EggBB 發表於 14-3-5 16:39 
回覆 rose-mag 的帖子
可否教我如何浸檸檬？處理過程是怎樣的？
之後就係處理檸檬，將個檸檬洗淨抹乾，以前見我嫲同我媽係會放露台晒一晒先，屋企向東，乾早晒一陣抹落乾爽就收入嚟，冇陽光的話就放通爽處吹一晚，之後就係入樽啦。
鹽用幼鹽粗鹽都冇所謂，幼鹽因為幼細會封得密D，但同時又會要用多D，以健康嚟就海鹽，但實在唔化算，我浸果陣都係用普通食鹽，反而自己煮餸就係用海鹽。
將檸檬放入個樽度先，因為檸檬比較大個，如果個檸身幼的話唔放得落幾多個，而且闊身樽以後拎檸檬出嚟會方便D，唔好處係空間多咗要好多好多鹽。盡量度好位，唔好放到太滿，因為之後要預留位置封上鹽。放好檸檬後就將鹽倒入樽度，不時搖下個樽等鹽填滿有空位地方，最面果層鹽要多D，唔可以俾個檸檬露出空氣，因為一暴露空氣中就會發毛架啦。鹽唔駛完全填滿晒樽，密封個樽，放陰涼乾爽處，唔好照到陽光，等到見到個檸檬變成深啡色，而連皮都可用刀仔或匙羹切開就可以用架啦。
用法係每次1/4至1/3個檸檬加入熱水，用匙搞兩三下就得，唔好篤佢，你係咁篤就鹹死架啦，乘熱或暖時飲過肚，喉嚨會好舒服，冷飲唔適合有喉嚨發炎或傷風感冒，一次份量可以重覆沖水直至個檸檬已經無味道就換過新一份，飲得幾日真係會好好多。
花旗太太生活在花旗國，留意時差，你問我未必即時答到。
發表於 
好多鹽啊…用來下火，一流
返回列表
