夫婦情感

收藏本版
發帖
返回列表
跳至頁

首頁
1

尾頁
   0
fafa1111


民房

積分: 3


1#
發表於 07-11-28 22:55 |只看該作者
老公有情緒病, 已經無做野6個月. 當初,由自己接受唔到呢個病, 到依家既接受同包容佢,我確實要容忍好多,好多.

初初, 佢個人down晒, 對所有野都冇興趣;家務唔做; 細路唔理; 又唔想接觸其他人; 只係喺書房對住電腦, 咩都唔做. 仲會發稗氣, 鬧細路. 我都只可以忍.....

慢慢佢既病情好轉, 但佢仍然唔想同外界既人接觸. 始終財政有限, 依家要面對就係搵工. 不過佢仍然唔多想. 究竟我可以點? 逼佢又怕佢會病情惡化. 親屬朋友日日問佢點, 但就話佢搵個病做籍口又話接受唔到呢個病. 咁我呢? 我又可以點? 雖然親友既問候係善意的, 但聽到佢地佢一番批評既說話, 我只覺得壓力好大, 好大.......:-( :-( :-( :-( :-(
私人傳訊

蜜糖小叮


禁止訪問

積分: 1686


5#
發表於 07-11-29 10:40 |只看該作者
提示: 作者被禁止或刪除 內容自動屏蔽
私人傳訊

Vca


男爵府

積分: 5681


4#
發表於 07-11-28 23:46 |只看該作者
建議你帶佢去睇醫生!我初來英國就開始有情緒病(同天氣有關既情緒病)，因果時根本唔知自己有病，只以為自己脾氣衰，親人全部喺香港...就係咁個病吽咗幾年之後一發不可收拾 - 成日好覺得好驚但唔知驚乜;好小事發好勁脾氣，但冷靜後又責怪自己;無端端喊，唔知喊乜，一喊可以喊個幾兩個鐘;乜都唔想做，唔想見人...好彩有我老公咋(當時仲係男友!)佢對我好有耐心，除咗勸我去睇醫生(我初時唔肯)，又陪我睇醫生...後來因為d抗抑鬱藥另我口乾同失眠，轉過藥都係咁，醫生話我唔適合食藥，建議我用運動代替藥物治療，於是老公又陪我去gym，我而家無事啦 :)
家人既支持對情緒病人係好好好重要架!!!加油呀~~~千祈唔好放棄呀!!!希望你老公早日康復!
私人傳訊

kary512


別墅

積分: 739


3#
發表於 07-11-28 23:14 |只看該作者
唉~~我覺得呢個時侯,如果你都唔支持你老公既話,就冇人支持佢陪佢喇~!如果經濟真係有問題既話...其實你可以搵下o的社工傾下...睇下有冇辦法可以幫到你地啦..!!因為好多人有情緒病既人都有睇唔開自殺..~依家你見你老公可能係冇咩事好返o的..但係其實有冇事真係佢自己先知..可能佢自己唔想你唔開心而去扮冇野~!當然啦...親戚都係關心你地..但係始終佢地都唔係同你一齊生活..佢並唔知你老公情況係點,但係你咪話依家經濟各樣都冇問題..咁佢地就冇聲出喇~!
雖然我依家都唔知自己係咪真係有情緒病..但係因為我爸爸過左身冇幾耐..我係好唔開心,但係就冇人可以傾聽我既唔開心..就算係我老公..同佢講唔開心..但係佢一o的都俾唔到支持同安慰我~!!好似我依家咁..好似你老公咁..其實如果唔係因為經濟問題..我真係一o的人都唔想見....又要o係我媽咪家姐面前扮冇野..但係每每見到我爸爸有關既野,我都忍唔係喊..就算唔諗既時侯都係一樣,自己都唔知自己喊咩!所以更加明白到你老公自己有情緒病係幾唔開心..佢自己都唔想有呢個病,所以俾多o的關心佢喇~~我都知道你依家係好唔開心..因為你都一樣面對緊相對既問題..但係呢o的都會過去既..到你老公好返..你既好日子都會黎到架喇~~加油呀!夫妻就係互相扶持架...咁先行得更遠~

[ 本文章最後由 kary512 於 07-11-28 23:16 編輯 ]

私人傳訊

wkchoy


伯爵府

積分: 18101


2#
發表於 07-11-28 23:14 |只看該作者
你同我 case 剛好掉轉, 我之前都有情緒病
我老公對我百般容忍
不過我就唔會想掂電腦, 我淨係收埋自己, 唔去面對其他人
其實情緒病成因好多, 情況亦因人而異
不過家人o既支持真係好重要, 而情緒病o既人亦會較為敏感

你不如嘗試同你老公傾下屋企經濟情況
同埋你老公有無去睇醫生呀, 有時同外人傾下情況會好 d 呀
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見