吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 咩人嚟架你???

夫婦情感今日: 2|主題: 42706

收藏本版

發帖

返回列表

跳至頁

查看: 4884 | 回覆: 40

咩人嚟架你??? [複製鏈接]

12 3

12258

洋房

積分: 33

1^#

發表於 07-9-27 13:29 |只看該作者 |正序瀏覽 |打印

成日話我放親假都要出街, 攪到你好攰, 但你又唔諗吓你晚晚放工返嚟, 食完飯之後就一係匿入房打機, 一係就睇電視, 理都唔理吓我同兩個細路, 就連放假都係咁, 我唔趁出街等你多d時間陪吓d細路, 仲可以有咩時間親子?
個個月都話唔夠錢駛, 但你一出糧又已經扣起d錢話足夠你返工用仲會有剩最少千幾蚊, 但到廿幾號就話冇錢返工, 要問我攞, 問你d錢去咗邊, 你自己講唔出或者唔敢講, 你就賴我, 話我成日都要出街, 搭車用哂.....搭車用得你幾多? 自從你話要出街駛費歸我之後, 我除咗家用, 就冇要多你一毫子, 出街食飯買嘢全數係我比, 就連你自己專用嘅哮喘藥都要我幫你買埋??出一日街你用嘅車錢唔夠一百蚊, 你咁話我?
個個月還錢比人都係歸我, 但借嗰個就係你, 之前差我老豆3千幾, 你1毫子冇還過, 買部電視, 你又話你會分期還比我老豆, 又係冇, 又係我幫你啃咗條數....啱啱呢個月還完電視筆數, 而家你想換電腦, 又叫我老豆幫你比, 又係話你會分期還, 我仲點信你呀? 你太多前科喇, 唔只呢兩單呀, 你個個月自己都唔夠駛, 仲會有錢還??? 咪即係又係我幫你啃, 我唔制, 你就發我爛渣.....
你自己咳兩聲就走去睇醫生駛二百蚊, 我比你傳染咗, 我發燒燒幾日, "睇醫生"呢3個字我提都唔敢提....你問都冇問過我一句....淨係比你食剩嘅藥我食, 叫我頂住....真係多謝
幾個禮拜, 晚晚放工返嚟食完飯, 由8點未夠開始就匿入房打機...有鐘意睇嘅電視時, 就出嚟睇吓, 冇嘅話就唔駛指意見到你, 每日同你講嘢唔多過10句.....你同隱形人有咩分別, 咁你係呢個屋企可有可無啦....
成日叫你陪吓d細路, 陪吓我, 幫吓我做嘢就話好攰, 叫我諗吓你每日瞓得幾多個鐘....先生...我晚晚11-12點就入房瞓, 係, 我係話怕你鼻寒聲大, 我瞓唔到, 你話你會等我瞓著你先瞓, 但我晚晚都幾乎一瞓落床就瞓著, 但先生你就照樣匿埋打機打到2-3點先肯瞓....2-3點....我神早已經瞓著咗啦, 你自己掛住打機打到唔知時候, 咁又賴埋我....???咁都關我事???係我唔准你瞓咩???
成日話我要出街攪到你駛多咗車錢, 咁我朝朝早同你一齊出門口返工, 車錢我比埋你嗰份, 你又唔計返比我???
個個月比4千蚊家用, 要我全包, 屋企所有駛費, 水電煤...買餸煮飯, 行街買嘢, 應買唔應買都係我, 細路學費又係我, 還錢又係我, 仲要顧埋你個個月由廿幾號開始話冇錢返工, 你比4千, 淨係月尾問我攞返嘅, 都分分鐘唔只2千呀, 咁邊個嚟幫我???你估我識變錢架?
月頭又話公司可以幫你訂月餅, 又話員工價, 話咗比你知, 呢個月我好緊, 月餅歸你, 你話好, 臨過節前一個星期先同我講話公司臨時唔幫你訂....問你幾時退返錢, 攞返d錢自己買啦, 你又話唔知, 咩都話唔知....好彩我老豆阿媽有月餅多, 比咗兩盒我姐, 如果唔係我哋唔駛過節啦....明明你已經話冇哂錢, 但你又可以中間嗰幾日冇問過我攞錢喎, 係咪公司已經退返比你, 你自己攞埋去用呀???
有你著數就擺我上台, 攞我過橋, 有事就要我幫你擋....
明知唔夠錢, 叫你呢個禮拜慳d, 唔好出去食早餐, 買麵包食, 你話唔夠飽, 我話一個唔夠咪買兩個囉, 帶支水返工飲, 都係要你捱一個禮拜姐, 你就黑口黑面, 朝朝要食廿幾蚊份早餐, 我日日都餓住個肚, 朝早6點起身餓到食晚飯呀, 唔係淨係呢個禮拜呀, 係個個月日日係咁呀, 都係為咗慳得就慳, 你唔係唔知丫, 點解我餓得你唔得呀, 你要精神要體力, 唔通我唔駛??
仲有太多...數你唔哂呀.....我真係頂你唔順喇, 有男人=冇男人, 咁我要你嚟做咩, 不如唔要你仲好, 起碼我唔駛睇你面色做人呀

0 0 0

私人傳訊

何bb

禁止訪問

積分: 450

41^#

發表於 07-10-18 23:13 |只看該作者

提示: 作者被禁止或刪除內容自動屏蔽

私人傳訊

irenec11

別墅

積分: 1283

40^#

發表於 07-10-18 22:23 |只看該作者

私人傳訊

manicheung

珊瑚宮

積分: 113477

好媽媽勳章

39^#

發表於 07-10-18 21:32 |只看該作者

咁你都肯同佢生兩個

私人傳訊

maggiechow

大宅

積分: 2616

38^#

發表於 07-10-18 20:34 |只看該作者

agree

原文章由 小寶貝兒 於 07-9-27 14:54 發表
樓主, 而家盤數係味妳揸住架??

不如試下叫佢睇住屋企盤數啦~~
我見DISCOVERY有個節目都係咁, 不過就掉轉, 個老婆大使, 老公揸數, 後尾掉轉左之後個老婆就知道屋企條數, 就唔敢亂買野啦~~

不過我諗咁做總要捱下... ...

仔仔06-12-2003出世

私人傳訊

pigpig78

大宅

積分: 2346

37^#

發表於 07-10-18 20:28 |只看該作者

I think this can be a solution too

原文章由 CYK 於 07-10-1 17:01 發表
樓主:

你有無諗過要佢俾曬7千俾你,跟手,你日日俾返$100佢當駛費?

可能佢身上有錢就痕,你咪錫下佢,幫佢手keep起D錢先lor

私人傳訊

深井媽咪

複式洋房

積分: 157

36^#

發表於 07-10-18 19:05 |只看該作者

超! 飛左拒啦! 拒解決不了你的問題, 更增加你的精神和肉體負擔, 又唔愛惜D子女, 要來做?

私人傳訊

maggiechow

大宅

積分: 2616

35^#

發表於 07-10-18 18:50 |只看該作者

支持你！！！
女人萬歲！！！

原文章由 cnyeung 於 07-10-1 12:51 發表
樓主我都好同情你, 唉, 你就當你前世欠佢, 今世是來還債吧. 今世還他一對仔女, 和照顧他的生活吧. 每人都有自己的命, 和與其他人的因果關係. 首先自己先不要自怨自艾, 想想你丈夫的某一些優點吧. 你當初選擇和他結婚 ...

仔仔06-12-2003出世

私人傳訊

CYK

大宅

積分: 4240

34^#

發表於 07-10-1 17:01 |只看該作者

樓主:

你有無諗過要佢俾曬7千俾你,跟手,你日日俾返$100佢當駛費?

可能佢身上有錢就痕,你咪錫下佢,幫佢手keep起D錢先lor

原文章由 giraheiyear 於 07-9-29 02:19 發表
樓主:

你老公1個人都有成3千蚊1個月洗la...1日都有1百蚊, 好夠架la...
你成頭家開支都係得4千咋...
雖然我老公搵得多d, 但係佢都唔比自己1日用多過$80架...
返工車$15.3, 食早餐$20, lunch$30, 係有時買吓煙咁囉... ...

私人傳訊

cnyeung

大宅

積分: 1606

33^#

發表於 07-10-1 12:51 |只看該作者

樓主我都好同情你, 唉, 你就當你前世欠佢, 今世是來還債吧. 今世還他一對仔女, 和照顧他的生活吧. 每人都有自己的命, 和與其他人的因果關係. 首先自己先不要自怨自艾, 想想你丈夫的某一些優點吧. 你當初選擇和他結婚, 總有原因的, 不要只記住/放大他的壞處.

我相信他性格上是有一些缺憾, 而他的問題好難可以改的. 算了吧, 我估你每個月雖然難捱, 但慶幸的是你有這樣的能力去應付, 對嗎?

把希望寄託在一對子女, 好好教育他們, 將來他們長大了, 一定會記得媽媽小時侯的苦心, 到時你就有好日子了.

努力, 你丈夫的問題, 算了, 記得你還有一對仔女呢.

私人傳訊

onon1022

子爵府

積分: 12589

好媽媽勳章

32^#

發表於 07-9-30 00:41 |只看該作者

其實一個願打...一個願捱...你數你老公咁多既不是...你有無諗過你自己份縱佢...佢叫阿爸幫佢做分期...你可以叫你阿爸唔好幫佢做...佢比幾多家用你...每個月所有開支都係你...佢無錢就問你拎...即係佢唔比你家用都可以...你唔幫佢...佢就比面色你睇...你都話佢成日匿埋打機...見面機會少...傾偈又少...點解你唔忍心d...比d責任佢自己...因為佢知道有你...佢就唔會理咁多...試下同佢傾下...如果每日佢都要出街食早餐...你可以係屋企煮早餐...大家一齊食...

[url=http://lilypie.com][img]

私人傳訊

EVEVEVEVE

民房

積分: 41

31^#

發表於 07-9-30 00:36 |只看該作者

多口問下,其實你地結婚前有無計畫過咖呢?
點解仲要生兩個小朋友咁多?小朋友既開支真係好得人驚,好多野又唔慳得,正所謂自己唔食,細既都要食.
但既然依家都去到咁既地步,為左d小朋友,唯有自己頂梗上捱下先啦,遲d上左小學應該會好d既,而且第時妳d小朋友見到亞媽捱得咁辛苦,話唔埋會好考順妳呢!
至於妳老公,算把啦!留返(淡)氣暖下肚好過,激親自己仲無謂!

私人傳訊

BB357

複式洋房

積分: 352

30^#

發表於 07-9-29 13:30 |只看該作者

(內容含人身攻擊成份, 為版主刪去)

[ 本文章最後由 edea 於 07-9-29 13:54 編輯 ]

私人傳訊

giraheiyear

伯爵府

積分: 17011

29^#

發表於 07-9-29 02:19 |只看該作者

樓主:

你老公1個人都有成3千蚊1個月洗la...1日都有1百蚊, 好夠架la...
你成頭家開支都係得4千咋...
雖然我老公搵得多d, 但係佢都唔比自己1日用多過$80架...
返工車$15.3, 食早餐$20, lunch$30, 係有時買吓煙咁囉...
你真係要比d教訓你老公...月中唔好比咁多佢...1百1百咁比...1日叫佢當家la...

私人傳訊

mankat06

伯爵府

積分: 18803

28^#

發表於 07-9-28 18:05 |只看該作者

樓主,你咁樣落去唔得架啦,問佢一句,仲愛唔愛你,愛就要一齊努力係個家樹,唔愛就講咩都無用,唔可以比佢再咁落去,橫樹佢都無養過你,你自己都夠養小朋友啦,何必一定要有佢,唔係想教你同佢分,只係要佢負返d做爸爸同老公既責任,如果佢唔負,呢d人再同佢一齊都係浪費時間同你d金錢,我真係好明,因為我hb以前都好似佢咁,但當我真係放棄既時間,佢先醒覺,依家咪好好囉,所以你都要的起心肝,為左對小朋友,你唔可以再忍落去架啦

私人傳訊

RAA

珍珠宮

積分: 34974

2025勳章 2025勳章蛇年勳章 2018復活節勳章好媽媽勳章醒目開學勳章

27^#

發表於 07-9-28 11:00 |只看該作者

原文章由 12258 於 07-9-27 13:29 發表
成日話我放親假都要出街, 攪到你好攰, 但你又唔諗吓你晚晚放工返嚟, 食完飯之後就一係匿入房打機, 一係就睇電視, 理都唔理吓我同兩個細路, 就連放假都係咁, 我唔趁出街等你多d時間陪吓d細路, 仲可以有咩時間親子?
個 ...

聽你咁講, 你老公又真係幾差勁

.

叫佢無錢就唔好買/換新嘢, 幾千蚊都要問外父借....., 有點兒那個.

私人傳訊

寶貝豬的媽咪

別墅

積分: 637

26^#

發表於 07-9-28 10:48 |只看該作者

睇完你個case同埋其他人的topic, 先知道我老公是人間極品, 嫁到比佢真係我的福氣(雖然佢都成日激我

, 但人邊有十全十美), 唔係晒命...係替其他姊妹唏噓, 俗語有話"女人至怕嫁錯郎"真係堅過奸人堅.

一頭家咁大, 仲有2個小朋友, 得個$4,000家用

, 我真係想像唔到你點解可以支持到, 仲可以撐到而家

. 一句講晒, 肯定你老公唔係獨仔就係細仔, 由細到大都比屋企照顧慣, 唔識得負起一頭家的重任, 而你又太體諒佢搵得少, 所以無比壓力佢. 你咁唔得嫁, 盞捱到有日你頂唔住嘅時候, 頭家就散嫁哪, d細路仔到時就最慘. 你一於同你老公約法三章, 計晒屋企d開支出黎, 規定佢每月拿幾多錢出黎, 佢無錢時問你借到出糧時要還, 你唔可以心軟. 持之以恆佢就會習慣, 佢再唔慣就叫佢自己顧自己, 唔好比佢食軟飯

原文章由 12258 於 07-9-28 07:23 發表
佢31歲, 我27歲....我知佢份人工唔多, 所以我一直都唔會要求佢比多家用我, 佢搵7千, 有時有OT就會有大約7千5, 4千蚊家用係佢自己提出, 就算佢嗰個月出OT, 多咗5百, 佢都唔會再拎出嚟, 我都算, 我自己份糧同佢差唔多, ...

私人傳訊

12258

洋房

積分: 33

25^#

發表於 07-9-28 07:23 |只看該作者

佢31歲, 我27歲....我知佢份人工唔多, 所以我一直都唔會要求佢比多家用我, 佢搵7千, 有時有OT就會有大約7千5, 4千蚊家用係佢自己提出, 就算佢嗰個月出OT, 多咗5百, 佢都唔會再拎出嚟, 我都算, 我自己份糧同佢差唔多, 但我就交租, 幼稚園學費, 小學飯錢, 兩個細路校車錢, 連埋水電煤, 咁就冇哂....個個月係拎住佢比我嘅4千交埋D電話費, 細路學嘢嘅學費, 連埋買餸屋企日用品...返工車錢, 出街駛費, 衫褲鞋襪....仲要預定D錢月尾佢問我攞....所有嘢都已經係必要先買必要先用...
有時去街我會去睇吓D衫, 如果月頭去, 佢就會成日話呢件好睇, 嗰件靚...叫我買, 我話唔買, 我想慳D....佢就黑面, 話我D衫著到舊都唔肯買, 但我都係同一句 "個個月都唔夠駛, 慳得就慳啦, 我D衫又唔係唔著得, 遲D先啦" 跟住佢居然話你唔捨得比咁我買比你啦....以前就會比佢買比我, 但而家唔會喇, 因為買完之後, 佢月中冇錢就不停問我攞, 我話佢D錢駛得快, 佢就話因為月頭買咗件衫比我, 所以攪到冇哂錢....買佢一件唔過50蚊, 計埋車錢, 計到最多都唔夠2百蚊...原來代價係2千蚊架....

私人傳訊

ChammyMAMA

瑪瑙宮

積分: 145002

好媽媽勳章醒目開學勳章畀面勳章

24^#

發表於 07-9-28 06:40 |只看該作者

原來個個男人都係咁架,但你呢個面皮都算厚喎,無錢就唔返工,等炒都已經算經典架啦!要買嘢會叫外父比住錢先,遲d先分期比返,真係自己唔要面都顧下老婆塊面吖!都唔知喺外家面前點抬起頭做人呀!你地有無帶午飯返公司食架,盡量慳得就慳囉,早餐你咪放工去超市買定d蛋糕或者麵包食囉,唔好餓壞自己呀,到時病咗無人會可憐你架,到時連2個小朋友都無人理添!放假未唔好去咁遠囉,同2個小朋友去屋企附近d公園,商場,超市行下咪算囉!有d超市星期六,日又會有試食,又可以食下d唔同嘅嘢,去近d嘅地方,咪會用咁多錢喺搭車度囉,你知啦,1行4人,d車錢真係好金架!我個case就係得c6出去做嘢咋,1個月得8k,租金加水電都無咁3k喇,仲要扣咭數,保險,電話費,囡囡d奶粉,尿片,c6零用....每個月都無剩都不特止,我都仲要攞埋d私己出嚟添!我地放假都只係返下外家,99度又或者行過去尖沙咀架咋!(我地住紅磡架!)不過有時c6就要同d影相佬出去遊山玩水,出去影相囉,嗰度平均消費都成百幾,2百架!我每日買餸都係限住$20-$25,唔可以買過呢個數添!(所以去次街真係好肉痛架,但有咩辦法吖!)我1日都係食2餐架咋,早餐就唔食,囡囡同我嘅午餐就係食前1晚留低d飯餸,就到晚飯先食架喇!好彩依家住喺c6公司附近,行番去都唔洗5分鐘,所以先唔洗比車錢,中午都係要佢帶飯,但都唔夠洗啦!但佢啱啱揾到第2份工,要搭車,每日要搭廿幾蚊車錢添,我依家都煩惱緊點樣仲可以節流添,又無得開源,真係唔知點好!我地又申請緊公屋,自己又唔可以揾嘢做,個囡仲咁細,又無人湊!不過c6都係為咗我地好(我諗咋,可能又係為咗部2奶相機架!),所以我都好支持佢揾過間大d嘅公司做,喺呢間細嘢又真係無咩前途,又無人工加添(希望係啦...)!依家d嘢仲咁貴添,樣樣都加,就淨係人工無得加!做女人就係咁架喇,樣樣都要自己搞掂,但都要架,鬼叫你自己揀咗呢個男人,自己揀咗呢條路行咩?最緊要係你自己覺得依家咁樣同佢捱係捱得有價值囉!我都係等緊個太陽出嚟咋,我諗唔會日日都陰天落雨掛?:-( :-( :-( :-( :-(

緣是天意，份是人為，有緣相遇者，珍惜緣份的來臨

私人傳訊

giraheiyear