吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 我太太剛小產好唔開心

想生BB 今日: 1|主題: 109509

收藏本版

發帖

返回列表

跳至頁

查看: 3032 | 回覆: 25

我太太剛小產好唔開心 [複製鏈接]

yauoi

洋房

積分: 54

1^#

發表於 07-11-25 10:27 |只看該作者 |正序瀏覽 |打印

昨天我陪太太覆診時.醫生話個BB九個星期都無心跳及胚胎無生長,叫我地去醫院急症室檢查,去度照超聲波都係結果一樣,跟住再去醫院婦科再照結果都係.......... 現在排期做手術,呢段時間真係好難渡過, 唉!!!!今日仲要係我和太太結婚周年日,今早我還要返工陪唔到太太.
我地仲未話比親人知呀!!!!!!!!!!!!!!!!!!!!!!!:-( :-( :-(

0 0 0

私人傳訊

irisang2007

男爵府

積分: 7737

26^#

發表於 07-11-29 13:27 |只看該作者

原文章由 yauoi 於 07-11-28 16:40 發表
多謝各位關心!!
昨晚我太太去左仁安e院做左刮宮手術過程順利,做完後她話無乜痛,今天下午回家,一回家後就立即睡.
經過今次經歷真真正正體會到生命可貴,原以為有BB後小心日常生活,無乜意外就會順利生出來. 古都古唔到B ...

睇到我好感動:-( , 我相信你一定係一個好好既老公, 你呢返說話唔好淨係係呢個BK度講呀, 一定要同你太太講, 我估佢聽到, 一定"lum"死

私人傳訊

wlk168win

大宅

積分: 1289

25^#

發表於 07-11-28 22:32 |只看該作者

原文章由 yauoi 於 07-11-28 16:40 發表
多謝各位關心!!
昨晚我太太去左仁安e院做左刮宮手術過程順利,做完後她話無乜痛,今天下午回家,一回家後就立即睡.
經過今次經歷真真正正體會到生命可貴,原以為有BB後小心日常生活,無乜意外就會順利生出來. 古都古唔到B ...

有你呢個咁好既老公....好感動, 睇到我:-( 左出黎,
你講得好啱, 未經歷過, 係唔係太明白"生命可貴".

你要當你老婆"坐月"咁, 唔好行咁多, 企都唔好,
食多的寶品, 食多兩個月都唔怕,
等佢身體強番, 第日就會好快有同安全架喇~

你老婆有你真幸福, 無錯, 叫佢有時間上黎傾吓計吖,
好快可以收拾心情開心番架!
BK姊妹既強項係----互相支持嘛!!:lol:

私人傳訊

wlk168win

大宅

積分: 1289

24^#

發表於 07-11-28 22:25 |只看該作者

原文章由 一杯紅酒 於 07-11-25 10:32 發表
sorry to hear about that......:cry:

你太太有無上呢個網?
呢個時候你太太會好需要你,
佢有無喊? 叫佢喊出黎吧, 會舒服d~
但喊過之後就要振作!
呢度好多人都有不同遭遇,
而家既然事實已經發生左,
只能說BB跟你地 ...

好感動呀!!))):-( :-(

私人傳訊

yauoi

洋房

積分: 54

23^#

發表於 07-11-28 16:40 |只看該作者

多謝各位關心!!
昨晚我太太去左仁安e院做左刮宮手術過程順利,做完後她話無乜痛,今天下午回家,一回家後就立即睡.
經過今次經歷真真正正體會到生命可貴,原以為有BB後小心日常生活,無乜意外就會順利生出來. 古都古唔到BB在8-9星期都無心跳及唔發育!!! 係e院見到好多大肚婆等生BB,而自已的BB就.......
但所有野都唔緊要,最重要係太太身體健康,我兩一定白頭到老,度過這段快樂人生.

私人傳訊

yc_bb

大宅

積分: 4736

22^#

發表於 07-11-27 10:45 |只看該作者

原文章由 fishballbaby 於 07-11-26 22:33 發表
其實我係斷斷續續住了一個月醫院，流血流了整個月，我已盡了最大的努力，當時已18週。

yauoi

你一定要比多d時間比太太等佢心情平服。

fishballbaby

我想問你18週小產係咩原因如果你唔介意既可以話比我知嗎?

私人傳訊

小羊咩

民房

積分: 99

21^#

發表於 07-11-27 09:58 |只看該作者

yauoi,

雖然我唔認識你們, 亦唔知你們是甚麼宗教, 但都請你們容許我為你們做個簡單的祈禱:

主呀, 我請袮差派很多很多天使, 把yauoi及他的太太, 好好地保護起來, 請袮讓無限的愛從八方而來, 安撫他倆受傷的心靈,加他們力量, 讓他倆從新得力, 我確信上天必定已為他倆安排更好的在未來, 我這禱告是奉主耶穌基督之名, 阿門!

另外, 送這首歌給你們, 希望你們聽了, 心情會好些

http://sean0618.myweb.hinet.net/temp/flash/oneday.swf

私人傳訊

patlo

複式洋房

積分: 451

20^#

發表於 07-11-27 09:52 |只看該作者

等我share下我個case...

我今年4月時小產, 當時又係冇長大同停左心跳, 又不斷咁留啡, 所以聽我c+講去做手術, 當時係st. paul做, 係麻醉再刮宮, 留左一晚院, 埋單萬幾蚊(萬頭), 之後醫生仲話冇問題架喇, 你好似正常人咁架喇, 再黎番2個cycle m就可以再懷孕架喇. 又話唔好食行血o野, 之後我又lazy, 冇調補. 2個cycle後開始再努力, 跟住4個cycle後(10月check到有)就成功左, 好開心...

但一直都好憺心會好似上次咁... 好景不常, 到7w幾都未有心跳, 我仲憺心, 最後係8w時見啡...去左瑪嘉烈急症, 醫生都話仲未有心跳唔樂觀, 又安排我第2日去佢地個婦產科檢查, 第2日去到, 個女醫生, 再照又係冇大同冇心跳, 佢同我講"你接唔接受到? 如果得就今日同你安排做手術, 如果唔係就下星期再覆診, 再check" 但我已見到佢係個電腦上面打"mis abortion", 我見佢都咁firm, 所以我打電話同老公相量後, 決定即時入院...

係瑪嘉烈做手術既過程同係st. paul差不多, 因為我算急症, 要等手術室, 但c+就係book定. 最後瑪嘉烈埋單只需150大元, 仲要有飯食(好唔好食另計)... 慳番d錢黎睇中醫同買補品. 補好個身體再黎過!!!

我相信我連續2次係因為我上次冇調補, 因為我已有一個女, 所以一定唔係基因問題, 所以你一定要買野俾你太太補下, 最好睇下中醫清下d風tim.

加油!!!

Pat

[ 本文章最後由 patlo 於 07-11-27 11:55 編輯 ]

我叫璇璇, 英文名係Kyna, 2003-05-31出世. 我全家都係5月生日o架

私人傳訊

KoyeBaby

子爵府

積分: 12890

醒目開學勳章畀面勳章

19^#

發表於 07-11-27 02:29 |只看該作者

yauoi
你記得要多ｄ關心你太太，我上年因為ｂｂ係無腦兒要塞藥，足足痛咗３日先排到出嚟，不過好彩唔駛刮宮，但係我之後嗰２個月都情緒低落，會無端端大喊，發脾氣，所以如果你太太有ｄ咁嘅情況，希望你唔好怪佢！因為根本控制唔到自己～老公嘅支持喺呢個時候真係好重要！
加油呀！叫你太太好好調理身體，一定唔可以冷親，盡可能休息多ｄ，養好身子之後再接再厲～～

私人傳訊

fishballbaby

侯爵府

積分: 24640

2024年龍年勳章 2023年兔年勳章好媽媽勳章畀面勳章環保接龍勳章 wyeth冷知識勳章

18^#

發表於 07-11-26 22:33 |只看該作者

其實我係斷斷續續住了一個月醫院，流血流了整個月，我已盡了最大的努力，當時已18週。

原文章由 高齡產婦 於 07-11-26 22:14 發表
fishballbaby,
嘩嘩嘩, 點解妳要住成10日醫院呀 ? 我係即日出院喎, 中午12點入院, 3:00做手術, 8點幾出院.
我醫生費$4000, 痳醉師$1300, 加其他=total$9000幾
妳睇邊個醫生架 ?

...

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

17^#

發表於 07-11-26 22:14 |只看該作者

fishballbaby,
嘩嘩嘩, 點解妳要住成10日醫院呀

? 我係即日出院喎, 中午12點入院, 3:00做手術, 8點幾出院.
我醫生費$4000, 痳醉師$1300, 加其他=total$9000幾
妳睇邊個醫生架

原文章由 fishballbaby 於 07-11-26 19:30 發表
我都係响仁安，$9,000幾咁平，我一定唔只喎，因為淨係醫生費都要成一萬蚊，痳醉師都幾千蚊，仲有手術室費、儀器費，醫生巡房費每day都一千，仲有住院費每日hk$500，果次我住了大約十日，記得埋單都要六萬蚊。

yauoi
如果有需要，不如你 ...

私人傳訊

fishballbaby

侯爵府

積分: 24640

2024年龍年勳章 2023年兔年勳章好媽媽勳章畀面勳章環保接龍勳章 wyeth冷知識勳章

16^#

發表於 07-11-26 19:30 |只看該作者

我都係响仁安，$9,000幾咁平，我一定唔只喎，因為淨係醫生費都要成一萬蚊，痳醉師都幾千蚊，仲有手術室費、儀器費，醫生巡房費每day都一千，仲有住院費每日hk$500，果次我住了大約十日，記得埋單都要六萬蚊。

yauoi
如果有需要，不如你考慮吓高齡睇既醫生la。
手術後，仲要睇吓中醫調理吓呀。

原文章由 高齡產婦 於 07-11-26 18:10 發表
fishballbaby,
我10月中喺仁安做刮宮, $9000幾only (include everthing), 點解妳有4萬咁多嘅?

yauoi,
係啦, 妳哋有冇考慮下私家呢? 政府係平好多, 但如果萬一真係要刮宮, 我就冇信心喇, 所以我選擇返自己個醫生係 ...

[ 本文章最後由 fishballbaby 於 07-11-26 19:37 編輯 ]

私人傳訊

yjhongkong

民房

積分: 28

15^#

發表於 07-11-26 18:17 |只看該作者

yauoi,
如果你太太做完手術後, 一定要好好休息同調理身體呀! 要好似坐月咁休息架, 好多人都話小產仲傷過生完bb. 我十月尾時小產左, 我都休息左一個月, 好似人地坐完咁調理身體. 我自己有話比媽咪同99知, 佢地可以幫手煮野成同做下家務, 會好好多. 因為小產完身心都好疲累, 什麼都唔想做架啦! 同埋你盡量多d時間倍你太太啦! 好重要, 有老公係身邊, 個心會定D.
要向前看, 積極面對啊! 你地好快會渡過這段時間, 或者, 有問題可上BK問問.

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

14^#

發表於 07-11-26 18:10 |只看該作者

fishballbaby,
我10月中喺仁安做刮宮, $9000幾only (include everthing), 點解妳有4萬咁多嘅?

yauoi,
係啦, 妳哋有冇考慮下私家呢? 政府係平好多, 但如果萬一真係要刮宮, 我就冇信心喇, 所以我選擇返自己個醫生係仁安做, 可以快d完結件事, 我個b係8週時停止心跳同發育.
當然有好多人話食藥排出嚟好d, 但都有人話刮宮如果醫生手勢好仲好添.

原文章由 fishballbaby 於 07-11-26 17:49 發表
yauoi

28/11那天去登記，是否會知道明確日期幾時做手術? 實在唔好拖得太久，對身和心都是一種傷害。有冇打算睇私家呢? 如需做刮宫手術，連醫生費、痳醉師費、手術室費、病房等等，應該也要大約四萬元，我這時已經是年半前的 ...

[ 本文章最後由高齡產婦於 07-11-26 18:25 編輯 ]

私人傳訊

fishballbaby

侯爵府

積分: 24640

2024年龍年勳章 2023年兔年勳章好媽媽勳章畀面勳章環保接龍勳章 wyeth冷知識勳章

13^#

發表於 07-11-26 17:49 |只看該作者

yauoi

28/11那天去登記，是否會知道明確日期幾時做手術? 實在唔好拖得太久，對身和心都是一種傷害。有冇打算睇私家呢? 如需做刮宫手術，連醫生費、痳醉師費、手術室費、病房等等，應該也要大約四萬元，我這時已經是年半前的事，所以確實費用都不太清楚了，加上當時，自己真的什麼也不知道。

聽你所描述，你太太應該是個表面堅強的人，其實都好似我，表面堅強但內心其實是脆弱的，在老公面前只哭了一次，之後就常常自己哩埋一個人喊，如果你太太是這類的，就更加要小心，因為她是不善於表現自己不開心的人，只會收藏於自己心裏，你會多觀察。

另外，不要哭太多了，因為太太會反過來嚟擔心你，你應表現積極，關心和鼓勵太太，要think positive，和太太齊齊面對前面既問題。

加油呀!

私人傳訊

高齡產婦

伯爵府

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

12^#

發表於 07-11-26 16:08 |只看該作者

yauoi
我唔清楚妳哋28號會有物嘢程序, 妳試下打電話去醫院婦產科問下啦. 講妳個case比姑娘知, 如果可以要即時入院, 妳最好盡量陪住太太.
佢依家好須要妳支持, 妳一個擁抱, 一路拖住佢, 就係最好嘅支持, 我老公當時都係咁. 仲有就係佢喺呢個時候可能唔想同人講嘢, 就算係自己媽媽or姊妹等等, 你要為佢擋駕, 等佢可以好好治療心中嘅傷痛.
喱幾日會凍, 記住攞夠衫入院, 流產後千萬唔好凍親, 要好似人哋生完咁.
至於補身, 醫生話兩個星期後就可開始. 出院可以食d炒薑飯, 我奶奶都炒咗幾日比我食.
你都要堅強d呀, 妳仲要照顧太太.

私人傳訊

香香

禁止訪問

積分: 8199

11^#

發表於 07-11-26 15:53 |只看該作者

提示: 作者被禁止或刪除內容自動屏蔽

私人傳訊

irisang2007

男爵府

積分: 7737

10^#

發表於 07-11-26 14:16 |只看該作者

原文章由 irisang2007 於 07-11-26 14:03 發表

其實我好明白你太太既心情, 好似我咁, 當我到左要入e院做流產果日, e生都有再問我想即刻塞藥or再等下先(睇下身體會唔會自然將佢排出), 但我即時既反應就係唔想再拖, 叫個e生幫我塞藥. 因為我小b已經走左, 佢再留 ...

yauoi

仲有呀, 我知道呢段日子你地真係會好難捱, 但傷心一定要有期限, 等你太太出院後, 好好同佢補身, 等佢身體復完後, 再努力過, 放心啦, 呢d傷心既日子好快就會過, 最緊要係你地兩個要積極面對, 互相支持同鼓勵, 咁小b就會好快返黎你地身邊, 加油!!

私人傳訊

irisang2007

男爵府

積分: 7737

9^#

發表於 07-11-26 14:03 |只看該作者

原文章由 yauoi 於 07-11-25 20:59 發表
irisang2007 多謝妳的意見,
明天太太仲要返工,我叫她不要番工,她話有d工作手尾做.
昨天去屯門急症室後,e生話要做手術,但屯門e院唔做,要去元朗博愛e院做,屯院比張入院証明書叫我地28/11去登記,咁係個日做手術or去度左 ...

其實我好明白你太太既心情, 好似我咁, 當我到左要入e院做流產果日, e生都有再問我想即刻塞藥or再等下先(睇下身體會唔會自然將佢排出), 但我即時既反應就係唔想再拖, 叫個e生幫我塞藥. 因為我小b已經走左, 佢再留係我既身體入面, 只會令我更傷心, 加上我驚會對身體有不良影響(雖然e生話唔會), 但為左再有下一個bb, 我要好好保護自己既身體. 不過最重要既係, 如果小b早d出黎, 我就可以快d復完, 快d再試.