吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 今日放工既奇遇

懷孕前後今日: 4|主題: 330442

收藏本版

發帖

返回列表

跳至頁

查看: 3518 | 回覆: 33

今日放工既奇遇 [複製鏈接]

Ling0103

子爵府

積分: 11184

1^#

發表於 07-9-17 23:10 |只看該作者 |正序瀏覽 |打印

我間中響到都睇到各位準媽媽投訴搭車無人讓位, 今日我呢個經歷比無人讓位更加奇怪.

話說我放工時會行到車尾上車(中環), 一來人比較少, 二來通常都會有位坐. 今日黎左一架接近空既地鐵, 當我想坐低時, 突然有個40歲既西裝友衝過黎坐左我個位, 好彩我隔離岩岩有個男人擋住如果唔係, 我同bb就會被撞跌. 我望下這個極品, 佢個樣子表現得好威(因為爭win 了). 咁我唯有行到其他空既座位坐. 至於車入面的其他人, 佢地係睇到整件事既發生, 不過就當睇戲一樣, 沒有人為我出頭. 不過都唔奇啦, 香港地, 人情薄過紙.
事發時, 其實架車有好多位, 我不明極品點解要爭坐同一個位. 可能佢很討厭孕婦, 又可能佢無媽媽, 亦可能是佢好喜歡同人爭位, 只是我今天不好彩. 事發後我驚到喊左出來, 打電話比老公後再搵幾個好友哭訴. 幾個好友都問我點解唔鬧佢. 當然唔啦, 呢d 人就係以此為傲, 鬧佢倒不如留口氣暖肚, 又唔想再驚動bb. 我只係後悔無即刻將佢的尊容拍底, 然後放去各大討論區比人欣賞.
我以後放工時會加倍小心, 如果見返呢個極品, 一定唔會上車同埋會同佢影張沙龍.

0 0 0

私人傳訊

YYZ

大宅

積分: 4180

34^#

發表於 07-9-22 17:31 |只看該作者

"仗義每多屠狗輩" ... 完全同意. 讓位比我的多數係外表似做勞動工作的... D西裝友都係讀屎片的... 好彩我都老公唔係O者.

做o左740天奶媽, 終於收工啦! 各位繼續努力哦!

私人傳訊

Flo0602

大宅

積分: 3997

好媽媽勳章

33^#

發表於 07-9-22 15:17 |只看該作者

我諗我都算好彩, 好多時搭巴士或者地鐵都有人讓座俾我, 只係試過一次係巴士上有個賤男人同我爭位jei, 佢坐左我個位之餘仲要不停係度昅我個肚同埋心口, 如果架車唔係多人我一定會兜巴摑佢!!!

另外我都好想講家陣好多年輕人都唔識禮讓, 由其係搭地鐵唔知點解好似驚死蝕底, 點都要爭行先先至開心, 所以我寧願企埋一邊等啲人上哂escalator先至行, 費事俾人迫親我又唔開心啦! 話時話, 有幾次係escalator讓我行先既都係國內同胞 (睇佢既打扮似係黎公幹個啲), 所以唔好成日話國內人士無禮貌, 有學識個啲既公民意識比起我地啲專貴大學生好百倍添呀!

私人傳訊

vickyki0277

複式洋房

積分: 366

32^#

發表於 07-9-22 12:43 |只看該作者

我就比較幸運, 我現在8個月啦, 間中都會有人讓位比我10次都有6-7次有人讓, 不過我發現荃灣線D人係好D好多次都會讓位比我, 但柴灣線就會冇人讓要等到有人落車先有位座, 所以我放工都會係中環搭車, 有位先上車, 費事有排企, 因為返工時係搭柴灣線, 放工就搭荃灣線, 唔知各位有冇同感呢??

私人傳訊

jessicashek

大宅

積分: 2393

好媽媽勳章醒目開學勳章

31^#

發表於 07-9-20 23:11 |只看該作者

讓位呢樣野, 大陸真係好過香港, 自己大肚係香港無人讓就梗架啦, 而家生完同6299去街, 兩個都好老下, 係香港坐mtr一家無人讓, 但係上個星期同佢地去廣州, 坐左三次廣州mtr都有人讓呀, 次次都係後生仔女呀, 可能佢地公民教育好過我地好多, 聲明我係local香港人呀, 但係唯一呢樣野要讚下大陸人喎

私人傳訊

lottyfish

大宅

積分: 1662

好媽媽勳章

30^#

發表於 07-9-20 22:29 |只看該作者

實在感恩, 我現在36週了, 從5個月起, 搭MTR很多時都有人讓位, 不論男女都有(不過我多數係weekends搭). 有次我企係門邊, 有個女人突然間話唔好意思睇唔到我, 即刻俾位我坐.

試個有個媽媽叫個十多歲的仔讓位俾我, 但個仔掛住打機無理佢, 最後係個媽媽俾位我坐. 有一次係一個八九歲的小妹妹, 那真是唯一的一次有小朋友主動讓位, 心想這個小朋友真有家教, 怎料原來好是日本人. 我有時星期日晚搭地鐵, 都試過好多次係d賓賓/印印讓位.

唉! 我地禮儀之邦真失敗.

私人傳訊

芷晴ｂ＊

別墅

積分: 586

29^#

發表於 07-9-20 21:26 |只看該作者

原文章由 Ling0103 於 07-9-17 23:10 發表
我間中響到都睇到各位準媽媽投訴搭車無人讓位, 今日我呢個經歷比無人讓位更加奇怪.

話說我放工時會行到車尾上車(中環), 一來人比較少, 二來通常都會有位坐. 今日黎左一架接近空既地鐵, 當我想坐低時, 突然有個40歲 ...

比著係我大緊肚仲同我爭位坐我實會鬧佢 , 咪等佢以為大肚唔發得脾氣就好蝦.....
我第一胎果陣覆完診搭火車全程都冇人讓過位比我 , 我由大圍一路企到返上水 , 落車果陣隻腳仲痛到差D行唔到...
到第二胎我就學精左啦 , 見普通車廂多人既我就走去搭頭等 , 我覺得而家有人讓位真係好難 , 寧願自己哂多幾蚊搭頭等 , 起碼一定有位坐.....

私人傳訊

chrisroy325

大宅

積分: 1655

好媽媽勳章睛靈勳章

28^#

發表於 07-9-20 18:29 |只看該作者

我有左到而家就黎九個月啦~
luck地~自從見肚後都每次by mtr時有人讓座我坐呢~

私人傳訊

bebelee

別墅

積分: 588

27^#

發表於 07-9-19 16:57 |只看該作者

Agreed. I take MTR to office everyday and I had only experienced 3 times that someone would give me their seats - all of them are women wor!!

私人傳訊

yywong1111

大宅

積分: 4627

好媽媽勳章畀面勳章

26^#

發表於 07-9-19 16:28 |只看該作者

我有左到宜家~ 搭親地鐵都冇人讓過位俾我坐~:cry:

私人傳訊

KaryLau

大宅

積分: 1071

25^#

發表於 07-9-19 15:45 |只看該作者

有無攪錯

原文章由 Ling0103 於 07-9-17 23:10 發表
我間中響到都睇到各位準媽媽投訴搭車無人讓位, 今日我呢個經歷比無人讓位更加奇怪.

話說我放工時會行到車尾上車(中環), 一來人比較少, 二來通常都會有位坐. 今日黎左一架接近空既地鐵, 當我想坐低時, 突然有個40歲 ...

私人傳訊

SillyPigPig

大宅

積分: 3415

畀面勳章 BK Milk勳章

24^#

發表於 07-9-19 15:19 |只看該作者

唉~~而家香港嘅公民教育, 我覺得真係差到無人有囉~~~~

想有人讓坐? 真係難過中六合彩咁~~~
唔好話搭幾個站吖, 啲人明明下個站落車, 都唔肯早啲起身讓個位俾你架~~~~仲要架車停定, 開埋門先施施然起身咁去落車添呀~~都唔知係咪專登架~:tongue:

我又係朝朝搭地鐵返工~~~為免無位坐, 又唔駛同人爭咁....(其實除住個肚越嚟越大, 企得耐真係幾辛苦)
因為我係離總站嘅第三個站....所以我寧願瞓少幾分鐘, 早幾分鐘出門口, 搭倒頭車囉...因為咁樣會少啲人答, 同埋實有位坐呀~~~~

同埋, 我亦都發現點解無咩人讓座啦~~~原來唔止我一個坐倒頭車咁等佢去到總站返轉頭(來回咁計, 大約用多十分鐘左右, 早少少出門口就好好架)....同我同一格車廂嘅, 都有好幾個呀~~~啲人咁用心良苦(我都係)咁為咗有位坐, 又點會肯讓座俾人吖~

私人傳訊

linglaulau

大宅

積分: 1882

23^#

發表於 07-9-19 15:04 |只看該作者

我都係咁話... 唔好望有人讓位... 但求唔比人撞到已經好好...
到有人讓位嘅咪會開心d lor....

我而家都就嚟8個月... 返工每朝都係搭同一班巴士...
遇到嘅人都係差唔多嗰班人....
次次讓位比我嘅都係同一位小姐.... 搞到我都唔好意思....
仲有試過係抱住bb嘅媽媽讓位比我lor!!!
今日好lucky 有位好心嘅先生讓比我.... :loveliness:

迫巴士返工放工其實都幾辛苦...
中途站上車真係唔會有位坐....
試過好多次頂唔住坐樓梯架喇... d人見到都係冇反應(扮見唔到)...

rush hour 搭mtr 仲驚....
諗起上次打風迫mtr返屋企... 真係好驚險....
最衰係有d人嘅目光真係好似我地大肚仲同人迫係自己攞嚟賤咁....

真係唔明點解有d咁cheap 嘅人....

我未有之前見到大肚婆老人家&抱住小朋友嘅家長都會讓位....
有咗試過搭巴士見到個肚大過我嘅媽咪冇位坐..
諗咗陣都忍唔住讓位..... (嗰時未見肚...但係坐親車都嘔....)
因為覺得佢會辛苦過我!!
我諗第日就算我冇位坐.. 見到d大肚婆冇人讓位我會幫佢開聲叫附近嘅人讓位比佢lor! 因為真係幾危險....

私人傳訊

fenzhu

洋房

積分: 440

22^#

發表於 07-9-19 14:45 |只看該作者

....
我7個多月喇,搭地铁得一次有人譲位............

私人傳訊

kakashi

大宅

積分: 1586

21^#

發表於 07-9-19 13:47 |只看該作者

我有左6個月以來, 可能個肚細啦, 都未試過有人讓位俾我.

不過我都唔expect架喇, 香港人呀嘛.

但求唔好push我已經好感激.

以上大家所講嘅我都好有同感呀.

我只係試過一次去檢查係旺角地鐵月台俾個大陸女人
係後面推住落車, 當時人又唔係多, 我火晒咁問候佢啦,
佢當聽唔到, 之後佢個c6出聲, 我轉用国語叫佢個女人咪推....
又係唔出聲扮冇野.

事後我老公叫我唔好聊事鬥飛, 話的大陸人癲起上來唔知會點架.

私人傳訊

clintonma

別墅

積分: 652

20^#

發表於 07-9-19 11:58 |只看該作者

我都發現讓座既8, 9成都係外表粗獷既男人,或者五十零歲既阿嬸, 從來冇OL/西裝友/學生讓架..

有次我撘KCR, 仲要抱住個大仔, 面前個位既人起身, 有個女仔衝埋黎坐左落去跟住同條仔吹水, 原來人地係尊貴既中大學生黎架, 幾威呀,大大聲講驚死人唔知佢係大學生咁呀

私人傳訊

winbun

大宅

積分: 1555

19^#

發表於 07-9-18 23:40 |只看該作者

我今日都撞到一個極品

，不吐不快，要上嚟同各位bk媽咪呻一呻！

話說我和c6放工係大厦嘅大堂等電梯，當時我哋企係最接近電梯門，後面有好多其他住客一齊等電梯。當電梯到達開門後，突然有一個女人從後閃出衝入電梯，本來已對佢嘅突然舉動覺得奇怪，但我哋仍跟隨進入電梯。平時我入電梯時都醒目會用手按電梯門，以防佢突然關上夾傷我肚入面嘅小B，但因為今次我地係第二個入電梯嘅人，按道理電梯門不會那麽快關上。點知當我哋入電梯時，門突然關上並發出很大的"呯"一聲，因為我和c6同時被撞到！我即時覺得個頭同手臂好痛並且"嘩"一聲叫咗出來。我哋同時望向這個女人，發現佢正在不停按關門掣，於是我忍唔住講咗句"有無攪錯，大肚婆都撞！" 我c6就氣憤地問咗一句"你係咪好趕?"

我相信有d跟我哋後面入電梯嘅住客都聽到我哋講嘅說話，所以佢哋都對個女人望一望。可能這個女人覺得羞愧，最後係電梯門自動關上前突然閃出電梯，走咗唔搭電梯！

好彩今次沒有撞到小b，只係一場驚嚇。不過真係唔明點解有好似這個女人那麽自私嘅人?-(

私人傳訊

新手媽咪仔

大宅

積分: 1383

18^#

發表於 07-9-18 17:09 |只看該作者

Ling０１０３

你講個條友好賤呀

同大肚婆爭位,正變態佬...

聽見都想打佢

我都就黎五個月,每次搭車都唔會期望有人讓位我坐,但求唔好被人撞倒自己,見肚以黎都係被人讓位坐過三次(一次後生仔,一次中年女人,最意外一次就係一個內地女人,仲要係火車頭等

)而家好多學生哥都唔會讓位俾有需要的人坐,都唔知受咩教育,公民意識差得很呢.....:tongue:

私人傳訊

Ling0103

子爵府

積分: 11184

17^#

發表於 07-9-18 15:17 |只看該作者

我發現, 當香港教育質素越高, d 人既道德就越黎越低, 越黎越自私. 有日搭地鐵, 見到有個5,6歲既細路女, 響到扭計話無位坐好辛苦, 架車已經好多人, 佢郁到d 人都怕左佢, 佢仲坐埋響地, 但係佢媽媽一粒聲都無出過. 最後有個滿頭白髮既婆婆讓個位比佢, 無論係媽媽定係個女仔, 都無講唔該, 個女仔仲好奉指咁坐底左. 希望我地做人媽媽既, 真係要好好咁教育自己既小朋友.

Cheuk C9
我諗可能係同一個極品. 因為佢都係無排隊, 響唔知邊度slip 左埋側邊第一行果個位. 呢d 人鬧都無用, 佢只會覺得自己岩晒. 基本上, 佢都唔配做人!!!!

私人傳訊

mommyisa

大宅

積分: 1720

16^#

發表於 07-9-18 14:28 |只看該作者

唔單止唔讓位，報紙仲報導兩位阿伯响巴士爭位坐打交。令我覺得教細佬仔一定要身體力行，首先要家長以身作則正確教導，由細到大培養而唔係爭得快好世界。
嗰次係美國Florida迪士尼世界，係shuttle bus車內令我睇會好深刻，通常去親都係一家大細、大肚婆、老人家乜都有，佢哋又帶埋袋同BB車，啲細路仔一上車全部男人見到自動自覺起身讓位