都已經好忙自己野又要準備BB野﹐仲要因為佢無醫德而煩和嬲﹐又唔得閒告佢﹐真係便宜了佢﹐唔知佢呢招害了幾多人。

佢呢間醫務中心係好多區都有﹐我去的一間在旺角某中心 808 室。

私人傳訊

lsycarmen

別墅

積分: 637

16^#

發表於 07-7-19 14:13 |只看該作者

我都分享下先..我係第十週先知有bb, 知道之前發生左.........
1) 有bb之前走去學詠春, 學到知道有先停左無返學

2) 行行下跌左落個坑到, 個坑有我條腰咁高, 可能學左詠春關係我係9秒9喺個坑到彈返上地, 之後整親左腳到大比咁走左去照x光又做物理治療&睇跌打&食中藥
3) 隻腳未好翻就走左去騎馬, 彈上彈落
4) 唔知點解成日都想食雪糕, 飲凍嘢(之前唔係好鍾意食凍嘢)

知道有bb之後.......
1) 陀到中段有2日覺得bb唔yuk, 走去睇醫生
2) 照bb時發現有條線係bb身邊, 醫生話可能會cool住bb"景",手,腳, 好彩後來比bb踢走左.
3) 生之前一個星期bb yuk少左好多, 到預產期嗰日醫生話要即刻安排入院&崔生
4) 作動時顧住睇電視唔發覺自己作動, 到睇完之後諗諗下先去計作動時間, 點知已經係3-5分鐘痛成分鍾
5) bb個頭出左嚟原來臍帶cool住bb條"景"
6) "馮"針時仲係流好多血仲比姑娘鬧"你唔好咁啦, 流咁多血唔得嫁........." 之後堆左我去唔係產後室嘅床位, 叫我如果睇bb就自己行過去(我係聯合生嫁, 聯合係可以mami同bb同室嫁, 係mami自己照顧bb, 到時到候先推bb去bb室), 但之前又叫我係床10個鍾唔可以落床

, 之後係我, c6, 99嘈到拆天之後先安排我去產後室我先可以同bb一齊 (原本跟本係有床位, 都唔知點解唔比我)
7) 出院前bb檢查, 發現bb有心漏病.....

不經不覺bb已經7個半月啦................

私人傳訊

hellokitty1011

男爵府

積分: 5093

15^#

發表於 07-7-19 13:51 |只看該作者

所以對於仲生唔生多個, 我都有所保留, 帶1個BB來這個世界, 都係唔容易.

看左你地的經歷, 真係看到眼濕濕:-( :-( :-(

回望番整個懷孕的過程, 由發現有左的喜悅, 到阿B出左世的時間, 真係萬般滋味在心頭!:cry:

我初初有左阿B都唔係有太大的問題, 有嘔過, 不過都係好輕微, 之後就好似過關甘啦, 過完一關又一關.11周就去左照OSCAR, 好彩低危, 一心想著一切都順利啦, 點知去到好似15周去照結構性超聲波,發現阿B個心仔有個洞, 醫生話有機會生埋, 如果生唔埋就係先天性心臟病, 即係心漏, 仲要話阿B有機會會係唐氏, 嚇到我兩公婆都唔知喊左幾多次, 去QE又話唔會同我地攪, 包括抽洋水, 結果我地都係走去私家抽洋水, 抽的過程好痛, 等結果的時間仲痛, 簡直係度日如年. 好彩快速測試(都要1個星期),發現阿B唔係唐氏,老公話話這個消息係個天比佢的一份大禮 (因為知道結果的那天係老公的農曆生日). 不過之後又要擔心阿B的心仔問題, 期間情緒真係好低落, 好擔心錢啦,好擔心去私家生定係QE生啦, 阿B個心會唔會生埋啦, 真係好擔心, 一想起如果阿B出世後即要做心臟手術, 我的眼淚就會自動甘流, 直至而家想起都會, 照超聲波真係密到好緊要,平均2星期都有1次, 直至生之前的一星期都仲有係QE照, 不過結果都係仲未生埋, 轉眼間阿B出世啦, 我第一件事係去問兒科醫生, 阿B的心仔情況, 係好開心, 因為醫生話唔覺阿B有問題, 個心跳同心聲都好正常, 之後係醫院的每一日, 我都有問兒科醫生相同的問題, 好彩每次都正常, 不過出院前1日, 醫生同我講阿B有G6PD缺乏症, 我又喊啦, 因為我心裡想, 點解又係我阿B呀! 幸好之後對這個病認識多左才無甘擔心.

我成個懐孕過程都係好擔心, 唔知同我阿B而家時時皺眉頭係唔係有關?

所以對於仲生唔生多個, 我都有所保留, 帶1個BB來這個世界, 都係唔容易.

分享煮食的樂趣, 是減壓的一種好方法!

私人傳訊

LMCK

伯爵府

積分: 17062

好媽媽勳章醒目開學勳章畀面勳章 BK Milk勳章

14^#

發表於 07-7-19 13:04 |只看該作者

見到你地陀bb同生仔ga經歷咁辛苦, 我已經算係好好, 好好喇. 我成個懷孕期都好舒服, 無嘔過, +埋唔使返工, 每日都只係食同訓, 食自己鐘意ga野, even凍野, 奶茶, 可樂都照飲可也, 間中只有恥骨痛比較辛苦一點, 由開到1度到生得都只係用左4個鐘頭.

要數最難忘就係 - 我老公份人係好緊張, 呢樣驚, 個樣怕, 搞到我因為佢ga不安而喊左好多次. 我喊係因為佢比太大壓力我, 佢睇有關懷孕期ga書, 就只會睇懷孕期會出現ga問題, 而走黎同我講,

剛剛知道有左, 又驚我宮外孕, 照到無宮外孕, 又擔心照唔到bb心跳, 照到有心跳, 又驚bb唔發育..........我係c+做ocscar係低危, 佢擔心唔準確, 到16週o係我唔願意ga情況下要我再驗血, 點知係高危, e生話可能我的賀爾蒙的變化影響個result, 另外照u/s, e生都唔覺得bb有唐氏的徵狀, 叫我地放心同考慮抽羊水,

到決定抽唔抽羊水呢一環, 我係堅持要抽的, 我唔係驚bb有問題, 而係想快d証明比我老公睇bb係好健康的. 但我老公就好矛盾, 一方面想我抽, 另一方面又怕我會流產, 最後都係抽左, 到知道結果ga日子, 老公出差去左上海, 我話俾佢知bb正常ga時候, 佢大聲喊左出來, 不斷同我講sorry, 知道係佢ga不安而令我無端端要去抽羊水......

其實唔到生bb個日, 未真正抱bb上手個一刻, 佢都唔能夠放鬆一點.