吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 爸爸專區› 大家可唔可以比d意見我呀!!

爸爸專區今日: 0|主題: 16410

收藏本版

發帖

返回列表

跳至頁

查看: 953 | 回覆: 11

大家可唔可以比d意見我呀!! [複製鏈接]

加菲BB

大宅

積分: 2062

1^#

發表於 07-11-14 20:05 |只看該作者 |正序瀏覽 |打印

唔好意思呀! 大家可唔可以比d意見我呀! 因為我而加真係唔知點做好~~
我同男友拍拖4年, 2年前開始, 常因結婚問題而吵架, 佢成日話, 結婚唔係我諗得咁易, 又話會好大負擔, ok~ 慢慢我都被佢感染左, 都無再提結婚了, 但三個月前, 我地又一些少事吵架, 冷戰一個月後, 佢話分手吧~ 因為覺得大家之間太多衝突喎~ 又話比唔到我想要既嘢我, 又話我脾氣差, 又話我有d嘢做得唔好~
問佢有無彎轉, 佢話要我改, 會令我好辛苦, 又話再一齊番, 都有條"次"啦~ 可必再一齊番喎~~ 我問佢係咪有第二個女人, 佢話唔係, 佢話點解我要咁樣諗佢, 佢話只係我地2個人之間既問題~

大家分開左三個月, 講真, 我真係勁唔捨得佢呀! 我好想去搵佢, 但又怕佢覺得我煩, 但係唔再搵佢, 我又怕以後都無機會喎~
我應該點做好呀! 點做先可以挽回喱段感情呢~? :-(

[ 本文章最後由加菲BB 於 07-11-14 20:07 編輯 ]

0 0 0

私人傳訊

Peewit

洋房

積分: 52

12^#

發表於 07-11-17 12:02 |只看該作者

我記得3年前我買$20六合彩中佐4獎拎到$4800....我好開心覺得擁有幸福同幸運....覺得之後我好快會中3獎or above....點知果次之後我等佐佢3年....連$20都無中過....我試過努力過....一星期買夠3次....每次買夠$100....每逢搞珠我就早一個鐘開定電視等佢個節目....點知每次佢餉電視度都話我唔中....我懷疑....我自己問自己....點解明明自己覺得到佐手既幸福會俾佢拎走....點解佢要咁恨心?....我好努力搏取佢既注意....但係佢只係無聲無色咁帶走我曾經有過既幸福感離我而去....3年喇....我一直餉度等....等佢回心轉意俾個我希望得到既答案俾我....我同佢甚至佢老板(英皇御准香港賽馬會 and 麗的電視台)之間無common friend....更加唔可以透過任何common friend話俾佢知我想佢俾個我希望得到既答案俾我(廉署既房好細....房入面既冷氣好凍....張三角檯傾野坐得唔舒服成日會踢到investigator隻腳....而且....其實係無咖啡飲既!)....佢上電視係幾要面既....睇電視果陣睇真d發現佢條頸可能都梗梗地幾硬....我都唔想就咁無佐....我好驚就咁我既希望就係佢既世界中消失....好驚我對佢無晒感覺....依家就算我搵到佢....我都好肯定佢唔會搵番我....分分鐘當我係痴嫻既....我都想問佢有無彎轉....不過我估都無乜轉機....我認係我地以前既日子係買少見少....我買少一次就見少佢一次....但係我會改架喇....好想佢俾d時間我....佢要走卻從來無同我講分手....其實係咪好似我老豆咁講....買得大賠得大呢?....但係我唔買咁咪仲無機會???....唉! 我都心煩意亂....都唔知自己應該再買大d....定一話....好亂!!!

在此決絕筆.........for this topic only

(佢係夏春秋or勞希萊)

粗茶淡飯....來我家食餐便飯喇!!

私人傳訊

加菲BB

大宅

積分: 2062

11^#

發表於 07-11-16 13:34 |只看該作者

講真, 我真係唔係好明白男人既心態呀!
peewit 你所講既, 我都覺得有道理,
但係個問題係~ 我同佢而加都有2個幾月無聯絡,
我地又無common fd,
我覺得我已消失左响佢個世界裏面咁~
佢仲點會仲對我有感覺呀~
講分手時, 佢又講到我好差咁喎,
咁佢仲點會掛住我呀???
其實係咪我愈緊佢, 佢仲更加唔會回頭呢~
但我唔緊佢, 佢會唔會覺得我都唔係好鍾意佢呢?
唉! 我都心煩意亂, 都唔知自己應該keep住搵佢~
定一話, 等~~ 佢唔搵我, 我唔搵佢呢~??

私人傳訊

Peewit

洋房

積分: 52

10^#

發表於 07-11-16 10:42 |只看該作者

唉! 呢場係累鬥累既消耗戰....兩個本來關係好既人搞到要咁樣維系真係好慘.....餉你做任何野之前先自己問自己:"係咪真係值得咁樣付出去打呢場消耗戰?" "係咪不計自己尊嚴要同佢耗落去?".....一定要事前有最好既準備....要有最壞既打算!

如果你決定佐耗落去....你就要記住一樣野....凡事都係相對既!
男人越軟皮蛇既....女人就越要打多兩鞭!
男人越硬骨頭既....女人就越要唔爹唔吊!

男人粗口由有云:"佢緊你唔緊, 佢唔緊你緊來把X!"

拿! 你依家快d去租番隻史提芬周既經典巨著(家有喜事)睇下喇! 學下戲中做程大嫂既吳君如點做.....你個咁typical既case照跟住學就得架喇! 就算佢拖佐另一個.....你都要充滿信心咁贏佢返來.....之後你玩厭佐撇佐佢係另一件事! 古惑仔入面山雞講過:"咩都可以輸, 信心唔可以輸!"

仲要記住史提芬周係回魂夜入面講過: "鬼係驚容光煥發既人既....." 你要行運....要行桃花運就要扮到自己容光煥發靚靚女女.....咁先至人見人愛車見車載棺材見到彈開蓋! See??

私人傳訊

honeyBB

男爵府

積分: 8684

2024年龍年勳章 2018復活節勳章好媽媽勳章醒目開學勳章

9^#

發表於 07-11-16 00:49 |只看該作者

要攪清楚,佢係咪已經拖左第二個先...

私人傳訊

三十歲男人

男爵府

積分: 5831

8^#

發表於 07-11-16 00:43 |只看該作者

深同感受hunterxbuyer o既心情。
非常認同Peewit 的想法。
樓主，勸你改改自己性格和搵另一個好男人。
:-P

私人傳訊

加菲BB

大宅

積分: 2062

7^#

發表於 07-11-15 23:56 |只看該作者

唉! 就係無law~ 佢d fd我都識, 不過係佢d fd喎, 費事啦~ 點知佢地會唔會話比我男友知, 話我索料架~
我自己d fd就話, 如果個男人真係愛你既話, 唔理用咩方法, 都一定會搵番你~
但係我男友個人都幾要面, 幾硬頸架, 所以我諗佢唔會搵番我囉, 如果我唔做主動, 我怕就咁就無左呀~~

私人傳訊

大眼仔mama

大宅

積分: 2114

6^#

發表於 07-11-15 21:51 |只看該作者

原文章由 加菲BB 於 07-11-15 19:26 發表
其實如果我去搵番佢, 佢係咪唔會珍惜呢~?
唉! 我怕而加分開左三個月唔搵佢, 以後就更加唔知點再搵佢呀~
佢個人都幾硬頸架~ 所以我諗佢唔會搵番我架喇～
加上之前問佢有無彎轉, 佢都答到無轉機咁~~
講真~ 我真係知錯架~ ...

你地有無common friends ga? 搵d friends索下料先lah. 點都好, 你千其不要自暴自棄, 做女人任何時候都要keep好自己個殼, keep得唔好, 佢想搵反你時如果見你走曬樣都掉頭走la.

私人傳訊

加菲BB

大宅

積分: 2062

5^#

發表於 07-11-15 19:26 |只看該作者

其實如果我去搵番佢, 佢係咪唔會珍惜呢~?
唉! 我怕而加分開左三個月唔搵佢, 以後就更加唔知點再搵佢呀~
佢個人都幾硬頸架~ 所以我諗佢唔會搵番我架喇～
加上之前問佢有無彎轉, 佢都答到無轉機咁~~
講真~ 我真係知錯架~ 係! 我係真係有d地方做得唔好, 脾氣都差少少囉~ 不過我一定會改, 但係而加問題係~ 夠竟我應唔應該搵佢呢~? 其實我本來想打電話比佢, keep住做朋友個feel先, 跟住先慢慢約佢出離見面, 一步步咁, 但我睇完 " PEEWIT "既一番話後, 又十五十六咁, 點好呀! 仲有無人可以教下我呀! 我真係唔知點好呀!:-( 求求大家幫忙~

[ 本文章最後由加菲BB 於 07-11-15 19:52 編輯 ]

私人傳訊

Peewit

洋房

積分: 52

4^#

發表於 07-11-15 18:12 |只看該作者

我做仔來講呢....講俾你聽其實幾殘酷.....呢3個月係我既話我應該會日@夜@! 你自己係柄埋喊苦喊忽.....佢反而會落得清靜call晒d狗友出來癲.....而且一個非正式統計顯示做仔既唔會咁快搭上另一條新女.....難得無王管仲邊會take番另一件上身丫!

記住.....做女唔@.....條仔唔緊.....你越惰落....佢越快樂 (因為慶幸走得快散得快丫嘛!)

如果做仔既對你仲有心既6個月左右之後應該會借頭借路搵你.....呢d係做仔既"不是定理".....好似5,6歲男仔咁掉低佐一件玩具玩過d新野過一排又心思思搵返d舊玩具....因為男仔有一定佔有慾.

係呢6個月入面你煩又無謂喊又無謂.....得閑做下facial做下spa.....買過晒d靚衫執正個樣同個格, 到時佢返轉頭搵你發現你唔同晒當堂會變得好緊你. 到時你就贏晒喇....佢實好似狼狗見電兔咁.....你想佢行左又得轉右又得! 如果你緊佢一d既可以餉呢6個月度係你地兩個d common friend度做手腳....散拖下其他仔呀....show呢俾班friend睇下散佐之後你仲索佐.....佢係有心既就會加快速度搵番你架喇!

就算佢唔返轉頭....你都無壞....無虛耗時間又餉呢6個月度重新做人! 話唔定撞到另一個更岩你既呢!

私人傳訊

HCLAU

大宅

積分: 3200

3^#

發表於 07-11-15 16:37 |只看該作者

原文章由 newcook 於 07-11-15 15:43 發表
如果你想搵番佢, 你就一定要改你既脾氣, 唔係將來既結果都會係同而家一樣....

其實如果你係咁唔捨得佢, 咁愛佢, 你係應該可以改到, 因為愛可以大於一切, 可以為對方犧牲任何野, 你自問可以做得到既, 就搵番佢啦, 但 ...

四年, 唔算好長....
請問自己是否可以一世都遷就他呢???
自己究竟錯在哪裡???
分手了後, 他有否再找你呢????
咁, 如果現在好了, 但係, 8年後你男朋友再說分手, 你可否接受呢?? 若干年後, 自己咁咪仲傷.......