吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點稱呼祖母的"老公"?

夫婦情感今日: 0|主題: 42706

收藏本版

發帖

返回列表

跳至頁

查看: 5324 | 回覆: 43

點稱呼祖母的"老公"? [複製鏈接]

12 3

ioi

伯爵府

積分: 16534

1^#

發表於 07-11-2 09:44 |只看該作者 |正序瀏覽 |打印

我個仔應該點樣稱呼我奶奶的老公?

我奶奶在我老公廿多歲時才識左第二個, 之後結埋婚. 而我老爺是仍然在生的, 現在我們一家和我老爺一起住. 我們稱呼佢現任老公為x叔.

我BB就出世時, 我都諗過究竟要教BB點樣叫佢現任老公, 但諗唔到點叫好, 跟住無再諗. 點知當我個仔出左世時, 奶奶和現任老公黎我屋企 (當時我老爺不在家), 佢現任老公竟然對住我個仔講: 叫爺爺啦...... 呢件事令我好激氣, 因為我的思想比較傳統, 都唔同姓, 做乜要亂咁認爺爺, 而且我老爺仲在生 (加上係你搶人老婆在先), 當我老爺死架?!

當時我同我老公為呢件事嘈交, 我老公又唔想得失佢阿媽, 認為只係稱呼, 無所謂啦, 跟住我唯有再嘈得大聲D, 嘈到我老爺走出黎叫我地唔好嘈, 我咪乘機同我老爺講, 係因為有人自稱爺爺, 我先咁激氣...... 跟住我入左房, 我老爺都好嬲, 同我老公講: 你得我一個老豆架咋.

之後我只係教我BB叫佢現任老公做"伯伯". 事隔兩年幾, 最近我奶奶又好似為呢件事煩我老公, 我老公又問我, 其他人有咁o既背景, 應該點樣稱呼. 所以我想係呢度問下其他人係點稱呼, 或者覺得應該點稱呼.

0 0 0

私人傳訊

yau_grace

子爵府

積分: 14680

44^#

發表於 07-11-12 17:19 |只看該作者

豈能盡如人意?
但求無愧於心!

佢覺得你唔尊重佢唔等於你唔尊重佢.
孝順亦唔等於凡事聽從.
做好自己應做的, 繼續尊敬 + 孝順佢已經好好了.
佢硬要咁諗, 都冇辦法.

原文章由 ioi 於 07-11-9 11:53 發表
yau_grace:
(......作為父母, 應該將 '正確' 的價值觀教導小朋友. 讓佢地可以0係正確的教導下成長.......)
我好認同你的講法, 我都好看重正確的價值觀念. 但我諗我奶奶本身都無正確的價值觀念, 所以無辦法明白我的用意, 只會認為係我唔尊重佢.

私人傳訊

ringoivy

翡翠宮

積分: 76971

43^#

發表於 07-11-9 12:15 |只看該作者

唉!你要知道如果佢d淪常關係攪得好既就唔會離婚啦

原文章由 ioi 於 07-11-9 11:53 發表
我多謝再有咁多人俾意見. 有好多人都提議叫"x爺爺"/"x叔公", 其實如果在bb出世時我奶奶和我有個共識係咁叫就好了, 但係奶奶一意獨行要bb叫爺爺, 已經令我好反感, 因為教錯晒bb的價值觀和倫常關係, 亦唔尊重佢前夫(即 ...

私人傳訊

ioi

伯爵府

積分: 16534

42^#

發表於 07-11-9 11:53 |只看該作者

我多謝再有咁多人俾意見. 有好多人都提議叫"x爺爺"/"x叔公", 其實如果在bb出世時我奶奶和我有個共識係咁叫就好了, 但係奶奶一意獨行要bb叫爺爺, 已經令我好反感, 因為教錯晒bb的價值觀和倫常關係, 亦唔尊重佢前夫(即我老爺), 所以我已經覺得唔需要再做任何野黎討好佢, 包括要教bb點樣叫佢老公, 所以就救其教bb叫伯伯算數.

我姑奶的bb都係跟我bb差唔多時間出世, 佢教bb叫佢媽咪的老公做"公公", 所以奶奶佢地相當歡喜. 當然, 此"公公"不同彼"公公", "公公"只是對任何年長的男士的稱呼.

bkfans:
(......老豆唔可以亂認......)
絕對同意, 我都係咁解釋俾我老公聽, 如果我奶奶都明白呢個道理就好了. 我真係想同我奶奶講:"你教我個仔亂認爺爺, 咁不如你跟我姓啦. 可唔可以呀?!"

麟媽媽:
我老公確實同奶奶闗係幾好的, 因為奶奶由細到大都當佢係朋友咁樣看待, 有計傾. 相反同老爺就無野傾得埋.

dj.hkhk:
你屋企係咪有同類背景呀?

PL2:
(......叫佢做X叔公......)
我奶奶現在就係諗緊爭取, 即使唔叫爺爺, 都叫x叔公/伯公, 要爭番都名份俾佢.
(......比我既話我會當冇左個阿媽囉......)
我媽咪都話, 其實奶奶都再嫁左另一個人, 有時我外家有節目要搵埋姻親家時, 都只係預我老爺, 唔預我奶奶.

yau_grace:
(......作為父母, 應該將 '正確' 的價值觀教導小朋友. 讓佢地可以0係正確的教導下成長.......)
我好認同你的講法, 我都好看重正確的價值觀念. 但我諗我奶奶本身都無正確的價值觀念, 所以無辦法明白我的用意, 只會認為係我唔尊重佢.

私人傳訊

bkfans

禁止訪問

積分: 67524

41^#

發表於 07-11-7 19:17 |只看該作者

提示: 作者被禁止或刪除內容自動屏蔽

私人傳訊

麟媽媽

王國長老

積分: 87317

好媽媽勳章王國長老

40^#

發表於 07-11-7 15:30 |只看該作者

上一代既感情事又點到我地後輩評論呢？
兩個人感情有變，都有好多成因，
唔應該只著眼當年邊個提出分手先既。
睇黎你老公都好顧及你奶奶既感受，
佢可能唔係個好老婆，但係你老公眼中，
可能係個好媽媽，如果唔係，
你老公點解唔同你同一陣線呢？
兩個老男都無咩機會聚頭的，
我唔會著意咁少既事，
等個仔大D 咪解釋佢知囉，
而家D 細路好明事理，
只要你地唔好加埋個人評價，咁咪得囉。

私人傳訊

dj.hkhk

男爵府

積分: 7563

好媽媽勳章醒目開學勳章

39^#

發表於 07-11-7 15:28 |只看該作者

叫x生,

佢話叫佢"哥哥"喎, 佢都霎戇:tongue:

THE CORDS ARE NEVER REALLY CUT.

私人傳訊

PL2

大宅

積分: 3865

38^#

發表於 07-11-7 13:53 |只看該作者

你老公叫佢做X叔, 咁你個囝就要叫佢做X叔公啦...

唔通大吉利是老公出面有個女人個仔又可以叫呀媽咩

絕呀...!!

父系社會... 比我既話我會當冇左個阿媽囉... 因為你既然同個男人咁相愛... 少左個仔又如何... 又唔同姓咯...

結論: 無謂為左D無謂人傷左 "一家人" 既和氣啦...

[ 本文章最後由 PL2 於 07-11-7 13:56 編輯 ]

私人傳訊

月希

珊瑚宮

積分: 119582

2024年龍年勳章好媽媽勳章畀面勳章

37^#

發表於 07-11-7 09:29 |只看該作者

我婆都結過2次婚..我就叫我婆既老公做 x叔既..不過我仔..我都係教佢叫太公....因為真正既太公大陸...連我都只係見過幾次... x叔又好鍚我..又好鍚我仔..所以我教仔仔叫佢太公..個個都好開心

我媽話..其實我細個時佢都有教我叫公公架..不過唔知點解我跟左大人叫x叔咋

私人傳訊

johnny_falcon

大宅

積分: 2634

36^#

發表於 07-11-7 09:16 |只看該作者

俗語有話跨過床頭都算父母.
咁係老公有冇叫佢做爸爸.
有既話就叫細爺爺
如果冇就唔洗叫爺爺罹.
因為係老公都冇當佢係亞爸,
咁你個仔又何來有個爺爺?-(
你們叫佢做x叔, 咁你個仔應該叫佢x伯

原文章由 ioi 於 07-11-2 09:44 發表
我個仔應該點樣稱呼我奶奶的老公?

我奶奶在我老公廿多歲時才識左第二個, 之後結埋婚. 而我老爺是仍然在生的, 現在我們一家和我老爺一起住. 我們稱呼佢現任老公為x叔.

我BB就出世時, 我都諗過究竟要教BB點樣叫佢現 ...

私人傳訊

shandy401

別墅

積分: 776

35^#

發表於 07-11-7 03:23 |只看該作者

我未嫁比我c6,99已經走咗,而家嗰個我地只係叫佢呀E,而呀仔叫佢做嫲嫲.不過最攪笑係返親62度,見到佢個女人首先叫聲'嫲嫲',跟住又要去裝注香比'嫲嫲'...有親友話怕攪亂個小朋友,其實應該分大細,不過我覺得仲難令佢明白,所以就由佢.....我suggest你,正印嗰個就照叫爺爺,'呀二'嗰個就加埋個姓e.g.黃爺爺;陳爺爺咁叫,我地有時稱呼老人家都係咁叫啦,而又有個'爺'字,應該你99會buy嘅.

私人傳訊

carmenau

複式洋房

積分: 153

34^#

發表於 07-11-6 12:06 |只看該作者

我覺得爺爺就係得一個，所以只會教個仔叫自己老公既親老豆做爺爺。至於你奶奶既新老公，如果你想一家人和和氣氣，讓一半當尊重你奶奶既話，咪響個爺字前面加佢個名，例如"強爺爺"、"明爺爺"咁樣，當係叫小朋友叫d老人家既稱呼。有時響老人院度都係聽到D姑娘咁叫。就算加左個爺字都唔代表係真正既阿爺。

私人傳訊

藍藍

伯爵府

積分: 15377

33^#

發表於 07-11-5 21:51 |只看該作者

我奶奶同老爺都係離左婚,現已各自再婚架喇~我個仔叫我奶奶個老公都係叫爺爺,不過我老公同姑仔就叫佢做哥哥(我覺得仲怪,點解唔係叫佢做uncle),我地就唔介意仔仔叫佢做爺爺,可能佢都好錫我個仔,我個仔見佢仲多過自己個親阿爺,反而我個仔見到親阿爺唔願開口叫佢添呀(可能生保掛),但我覺得如果樓主個62同你一樣都唔想個仔叫你奶奶個老公做爺爺,咁就唔好比佢叫喇,叫伯伯都一樣姐~叫乜都係一個稱呼,咪同你奶奶講話你62唔想個孫叫第2個人做爺爺囉......

大b駿逸

細b駿晞

私人傳訊

yau_grace

子爵府

積分: 14680

32^#

發表於 07-11-5 21:03 |只看該作者

最初, 我都覺得可以跟你老公的叫法而定.
即你老公叫佢做 daddy, 你仔仔就叫佢做爺爺.

但, 諗諗下, 有 d 野真係唔可以讓步.
佢始終唔係你老公的 daddy, 就遠都唔係小朋友的爺爺.
事實就係事實, 唔可以改變.
我會覺得邊個唔鍾意都好, 唔好教壞小朋友.
我覺得呢個唔係一個 '稱呼' 咁簡單.
到將來佢大左, 就算你解釋左個關係, 咪當左你地接受有第二段婚姻? (原配仲在生). 其實等同教小朋友接納離婚/ 同性戀 .........
(sorry~ 我冇歧視呢類人, 只係唔會教導小朋友如此. 如有冒犯, 請諒.)

我自己覺得, 作為父母, 應該將 '正確' 的價值觀教導小朋友.
讓佢地可以0係正確的教導下成長.