大仔大女媽媽會 今日: 0 | 主題: 177860

積分: 30556

畀面勳章 hashtag影視迷勳章

49^#

發表於 08-1-8 08:41 |只看該作者

HCbb：

希望你當日一切順利，唔會超標啦！

我到宜家都仲未收到贊育電話，希望係件好消息，即係焦超標啦！

私人傳訊

HCbb

積分: 12328

48^#

發表於 08-1-7 19:13 |只看該作者

Freesia_cat,
唔該晒妳咁詳細ge資料, 咁我大約有心理準備預點樣打發時間了!
thx

私人傳訊

積分: 30556

畀面勳章 hashtag影視迷勳章

47^#

發表於 08-1-6 13:02 |只看該作者

HCbb：

其實在贊育見醫生算快，反而係等取下一次預約日子慢。我都試過有次見醫生只等了15分鐘，但見完後等預約就等左成個鐘，所以我次次都帶定雜誌先去。

So far我又覺得贊育的醫生ok wor！好似上次咁，個醫生叫我問我個私家醫生取關於我個纖維瘤等資料給她file，等她們access個情況...... 都唔算太差啦！

贊育監禁當日，大約程序是這樣的：

7:30 - 8:00am：食完當日早餐
8:30am：先去詢問處登記入院
8:45am：去會計處交錢，交完就上3樓日間護理中心
會有個姑娘幫你登記資料，你要講佢知你當日exactly幾點食完早餐，及有無什麼肉類唔食，食幾多飯，及營養師有無給你什麼餐單一定要跟，然後會給你當日schedule及籌號，及你要簽一些文件，及要唔要醫生紙
9:30 - 10:00am：姑娘開始幫大家抽血，會按你食早餐時間抽，唔係跟籌號。即如果你早食完早餐就早d抽。
抽完血佢會叫你食小食，有梳打餅及全脂奶(都唔知係咪靠害，竟然叫人飲全脂)，不過你無飲無食都無人知。其實抽完第一次抽血到11:30am左右你都可以出去，即有大約1.5小時左右給你啦。不過就記住最遲11:30am好返到去贊育，因為話就話11:45am食lunch，不過好多時11:30am已經開飯啦！
11:30am - 12:00(noon)：食飯，我上次同前一次的菜式完全一樣，係豬肉、菜(第一次係白菜仔、第二次係小唐菜)及飯。你唔駛食完全部，按需要食就ok。記住食完一定要記住自己exactly幾點食完，因為一定要堅持食完2小時後才抽血，寧遲勿早，如果唔係好易超標。
2:00pm：又開始抽血啦，今次會順籌號，記住如果唔夠2小時要跟姑娘講唔抽住，等到夠2小時先抽
抽完後會叫你取包梳打餅及一個橙，約3:00pm食，不過again，你有無食係無人理的話。
其實抽完血你已經可以出去，但記住5:30pm前返到，即有大約3小時15分鐘左右給你外出啦。Again，話5:45pm開飯，但通常5:30pm就開飯。
5:30 - 6:00pm：Dinner time。又係兩次都係食同樣東西，有魚汁分離的魚肉，瓜及飯，個人覺得好難食，所以呢餐我通常食得好少，寧願等放監後跟老公外出吃飯好過。另外，由於呢餐係4點鐘左右由瑪麗送來，可能唔係好夠熱，可要求姑娘幫你叮熱。食完又要記住幾點食完，尤其呢餐一定要緊記，因為有d姑娘想早收工，會早過8:00pm幫人抽血，咁唔夠2小時抽吃虧的又係你自己！
8:00pm：抽最後一次血，是順序抽，但記住堅持2小時原則。抽完血後可走，終於放監！

最難頂係下午的那段時間，而且因為下午仲會有人來做抽羊水等test，這些人(多數是couples)都會share同一間房，會好多人好焗(通常做test一次有20人左右，而有些會帶埋老公/仔女，而間房只係一個3-4人房大小的病房size，有3張tables，你可以想想有幾多位)，出去好過。

原文章由 HCbb 於 08-1-4 23:35 發表
Fressia_Cat,
我27號產檢係1:30pm果批, 朝早飲完糖水無野做, 我食完lunch就返去贊育坐, 結果12:45pm就俾我地開始登記, 所以我拎到2號籌, 好快就走得咯!
反而尋日返去見醫生, 又係約1:30pm, 但1pm先開始登記, 我第一 ...

私人傳訊

HCbb

積分: 12328

46^#

發表於 08-1-4 23:35 |只看該作者

Fressia_Cat,
我27號產檢係1:30pm果批, 朝早飲完糖水無野做, 我食完lunch就返去贊育坐, 結果12:45pm就俾我地開始登記, 所以我拎到2號籌, 好快就走得咯!
反而尋日返去見醫生, 又係約1:30pm, 但1pm先開始登記, 我第一個, 但叫名入房唔係第一個, 都唔明點解?-( 成班醫生又遲到喎, 結果我2pm先見完醫生出來, 一出來都嚇親, 坐滿人!! 最火的是, 我等到3pm先拎到下次預約時間呀

; 問個醫生資料, 超標原因等等, 醫生又十問九唔知, 同我講話無得解釋, 總之要見營養師啦!!

想問下妳, 響贊育食完lunch抽完血後, 有幾多free time可以離開贊育呀?? 我要睇下有幾多時間, 先決定點打發....(可能返屋企, 可能返公司...)

[ 本文章最後由 HCbb 於 08-1-4 23:37 編輯 ]

私人傳訊

積分: 30556

畀面勳章 hashtag影視迷勳章

45^#

發表於 08-1-4 13:24 |只看該作者

我都係27/12下午去贊育做產檢，好彩我係2:00pm那班，而且早左到，那時都唔係太多人。我見2:00pm突然有好多人，堆在磅重房門外等候，仲要好多孕婦無得坐，真係暗叫一句好彩...... 但唔明點解突然咁鬼多人呢？

其實我都係次次驗尿都無事那種人，但飲糖水那次都fail，可能因為成咁多個鐘無食物，對糖水的糖份太過吸收吧！我那時候接到電話話超標都好擔心，但到見醫生時都係話超左少少only。不過我朋友話贊育係超緊張妊娠糖尿病，就算超一d都要捉你去見營養師等。

你去贊育監禁當日，記住帶多些entertainment呀！因為超悶呀！仲有就係一定要食完2小時後先讓姑娘抽血...... 因為我第一次去時有個姑娘想趕收工，有理無理都話抽，好在我算食得快，剛好夠2小時讓她抽血。可以的話就食完飯周圍郁下，咁又無咁容易超。

原文章由 HCbb 於 08-1-2 14:46 發表
我27號去贊育飲糖水, 剛剛收到電話, 話我result 超標, 明天要返贊育見醫生......:-| :-|
真奇怪...我呢個月成日胃痛, 食少左野, 又重少左(重得2磅), 反而血糖超標; 但27號下午贊育產檢, 及29號去私家產檢時驗尿, 又 ...

私人傳訊

積分: 30556

畀面勳章 hashtag影視迷勳章

44^#

發表於 08-1-4 13:16 |只看該作者

前日在贊育終於完成監禁啦！好彩今次精左，帶埋冷去織BB被仔，又趁下午抽完lunch之後的血走出去agent度申請菲傭，咁先無咁悶。

宜家只有等result，希望今次無超啦！如果超標，聽講就要去瑪麗監禁一天，仲要抽7支血啦！

私人傳訊

HCbb

積分: 12328

43^#

發表於 08-1-4 10:42 |只看該作者

我尋日響贊育見完醫生, 佢話要另約營養師~結果, 等左成個鐘, 先俾到預約期我呀!
一睇, 有3個期...8號見營養師, 16號返贊育"軟禁"食糖尿餐及抽血, 17號返健康院產檢

(原來我個指數只係超左0.2度...早知果日飲完糖水, 唔咁早俾姑娘抽第二次血啦...等多15min, 唔知會唔會再降一d呢?!)

私人傳訊

咕怪媽媽

男爵府

積分: 7836

42^#

發表於 08-1-2 16:20 |只看該作者

我 27/12 返左 QE 見營養師, 搞左大半日:tongue:
因為我本身產檢個期又係 27/12, 姑娘叫我帶埋小便返去, 見完營養師見埋醫生做產檢.
點知果日勁多人, 唔知係咪岩岩放完聖誕假, 原本 25, 26/12 d 人迫晒去 27/12.
朝早報到已經聽到姑娘嗌晒救命, 話排板唔夠用. 我果日淨係去見營養師都有10個人. 營養師每個人都傾 20-30 分鐘 - 先要你自己講返自己的飲食習慣, 再教你點樣調整 - 等到 12 點半先輪到我.
見完營養師出來, 姑娘話醫生已經走左, 要幫我 call 醫生.
我等到 1:45pm, 餓到肚皮 chi 背脊 - 因為我果日唔係全日監禁, 醫院冇預備比我食飯. 實在頂唔順, 問姑娘, 醫生會唔會去左食飯, 要兩點後先返. 如果係我都要去食 d 野先.
姑娘仲答我, aiya, 你唔餓得架, 快 d 去買個飯盒, 返黎食住等醫生, 唔好響 canteen 食喇.
咁我咪9秒9去落樓下買飯盒囉.
點知一返入病房, 姑娘話, aiya, 你一拎轉背, 醫生就到啦, 冇計啦, 你唯有再等佢返轉頭啦.
果刻鐘我幾乎想爆粗

, 不過餓到都唔識講野:cry:
結果一等, 等到3點半, 有個妹妹仔醫生黎, 比我聽一聽胎心跳, 問下有冇野唔妥, 前後唔夠 3 分鐘, 一陣風咁飛走左.
可憐我就咁搞左大半日。

返黎跟營養師餐單仲悽涼, 要限住吃澱粉質, 搞到我日日都好似食唔飽, .

我呢個星期五 4/1 又要返去監禁一天, 再驗過血啦. 希望呢次過關, 可以唔使食營養餐啦. 日日食唔飽真係好驚自己產前抑鬱.

私人傳訊

HCbb

積分: 12328

41^#

發表於 08-1-2 14:46 |只看該作者

我27號去贊育飲糖水, 剛剛收到電話, 話我result 超標, 明天要返贊育見醫生......:-| :-|
真奇怪...我呢個月成日胃痛, 食少左野, 又重少左(重得2磅), 反而血糖超標; 但27號下午贊育產檢, 及29號去私家產檢時驗尿, 又無事喎, 真係唔明呀!?-( ?-(

私人傳訊

Joyfulkid

大宅

積分: 1460

40^#

發表於 07-12-28 17:04 |只看該作者

回覆 #39 Allyly 的文章

請問東區係唔係都會第二日通知有問題的孕婦???? 我24號去驗, touch wood, 今日仲未收到 call!!!! ^0^

私人傳訊

Allyly

男爵府

積分: 8127

2011至尊種植勳章畀面勳章親子王國15週年勳章

39^#

發表於 07-12-28 16:35 |只看該作者

原文章由 bosch 於 07-12-6 21:16 發表

可能我受得甜野o卦... 飲果陣冇姑娘睇住, 同埋個個人都好快飲晒.

如果血糖過高, QE會響幾多日內通知? 我聽到姑娘好似話第二日會通知, 唔知我有冇聽錯, 佢地講得好快又有時唔多清楚咁. ...

我都係贊育, 尋日去o左喇, 佢話有事會飲後10日通知!

[ 本文章最後由 Allyly 於 07-12-28 16:37 編輯 ]

私人傳訊

積分: 30556

畀面勳章 hashtag影視迷勳章

38^#

發表於 07-12-28 12:11 |只看該作者

如果係贊育做test，我記得上次做糖水係星期一做test，星期三call我話有問題要返贊育見醫生，即要大約2個工作天啦！

係呀，贊育成日監禁都無張床，得d坐得唔舒服的椅子。你可以出外，可以回家，但要忍得住口唔可以吃東西，唔可以飲水以外的東西...... 我自問未必忍到唔飲水以外的東西(我勁喜歡飲無糖綠茶，而且好容易口渴)，亦沒什麼地方想去(因為搬左家，住的地方離贊育遠)，所以要另想娛樂......

原文章由 bobbob 於 07-12-28 10:36 發表
成日溜溜長無床訓？
返屋企得唔得？
星期1飲完糖水咁耐未有人call，我估我pass左，好彩者

私人傳訊

bobbob

伯爵府

積分: 18707

醒目開學勳章

37^#

發表於 07-12-28 10:36 |只看該作者

回覆 #36 Freesia_cat 的文章

成日溜溜長無床訓？

返屋企得唔得？
星期1飲完糖水咁耐未有人call，我估我pass左，好彩者

私人傳訊

積分: 30556

畀面勳章 hashtag影視迷勳章

36^#

發表於 07-12-27 08:44 |只看該作者

我就係你指的高危人士，因為親人有糖尿，所以wk14時已給贊育捉左去飲糖水，仲要fail埋，結果監禁一天，好彩pass。今次wk 28我唔駛再飲糖水，而係下星期三直接入贊育監禁一日，希望今次都pass啦！

其實等糖水時間都係2小時，帶本雜誌去睇都唔算十分難頂。但監禁要成日，你都知贊育附近有得個公園無咩地方好行，我宜家仲擔憂咁點捱監禁那天的9am - 8pm呀！又無床又無電視，上次我個肚ok大我都仲可以伏低睡覺，今次個肚我想伏都未必得啦！

點算好？:cry:

原文章由 HCbb 於 07-12-27 01:30 發表

其實間間醫院做法唔同ga~ 好似贊育咁, 係孕婦都要飲糖水! 如果係糖尿病高危人士等, 唔只飲一次tim呀!

我本身無乜特別record, 明天都要返去贊育飲糖水, 佢地預約紙上係mark"常規檢查"的 ~ 明天d等候時間, 都未 ...

私人傳訊

HCbb