吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公講大話

夫婦情感今日: 0|主題: 42771

收藏本版

發帖

返回列表

跳至頁

查看: 5275 | 回覆: 43

老公講大話 [複製鏈接]

12 3

tough

大宅

積分: 1199

好媽媽勳章

1^#

發表於 07-10-5 05:53 |只看該作者 |正序瀏覽 |打印

上星期5同老公嘈完,星期6番o左亞媽到,夜晚番o左屋企佢零晨3點幾都未番.我頭2次打3G,佢無聽.再打2,3次唔係3G佢都無聽.我估佢係特登唔聽,無再打.零晨4點幾佢番,我問佢去o左邊?佢話同XX去督波.我問佢做咩唔聽電話?(個仔o個日屙,嘔.)我話如果個仔有咩事咁點?佢話我打咁多次去之後又唔再打?我話你都特登唔聽咁我仲打做咩?佢話係特登唔聽,之前嘈完費事又嘈,唔想d家事俾人知,唔信你而家打俾XX.我無理佢.後來諗諗下都係打俾XX.我問XX有無同我老公一齊,我搵唔到我老公.XX話無.我話成晚都搵唔到我老公,問佢今日有無見過我老公.XX話無.咁我知老公講大話.之後朝早聽到個留言,XX話琴晚聽唔到我老公電話叫我老公訓醒打俾佢.第二晚我問老公點解XX留言話聽唔到我老公電話叫我老公打俾佢?我老公話係佢搵XX前XX留言.我當時無踼爆佢,但係好嬲,成晚訓唔到.因為我一路懷疑佢有女人.

[ 本文章最後由 tough 於 07-10-5 07:35 編輯 ]

0 0 0

私人傳訊

tough

大宅

積分: 1199

好媽媽勳章

44^#

發表於 07-10-12 15:40 |只看該作者

一路好鐘意呢隻歌,估唔到有日可以形容我心情.

呼吸

歌手：蔡健雅作曲：陳偉填詞：徐世珍編曲：

呼吸　呼吸沒有你的空氣
夜沒有模糊我自己
和你分離　讓我更清醒

我輕輕呼吸　呼吸這冰冷的空氣
昨天在淚眼中遠去
有過溫柔　我會記得你

照片中依然有那天　陽光裡的溫度
手心還握著淡淡的幸福
那快樂太清楚　才襯出現在的孤獨
不能擁有全部　只擁有回憶
是受苦還是禮物

＊呼吸　我需要多一點空氣
　思念幾乎讓人窒息
　沉溺漆黑　無聲的海底＊

我不能呼吸　我需要多一點勇氣
畢竟真心難以忘記
我和寂寞　越來越熟悉

＃說一句再見是那麼容易
　多久才能填滿這冷清
　別離的苦　苦在回憶裡還有甜蜜＃

我慢慢呼吸　呼吸這冰冷的空氣
昨天在淚眼中遠去
有過溫柔　我會記得你

走出了這一場迷霧　陽光還有溫度
每一場離別當時都倉促
是距離讓人領悟

REPEAT＊＃

我慢慢呼吸　呼吸沒有你的空氣
夜沒有模糊我自己
和你分離　讓我更清醒

我輕輕呼吸　呼吸這冰冷的空氣
昨天在淚眼中遠去
有過溫柔　回首這風雨
微笑竟然是我　最常想起的表情

[ 本文章最後由 tough 於 07-10-12 15:43 編輯 ]

私人傳訊

tough

大宅

積分: 1199

好媽媽勳章

43^#

發表於 07-10-12 15:18 |只看該作者

諗下點樣對個仔最好先再打算.

原文章由 蜜糖小叮 於 07-10-7 22:14 發表
樓主你諗清楚未,你咁迫左離婚你同小朋友咁點,三思

私人傳訊

tough

大宅

積分: 1199

好媽媽勳章

42^#

發表於 07-10-12 15:14 |只看該作者

一次半次我真係可以原諒佢,佢係衰過一次叫雞,o個次我話原諒佢.唔好話鬧,我無"了"o個件事出黎話過佢半句.初初間中對佢黑面,態度差就有.因為咁我唔俾佢睇叫雞網.佢o係街睇女/上咸網我唔會話佢.我真係唔知點做老婆先為之好.

曾經諗過寧為玉碎,不作瓦存.但係而家唔會,佢鐘意做垃圾佬就由得佢去收集d廢紙,鋁罐同膠樽.

原文章由 yan511229 於 07-10-6 23:36 發表

onon1022講得o岩架!你越迫佢而佢又真係有第二個女人佢咪仲走埋多d果個女人度!
我想講我在未結婚前我c6都試過同一個我識的女仔朋友一齊有d曖昧,但我一直咋唔知,到有一次有人話我知係某度行街見到佢地,咁我就打電話比 ...

私人傳訊

蜜糖小叮

禁止訪問

積分: 1686

41^#

發表於 07-10-7 22:14 |只看該作者

提示: 作者被禁止或刪除內容自動屏蔽

私人傳訊

tough

大宅

積分: 1199

好媽媽勳章

40^#

發表於 07-10-7 21:46 |只看該作者

須然佢唔認,但係咁多o野我搵唔到咩理由幫佢搵籍口.我自己想分開,但係萬事以個仔為先.

原文章由 吹吹水 於 07-10-6 22:01 發表
樓主咁你有無証據你ｃ６有女人先，你有乜打算

私人傳訊

tough

大宅

積分: 1199

好媽媽勳章

39^#

發表於 07-10-7 21:42 |只看該作者

己經攤o左牌.

原文章由 shandy401 於 07-10-5 21:38 發表
與其亂咁估,不如攤牌講清楚啦

私人傳訊

tough

大宅

積分: 1199

好媽媽勳章

38^#

發表於 07-10-7 21:40 |只看該作者

因為愛令自己遍體鱗傷,因為愛令自己受盡折磨,一切一切都夠啦!呢刻已經唔在乎佢點對我,無奈要顧慮個仔.

是妳已為我　犧牲太大
是我這片心　一早變壞
豺狼沒法裝作綿羊
野生的畜牲怎變乖

是我仰慕妳　天生漂亮
為騙取妳心　假裝善良
然而沒法相愛得長
望困住我是個奢想

我一口可以吃下了　妳的眼淚
我一手一腳碎盡妳心才離去

呢段我覺得幾中,唔係吹水,我試過一個月內俾十幾個人追.連識佢o既朋友都話估唔到我地會一齊.但係我覺得自己只係順眼同人緣好d.

同我老公拍拖前有個男仔大家有好感,但大家都無講出口.我無o野做,佢話叫佢哥幫我搵工,我話唔好,我唔識佢哥唔想麻煩人... ... 到我同老公拍拖兩,三個月.佢打俾我話佢媽好想佢番香港,問我想唔想佢番?佢媽話佢肯番買架車俾佢,佢問我鐘意咩車?佢叫我讀番書佢陪我,佢已經o係外國讀o左十幾年書 ... ... 我話我己經有男朋友,唔想呃佢.佢問我同佢可以係咩關系?我話只可以做朋友,我唔想我男朋友唔開心.我今日跟得佢走第日一樣可以跟第個走,之後一路避佢,

點解女人可以咁死心眼,男人小小都做唔到.

原文章由 onon1022 於 07-10-6 16:03 發表
其實你打算點做...如果唔想離婚...唔好同你老公既關係攪到太差...你越迫佢...如果佢真係有女人...佢只會將全部心思花係個女人身上...對你...只會越黎越差... ...

私人傳訊

tough

大宅

積分: 1199

好媽媽勳章

37^#

發表於 07-10-7 19:52 |只看該作者

我已經迷失o左幾年,最差o既時間係,日喊夜喊,見到個仔就覺得係我欠o左佢.成日想死,試過兩次想飲消毒藥水,咁o岩個仔醍o左,喊住搵我先無事.又驚自己死o左個仔無人鍚,俾人蝦,賤過地底泥,所以無再諗死.介大脾,眷短褲都睇唔到,唔想我媽擔心.唔想出街,唔想見人,唔想講o野,唔想搵d朋友,完全封閉自己.見到o野都唔想食,可以每日淨係食半碗飯,體重得80磅.一諗起就全身係咁震,諗諗下就咩都諗唔到.每日只有痛!痛!痛!o個種"追"心刺骨o既痛,未試過無可能會明.

呢首歌一出我成日聽,究竟我幾時先會開竅?聽有feel過睇歌詞.

終於開竅

歌手：陳慧琳作曲：李峻一填詞：李峻一編曲：Adrian

投下最光輝　三數載
仍難及新歡　把你搶下來
拿掉我青春　拋進海
才明白半生　也未曾被愛

愛的酸苦輕舔在味蕾
何用切齒數哪位不對
誰人亦會轉伴侶　吻過路人的嘴

那一天擔心你遇著誰
埋在被單　激憤不去睡
何時洞察這對怨侶　值不得當下去

＊成熟了　我終於開竅
　男人心軟卻沒有口齒
　承諾那鑽戒落空了
　幻想它的光輝會極溫暖

　明白了　我必須開竅
　情話每次聽到了七分　只信一點
　哪一位腮邊輕吐蜜語　未覺得很心跳＊

來讓我搶先開句口
來重拾彼此尊貴的自由
曾伴你多久　都會分
尤如夜晚終會換來白晝

那一天擔心勁敵是誰
埋在被單　激憤不去睡
何時洞察這對怨侶　值不得當下去

REPEAT＊

懷舊電車深宵駛過了
看裡面無乘客多少
亦曾和你車廂肩靠肩
昨天仍然能夢見

成熟了　妳終於開竅
男人心軟卻沒有口齒
承諾那鑽戒落空了
幻想它的光輝會極溫暖

明白了　妳必須開竅
情話每次聽到了七分　只信一點
哪一位腮邊輕吐蜜語　別覺得很心跳

以前佢每次講大話,每次死撐,一次一次咁傷我心,因為愛我逼自己去信佢,為佢諗籍口.今次我真係醒啦!係我老公令我搵番自己,亦係佢令我對佢o既愛流失.如果問我愛唔愛佢,我自己都唔知.佢o既o野我唔會再理,亦再無興趣check佢.

佢認o左我都無咁嬲,最唔順就係成日話我屈佢.我係傾向分開,但係個仔好痴佢,萬事以個仔為先,睇下點可以令個仔影鄉減到最低.最近屋企有件事要解決先.

呢排我無同佢講o野,眼神接觸都無,o個晚開始我一路o係廳訓,一係無訓.我未講離婚,佢可能以為我好似以前咁嬲一排就算,仲未意識到個嚴重性.

原文章由 阿早! 於 07-10-5 18:41 發表
tough,

睇左你d post, 都明白大部份, 我想問, 你而家其實諗住點? 見你d post, 你似乎頂得佢好"行"下, 好似想逼到佢認有女人咁, 但係如果佢認左咁你諗住點? 分開?

純粹個人意見, 你而家不如好好冷靜下, 諗下自己想 ...

原文章由 蜜糖小叮 於 07-10-5 19:32 發表
樓主跟往點,佢一直都係咁,你點忍佢

私人傳訊

tough

大宅

積分: 1199

好媽媽勳章

36^#

發表於 07-10-7 19:12 |只看該作者

睇到呢到你地會唔會覺得我屈佢?

私人傳訊

tough

大宅

積分: 1199

好媽媽勳章

35^#

發表於 07-10-7 08:10 |只看該作者

我就係想盡快解決,唔想同佢再糾纏.

原文章由 ringoivy 於 07-10-5 17:42 發表
好多都係婚後先見到佢真本性既想當初無野撩起佢條根又點會發揮到出黎呀唉....個個男人都係咁一日唔係斷正你面前實死口唔認多多白痴藉口去解釋雖然前文我都唔太明你講咩, 但後段去飲滿月酒都粗略 ...

私人傳訊

tough

大宅

積分: 1199

好媽媽勳章

34^#

發表於 07-10-7 08:05 |只看該作者

佢實有對我好o既時候,結婚前佢係脾氣差d,有女俾波餅佢食都講我知,我無發脾氣,因為唔關佢事.

結婚後間中會幫我吹頭,一定會唱:柔長柔長秀髮像雲落下 ... ... 環境好d o個陣送條手鏈都7卡幾,以下呢件事更加係唔話得.甘入下面睇.

http://forum.baby-kingdom.com/viewthread.php?tid=414940&extra=page%3D299%26amp%3Bfilter%3D0

但係愛並唔係要交換條件,我無可能因為咁樣,而容忍佢去滾.

原文章由 whychan777 於 07-10-5 17:30 發表
我都睇左兩次, 都係麻麻明...........

但我想問, 呢個老公係邊度搵返黎架.........

冇理由佢咁衰, 結婚前一D都睇唔出架??????

[ 本文章最後由 tough 於 07-10-7 19:23 編輯 ]

私人傳訊

tough

大宅

積分: 1199

好媽媽勳章

33^#

發表於 07-10-7 07:48 |只看該作者

其中一個post我提到奶媽呢個人,可能你地呢到睇唔明呢到,而家詳細講.

我懷疑老公條女係佢做o野附近間m記做,因為佢成日行過都會望,過o左馬路都要擰轉頭望,人地係已收工但仲未熄燈.有次m記又係已收工但仲未熄燈入面有幾個人,但係有條紙痴住玻璃,企o係到就o岩o岩遮住對眼淨係睇到條紙.兩面門口係90度角都係落地玻璃.我地係要過馬路,已經係綠燈,佢抱住個仔都要"貓"低裝,裝完一邊仲要行去另一邊裝.有無人會八成咁呀?個仔話食m記佢成日唔肯,一係話熱氣或者喉嚨痛.但係佢有時收工肚餓會買個飽食.

有次我出去佢食開飯間餐廳搵佢,我推門入咁有個m記pr又出咁大家望一望,好正常無o野啦!夜d我去m記個pr迎面行黎表情好衰,行過撞到我.o個陣無乜人買o野,個位又唔窄.咁我去廁所,聽到好大聲砰!砰!砰!拍門,出黎個pr o係廁所斜對面,有個亞婆o係廁所格一個身位到差唔多貼牆企,我覺得應該唔係亞婆拍.

有次我地成家去m記,老公同個仔坐我對面,個仔玩緊扭蛋,有個pr問我仔咩黎o架?聊我仔一輪,可能陌生我仔無理個pr,個pr就走o左.(我認得佢係上次o個個)跟住拎個汽球過黎問我仔要唔要?個pr無端端話要同我仔攪好關系,我打o左個突望一望佢,心諗三唔識七攪咩關系?想做童養媳定29?所以叫佢奶媽.(我覺得如果係佢,佢想博加分,我老公一定會同佢講我懷疑m記d人,所以佢想暗示我知,等我去嘈老公,咁就一石二鳥.)又聊我仔一輪,我仔又無理個pr,最後個pr放低個汽球走o左.咁我放個汽球o係我格離費事阻住食o野.我仔就行過我到,我問佢係咪要個汽球?佢話係.我老公話個仔扮晒o野,頭先人地問極唔出聲而家又要.我話細路仔怕生保好出奇咩?唔通俾粒糖個仔要跟人走?佢話咁我地o係度呀嗎!我話咁識o野就唔係細路仔啦!跟住我老公叫個仔去多謝姐姐.我話使唔使特登叫個仔去搵人呀!(我仔o岩o岩三歲)人地又唔知行o左去邊,個pr未走或者經過就話o者.o個到有其他小朋友,同我仔差唔多大又有,佢又無俾喎!

我同老公講鎖定目標係奶媽,我話係既我一定唔要面去嘈佢,睇下邊個無面d?

私人傳訊

tough

大宅

積分: 1199

好媽媽勳章

32^#

發表於 07-10-7 06:14 |只看該作者

早幾晚佢放工番黎唔記得講開咩我問佢o個晚真係同XX一齊?佢話唔信你而家打俾XX,撐一輪.我忍唔住話我打o左啦!XX話無同你一齊,XX同你咁fd點會屈你?佢話叫我打多次俾XX.我話你自己打去問XX.佢打完o係我身邊望住我,我問佢o個晚去o左邊?唔記得佢講咩,我再問佢o個晚去o左邊?佢話去o左X骨.我問佢做咩呃我?佢話驚我唔知諗佢咩,所以話同XX一齊.講o左一陣佢拉我出去講,因為細叔仔同d fd o係到.佢話我唔鐘意佢睇咸網佢唔睇,唔鐘意佢睇風月版佢唔睇,點解叫我唔上bk我係要上?(佢話我睇太多人地o既個案,就諗d o野屆佢.)我話你唔係睇咸網係睇叫雞網,你去問下邊個唔介意老公睇叫雞網?我上bk仲有其他o野睇.佢話咁我而家叫你唔上得唔得呀?我話唔得喎!佢話如果佢係有女人唔會次次都咁樣同我講,我話因為你無諗過娶佢呀嗎.佢同我講o野我格幾秒先答佢,佢話佢次次唔使諗就講,我就次次要諗.我話咁你咪答到錯X晒囉.其實我唔係次次踼佢,好多都係最近先踼佢,因為我唔想令佢赤裸裸咁示人,o係我面前仲可以保留一點面子.格幾秒先答佢係諗緊踼唔踼埋最後呢樣,但係佢越撐我就越嬲,仲話我成日屈佢.我要佢死得眼閉,我問佢點解上次嘈我番o左亞媽到幾日舊電話點解有一張係址o左期o既鏈,一張係女人胸見埋lin,仲係七月二十五號,朝早四點幾影?佢話你唔好嚇我呀即刻去拎電話.我甘俾佢睇址o左期o既鏈o個張,o個張應該係訓o係到,鏈上面仲有小半個胸&小半粒黑lin.佢話都唔知咩黎你又可以諗到咁多o野.我諗無也幾多老婆會唔認得自己老公條鏈呱?唔係條條鏈都搵模啤出黎呱?女人胸o個張應該都係訓o係到由左邊影過去,見到粒lin,胸下仲有幾隻手指油o左紅色定橙色o既甲油.個電話壞壞地,呢張幾反光.佢話一pat o野咁你又話係個胸.佢話張相係上年o架!我話2007年呀!而家2008年咩?佢話個電話唔係24小時制.我話我好呀!咁你話我知零晨4點幾或者下午4點幾有邊個會拎你電話用?(邊個會用人電話影裸照呀?就算屋企人都唔會啦!)佢叫我俾細叔仔佢地睇,如果多過一個話係佢即刻死俾我睇.我叫佢叫細叔仔出黎,我叫佢行開d,因為佢唔行開我驚細叔仔覺得係都唔敢講.我指俾細叔仔問佢呢到似唔似址o左期o既鏈,呢到似唔似小半個胸&小半粒黑lin?佢開始行埋黎,細叔仔甘住個話,呀!我唔知呀!唔好問我啦!我話你咁答即係係啦!細叔仔話,我唔知呀!跟住佢叫細叔仔番去.佢話我叫佢行開自己又咁主觀同細叔仔講.我話如果細叔仔覺得唔係我點講細叔仔都係覺得唔係.唔記得講咩,我話我無o野想同你講.再唔記得講咩,我都係話我無o野想同你講.跟住番o左去.到夜d我經過佢身邊,佢沖去拎把菜刀叫我唔信就X死佢.我fing開佢隻手妖o左一聲就行開.到呢一刻我都唔想傷害佢.

私人傳訊

canies

翡翠宮

積分: 97142

31^#

發表於 07-10-6 23:42 |只看該作者

原文章由 yan511229 於 07-10-6 23:36 發表

onon1022講得o岩架!你越迫佢而佢又真係有第二個女人佢咪仲走埋多d果個女人度!
我想講我在未結婚前我c6都試過同一個我識的女仔朋友一齊有d曖昧,但我一直咋唔知,到有一次有人話我知係某度行街見到佢地,咁我就打電話比 ...

果然高章!!!佩服~

私人傳訊

yan511229

子爵府

積分: 13195

畀面勳章

30^#

發表於 07-10-6 23:36 |只看該作者

原文章由 onon1022 於 07-10-6 16:03 發表
其實你打算點做...如果唔想離婚...唔好同你老公既關係攪到太差...你越迫佢...如果佢真係有女人...佢只會將全部心思花係個女人身上...對你...只會越黎越差... ...

onon1022講得o岩架!你越迫佢而佢又真係有第二個女人佢咪仲走埋多d果個女人度!
我想講我在未結婚前我c6都試過同一個我識的女仔朋友一齊有d曖昧,但我一直咋唔知,到有一次有人話我知係某度行街見到佢地,咁我就打電話比個女仔話想佢陪我出去食野,話我會叫埋我男朋友問佢去唔去,佢初時推我,但我話我知果度有佢最鍾意食o既野而且仲好好食,係咁叫佢去,最後佢應承!我再打比我男友叫佢出去食野,話佢知係邊度等,話我仲叫左果個女仔,果晚食糖水場面我仲好記得,我一去到佢兩個已經到左,仲講到自己前後腳到咁,成晚個女仔都冇咩點講野,仲好似有d精神仿佛咁,我亦冇踢爆佢地,我知佢地一直都冇再來往,直到結婚後有次我傾開計同我老公講呢件咁事佢尷尷尬咁笑....
我即係想話有時你同你老公咁樣對峙其實大家都冇好處,你令佢難落台,只會更推佢埋去果個女人度咋!