自由講場今日: 535|主題: 1354442

收藏本版

發帖

返回列表

跳至頁

查看: 2999 | 回覆: 29

[轉載]一個警察在2014年71之後的感想 [複製鏈接]

PapaDragon

別墅

積分: 641

1^#

發表於 14-7-5 20:55 |只看該作者 |正序瀏覽 |打印

我係71當日有份係遮打道企天光，好多人口中嘅「警犬」。今次我唔係想話叫你地要體諒我地，而只係想講我睇到嘅事。

今次71真係搞到天光先清到場，我知嘅，我可以講嘅原因有三個：

1 ）因為遮打道唔同政總，兩邊都係行人路，我地唔可以亂叫d「行人」離開，亦因為咁，好多人睇住我地做野

2）今次d人真係郁都唔郁，有一d「本來會衝嘅人」（唔好問我講緊咩人咩鬼）都冇機會令現場混亂

3）真係第一次做「佔中」，而且上頭壓力係超大，樣樣決定都步步為營，所以搞咁耐

至於其他唔講得嘅原因…第一，我係警察，有啲野講左就係二五仔，第二，我唔想講左而令到上頭第時連風都唔放，因為其實依家我地入面都有好大矛盾。

當初新阿一上位，其實真係人人開心，最少好多伙計都話有咩面子，行必對住老黑講野都大聲d。但耐左，其實好多人都明依個頂爺係點，最大問題係所有上頭都要跟頂爺作風，你唔跟你冇運行。

以前出一次特別更、搞示威，briefing同依家好唔同，以前都係就咁講崗位、提醒下、聯絡野，依家take brief就真係好似打仗咁，同埋下下都要做畀記者睇，個會氣氛好差，阿頭唔爆粗，我地都會爆晒粗，我心諗，其實唔係689咁d人都唔會出來啦，佢地又點會走出來行丫。

依家差館有幾種人，1）文職咩都唔理，唔想理；2）撐兄弟嘅；3）撐市民，但唔出聲。

咁有冇撐市民，但會出聲？有，好少，多數都係果d老差骨，唔係唔埋堆就係根本升職無望果d。

樣樣我都講下啦，
1）文職咩都唔理，唔想理－其實佢地就算唔理，但日日都係見到好多怨氣嘅差佬，其實佢地心底都係撐手足多。

2）依d最多，第一，你想當紮你就要埋堆，而我頭先都講過，差唔多所有上司都要行「鷹派」風格，佢地要擦依一對鞋，點可以唔撐？（上次政總打記者果個3柴我估冇畀人鬧，仲一定有好多手足撐）而且好簡單，依家考差佬嘅個個都係讀書唔成，上面講兩句就咩都信，再加上一堆男人個個都以為自己係「英雄本色」主角，講義氣拜關二哥（其實仲有大把係一齊賭馬叫雞，不過黑腳就少d）果d大學生入來嘅自以為好醒，一來就高人幾班，但係其實同坐堂睇樓冇分別，仲要返工好多網都上唔到，要「教」佢地有幾難？仲有wor，facebook d警察page真係好多打手…我估架咋。

3）撐市民，但唔出聲－我都算係其中之一，冇得出聲架，一出聽就畀人屌，仲可能打小報告，我仲要見board，就算唔想紮，我都仲排緊宿舍，我學歷唔比毅進仔好，我辭左職，真係唔會搵得返一份薪高糧準有樓住嘅工，你話我仆街，係呀，你識隱形嘅入差館一轉丫，合埋眼齋聽聲，你都未必分到邊個係差人邊個係爛仔。

話返轉頭，我今次咁想講，其一係因為聽到立法會有人話要組民團幫警察，係好多人都支持，但今次真係有比較多聲音指話咁樣咪即係紅衛兵，仲要搶野做，我真係開始擔心

其二真係想提醒第時會出去衝嘅人，唉…我都唔知可以點講，我叫你地照衝，我就對唔住手足，我叫你地唔好衝，我又好撚肯定話你知你地齋坐我地就可以照拉，我地係現在9成人都已經入晒狀態，唔會因為你地叫，你地喊而動容，因為我做左幾年差佬，我可以好肯定話你知，人只要有權力，就可以成個人都變晒。

最後我想講兩樣野，

第一，如果你支持差佬，你試下去現場睇下咩叫「殺紅了眼」，你再諗下發事咩事。冇錯，我地平時係警察，除暴安良，但去到如政治有關，我地就只係冇靈魂嘅狗，可能會令你地好失望。不過你地都未必睇到，因為好多野我地都係用「冷處理」（即係拎架旅遊巴去晒太陽咁），你唔會明，亦唔會有位入。

第二，想同果1成仲知自己做緊咩嘅手足打下氣，其實我都唔知可以點做。

點評

特派員政治及時事話題，請貼於時事擂台發表於 14-7-5 21:48

0 0 0

私人傳訊

特派員

管理員

積分: 61811

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章畀面勳章

30^#

發表於 14-7-5 21:48 |只看該作者

各位國民：

由2013年11月1 日起，所有錯版時事及政治主題，一經發現，管理團隊會點評及回覆作出提示，主題會被關閉，如發帖者屢次錯版張貼，可被警告，甚至禁言。

被關閉的主題，國民仍可閱覽，但不能回應，我們不會代搬移主題至時事擂台，此安排免除原版塊參與討論的國民，在移文後被在時事擂台討論的討論者引文而受到有關提醒滋擾。此外，時事擂台計分方法與其他一般版塊不同，如有需要討論該話題的國民，請移步至「OTHERS」分類的時事擂台重新發帖。

謝謝合作！

親子王國

http://www.baby-kingdom.com/foru ... &extra=page%3D1