吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 比著你, 你會選擇離婚, 定會辭職

夫婦情感今日: 8|主題: 42765

收藏本版

發帖

返回列表

跳至頁

查看: 3920 | 回覆: 41

比著你, 你會選擇離婚, 定會辭職 [複製鏈接]

12 3

Ivan媽

大宅

積分: 3492

1^#

發表於 07-12-8 21:55 |只看該作者 |正序瀏覽 |打印

我今日好唔開心, 話說我個仔好奀, 我c6成日好擔心佢, 其實我都無辨法, 我個仔又唔鍾意食野, 而且我細個時都係好奀, 我個c6都係, 我相信係遺傳, 咁我湊到個仔歲半先返出o黎做野, 咁做野個度又要讀書, 我報讀書前已經問佢好唔好, 個c6都話ok, 咁我咪讀, 點知個仔一病時, 就會瘦架! 我個c6就發癲話我又讀書又返工無時間照顧個仔(我已經一放工就買餸煮飯, 夜晚有時間就陪仔玩, 睇埋佢啲功課, 放學又要去呀媽度湊返個仔返屋企)咁就話唔俾我讀書一係就唔俾我做野, 要我曹肥個仔, 我其實唔想唔做野, 因為佢又唔係比好多家用, 而且我又要供養呀媽, 自己搵錢自己駛, 我唔想靠佢, 當每次個仔一病佢又發癲係度曹, 我越來越頂佢唔順, 因為”le” 件事已經嗌過好多次交, 依家我覺得佢好野蠻, 成日迫我選擇, 我對佢越來越心淡, 當我有野要做佢唔會幫我睇住個仔, 一係睇半個鍾就叫個仔搵我, 掃地抺地都係我做(佢唔會幫我做, 嗌交都係話我無時間掃地抺地, 所以唔俾的做野), 有時要約人食飯都響度曹話我唔煮飯, 夜晚佢自己要瞓覺, 都要嗌哂全屋人一齊瞓, 遲啲都吹你, 自己工作上要搵人申就捉住我講, 我申我啲野時就扮哂野話我唔啱, 要點做, 又成日話我呀媽唔好又乜又物, 我依家好討厭佢, 佢響屋企時我覺得好似軍訓, 佢唔響屋企只係對住個仔我覺得好relex, 返工返學有同事同學傾下偈覺得好開心, 其實每次嗌交佢都嗌離婚, 初時我都好唔捨得, 但係佢講多幾次之後我都想過, 不過為左個仔, 我每次都忍, 不過我唔知會忍到幾時!!!:-( :-( :-(

0 0 0

私人傳訊

2heiBBmama

公爵府

積分: 27067

好媽媽勳章親子達人勳章 BK Milk勳章

42^#

發表於 07-12-12 14:01 |只看該作者

男人之家, 成日講要同你離婚, 我覺得佢係迫你選擇放棄你既工作多d, 你試下好認真咁同佢傾傾, 千其唔好為咗個仔唔同佢離婚, 最重要係自己想點, 唔好辛苦自己, 愛自己多d

神未曾應許天色常藍;但衪曾應許生活有力!

私人傳訊

siufung

子爵府

積分: 13005

41^#

發表於 07-12-12 01:45 |只看該作者

我覺得樓主老公超級自私, 只要成果, 唔係付出。口口聲聲話鍚個仔, 時間唔比出黎, 心機欠奉。最好係乜都唔使做, 個仔又肥又白, 又乖又孝順, 聰明伶俐, 佢做老豆0既乜都唔使付出就0羅晒彩。
樓主要自強, 工最好照番, 今日唔知聽日事, 佢而家都要協你, 話會做你唔中意0既野。如果到時你同佢唔好彩要決裂, 最起碼你有份工, 保住生活, 同個仔仲可以再開始。
不過希望佢只係一時意氣講下。不如大家開心見誠傾下, 了解問題根源, 佢要你唔做野, 咁佢要令你安心生活開支, 佢要比足夠家用你維持。
至於個仔, 有0的小朋友係唔長肉, 我細個時5歲幾先得32磅, 又係好奀, 最主要打好抵抗力, 見左營養師就根醫生比野佢食, 佢唔係乜病0既要谷肥都唔一定好難。
傾下先啦, 一開始唔好話離婚住。有時大家退一步, 從對方角度想想, 可能會開竅。諗個折衷0既方法....
起碼努力過, 人做0既做左先, 做唔店先睇下個天點安排

私人傳訊

silviachoi

男爵府

積分: 6972

畀面勳章環保接龍勳章 BK Milk勳章

40^#

發表於 07-12-11 22:55 |只看該作者

其實實會有人係食極都唔肥架啦...
同埋瘦都唔等於係唔健康姐
肥唔一定好個wor..

我男朋友由細到大到而家都好瘦係瘦到塊面"粒"入去o個隻
但佢唔係食得少個wor
一日三餐食足兩碗飯
又有做運動唔點食零食
身體健康好少病痛..

只要身體健康咁瘦又有咩所謂呢?

同埋你老公乜都淨係識指你做
佢無份做就唔好咁多聲氣
唔滿意就自己死去做唔好響到阿枝阿左~

私人傳訊

蜜糖小叮

禁止訪問

積分: 1686

39^#

發表於 07-12-11 21:34 |只看該作者

提示: 作者被禁止或刪除內容自動屏蔽

私人傳訊

Ivan媽

大宅

積分: 3492

38^#

發表於 07-12-11 18:04 |只看該作者

雖然依家成日同ｃ６嗌交都係為個仔, 但係點辛苦佢都係我嘅骨肉, 而且小朋友帶俾你地好多開心嘅時光, 你嘅問題會好快去解決, 努力呀!
尋日我c6開ot, 所以我番屋企瞓左覺先返, 所以我好relex, 不過我同我嘅同事傾過, 就算我今次真係辭工, 但我都會係weekday時搵partime做, 一個禮拜1-2日做番2-3個鐘, 賺番啲錢可以俾阿媽, 俾3個月時間佢, 如果個仔都係咁嘅身形, 咁我一定會做番野, 因為等個c6知道, 我返唔返工個仔嘅身形都唔會有太大嘅改變, 不過真係唔捨得份工番5日工, 同埋啲同事! :cry: :cry: :cry:

私人傳訊

yau_grace

子爵府

積分: 14680

37^#

發表於 07-12-11 15:56 |只看該作者

人生總有起跌.
如果只係諗個仔攪到而家咁, 對佢好似唔太公平.

咁, 同 D 人迷信 BB 出世剋父母有乜分別呢?

就算冇 BB, 只可能經濟壓力冇咁大.
但, 少左個 B, 可能自己開支又會不其然地多左呢~

唔好諗呢 D 野啦~

努力面前吧

原文章由 小必理痛 於 07-12-11 12:46 發表

咁呢個當然，只係我一時有感觸，失意時，總係會拿好多野黎呻。但我對佢地冇乜懷恨。

只係呢個時勢，每樣野都以利益掛帥，搵個人幫下都要諗預幾多錢出黎，現在我總算嘗到真正窮困嘅滋味。 ...

私人傳訊

小必理痛

大宅

積分: 1366

36^#

發表於 07-12-11 12:46 |只看該作者

原文章由 sulamita 於 07-12-11 12:28 發表
純粹回應你仔仔去全日托兒所, 奇實全日托兒是一個好辦法, 因為老師都有受過訓, 一般對小朋友的照顧及性格建立絕對比工人或奶奶好。

另一方面, 仔仔出世了, 是無可逆轉的事實, 再苦也不能把仔仔的出世視為負累, 比著 ...

咁呢個當然，只係我一時有感觸，失意時，總係會拿好多野黎呻。但我對佢地冇乜懷恨。

只係呢個時勢，每樣野都以利益掛帥，搵個人幫下都要諗預幾多錢出黎，現在我總算嘗到真正窮困嘅滋味。

私人傳訊

sulamita

複式洋房

積分: 484

35^#

發表於 07-12-11 12:28 |只看該作者

純粹回應你仔仔去全日托兒所, 奇實全日托兒是一個好辦法, 因為老師都有受過訓, 一般對小朋友的照顧及性格建立絕對比工人或奶奶好。

另一方面, 仔仔出世了, 是無可逆轉的事實, 再苦也不能把仔仔的出世視為負累, 比著我係你個仔, 知道原來自己的存在是可恥的, 使父母傷心的, 我會想早點死了算!
我父母都是在我們年幼時離了婚的, 但父親從來沒有視我們為負擔, 這真的十分重要啊!

原文章由 小必理痛 於 07-12-11 11:30 發表
我冇睇哂樓主嘅經歷，不過請容我借個位呻下。

兩年前我仲係返緊政府工，簽約個隻，人工都幾算幾好，起碼我同我老婆可以儲下錢，做乜都得。跟住仔仔出世，屋企開支大左，但份糧仲頂得住，所以我覺得呢份工對我地真係好重要。

不過好 ...

私人傳訊

小必理痛

大宅

積分: 1366

34^#

發表於 07-12-11 11:30 |只看該作者

我冇睇哂樓主嘅經歷，不過請容我借個位呻下。

兩年前我仲係返緊政府工，簽約個隻，人工都幾算幾好，起碼我同我老婆可以儲下錢，做乜都得。跟住仔仔出世，屋企開支大左，但份糧仲頂得住，所以我覺得呢份工對我地真係好重要。

不過好景不常，我個仔兩歲個陣我就失業（政府Contract可以隨時炒你），一失業就足足十個月，搵極都搵唔到第二份工。以前儲落嘅錢，幾乎洗哂咁滯，如果唔係屋企人俾錢我地救急，我諗我地真係餓死左。

試過諗過拿綜緩，但我太太死都話唔得，話一拿左，以後就唔使抬起頭做人，到最後都好彩俾我返到而家呢份工，但人工就大縮水。

尋晚我同太太講過屋企好多地方實在太殘太舊，呢個都係事實。原先我地諗住靠係政府工賺落嘅個筆錢黎裝修。但....而家仙都唔仙下，裝鬼裝馬咩？講講下又講到個仔個處，話當初唔生嘅話，唔會好似而家咁頭痕，淨係養佢，供佢讀書，即使而家學費已經全免，都已經去左我地成大筆。

我太太話想出去做野，賺番多少，但一講到搵邊個去湊仔，又係麻煩；我太太話想轉佢讀全日，因為幼稚園可以托管幼兒到晚上七點，就番要返工嘅母，但學費就要成$2,000（半日才$450），有時候，我心裡面真係有抱怨：個仔點解要出世？

講下講下，我地都幾乎喊左出黎，我諗呢兩年係我一世人裡面最窮困嘅日子，真係唔知幾時先會過去。

Sorry，OT左，但我諗你老公大男人發作，有可能係因為煩惱所致，當生活去到一個安全水平，我覺得呢Ｄ怨憤會少好多。

私人傳訊

yau_grace

子爵府

積分: 14680

33^#

發表於 07-12-11 10:26 |只看該作者

問題點大都好, 我覺得遇上問題, 兩公婆應該好好去面對,
而唔係去逃避.

離婚? 解決到問題嗎?
如果有幸再婚, 新夫又係要求自己唔做, 咁又如何? 又再離?
今日如果老公有錢, 可以有穩定生活, 咁就 = 開心?
萬一如果老公搵唔到錢, 但又繼續堅持你唔做, 咁就 = 離婚?

兩公婆, 當初結得婚, 就要遇左好多野要一齊面對.
如果佢覺得你唔返工好 d. 你又唔想. 有冇 '平心靜氣' 去分析?
一係, 有冇諗過搵份返工時間短 d 的工作?
咁咪可以多 d 時間湊仔, 又可以返到工~

又或者, 有冇留意到/ 用心去聽下你老公心目中, 係咪對婆婆的照顧有咩意見? 有冇地方可以改善?
.........

其實, 我覺得湊仔呢件事, 可以只係兩公婆一生人中的一件小事.
每個人的價值觀都唔同, 處事方法又唔同.
與其因著一件小事而諗離婚, 不如齊齊努力面對黎緊的人生.

我建議, 可以搵 d 婚姻輔導員傾下, 或者買呢方面的書大家齊齊睇下. 一定有幫助!

離婚, 對小朋友的成長, 甚至佢將來的婚姻, 都會有重大影響的.
要好好諗清楚呀!

[ 本文章最後由 yau_grace 於 07-12-11 10:28 編輯 ]

私人傳訊

大豬既老婆

伯爵府

積分: 17545

32^#

發表於 07-12-11 03:58 |只看該作者

最後妥協
你話如果你要有 resign, 得! 你每個月人工全部過晒落我戶口!
如果距話吾得﹐ 甘你就問距﹐ 我系吾系日日 24 小時對住個仔個袋會生 D 錢出黎? 一系 set 個時間表﹐ 你問距系你話我吾照顧兒子既同時﹐ 距有幾照顧兒子﹐ 如果距講吾出﹐ 你叫距收聲。距如果用離婚大你﹐ 你吾洗驚。離咪離 ﹐ 反正現在你又有工返﹐ 個 C6仲要比贍養費你添。我最憎人用分手或者離婚黎威脅﹐ 呢 D 野除非真系想甘做 ﹐ 如果吾系吾好掛系口邊。

私人傳訊

心滿意足

男爵府

積分: 8910

好媽媽勳章

31^#

發表於 07-12-10 18:10 |只看該作者

點解你老公會覺得個仔奀就係你既問題既?
佢咁自私架,你已經又要返工又要做家務又要湊仔仲唔洗佢養添
個仔佢都有份啦,咁個仔奀都關佢事啦,做乜佢要講到係你既錯咁架...
比我就唔會辭職,宜家唔洗佢養佢都咁自私,唔做野靠佢養米仲難受?

私人傳訊

wendy_ho

子爵府

積分: 11765

好媽媽勳章

30^#

發表於 07-12-10 16:49 |只看該作者

另外, 我想話, 人多數都係自私, 男人尤甚, 我們所生的都係囝, 更加要自力更生, 唔好為佢o地而令自己唔開心
我本來都是一個沉默的人, 多做些和少做些都無所謂, 但有時佢o地d說話又真係好難頂, 但想深一層, 那麼多年, 他都沒有大的改變, 以後也不會變吧

私人傳訊

wendy_ho

子爵府

積分: 11765

好媽媽勳章

29^#

發表於 07-12-10 16:38 |只看該作者

樓主, 其實我情況都和你相似, 大部分家務都係自己做, 而且仲要返兩份工, 做到而家病o左, 仲要比自己阿媽串, "無人叫你嫁個咁既男人""我以前湊大四個如何如何....", 大姐, 你以前只係湊囝, 唔使出黎返工, 而我係做兩份工仲要湊囝做家務.....
老公佢口就話無工人之後會幫手做家務, 最後所有都係我做, 仲要前兩日去廁所都比佢話我"懶人多xx", 我下午湊住阿囝, 佢就訓午覺, 我晚上同阿囝訓覺, 佢就睇通宵電視, 第二日早上又話自己唔夠訓, 要我自己湊阿囝, 前一晚叫佢做既家務, 最後都係第二日我帶病自己做
我都有想過離婚, 但離了之後又如何? 可以唔使湊囝? 可以唔使做家務? 只係耳根清淨些而已
你比我還好些, 就是你的媽媽和你老公不是同一type的人, 而我, 就是不幸的一群:-(