自由講場今日: 1170|主題: 1344351

收藏本版

發帖

返回列表

跳至頁

查看: 13307 | 回覆: 347

大肚同事與發仔瘟奶奶之 R頭對答 (19/6 再更新)

[複製鏈接]

12 3 4 5...18

亞貴

水晶宮

積分: 66136

hashtag影視迷勳章好媽媽勳章畀面勳章環保接龍勳章親子達人勳章 BK Milk勳章

1^#

發表於 14-6-18 16:21 |只看該作者 |正序瀏覽 |打印

本帖最後由亞貴於 14-6-19 17:55 編輯

6月19日更新：

同事仔話好多謝你地既網上支持同包容，

佢噚日打咗比佢奶奶同奶奶講叫佢去死呢d說話真係唔應該出口，

叫奶奶唔好放喺心，

但同咗奶奶講佢話點都唔會落bb，

仔又好女又好....都係上天賜比佢地既寶貝，

況且落b咁陰質既嘢真係做咗既話都唔會有運行啦，

仲生咩仔呢？

同埋如果我去落b既話.......你個仔都唔會原諒你喇咁....

奶奶話咁呢胎叫佢諗係咪自然分娩，

佢話咁樣下胎仲可以博下喎，

同事仔話呢d留返你個仔同你講啦下....跟住cut咗佢線，

跟住輪到佢老公，

佢話佢一見到佢老公就忟晒，

佢未出聲同事仔就話一腳踢埋個老公度叫佢返佢老母度飲奶，

佢3母女自有外家養，

老公未出聲佢就兇個老公，

如果再講廢話激嬲佢佢就執埋包服走算，

仲有佢會將佢所有高達搣斷一隻手一隻腳掉落街，

佢老公話已經鬧咗佢亞媽，

仲話會同佢老豆講清楚喎，

叫個老婆比d時間佢喎.........

佢老公有whatsapp問當時情況架，

我叫佢上BK睇.........

題外話：
今朝我就收到佢whatsapp----> 死人春貴.....你up乜鬼嘢春呀

我同事話成個過程佢淨係聽到我up d 春春聲先無咁嬲....

嗱....我都話我up得好架啦

*************************************************************

同事仔更新：

同事仔話多謝你地支持佢，

佢無嘢無激動...仲喺樹歎冷氣刨你地d回覆，

佢只係猶豫係咪要為爆佢奶奶嗰幾句打電話講聲對唔住，

佢話奶奶平時對佢ok既，

只係呢方面有d執著，

佢話為咗呢d搞差關係佢又唔想，

佢話佢了解佢奶奶......

但就嬲佢老公唔氹佢囉............

**********************************************************

頭先 lunch time 我地6個同事一齊去飲茶，

其中一個係大肚婆，

臨行前佢奶奶打比佢問佢得唔得閒食 lunch ... 話有嘢比佢，

咁大肚同事就話我地去邊度飲茶咁呀，

奶奶就問可否join埋佢....

咁我地本身都見過好多次....當然無問題啦，

諗住請個長輩飲餐茶 TIM.....點知........

去到坐底奶奶就開門見山勒....

奶奶：你噚日去照咗喇？仔定女呀？

同事：係女呀.....

奶奶：吓！又係女？你地已經生咗個啦，之前嗰個我都叫你唔好要架啦....

~~ 呢個時候雖然我地d厚多士堅係尷尬.....但都留底照 8 ........

同事：（只黑面無應佢），

奶奶：同你講緊呀，我都唔怕醜對住外人講，我得粒仔，我想你地生孫仔呀，唔係邊叫做有後？

同事：咁你同你個仔講囉.........生仔生女我話唔到事架.....

奶奶：你有無跟個表去做架.........

嗱....呢個時候我地其中有個男同事真係頂唔順去咗洗手間避開下勒 ....

同事：你不如同番你個仔講啦好無，我成枱同事你唔好再咁啦，

奶奶：（呢個時候佢問我地鍾意仔定女喎，我地無人敢應佢呀），

奶奶：其實你一知係女就應該要諗下係咪放棄囉.....你上次已經開刀生...今次梗係又開刀生架啦，

你無乜""高他""（佢d英文唔正呀）架，你呢胎又係女既話就要諗啦...

同事：咁你想點？不如我叫亞x（佢老公）同你講....

奶奶：而家你話我知你係咪要啦，我今晚仲要同你老爺交代....

同事：我今晚叫亞x搵你啦，

奶奶：我真係錫你先同你講架...你唔好要喇，唔係生死你呀.....

同事：（呢個毛文同事仔就激動喇）呀奶奶，我都好錫你架，咁我係咪可以叫你去死呀？你話一知道係女就要落，

咁你細個知道自己係女人時你唔去自殺？

我呢度成枱都係我d同事你都咁講嘢，

可想而知平時你係點對我啦，

而家我又唔係要你養.....我地一家又無求你，

我老公亦同我講話鍾意女....

你個仔話生仔生女唔緊要...最緊要健康呀，你明唔明呀？

你唔明我都無計架....

而家我送你去門口....你番屋企先，

你有唔妥唔該你同你個仔講.........

我地呢.....真係幾尷尬，

我地幾個好熟...其實見過佢奶奶好多次，

都知佢比較傳統嗰d，

但無諗過佢會咁講嘢，

仲成個過程問我地係咪都恨仔吖？

我話：仔女健康就得啦咁，

佢又即刻變成話：你生咗個仔就梗係咁講啦咁...........

我同事而家仲好唔開心呀，

頭先仲同老公喺電話嘈咗幾句，

我戥佢陰公呀....要成受咁大壓力

呢個POST 係同事仔叫我開嚟問下大家，

究竟佢咁鬧奶奶係咪好錯？

因為佢老公頭先話就算奶奶點講都好，

你咪叫佢打比我囉....做乜要鬧啫咁......

同事仔仲問......大女成日聽亞嫲鬧佢已經好唔鍾意佢，

問我地佢應該點處理喎........

其實我地都有同佢傾過下，

但佢想睇下其他人點諗..........