夫婦情感 今日: 3 | 主題: 42727

積分: 28399

1^#

發表於 14-6-28 22:45 |只看該作者 |正序瀏覽 |打印

我老公係一碌木，從來唔會花時間係我身上。佢本身做野經常收夜，之後又同同事飲酒打麻雀半夜先返，我好唔中意但佢話同事埋堆我都冇法。我每次叫佢陪我，就話要做野，但朋友一約佢，佢又可以同朋友食飯。如果佢收早，我想出去食飯輕鬆下，佢就話攰唔想出，我又煮又洗搞一晚，食完佢又出去飲酒。有時早返，個仔訓左我話不如出去食宵夜拍下拖，佢就話食宵夜唔健康，切個水果食算啦，但同事約佢又即刻飛奔出去……我生日，佢話買個蛋糕叫我自己食，佢最憎食蛋糕，但我唔係細路女，我想食自己有錢買，生日蛋糕最重要係吹candles都冇

其實我唔洗返工衣食住行都唔愁，但對住佢覺得好辛苦，我知佢冇小三，但呢個人真係好冷淡，我覺得佢唔需要老婆，拍拖浪漫對佢黎講係無聊，佢只需要一個人可以分擔佢呀媽家務同照顧好個仔。我近來都開始對佢冷淡，因為我怕俾佢凍親會唔開心，所以我比佢更冷淡，有時更會唔開心到失眠，夜晚自己一個飲悶酒。其實佢冇偷食冇打我冇鬧我又俾足家用，我係咪諗太多

0 0 0

私人傳訊

chibook

複式洋房

積分: 372

112^#

發表於 14-7-18 00:02 |只看該作者

回覆：我應該係好幸福，但我老公真係好悶

我覺得兩夫妻相處得耐，由愛情變做感情係好正常，但係，就算無咗愛情變咗做感情，都唔係話可以一啲都唔駛理個老婆感受囉。你唔當我老婆，當我係一個同你一齊住嘅親人，或朋友也好，你都唔會當個親人或朋友係透明掛? 我覺得你要同你老公講清楚一點，係你希望佢尊重你，重視你多啲，唔係要求佢要攬要錫，而係心靈上嘅交流。

私人傳訊

忍忍忍

積分: 1272

111^#

發表於 14-7-17 18:07 |只看該作者

引用：Quote:原帖由 Bling11 於 14-07-17 發表emi

原帖由 emimi 於 14-07-17 發表
你仲激動過我

結婚前年紀細，朋友多數係舊同學，最多星期六日唱下k落酒吧，之後轉左份工，同事個 ...

你又出去蒲，佢一三五你二四六，啊B輪流湊，誰怕誰

可以約埋我

私人傳訊

積分: 28399

110^#

發表於 14-7-17 15:51 |只看該作者

引用：emimi 婚前係宅男ok，但婚後成日唔見人

原帖由 Bling11 於 14-07-17 發表
emimi 婚前係宅男ok，但婚後成日唔見人發表於 2014-07-17 15:23:13

真係搵嚟講，個性既嘢點會變，內 ...

你仲激動過我

結婚前年紀細，朋友多數係舊同學，最多星期六日唱下k落酒吧，之後轉左份工，同事個個日蒲夜蒲，加上返工時間唔固定，要玩更容易，成日唔見人。性格唔會一世唔變，可能學之前jm話齋以前未玩夠，依家見識多左咪中諗玩

私人傳訊

Bling11

子爵府

積分: 12943

109^#

發表於 14-7-17 15:39 |只看該作者

回覆：我應該係好幸福，但我老公真係好悶

emimi 婚前係宅男ok，但婚後成日唔見人發表於 2014-07-17 15:23:13

真係搵嚟講，個性既嘢點會變，內向既人結婚後都唔會變咗外向既咩？難道木納既人結婚就會變得風趣幽默嗎？乜理論嚟既呢？？你要怨既人應該係你自己，而唔係你老公

私人傳訊

積分: 28399

108^#

發表於 14-7-17 15:30 |只看該作者

引用：我老公都係悶蛋，你就算嬲佢都係由你喊，唔

原帖由 rayrayus 於 14-07-17 發表
我老公都係悶蛋，你就算嬲佢都係由你喊，唔會點真係講花言巧語tum 你，不過唔同既係我老公好少去玩，但可以 ...

我寧願佢打機，但佢係電腦白痴

私人傳訊

積分: 28399

107^#

發表於 14-7-17 15:26 |只看該作者

引用：Quote:原帖由 emimi 於 14-07-16 發表我明

原帖由 忍忍忍 於 14-07-17 發表
樓主，不如試下同c6+C6朋友一齊去玩，飲下酒，傾下計甘未唔悶咯。。。感情要培養架，不過結左婚大部分C9都 ...

佢唔中意我跟佢出去，除非family day大家朋友都帶小朋友，不過呢排佢好少同呢d“健康”朋友聯絡，多數同損友

私人傳訊

ccj2008

積分: 1056

106^#

發表於 14-7-17 13:26 |只看該作者

soso1227 發表於 14-7-13 13:48
一個星期去六日，
每晚三丶四丶五點先返屋企太過份了！
咁去法，肯定見外面D人重多過你，

講得好！絕對同意！

私人傳訊

忍忍忍

積分: 1272

105^#

發表於 14-7-17 09:26 |只看該作者

引用：Quote:原帖由 4352 於 14-07-16 發表唉，其

原帖由 emimi 於 14-07-16 發表
我明白，比起果d吸毒賭錢打老婆包二奶已經好好，所以我先話“應該”好幸福，但就比人話“車，同奶奶住又冇 ...

樓主，不如試下同c6+C6朋友一齊去玩，飲下酒，傾下計甘未唔悶咯。。。感情要培養架，不過結左婚大部分C9都唔會浪漫得去邊了。。。

私人傳訊

rayrayus

翡翠宮

積分: 84561

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

104^#

發表於 14-7-17 05:48 |只看該作者

我老公都係悶蛋，你就算嬲佢都係由你喊，唔會點真係講花言巧語tum 你，不過唔同既係我老公好少去玩，但可以在屋企打成日機...我又係唔愁衣食，但有時都想自己老公有少少情趣，重視自己多d，因為一齊多年如果咁平淡有時都幾無奈...

私人傳訊

Bling11

子爵府

積分: 12943

103^#

發表於 14-7-17 01:51 |只看該作者

回覆：我應該係好幸福，但我老公真係好悶

咁你又嫁俾佢，佢係悶棍一條你唔係今日至知道架

點評

emimi 婚前係宅男ok，但婚後成日唔見人發表於 14-7-17 15:23

私人傳訊

jessica1128

積分: 2958

102^#

發表於 14-7-16 19:19 |只看該作者

引用：Quote:原帖由+4352+於+14-07-16+發表唉，其

原帖由 emimi 於 14-07-16 發表
我明白，比起果d吸毒賭錢打老婆包二奶已經好好，所以我先話“應該”好幸福，但就比人話“車，同奶奶住又冇 ...

我明白你，我都係表面好好，少奶奶唔使做好幸福，但C6都係冷落我，好唔開心！所以明你感受！

身邊朋友同呢度D jm一樣，叫我重心唔好放響C6度，或搵工番或搵D野忙！但我覺得，咁做冇錯可以令自己occupied唔去諗，感覺冇咁難受或暫時忘記，但問題有解決嗎？咁做會令大家感情好左同溝通多左嗎？唔會架！一日對方唔正視呢個問題都係冇用....

私人傳訊

itrc2000

別墅

積分: 748

101^#

發表於 14-7-16 17:21 |只看該作者

放鬆D, 想做就去做. 有時比左D小朋友99睇, 自己可以約下朋友出街

私人傳訊

AllyChan

男爵府

積分: 8090

100^#

發表於 14-7-16 16:37 |只看該作者

本帖最後由 AllyChan 於 14-7-16 16:38 編輯

emimi 發表於 14-6-28 22:45
我老公係一碌木，從來唔會花時間係我身上。佢本身做野經常收夜，之後又同同事飲酒打麻雀半夜先返，我好唔中 ...

你老公同你作息時間唔同, 佢返下午,放晚上11點, 之後去食飯飲野, 有時打牌, 但你想佢盡早返屋企, 佢會覺得返嚟早都係冇冇謂謂, 返到屋企你同小朋友都瞓左, 不如同朋友傾多陣.

即係好似一般人放工後, 都行下街食埋飯咁啫.

除非佢唔做呢份工, 如果唔係, 呢個係改唔倒嘅事實.

不如你接受呢個事實, 多D欣賞個老公, 佢可以比你地舒適嘅生活環境.

當你改左心態, 見倒你老公時, 就會開心D.

老公見倒你開心, 佢都開心架, 可能佢會想陪你同小朋友耐D,

如果你板起面對住佢, 佢一定想快D走人啦.

蛋糕佢唔鍾意食, 冇得迫人食個喎, 但佢肯去買都唔錯啦, 買左你想同佢一齊吹candles, 你等佢返嚟一齊吹, 唔一定要12點吹都得.

可能你在生活上SET 得太多RULES 比自己, 亦對老公有一定程度的要求, 但每個人都不同, 好難要人做到自己想嗰一套, 你試下放開呢方面. 你就會見倒你老公的優點多D.

你地一齊住, 見面同可以溝通嘅時間又唔多,所以要更加珍惜.

私人傳訊

re_na

積分: 4988

99^#

發表於 14-7-16 16:14 |只看該作者

回覆：emimi 的帖子

嘩佢轉變都幾大。咁應該係玩倉個心以前冇玩宜家就玩返晒，加埋同事影響啦想同佢地有好既關係先下下玩到咁夜。不過夠精神返工嫁啦？

唯有你好似媽媽湊仔咁同佢講下條件啦，無理由佢咁鬼自由可以玩到4，5點，話晒佢係人老公人地爸爸，你間唔中俾d說話佢聽下話仔仔好似覺得無左爹d，你又好似冇老公咁。

你同99住又有小朋友，真係好難有情趣搞咁多花款既，唔好諗太多啦會愈諗愈火爆

私人傳訊

積分: 28399

98^#

發表於 14-7-16 15:59 |只看該作者

引用：其實我無睇你之後點reply 人，我諗好多jm

原帖由 re_na 於 14-07-16 發表
其實我無睇你之後點reply 人，我諗好多jm 都係所以先不斷叫你搵自己野做，所以唔係女人都唔明白你。

成件 ...

我地好後生結婚，當時佢係宅男，係婚後又轉左工先係咁，拍拖當然有去街，因為約去街先見到面。我前幾日爆左佢一次，今星期就早左返屋企，收工食埋宵夜就返，冇飲酒，唔知佢keep到幾耐，下下要我爆發我都好辛苦，而且試多幾次我估會變得冇效

點評

angieshum 咁就冇癮啦！點解要比人爆先收儉下，唔係要下下發晒癱先見到面呀？！咁見到都未必開心！我c6冇你個咁誇張，但對住朋友同家人兩個樣，係屋企嘅時候成條蟲咁！！！發表於 14-7-17 10:34

私人傳訊

re_na

積分: 4988

97^#

發表於 14-7-16 14:26 |只看該作者

回覆：emimi 的帖子

其實我無睇你之後點reply 人，我諗好多jm 都係所以先不斷叫你搵自己野做，所以唔係女人都唔明白你。

成件事咁只可以講你老公性格係咁，未同你結婚之前應該都係咁。講真我諗你同佢認真講幾多次都冇用.

我朋友岩岩生完1年有女，佢老公都係成日出街飲酒去玩，唔會陪我朋友，以前拍拖都好d，有1齊去出街，宜家生埋直情街都冇出，所以佢呻既野同你一模一樣。

不過唔返屋企陪你訓，你睇下有冇得同佢協議下，限佢次數。間唔中發下癲要佢一定要有家庭日出去玩下。唔知岩唔岩用係你老公身上
，我朋友就咁協議，其他都係默默接受

私人傳訊

積分: 28399

96^#

發表於 14-7-16 13:53 |只看該作者

引用：你又自己出下街啦搵D野做下培養下自己興

原帖由 re_na 於 14-07-16 發表
你又自己出下街啦搵D野做下培養下自己興趣
仔仔幾大呀 ?
好多男人都唔鍾意陪女人行街食飯，但陪朋友陪通 ...

我講到口水都乾，我已經好忙好多野做

但兩公婆係咪只要各有各忙，忙到唔洗理對方，咁就叫好？我再多興趣再多朋友，夜晚都係自己一個訓覺，而老公就係出面玩，除非我又搵朋友晚晚去蒲，但要湊仔去唔到

私人傳訊

re_na

積分: 4988

95^#

發表於 14-7-16 12:23 |只看該作者

你又自己出下街啦搵D野做下培養下自己興趣
仔仔幾大呀 ?
好多男人都唔鍾意陪女人行街食飯，但陪朋友陪通頂唔訓都得

私人傳訊