吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 今日知道個消息...好徬徨><

嬰兒用品今日: 0|主題: 93262

收藏本版

發帖

返回列表

跳至頁

查看: 5376 | 回覆: 41

今日知道個消息...好徬徨>< [複製鏈接]

12 3

maggiepretty23

複式洋房

積分: 214

1^#

發表於 14-3-4 23:15 |只看該作者 |正序瀏覽 |打印

各位媽媽,大家好!!想同大家分享下....求正能量...
我剛剛係美國返來(因為受唔住果到既生活>O<)...準備返香港開始自己既事業...
但今個情人節...收到一件唔係太想而家收到既禮物....
就係知道自己有左BB>O<

知道果一下真係好驚訝....(因為自己既期好唔準...醫生都話唔容易有)
我同我老公都未想咁快生(因為回流都需要時間去建立穩定生活),再加上我自己既事業剛起步....所以呢個結果我都用左好耐先去接受...
然後開始接觸關於既各樣野....去醫院約期,約私家產檢,網上睇各位媽媽既心得分享..等等..
今日係第一次產檢...去別人推薦既施聰白醫生到做產檢....
雖然都等左好耐,但醫生真係好細心...
但佢又俾左個令我震驚既消息...
就係...今次係孖胎來,7W5D= =
一個我已經覺得自己應付唔來....而家仲要兩個...
好多媽媽知道自己有左孖B都好開心....但我到而家都開心唔到...
好徬徨丫.....
再加上自己既心臟有時會跳得好快...醫生都擔心...要再去做心評估
完全冇經驗....完全唔知道點好...而老公仲係美國搞埋D手尾先可以返來...
請問我而家應該點樣做丫?
有咩要小心?有咩要留意?
孖B係唔係QE生比較好呢?(我約左的)定係去私家生?
公立生可以開刀生嗎?因為我知道自己一定受唔住....
註定今晚一定會失眠><
多謝大家既幫忙

0 0 0

私人傳訊

felica218

男爵府

積分: 5068

42^#

發表於 14-5-30 21:34 |只看該作者

引用：再次多謝大家不斷俾正能量我丫!!多謝大家~~

原帖由 maggiepretty23 於 14-03-12 發表
再次多謝大家不斷俾正能量我丫!!多謝大家~~
而家開始日日想嘔><
另外,大家有左之後係唔係變得好容易醒.... ...

曼魚唔食得架，因為係無倫魚

私人傳訊

Shirleyscnp

大宅

積分: 1195

41^#

發表於 14-5-30 08:53 |只看該作者

Relax and it is a blessing to have twins!

開心迎接兩個小生命，才是最重要！

私人傳訊

twins_man

大宅

積分: 3278

40^#

發表於 14-5-28 03:46 |只看該作者

引用：+本帖最後由+maggiepretty23+於+14-5-26+14

原帖由 maggiepretty23 於 14-05-26 發表
本帖最後由 maggiepretty23 於 14-5-26 14:17 編輯

多謝大家俾咁多鼓勵我呀!!

我係廣華做產檢, 每次檢查都好似照結構咁好詳細, 醫生會由頭講到落腳, 度頭圍, 照下眼耳口鼻, 大脾骨長度, 血液運行方向, 姑姑仔, 身形周數大小, 重量, 等等~~ 好詳細~~

如果你下次產檢, 有唔明既地方一定要問啊, 有咩唔明最好抄底, 醫生一定會答你既~~ 加油啊~~ 有咩問題如果唔可以即時問醫生可以問我地架~~ 因為懷孕期間有好多野會逐樣逐樣咁出現, 例如會突然便祕, 好多孕婦都會, 所以我會食蕃薯, 又飽又健康又去到便便

希望你愈來愈開心

私人傳訊

twins_man

大宅

積分: 3278

39^#

發表於 14-5-28 03:34 |只看該作者

引用：+本帖最後由+maggiepretty23+於+14-5-26+14

原帖由 maggiepretty23 於 14-05-26 發表
本帖最後由 maggiepretty23 於 14-5-26 14:17 編輯

多謝大家俾咁多鼓勵我呀!!

當我陀住 bbs 時不單恥骨痛, 仲有腰痛, 肋骨痛, 係掂一掂都痛!! 我覺得最好止痛方法係沖個暖水涼, 不要熱水, 邊度痛花灑就對住個痛位沖, 沖完就好舒服~~ 果時我一日沖幾次涼, 不過陀 bb 又大汗又熱, 沖咁多次涼都無所謂既~~ 但最緊要沖完涼後記得茶返肚紋膏, 否則 d 皮脂流失, 肚皮愈扯愈大會好痕, 一痕就 r, 一 r 就爆紋架喇

我用開 bio oil, 萬寧有得買~~ 幾好用~~ 一沖完涼個肚仲濕濕地 ( 輕輕印乾水分後 ) 茶就 ok~~

我係廣華產檢時有問過醫生呢個訓覺能應該向左訓定向右訓呢個問題, 咁醫生話其實向邊訓都無問題既, 因為你未訓著時就話可以控制自己向左邊訓, 但訓著左之後就理唔到架喇, 大前提係要自己訓得舒服, 可以買條勁大腸仔夾住訓, 或者係背脊堆被頂住條腰, 真係舒服好多!! 另外, 唔洗擔心會擇親 bbs, 因為有羊水保護~~ 我個肚未太大時仲會扒係度訓~~ 過幾個月佢地大隻 d, 胎動明顯 d 既時候, 就會好定時定候係你岩岩訓著時踢醒你架喇

私人傳訊

maplewood

大宅

積分: 1080

38^#

發表於 14-5-26 21:56 |只看該作者

有啲4個月都照到，我15週都未肯定，17週先肯定照到，不過未到照結構我都唔會當100%

私人傳訊

akane0888

別墅

積分: 602

37^#

發表於 14-5-26 16:06 |只看該作者

回覆：今日知道個消息...好徬徨><

E? 甘快可以知仔定女喇？係qe 醫生同你講？我下個月剛4個月,唔知有無機會知呢

私人傳訊

maplewood

大宅

積分: 1080

36^#

發表於 14-5-26 15:01 |只看該作者

我上胎分邊去咗廣華同私家(林勇行) 照, 私家會一路照一路講解, 政府睇你好唔好采, 我上次個醫生都係照比自己睇仲要我都望唔到個monitor.

私家有啲DVD咁的keepsake 比你, 但我就重來無睇番啦!

公家睇完都ok 就唔駛再比錢睇私家啦.

我自己今次都book 咗私家睇,純係想清楚地自己對眼又望下. 聽下醫生一路講一路睇.

孖胎結構出面一般4千零蚊度.

仲有, 腰痛用個薄枕頭墊下, 大肚時肋骨會撐開, 所以一係"pang"骨位痛, 一係腰骨痛, 墊咗枕頭會好啲.

私人傳訊

maplewood

大宅

積分: 1080

35^#

發表於 14-5-26 14:46 |只看該作者

oh, 恭喜哂, 孖女好可愛呢, 有次係機埸見到對孖女, 超可愛, 我老公流哂口水.

我都諗緊同你應該差唔多週, 我都係十九週幾, 可能你瘦啲所以早啲feel 到胎動, 我第二胎應該sensitive 啲都只係有時feel 到輕微郁動.

咁arm, 我哩幾日都瞓醒恥骨位痛, 可能胎大strain勁啲. 我估醫生都係話mechanically 孕婦都一定會有. 無咩做到.

記得可以的話向左側瞓, 右邊有條大靜脈壓住會影響到血回流同供血到子宮, 啲書敎20週後就要咁做, 不過孖胎肚大, 應該早啲開始向左瞓.

私人傳訊

maggiepretty23

複式洋房

積分: 214

34^#

發表於 14-5-26 14:16 |只看該作者

本帖最後由 maggiepretty23 於 14-5-26 14:17 編輯

多謝大家俾咁多鼓勵我呀!!
最近忙緊自己既小生意...所以冇上到來BK!!
分享一下我既近況先!!
得到大家既鼓勵,同埋老公又返左來,身邊既朋友同家人都好支持我!!
而家我都好期待我對孖囡既到來~~
哈哈,冇錯呀~~照左之後係一對孖囡,我同老公都超開心...因為我地都係喜歡囡囡XDD
而家19週多D啦~~已經FEEL到佢地係我肚到郁來郁去!!哈哈,好得意既感覺!!
特別係聽音樂既時候(每晚都播佢地聽),郁得特別勁!!
我想請教一下大家,我有係QE做照結構...但醫生好似照俾自己睇....好多佢睇到既部位我都唔知道佢講邊到= =""但就話一切正常~我有需要再去搵間私家照嗎?
同埋我而家腰一訓低就好痛= =而盆骨對落既恥骨都係一訓係到就超痛= ="
各位JM有冇相同既經驗呀?有冇方法可以舒緩?多謝大家呀!!

私人傳訊

maplewood

大宅

積分: 1080

33^#

發表於 14-5-23 12:48 |只看該作者

我想加多句, 我係高齡產婦, 係好多人眼中我係事業同經濟都好成熟, 屋企多對孖b 應該好易搞.

係好啲, 但係我依然有我的各方面限制,包括錢同生活安排.啲人問我係咪會搬大啲, 我話你以為搬大屋咁易咩?

我永遠都相信babies always come at the right time, 個天仲要係送兩個比你, 係超然的福氣, 一定會搞得惦的.

我身邊大把事業有成有車有樓的人, 你知嘛, 唯獨欠了孩子, 過了時機就沒有返轉頭了, 我諗佢地寧願要少啲成就同錢, 寧願放少啲時間係事業, 要細路. 我身邊好多人花咗好多錢係IVF, 想要都無. too late.

無一個perfect timing架, 有就要珍惜,唔會搞唔惦的.

點評

maggiepretty23 多謝妳既鼓勵呀!! 發表於 14-5-26 14:09

私人傳訊

akane0888

別墅

積分: 602

32^#

發表於 14-5-23 11:10 |只看該作者

回覆：今日知道個消息...好徬徨><

我都同一樣係孖b ,也是qe 生，現在13weeks ,我也覺得徬徨架，因為我成3個月先知係孖胎，之前仲有點產前抑鬱，日喊夜喊返工又喊。不過好在老公呀，朋友呀都日日開解我，依家都期待bb 既來臨。一同努力吧

點評

maggiepretty23 一齊努力!! 發表於 14-5-26 14:09

私人傳訊

twins_man

大宅

積分: 3278

31^#

發表於 14-5-23 02:05 |只看該作者

回覆：今日知道個消息...好徬徨><

首先恭喜左你先, 孖胎係一種福氣黎架!!

我同你情況好似, 又係經期唔準, 所以無啦啦中左, 一照先知係孖胎, 我同我老公都無諗過會係孖胎, 但好開心囉

咁我係私家照左係孖胎就去左廣華排期, 無記錯果時係 6w. 咁好好彩, 醫院都安排到期比我照唐氏, 記得好似係 13w 時照既, 基本上所有要比錢出去做產檢既, 政府都包晒, 仲有免費葉酸同 materna

咁我其實好早已經覺得自己有左, 計返日子, 我諗 3-4w 時已經有少少作嘔, 好眼訓, 到 6-7w 左右就嘔到飛起, 諗返起都覺得辛酸, 我就嘔足四個月

真係食唔到野, 飲水都嘔, 但好奇怪, 食 mcd, 雪糕 ( 盡量食硬身雪糕, 軟雪糕多菌, 不過最好唔好食 hehe ), 可樂, 無營養既野先可以放入口, 初時都幾擔心 bbs 會無營養, 但其實頭三個月葉酸最重要, 同埋我地個肝有儲備, 所以營養能量都夠用既, 但就算嘔都要食粒葉酸, 如果嘔得太嚴重, 臨訓前食啦, 訓左唔會嘔嘛

頭三個月好辛苦, 又嘔又暈又累, 又情緒失控, 如果要返工, 又覺得太辛苦就拎病假啦, 要好好休息, 我諗大部份害喜現像都係頭幾個月發生, 之後會好好多架喇

至於有咩止嘔方法, 可以試下聞橙皮, 食話梅, 諗到想食咩就食咩, 比如我果刻想食碗譚仔酸辣米線, 食左竟然唔會嘔, 所以隨後一段日子會日日食, 起碼有野落肚. 其實講真, 要嘔真係控制唔到, 所以隨身帶定水, 膠袋, 紙巾, 嘔完要浪口同飲水, 因為 d 胃酸會好拿架~~ 最 work 既止嘔方法就係訓, 訓左就唔會嘔啦

你有咩唔明, 可以隨時問大家架, 呢度 d JM 好好人, 好樂意解答你問題同安慰你架, 加油

點評

maggiepretty23 多謝妳既分享呀!!!呢到真係好多好心JM!!多謝大家發表於 14-5-26 14:09

私人傳訊

maplewood

大宅

積分: 1080

30^#

發表於 14-5-22 23:51 |只看該作者

想嘔試下買啲話梅薑黎食，我中醫師話哩樣最好

點評

maggiepretty23 而家過左頭3個月,就好左好多>O<多謝妳發表於 14-5-26 14:10

私人傳訊

awifetobe

大宅

積分: 1090

29^#

發表於 14-5-22 19:42 |只看該作者

回覆：今日知道個消息...好徬徨><

雖然我唔係孖b, 但同你一樣意外懷孕，好多野一開始都諗唔通，好徬徨同唔開心，但個時我好想係孖b, 覺得如果有咁好彩會係唯一令我開心既事

你加油呀，生命有時永遠係你預計唔到，但當解決左眼前既難題，一切都會係值得嫁，祝福你

點評

maggiepretty23 多謝妳!!我會加油!! 發表於 14-5-26 14:09

私人傳訊

sindyso101

洋房

積分: 95

28^#

發表於 14-5-18 06:57 |只看該作者

回覆：Jnam 的帖子

請問是否係政府生可以揀時間開刀，都只係2仟蚊？我現在7w係孖胎，想開刀生但私家又好貴，都唔知點好

私人傳訊

maggiepretty23

複式洋房

積分: 214

27^#

發表於 14-3-12 00:21 |只看該作者

再次多謝大家不斷俾正能量我丫!!多謝大家~~
而家開始日日想嘔><好辛苦...
請問有冇咩方法可以令自己冇咁想嘔?
係唔係話當日食左D對BB冇益既野就會特別想嘔?
因為今日走左去食壽司...但我剩係食左鰻魚同蛋壽司...但今日就好想嘔><
另外,大家有左之後係唔係變得好容易醒....呢排我日日都係訓得6個小時...就自然醒左...點都訓唔返....搞到返工完全唔夠精神做野....
超辛苦><