吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 沒有愛情，留低只為孩子??

夫婦情感今日: 4|主題: 42725

收藏本版

發帖

返回列表

跳至頁

查看: 3024 | 回覆: 39

沒有愛情，留低只為孩子?? [複製鏈接]

krishui

複式洋房

積分: 432

1^#

發表於 14-4-28 18:31 |只看該作者 |正序瀏覽 |打印

我唔係喺單親家庭入面長大，但我嘅童年除左家嘈屋閉外，我真係無咩回憶。
由我有記憶起，老豆包2奶，3奶，女人一個接一個，阿媽日嘈夜嘈，成日問我地幾兄妹想跟邊個
果時我5、6歲，我好記得我答跟阿媽，原因唔係我愛佢，我未識得諗呢d,我只係驚比人打先答佢想聽嘅答案
試過成家人食飯佢地會嘈到反起張枱打爛晒d碗碟，試過阿媽反鎖屋企唔比阿爸入屋
亦試過無數次阿媽拎住把刀斬阿爸，其中亦有真係者斬中過

你問我覺得單親家庭會唔會更好?我答你唔到，但喺咁嘅家庭入面成長，一定係不幸的
由於父母從未停止過爭吵，孩子是最容易成為出氣袋
你有無試跌親唔敢喊，驚阿媽鬧？有無試過比人打到老師要問你咩事，你要話自己碌落樓梯？
父母對我黎講同怪獸一樣，好恐怖好得人驚，試問咁樣成長嘅小朋友，會健康快樂嗎？

一路成長，只覺得自己憤世嫉俗，同人講野唔敢望住人對眼，收埋自己，同埋極度渴望愛情
青春期之後，有人追就接受，因為鍾意有人愛有人需要，不論果個人對我幾衰我都死心塌地
一錯再錯，終於錯到傷害左自己同身邊嘅人先識得醒，
原來由細到大，無人教我點樣對人好，更加無人教我點樣去珍惜自己

我好好彩，返到轉頭，黎緊仲會結婚生bb

今日我唔係以一個媽咪身份去講呢番說話，我作為一個受過傷嘅孩子同大家講

我無感激我嘅父母，佢地無離婚，但對我嘅成長同心理，有極唔健康嘅影響
父親呢個角色比得到我係經濟同生活上嘅保障，但係粗暴嘅家庭生活令我學唔到包容同愛
媽媽心情唔好就會將責任推對比小朋友，話因為我地佢先無離婚，令我覺得頭家咁樣係自己嘅錯

太多太多，其實做父母幾愛自己仔女都好，未必等如佢地健康快樂
當你以為小朋友唔識唔記得，但我可以話你知，佢只係仲細唔識講唔敢講

咁樣環境成長下，小朋友會唔識同人溝通，極度無自信，有自殘傾向，性格亦偏激古怪
我係個人版，希望各位為左小朋友留低嘅媽咪，三思再三思。

0 0 0

私人傳訊

pakuii

禁止訪問

積分: 1410

40^#

發表於 14-7-17 12:22 |只看該作者

回覆：krishui 的帖子

提示: 作者被禁止或刪除內容自動屏蔽

私人傳訊

mmyan428

大宅

積分: 1454

39^#

發表於 14-5-1 15:21 |只看該作者

回覆：沒有愛情，留低只為孩子??

我都係啲咁既家庭長大，由細到大我都係阿媽既發洩工具，心情唔好就搵我黎打，每日都爆粗鬧，我老豆頂佢唔順包完2奶又包3奶，最後都離左婚。以前我成日都諗住想死。雖然依家大左冇咁悲觀，但性格都比較內向，對住唔熟或者唔識既人都唔會講野，冇乜自信。好彩既係我依家有個幸福家庭，我亦都冇再見過我媽，但真係會帶來好大既童年陰影，所以唔明白點解我老豆仲要同佢生左4個，累左下一代

私人傳訊

ckmp

複式洋房

積分: 312

38^#

發表於 14-5-1 03:05 |只看該作者

引用：父母沒有愛情勉強一起真的對孩子們很有影響

原帖由 mymelody2003 於 14-04-30 發表
父母沒有愛情勉強一起真的對孩子們很有影響, 我由小到現在, 他們未有停過吵架, 阿爸仲懷疑過有婚外情 :ange ...

所以有時分開都係一件好事，咁返而對下一代仲好！

私人傳訊

fr362

別墅

積分: 616

37^#

發表於 14-4-30 23:16 |只看該作者

回覆：沒有愛情，留低只為孩子??

同意！童年陰影好大，細個好怕佢地離婚，大個恨不得佢地離婚。因為童年陰影，大個要睇心理醫生，原因係父母日嘈夜嘈。

私人傳訊

catping

男爵府

積分: 5340

36^#

發表於 14-4-30 22:39 |只看該作者

回覆：krishui 的帖子

睇完眼濕濕, 我都有咁既經歷, 但冇你咁慘, 因屋企5兄弟姊妹, 不是我最惨, 但我都有自殘過成日喊同埋個人經常負能量, 不過現在已婚有了小朋友, 老公又唔錯, 所以已經好小喊同唔開心, 我只望小朋友可以搵到愛錫佢地既另一半。。。

私人傳訊

kL偉

複式洋房

積分: 263

35^#

發表於 14-4-30 21:56 |只看該作者

回覆：krishui 的帖子

揾返自己的快樂人生

私人傳訊

mymelody2003

男爵府

積分: 8641

34^#

發表於 14-4-30 16:17 |只看該作者

父母沒有愛情勉強一起真的對孩子們很有影響, 我由小到現在, 他們未有停過吵架, 阿爸仲懷疑過有婚外情

前幾年我終於忍唔住叫媽咪考慮下離婚, 吵架已幾十年, 真的好煩, 我記得10歲左右, 媽咪曾經講過想離開, 但最終為了我們留底, 佢未曾開心過, 唔會同阿爸去街

都唔知為咩???

勉強無幸福, 緣盡了便應結束, 無謂拖拉下去.

私人傳訊

FaFaYeung

大宅

積分: 1634

33^#

發表於 14-4-30 16:12 |只看該作者

krishui 發表於 14-4-30 12:24
我屋企都係大家庭，2個仔2個女，我排第3
除左家庭暴力外，小朋友之間真係會比較同吃醋，一定會有一個得寵一 ...

我都係排尾2, 老豆好錫大女同仔, 但因為要追多D仔所以係咁生...又生極都係女WOR
有少少錢但孤寒, 餅仔咁細跟本唔夠分, 永遠都係分多D比大女& 仔, 好似佢地以前返中學, 1個月可以有6-700蚊, 但我呢...中一既時候因為帶飯...老豆試過比10蚊一星期, 到中2,3因為可以出去食LUNCH...就比2-300蚊一個月...
以前又怕(魚), 怕比同學睇唔起...唔敢同D同學講自己冇錢玩好窮...真係試過去偷野架

到大學, 老豆終於好闊綽咁比左1萬蚊我...話係一年零用...雖然除開一個月都係800幾蚊...不過好在...有能力搵PART TIME幫補下自己洗費..

細個時唔識諗...會將呢D放得好大...覺得好唔公平, 所以我同老豆既大女& 仔真係冇計傾 (佢地唔明...就覺得我地做細既到忌心好重...因為佢地自己係比人錫果個MA, 唔會明我地感受)...
但而家大個左...雖然同佢地關係差, 搬走左後都冇CONTACT, 諗反雖然唔開心...但都多謝呢個家養大我, 先有今時今日既我, 唔係成功人事但都叫有份工自己養到自己...而且老豆又因為孤寒儲落左D錢...唔會係我負擔...我比好多人都幸運, 所以我真係好感恩..

係呢類家庭成長, 要自己識諗唔行差啪踏錯真係好緊要...大家加油!!
相信有呢D經歷, 大家更識得同下一代相處 :)

私人傳訊

worthy

珍珠宮

積分: 43273

32^#

發表於 14-4-30 15:33 |只看該作者

有少許共嗚. 我未至咁誇張. 亞爸好好人, 亞媽心底裡都錫仔女但性格好自卑, 人家的總比自己的好. 見到人家C6揾得多錢人地D仔女讀書成績好, 佢就會好唔開心. 揾藉口發脾氣, 一攪就一星期至十幾日. 屋企氣氛好僵, 攪到好唔想返屋企.

我都好渴望拍拖結婚搬走. 幸好依家都叫有個好一般嘅家. 但我知自己潛意識有媽媽嘅性格, 自卑同妒忌. 想改但做唔到, 有時好辛苦.

由於幼時嘅經歷使我依家盡量控制唔喺小朋友面前發脾氣, 我會叫埋C6出街解決咗再返屋企.

HOPE EVERYDAY IS A GOOD DAY

私人傳訊

ml628

大宅

積分: 2654

31^#

發表於 14-4-30 12:59 |只看該作者

其實大胆D講句,10個有9個口講為孩子而留低,其實講白D味又係為咗$,因為大多數都冇經濟能力,點走啊!又怕比人話傻仔,老公衰都要留低,所以味揾D仔女出嚟,話為在D仔女囉!

私人傳訊

krishui

複式洋房

積分: 432

30^#

發表於 14-4-30 12:26 |只看該作者

引用：感同身受！暴力家庭長大！性格變得孤僻，好

原帖由 Bellbellbella 於 14-04-30 發表
感同身受！暴力家庭長大！性格變得孤僻，好多事不分享！憤世疾俗！而家嫁左才叫好d! 但性格係跟一世的！冇 ...

性格真係跟一世，就算長大左變左，個底都係唔會變

私人傳訊

krishui

複式洋房

積分: 432

29^#

發表於 14-4-30 12:24 |只看該作者

引用：我家雖然唔係暴力家庭，但係精神約待家庭老

原帖由 FaFaYeung 於 14-04-29 發表
我家雖然唔係暴力家庭，但係精神約待家庭
老豆由我中學開始好似踏入更年期甘
好似食藥，每日早午晚，每次幾 ...

我屋企都係大家庭，2個仔2個女，我排第3
除左家庭暴力外，小朋友之間真係會比較同吃醋，一定會有一個得寵一個被忽略
所以我好明白你嘅感受。我同你一樣，返屋企成日都會好驚唔想返，
開門入屋之前會好大壓力唔知有咩等緊我。

而家諗返，好好彩自己細膽無走歪路，叫做行倒一條正常嘅路。
但唔係個個都得，好似我屋企人咁，一個寄託電腦遊戲，一個誤信小人執迷不悔

行到呢步，我地要相信自己，除左運氣我地已經好勇敢好叻

私人傳訊

Bellbellbella

別墅

積分: 559

28^#

發表於 14-4-30 00:06 |只看該作者

回覆：hello_kristy 的帖子

感同身受！暴力家庭長大！性格變得孤僻，好多事不分享！憤世疾俗！而家嫁左才叫好d! 但性格係跟一世的！冇得返轉頭！

私人傳訊

Katemommy

大宅

積分: 1515

27^#

發表於 14-4-29 23:57 |只看該作者

引用：曾經看過一編文章,世上送什麼禮物比小朋友

原帖由 lovemiu 於 14-04-29 發表
曾經看過一編文章,世上送什麼禮物比小朋友是最好?是爸爸媽媽的美滿婚姻!

Agree!!!

私人傳訊

ShineMyLove

大宅

積分: 1185

26^#

發表於 14-4-29 23:51 |只看該作者

引用：生仔用意就係cool住個男人嘛！以仔女之名穩

原帖由 ShineMyLove 於 14-04-28 發表
生仔用意就係cool住個男人嘛！
以仔女之名穩定自己飯票女人，比比皆是

Abby,個女好可憐，連工具function都無了

私人傳訊

FaFaYeung

大宅

積分: 1634

25^#

發表於 14-4-29 23:42 |只看該作者

我家雖然唔係暴力家庭，但係精神約待家庭
老豆由我中學開始好似踏入更年期甘
好似食藥，每日早午晚，每次幾個鐘non stop不停鬧人。。
有時話仔女睇唔起佢，係街同同學一齊見到佢扮見不到(其實我係真係睇佢唔到唔係扮的）
有時話自己命苦得一個仔(我家4女1仔，佢鍚到個仔燶，比個仔用粗口鬧都唔敢駁咀）
成日覺得我地對佢唔好，佢好鐘意坐係廳，我出街or去完街返黎都會比佢怒啤，所以除左食飯，我都係留係房
最重要係對錢銀非常執著，成日發癲提住我中學時代用左佢5000蚊補習，大學一年學費幾錢，一年比左一萬蚊生活費等等
以上都只係少部分未能盡錄。。。
如是者鬧足10幾年，每次返屋企入屋前都真係拎住條key覚得好重，冇力開門，有時企係走廊唔想入屋。

好彩，幾年前終於結婚搬走，即刻人都開心曬。