吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好煩....瞓唔著

夫婦情感今日: 8|主題: 42702

收藏本版

發帖

返回列表

跳至頁

查看: 4157 | 回覆: 31

好煩....瞓唔著 [複製鏈接]

clippy

大宅

積分: 2141

1^#

發表於 07-7-19 02:35 |只看該作者 |正序瀏覽 |打印

半年前有個女仔(都結佐婚)同我老公玩得好埋
我都同c6講要避忌下, c6一味話人地男仔頭, 唔會
好啦, 最後個女子終於都話中招, 咁點丫
我喊到死下死下, c6都一路話佢無野, 會同個女仔講清楚

因為c6同個女仔既哥哥係好朋友, 基本上個個星期都一定會見
個女仔都一定出黎, 我唔高興, 講過, 之但係無法子, c6無乜朋友, 我其實都唔想佢無佐d好朋友

其實....我心知我依家真係無晒安全感, 佢一唔係我身邊, 我就會亂諗野, 講白d, 我唔信佢

今晚佢生日, 食完飯見佢都累, 就返屋企. 夜d個女仔個呀哥打黎, 叫佢出去飲野, 佢問我比唔比, 唉....我點唔比丫, 我唔想佢比人笑. 同埋我無諗過個女仔都係度(乜唔使陪自己老公架咩!!)返到黎, 囉住份禮物, 話個女仔, 佢呀哥&另一個男仔送既. 我知個隻錶佢想買, 本來都要買比佢, 之但係老公好堅持我送比佢隻舊錶仲好ok, 唔要我送. (其實我見bb就出世, d$$都幾緊張, 我都忍住唔買比佢)

或者佢無呃我, 不過我唔明做咩佢鍾意個隻錶, 人地又知? 男人老狗真係會送二千幾蚊既錶比朋友架咩?!不過我諗我唔鍾意個女人有份囉. 我唔喜歡佢同個女人有任可關係, 我唔鍾意唔鍾意唔鍾意~

我本來都無諗住出聲, 只係想早d瞓, 快d忘記呢件事. 點知個c6見我唔等佢瞓, 係咁迫我講做咩唔開心.我一早同佢講佐, 唔想講, 因為講佐都無用, 佢死都要迫我講.
好啦~我講啦~我話唔鍾意你同個女仔玩咁埋
佢咪又係答我...咁我出去都係坐佐一陣0者...下刪數十字
我同佢講, "咁講佐, 咪即係又係咁囉"
佢居然就pang一聲瞓覺
依家慘啦, 到我瞓唔著......

迫我講做咩呢~!!!!!

0 0 0

私人傳訊

smile^v^

大宅

積分: 1456

32^#

發表於 07-7-21 13:51 |只看該作者

妳係好唔開心好心痛,但妳都話妳會一心一意對bb嘛,所以...妳就當為左就快出世既bb,唔好再喊,因為咁既情緒或多或少都會對bb有影響嘛
其實妳老公可能真係冇野既,妳真係禁唔想佢地friend既(我估冇乜女仔會鍾意既)妳不如寫信同妳老公講啦,因面對面傾有時d語氣唔好自己又唔知,就會鬧交收場,好難用囗表達自己心情囉,所以妳試試寫信同佢講,總之寫晒妳覺得難過既感受,我相信佢愛妳既自然會反醒下o既......妳試試啦
小心身體呀:)
祝妳快d開心返,老公會明白妳啦

[ 本文章最後由 smile^v^ 於 07-7-23 12:51 編輯 ]

私人傳訊

lee1981

民房

積分: 83

31^#

發表於 07-7-21 12:23 |只看該作者

我覺得你要同佢好好地講.我都試過..又喊過,我同老公講唔鍾意佢咁,佢實話無野架.不過我話總之唔鍾意.個心會唔舒服,叫佢最好避開佢,而家久而久之佢都慣左.無同個女仔咁friend, 同埋如果可以的話我都會跟埋佢出去,除非係全部男人,講真如果佢緊張你,會理你感受,你喊佢都會心痛啦~溝通多d要講出你既感受,男人真係有時要管得梗d~~good luck~

私人傳訊

marriagesec

洋房

積分: 47

30^#

發表於 07-7-21 10:03 |只看該作者

Clippy,

我覺得你又唔可以生bb後就唔理 c6, 一定要兩面都照顧, 如你只顧bb, 而忽略 c6, 佢就更加有藉口去玩, 呢個亦係導致單親家庭既原因, 一定要小心處理.

私人傳訊

tabo911

大宅

積分: 1739

29^#

發表於 07-7-21 00:53 |只看該作者

clippy
i support u coz my case little bit same as u & also worst
than u !
now my bb only 20 days ! i very very unhappy & sad but when u see yr baby u will forget all the things !
dont angry too much about yr husband coz all man like
this ! never care wife, never care their feeling !
now u need support by yourself ! when yr baby born take care yr baby ! dont think too much !
tmr will be best !
God bless u

私人傳訊

kary512

別墅

積分: 739

28^#

發表於 07-7-20 23:59 |只看該作者

有o的女仔係咁架喎~不過有冇野真係唔知架..好似我有個女仔朋友又係成日都係玩sms,其實係同事黎既..我見佢成日都send百幾個sms就問佢啦..佢話其中一個係有老婆既..不過佢都識..跟住我話人地有老婆就唔好同人send咁多啦...跟住佢話玩下都好丫..話覺得個男仔有少少鐘意佢..我話(下?唔係呀?咁你仲同佢sms?)佢就話車..又唔鐘意佢..唔會破壞人地家庭~之後我就冇乜同呢個人講野啦...唉~有o的人就係自我...唔諗下人地感受...唯有真係要自己個c6有定力架咋....!以前我老公都成日出去..但係慢慢我由嘈到平伏喇...佢出我又出~不過係返外家到放晚好夜先返屋企..雖然佢係夜班..但係佢都唔係咁鐘意.之後慢慢依家踢佢出都唔出呀..依家兩三個月先出一次

私人傳訊

Japenese

男爵府

積分: 6946

27^#

發表於 07-7-20 17:42 |只看該作者

要d"好"男人明白女人心，真係不如抖抖仲實際！

醒返又係一個好老婆，邊個埋佢身邊個死！

呢d好老公得人鍾意ga，你打醒精神「保護」佢啦

[ 本文章最後由 Japenese 於 07-7-20 17:44 編輯 ]

私人傳訊

clippy

大宅

積分: 2141

26^#

發表於 07-7-20 17:35 |只看該作者

對眼總係唔聽話, 不停咁流眼淚, 我已經有d頂唔順

我都唔想知, 唔想諗, 想瞓

係咪瞓醒又應該好似無事發生過一樣呢? 我只係覺得佢到依家根本唔明咩事, 仲on居居咁

唉...救命, 都係瞓陣

私人傳訊

Japenese

男爵府

積分: 6946

25^#

發表於 07-7-20 17:09 |只看該作者

樓主，要鍚住自己呀！有大有細...

買過隻靚錶比c6，佢戴你呢隻就收埋另一隻啦

你抖抖，一來比對眼好d，二來d男人冇耐性安慰人ga，佢見你冇反應，整到佢無癮，有人call就實走頭，見好就收一收la

[ 本文章最後由 Japenese 於 07-7-20 17:11 編輯 ]

私人傳訊

clippy

大宅

積分: 2141

24^#

發表於 07-7-20 17:00 |只看該作者

呢d女人, 我只好望個天遲早比報應佢:tongue:

我老公就係個d永遠都做好人既人, 我信唔過既係個賤女人

我好認真咁講過, 我介意佢地仲係朋友, 之但係C6居然話我知要佢絕交做唔到
我見到個錶袋同個錶盒就眼火爆

, 想燒佐佢

好不幸, 對眼喊到過敏+發炎, 依家腫到嘔, 一喊就好痛, 救命~

心情真係好差, 我諗唔關產前抑鬱事, 因為只要呀囡踢我, 我就會開心D. 我同個C6講, 我心情唔好, 佢居然話係你唔受氹之嘛, 我DOWN多兩成. 對眼, 佢仲可以問我做乜搞成咁...天呀~ 佢問我想佢點氹我, 我叫佢諗掂佢, 因為我真係好攰好攰....

私人傳訊

onon1022

子爵府

積分: 12563

好媽媽勳章

23^#

發表於 07-7-20 01:06 |只看該作者

其實男人唔同女人...佢地覺得同對方無野...就算對方鍾意佢...自己唔鍾意佢就無問題...大家係問題...但係女人就覺得應該避忌...男人覺得女人小氣...咁都嬲...朋友見面好少事...但係女人就係接受唔到...其實個女仔鍾意你老公...你老公唔講...你唔會知道...你老公同你講...佢都係坦白...如果既然你老公唔會唔同佢見面...而你又唔信你老公...咁你盡量陪佢一齊出席...

[url=http://lilypie.com][img]

私人傳訊

cookingmami

禁止訪問

積分: 275

22^#

發表於 07-7-19 23:46 |只看該作者

提示: 作者被禁止或刪除內容自動屏蔽

私人傳訊

Bching

複式洋房

積分: 139

21^#

發表於 07-7-19 23:03 |只看該作者

唉！有d女人真係好賤...好鐘意做第三者，搶到人哋d男朋友呀老公呀！好似自己好叻，好有味力咁！嘔！

做第三者撬人嘢，仲要係個男人面前扮晒可憐，話自己"情不自禁，只不過想關心你，唔係要爭d乜，只要睇見你幸福快樂便心安，無心煩你的，然後成面眼淚楚楚可憐"。

係人面前仲賤要扮都勁煩惱，仲話自己都唔想，控制唔到，真係唔想破壞人屋企，但緣份嘅嘢.......頂！

但ed招數好多自認聰明及有形d蠢男人又信又受跟埋佢走，攪到妻離子散....

不過你個件女再高招d say sorry.....哈哈，激多你幾錢重(不過我冧因為你老公拒絕咗佢，佢冇計何施又唔甘心，專登攪"火"你，無中生有，令你自動自覺去盤到個男人煩晒，挑撥離間，咁佢未有機可成囉！唔好上當，益咗佢)，e招真係好絕！

個d女人一定有報應的

放鬆d開心d:-P ！等bb出世，好好照顧bb同自己。

可能你真係怪錯你個老公，其實佢一直到清清白白，只係個女人short short地同咁ｑ佢產前抑鬱唔想返屋企啫，你產後佢就好翻的了，到時見到bb咁得意，你叫佢遲d返屋企都唔制呀！

私人傳訊

clippy

大宅

積分: 2141

20^#

發表於 07-7-19 20:49 |只看該作者

其實...再差d, 我諗過等bb出世, 我就唔埋c6啦
個囡係我既一切, 個c6想點, 佢自己想飽佢
我無心機理佢

同埋我覺得, 要我去死跟, 去乙水佢, 佢又未必彩我既
(佢只係識諗自己要朋友), 我寧願去用心湊女好過
只係我朋友話, 個囡都deserve一個爸爸媽媽相愛既家
我呢個念頭先打消佐

私人傳訊

canies

翡翠宮

積分: 96537

19^#

發表於 07-7-19 20:46 |只看該作者

咁我都相信你老公係「清白」嘅!
覺得佢係諗住ＢＢ出世後冇得玩先咁鐘意去街.
版主,呢個時候点都係軟功ka la.
得閒捉佢手摩下你個肚,等佢feel下ＢＢ,
扮ＢＢ send sms 俾佢,
提醒佢就嚟做人爸爸.

私人傳訊

clippy

大宅

積分: 2141

18^#

發表於 07-7-19 20:41 |只看該作者

我就唔知佢係咪產前抑鬱, 我就黎比佢搞到係

佢同個女仔既野, 自己囉黎, 一dddd都唔關我事
係佢自己同人0岩傾, 一個月send百幾個sms, 講無聊野, 我同佢講, 講笑咁講又講過, 認真講又講過, 要避忌, 會出事, 無人聽我講

, 直到人地真係同佢講中招啦, haha~佢就先話噢no, 乜咁架. 之但係無人理過我點諗囉, 個女仔仲可以send個sms黎say sorry, 話講下笑, 無心搞我屋企, 好笑咩???我一丁點兒都唔覺. 如果你依家比我去打巴佢, 又唔會比人拉, 我打佐好耐

我跟本就唔想提起個女子, 係個女子自己死入黎我既生活, 無啦啦叫我老公旅行幫佢買野, 我老公生日, 關你咩事0者~ leave us alone pls.

近排佢出去, 我係自己亂諗, 不過無同佢講過, 只係講話我就生, 不如去出少d街咁, 都無比黑面佢睇, 呢大半年黎, 我黑面, 喊, 基本上只有一個原因, 就係個死8婆

氹吓佢...我真係要比時間自己先可以
我除佐迫自己忘記, 我諗唔到更好既方法
本來我呢幾個月過得好好, 差唔多可以忘記, 做咩事我老公生日又搞事0者, 咁多人死唔見你死~!
其實女人都係受軟唔受硬的, 可惜, 無人理我

[ 本文章最後由 clippy 於 07-7-19 20:44 編輯 ]

私人傳訊

Bching

複式洋房

積分: 139

17^#

發表於 07-7-19 20:23 |只看該作者

佢會唔會有產前抑鬱症呀！男人都可以有嘅噃！

始終多咗個bb，責任大咗好多，仲有樣樣都係$$$$，第時仲要幫手湊仔，冇得成日出街玩.....所以e家好想出佢搵多dfd開心吓,不過咁q個女仔係佢個fd個妹好容易撞到..，佢可能真係當埋個女仔係妹啫噃，況且老實講佢唔可以管住人哋個妹架.....

再且可能佢根本未有心理準備...接受唔到做人爸爸...抑鬱咗tim，繼而心情煩燥....而你又時時對佢疑神疑鬼....成日唔開心...咁佢煩上加煩，更加怕咗係屋企對住你la！...避得就避吓先...煩事兩個對住面黑黑

避吓避吓！本應佢對個女仔到冇乜feel，你提得多咗，攪到佢又留意得多咗，點知個女嘅真係冧你老公。咁！幣la！你未俾晒機會同籍口佢哋囉！分分鐘鐘無無情情雙手送咗個老公俾人。

唔好再專登係佢面前提個女la，挑起佢留意個女條根就大o落。
本應佢都唔留意佢，俾你講到佢唔講唔覺，講多幾講佢又有dfeel到個女冧佢，個女真係送上門有時好難拒絕的，尤其是為咗表現自己仲有女b冧，幾威呀！

開心d無好黑口黑面

，氹吓佢留底陪你，同佢講bb同你都好需要佢係身邊支持，千祈唔好用命令或威迫嘅語氣留住佢。男人受軟唔受硬的。

原文章由 clippy 於 07-7-19 19:24 發表
我都好認真咁同佢講過...話我就生啦, 你唔好留低我一個, 多d陪下我. 其實同佢講呢樣野, 係因為佢呢輪成日為佐d無聊理由遲返, 或者食完飯就趕住出去, 話買野, 睇玩具咁, 佢又渣電單車, 我係唔會跟住去, 我擔心都 ...

私人傳訊

clippy

大宅

積分: 2141

16^#

發表於 07-7-19 19:24 |只看該作者

我都好認真咁同佢講過...話我就生啦, 你唔好留低我一個, 多d陪下我. 其實同佢講呢樣野, 係因為佢呢輪成日為佐d無聊理由遲返, 或者食完飯就趕住出去, 話買野, 睇玩具咁, 佢又渣電單車, 我係唔會跟住去, 我擔心都din, 成日自己亂諗野, 所以同佢講,講佐真係好d

不過尋晚佢生日, 我估唔到佢都要出街之嘛

唔知點解...講佐點解唔開心之後, 餘下既只有anger
好嬲, 好忟憎, 尋晚成晚d眼淚無停過, 眼好痛好痛咁去瞓
今日返工con都戴唔到

今日放工, c6黎接我放工, 我真係0即都笑唔出
有一句無一句咁答下佢, 我不嬲都係開心唔開心都係面上既人黎
實在笑唔出, 佢問我仲係咪嬲, 我都唔知答佢咩好

睇晒你地d回應, 食飯時d火都走咁d
都有對答下
呢件事我諗又係不了了之, 因為佢永遠唔會提出解決辨法
又係等下次再發生同樣既事(因為同樣既事之前都發生過一次, 一樣..不了了之, 我自己迫自己忘記佢)
咩事次次都要我諗點解決0者, 自己諗下好唔好?!

要客觀,冷靜+柔情...好難, 我盡量
我知, 如果迫到佢走去個女人度係on居, 之但係我真係唔知點
我朋友話佢出去都要死跟, 一個要死跟既男人....唉....我覺得自己好折墮, 跟又點, 一個男人要走, 跟唔到既
其實我都好傻咁試過跟一排, 之但係我一黎個肚越黎越大, 二黎老公直頭同我講d朋友笑佢老婆跟住, 咁我唯有識趣d, 閃人

我知, 我知成日喊會影響bb, 好記得半年前我喊到精神崩潰咁滯, 只有諗住bb我先可以起返身. 我都希望喊少d, 想盡快忘記呢件事.

好憎個女人, 想殺死佢