夫婦情感 今日: 4 | 主題: 42759

積分: 4328

46^#

發表於 07-11-11 03:42 |只看該作者

我同我老公係中學識既
個時我中一，我老公中四
咁岩大家既課外活動都係 RED CROSS
直至一次陸運會大家係同一個地方 ON POST
我地就係咁樣識既

到我中二既時候，大家開始熟落
只要一到午膳時間我地就會一大班搵個地方坐低傾計
到左中二既下學期，我就同我老公開始左

但拍拖半年左右，我地就散左（我是完全在無原因既情況被判死刑），但佢又好搞笑地第二日搵番我，想同番我一齊，不過，我拒絕了

散左之後，我地用另一種方式相處。。。「兄妹關係」
即使只係掛名，佢對我都愛護有加
而且只要我唔開心，佢一定會第一時間出來陪我

事隔七年，我再一次同番佢一齊，拍左拖唔夠三個月就有仔仔（現三個月大）
黎緊十二月就結婚啦

私人傳訊

rovictnadia

積分: 8821

45^#

發表於 07-11-10 14:20 |只看該作者

原文章由 KiLaMiu 於 07-11-2 16:49 發表
要講我同老公既故事實在一匹布咁長, 長既不在於時間, 而是當中既過程, 細節, 簡直複雜不得了... 可以在這裡話俾大家知, 當初要我放棄一個拍拖5年的男朋友, 而選擇跟我老公在一起, 實在過程艱辛, 感受很深, 之後我地 ...

我同我老公都係......... 識佢時我有一個拍左3年拖的男友, 但識左我老公一個月我就決定同佢一齊, 到差唔多3年我就有左BB, 終於今年4月結婚, 10月生左囡囡！

所有野都好快但我又唔覺得草率！我前男友唔係一個好人, 但人前佢好似好乖, 當初識我老公時我仲係學生 (前男友都係), 而我老公就做緊野既, 我媽咪鬧到我死, 話我見異思遷, 佢以為我係o個d貪人出來做野有$$比我洗先一齊............. 但佢又唔知前男友之前做過幾多對我唔住既事........... 不過最終我媽知我老公係好仔, 而家真係當佢仔咁錫架!

私人傳訊

健朗媽咪

公爵府

積分: 25413

好媽媽勳章

44^#

發表於 07-11-8 15:17 |只看該作者

我姑仔同我家姐係同學, 我識我c6時, c6個fd係我家姐當時ga男友, 當日我家姐男友生日, 我跟住我家姐出去玩, 於是識咗c6, 識咗個幾兩個月先開始拍拖, 拍咗5年拖後結婚, 而家結咗婚都10年, 個仔6歲

私人傳訊

bonnie1013

積分: 8233

43^#

發表於 07-11-8 13:45 |只看該作者

我又講吓先...
我老公係我老友個呀哥, 第一次見佢係做我老友嘅伴娘, 當時係酒店房, 老友set緊頭, 門鐘响, 應門時循例梗係問句"搵邊位", 點知條友寸到痺, 居然答我"我搵我個妹", 當時心諗, 頂你個肺, 我鬼知你個妹係邊個, 不過人地大好日子, 咪放佢入黎囉, 其實之後冇下文, 直到2年後, 有次我搵老友陪我去旅行, 佢老公唔放心, 咁啱佢呀哥又係去旅行, 佢老公要我地join埋呀哥一齊去先得, 就係咁去完旅行之後撻普左, 由拍拖到結婚剛好1年, 依家大仔快4歲, 第二個將於1月出世喇!

私人傳訊

vickywoo121

積分: 1271

42^#

發表於 07-11-8 11:19 |只看該作者

我同老公都係向icq到識, 由相識到結婚生仔一年之內做晒,
我地12月識, 1月有左bb, bb10月出世,
而家我地個仔都6歲, 黎緊12月第2個女就世, 好快就咁過左6年,

私人傳訊

BOBO6

禁止訪問

積分: 9967

環保接龍勳章

41^#

發表於 07-11-7 19:12 |只看該作者

提示: 作者被禁止或刪除內容自動屏蔽

私人傳訊

clc_ivy

積分: 3347

40^#

發表於 07-11-7 16:59 |只看該作者

原文章由 kingawa 於 07-11-7 11:06 發表

真係有di唔明?-(

一句講晒大家都係因為一齊讀書而識嘅,當中有d係小學同學有d係中學同學,咁會唔會清楚d???!!!

私人傳訊

jk923

翡翠宮

積分: 75481

39^#

發表於 07-11-7 16:16 |只看該作者

等我又講下先，已經係94年近暑假既事，同個朋友傾開電話，佢話佢同阿哥返義工couse，好似幾好玩，但好似夠人，但最後都有得去，我上第二堂先見到我老公，佢入左黎同我同組，我果時係幼師，佢讀緊大學2年級，我見到佢無好感，佢講野又悶又唔岩傾，衣著t-shirt+西褲:mrgreen: ，咁佢個死黨好鬼鐘意講野，我同佢乜都傾，經過一大輪我重以為佢個死黨想追我。但後尾佢個死黨開始問我關於我對我老公d野，果時一大班人成日玩uno，我又成日輸，輸親佢個fd就成日問我地成班人點排位呀？(我咪答傾熟d咪排頭dlaw)你鐘意d男仔點嫁？佢果晚打電話黎我重話做咩呀？想排位高d呀？跟住我終於feel到佢個fd幫我試探我，佢果晚咁我就諗佢份人咁悶，又讀緊大學，要搵女友容乜易，洗乜揀我，我重諗如果有日佢同我表白好大可能say no。點知中秋一大班人入camp玩，又玩uno，又係大輸家既我又比人問問題，我已經無咁笨再答，去沙灘玩蠟燭時佢又走過黎話幫手點我都無乜理佢，咁第二日大家散左返左屋企果晚，佢就打電話黎啦，eeoo一大輪咩唔好意思呀，搞到你咁尷尬呀？............遊左好大輪花園，又講佢對愛情係點呀！(我心諗，大佬呀？你想點呀？我聽朝重要晨早返工嫁，果時我每晚十點就訓6點幾就起身)佢地問你咁多呢d問題都係為佢好................後尾我終於頂佢唔住問佢：你係咪想追我？佢一答係就dead air左，咁佢問我肯唔肯........

第二日，義工小組要開會，佢之前約我食飯，出到黎重要遲到

咁咩表示都無，行行下去食飯又話要同fd law野，叫我等陣，食完飯開完會佢就話唔得閒唔送我返屋企，咁成班人就去食宵夜，佢個fd終於話我知完來佢去有銅鑼灣panklane等我，我去到佢送左支花比我(叫我等陣話law野既時侯law的)重有張卡，係個滿晒玫瑰花瓣盒仔既裏面有條手鍊。張卡寫左佢對我地將來呢份愛情既憧境，希望我同佢為呢段愛情一起灌溉。果晚離開餐廳時佢伸隻手出黎問我可唔可以拖住我。就係咁我地一齊左13年。細女都2歲幾啦！
多謝你地睇晒咁長既故事。

私人傳訊

silvia_yu

積分: 9652

醒目開學勳章

38^#

發表於 07-11-7 13:13 |只看該作者

大家講得咁開心，等我又講下啦... ...

係我仲讀緊書既時候唔記得中幾了，我開始玩yahoo chatroom，個時單拖上去玩...之後跟左我而家老公周圍同人嘈交，個時我地兩個係網上chat左好耐，跟住開始傾電話。佢問我識唔識幫人按摩，我話識...之後佢話如果你可以幫按摩就好了。於是就係電話到一齊左...之後佢住屯門我住沙田，佢個時唔知衰左咩...要每個星期黎沙田差館報到一次，於是佢每個星期黎沙田既時候都會約我，但我足足放左佢6次飛機...後尾佢都入左去坐。之後我又無理佢繼續讀書，都無再玩chatroom...到左2年幾後我剛剛失業中，於是晚晚係度勁玩電腦...無無聊聊開返個chatroom，見到佢留左個offline msg比我，話比我聽佢出返黎了...仲留左個電話，於是我就打返電話比佢。個時我有男朋友而佢無拍拖，今次佢約我出黎食晚飯，我今次終於出左去，係我地第一次既見面。
就係個晚我地一齊左，一齊既第一晚開始我地已經同居到而家，一齊左個幾月就發現左有bb...剛剛一齊既時候就同本身個男朋友講分手，個下真係hurt到個男朋友好盡。而家個小朋友已經2歲9個月了...其實由拍拖到而家只係一齊左3年多。

私人傳訊

積分: 18395

37^#

發表於 07-11-7 11:45 |只看該作者

其實我之前都有講過自己的故事所以不重複了!
簡略而言是:
被迫相體(兩人都是第一次),但雙方都有好感.
拍拖不到一個月我去日本讀書,在日本得知我的輸卵管生瘤,有機會不育,(我生日當天得知).
在日本等待做手術時他在電話中暗示分手(他人在香港).
做完手術後我回港前他正式提出分手,因為他父母反對我們繼續來往.
分手後我一星期瘦了10kg(可能很愛他吧).
回港後又再次被安排相體,見對方人品不錯便開始交往.
怎料他想追回我,覺得我回香港和他重遇後所有感覺又回來了(其實我覺得是我告訴了他我在生育方面沒問題).
復合後不到半年巳被雙方家長催婚(還是怕我無得生).
全部過程不足三年,現在巳婚快六年

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

codychan

積分: 6571

36^#

發表於 07-11-7 11:27 |只看該作者

我又趁下熱鬧，講下我同老公相識經過先

响92年我同當時男友及friend去bar飲嘢，經朋友介紹下認識佐老公，我同老公見佐1次後大家就無再聯絡了，直至95年中我friend請飲，巧合地安排佐我跟老公打麻雀，佢成鬼日鬆張比我食糊，我以為佢係魚腩部隊啦，往後常相約打牌，呃佢$$，最攪笑係我打親都win嘛，之後我先知他是牌精，打花章的，因被我的美色吸引住，比d甜頭我炸

儍婆

剛巧當時我與男友及他的第三者的關係一直糾纏不清中，順利成章我成日約老公同d friends去食飯、飲嘢，去camp，久而久之，我地就行埋了。

97年1月結婚(10年啦，時間過得真快，2002年呀仔出世)

我好幸運在我最無助時遇到老公

，一個負責任的男人，如果唔係佢的出現，我都唔敢想象當年的感情生活會係點:-(

[ 本文章最後由 codychan 於 07-11-7 11:58 編輯 ]

私人傳訊

積分: 18395

35^#

發表於 07-11-7 11:22 |只看該作者

嘩,大家的故事都很感動!
除了說是緣份外,還可以說什麼:-(

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

積分: 18395

34^#

發表於 07-11-7 11:10 |只看該作者

原文章由 honeybear0207 於 07-11-2 10:45 發表
我同我老公係中學同學，佢係隔離班既，中二時，我已有男朋友（我個女個爸爸），有個女朋學同我講隔離班有個叫ｘｘ榮，好得意，我唔記得當時點解突然走去佢課室，就問佢係咪叫ｘｘ榮，就識咗佢！
學校好大風，當時唔興帶校褸，個個都只著冷衫返學，我就成 ...

好感動:-(

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

積分: 18395

33^#

發表於 07-11-7 11:06 |只看該作者

原文章由 clc_ivy 於 07-11-2 14:31 發表
我第一次見佢喺地鐵站,當時去(中三)老師嘅婚禮我個同學同佢一齊嚟,我記得我仲講點解佢咁似隻蕉一年之後我小學同學叫我去佢朋友屋企打麻雀,去到嘅時間覺得個地址好熟,點知道就係我中學同學嘅屋企當時隻蕉都喺度,過 ...

真係有di唔明?-(

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

Rain~*

子爵府

積分: 14295

好媽媽勳章

32^#

發表於 07-11-7 10:23 |只看該作者

我都係呀~
我同我老公都係icq識ga~
03年yr.1時o係icq識左,
果時我住hall,成日都唔知醒去上堂,
佢就會朝朝打比我叫我起身返學..
有時又傾下電話咁,
到04年頭先第一次見面,
之後佢用左8日就追到我喇...

到06年我一grad,老公就即刻娶我,
冇耐仲發現已經有左bb tim~
bb06年10月出世~

依家都1歲喇~

原文章由 bb0606 於 07-11-7 01:24 發表

我同你一樣,,我同老公係icq度識嫁...一開始約出黎見就一齊左,,初頭都係諗住玩下亦冇諗過會同佢結婚...
04年頭拍左3個月拖就一齊住,,到05年尾發覺自己有左就結婚...
由拍拖到結婚都係2年1個月既時間....超快,,而 ...

私人傳訊

ccmssm