少年成長 今日: 1 | 主題: 16107

積分: 7830

1^#

發表於 07-12-9 17:10 |只看該作者 |正序瀏覽 |打印

個仔(4歲半).呢排都唔知做乜.
一有唔順佢意.就發脾氣.仲要係好大..
呢排仲學人郁手打我...
係屋企//係街..係商場....咩地方都會
我個心好難受...............
佢禽日仲搵架車來打我呀
老師已經講過...而我更加同個仔傾過
於是我地勾手指"媽咪唔打你..你亦唔可以再咁做"
可惜個仔一樣冇改善
我都唔知點做好啦
個仔係街郁手打我..我冇理由係街打番佢.更冇理由比佢任打..
我行開.佢就追住我打..追唔到.就搵野拋擲來打我
佢真係呢排先係咁
罰又罰過..鬧又鬧過..傾又傾過..沉默又沉默過..
我仲可以點呀..
每次佢打完我..平靜了既時候..
我感覺到佢真係好後悔(真架..唔係扮架)
但每次我原諒完佢..嬲完既時候
第2日又再犯
點解個仔情緒波動咁大..
脾氣一來就什麼都唔理..什麼都唔聽
我心唔係佢打我而痛
而係眼見個仔咁我好心痛..
唔該各位媽咪教下我啦..
我快崩潰啦...

0 0 0

子峻媽咪

私人傳訊

星級國民

洋房

積分: 342

33^#

發表於 07-12-20 10:04 |只看該作者

原文章由 峻峻媽 於 07-12-19 17:59 發表

"家庭暴力問題"
唔係咁,嚴重呀..咪嚇我喎......

(1) 偷竊行為是另一項我提過的conduct disorder的準則.

(2) 你想想你兒子的暴力傾向是在那裡學的? 而你為何不可以和他的爸爸一起去處理這個問題?

私人傳訊

積分: 33215

32^#

發表於 07-12-19 18:53 |只看該作者

原文章由 峻峻媽 於 07-12-18 23:33 發表
sandralo
多謝妳百忙中都抽時間來幫我呀
我個仔既情況其實時好時壞..
即係讚有時係有效既.
我都真係讚多左佢..
佢真係好開心架
但總有失控既時間
佢要發起脾氣時真係好野蠻架...
咩都唔理...呢個時候我都唔理佢 ...

峻峻媽：
囝囝飲飲吓茶推人"me"人……. 當時是否大人同大人傾緊計而幾個小朋友自己玩, 佢又唔係咁鍾意, 覺得被忽畧？
睇你寫咗咁多嘢, 你囝囝其實都幾似係attention seeking….. 因佢今次並唔係要扭啲乜。
Keep住讚啦, 有效的; 記得讚係針對「唔做」一個壞行為嚟讚, 而唔係單單淨係响佢真係乖嗰時讚……..咁先會令佢知道：原來「唔打人」係好行為, 係會被讚的！

私人傳訊

積分: 7830

31^#

發表於 07-12-19 17:59 |只看該作者

原文章由 星級國民 於 07-12-19 15:54 發表
你的小朋友再多一項行為問題, 而且我懷疑你的還有其他家庭暴力問題, 請認真考慮尋求專業人仕的協助.

"家庭暴力問題"
唔係咁,嚴重呀..咪嚇我喎......

子峻媽咪

私人傳訊

星級國民

洋房

積分: 342

30^#

發表於 07-12-19 15:54 |只看該作者

你的小朋友再多一項行為問題, 而且我懷疑你的還有其他家庭暴力問題, 請認真考慮尋求專業人仕的協助.

私人傳訊

積分: 7830

29^#

發表於 07-12-18 23:33 |只看該作者

原文章由 SandraLo 於 07-12-16 22:28 發表

峻峻媽：

想問埋, 如你出街唔帶仔仔, 咁邊個會睇住佢？
你用讚用成点？仔仔有冇減少發脾氣？

我問你有冇bed time story時間, 是因為我覺得嗰段時間好重要, 除咗讀故事書, 重可以透過故事或新聞教佢好多嘢, 咁好似打人點 ...

sandralo

多謝妳百忙中都抽時間來幫我呀

我個仔既情況其實時好時壞..
即係讚有時係有效既.
我都真係讚多左佢..
佢真係好開心架
但總有失控既時間
佢要發起脾氣時真係好野蠻架...
咩都唔理...
呢個時候我都唔理佢架

不過今日都d朋友飲茶..
個仔又郁手推人.."me"人..我叫佢唔好..
佢竟然發嬲推我....
佢仲拿左朋友仔架玩具車放入自己袋
我叫佢拿番出來,因為呢架玩具唔係你既.
佢死都唔肯..之後又話係自己唔小心拿左人架玩具
我都唔知個仔諗乜..好難捉摸......

子峻媽咪

私人傳訊

積分: 33215

28^#

發表於 07-12-16 22:28 |只看該作者

原文章由 峻峻媽 於 07-12-15 21:45 發表
sandralo
thank you
我明白你意思啦....
我會去控制自己既情緒啦
小朋友真係學得好快..特別係唔好既野
我都知其實我係影響左個仔..
所以我先睇醫生接受治療..
但原來最重要既都唔係藥物
而係自己..................

峻峻媽：

想問埋, 如你出街唔帶仔仔, 咁邊個會睇住佢？
你用讚用成点？仔仔有冇減少發脾氣？

我問你有冇bed time story時間, 是因為我覺得嗰段時間好重要, 除咗讀故事書, 重可以透過故事或新聞教佢好多嘢, 咁好似打人點解唔啱嗰d, 就可以响融融洽洽的情況下解俾佢知, 記得唔駛講好多次, 响「冇抗拒」嘅環境吓, 一兩次已經夠, 否則, 佢除咗覺得你話緊佢之外, 佢亦會學咗大條道理咁話人！

你仔仔都四歲半, 係時候同佢去多d 圖書館, 借多d 書番嚟, 淺嘅佢自已睇, 多字嘅就你讀佢聽兼傾吓的意見同感想…….閱讀亦會幫到佢學語文, 係重要嘅「投資」, 絕對值得提早同佢上床！

我諗過都係唔教你罸住, 你用多d 讚先, 嚟緊兩星期我會好忙, 連公眾假期都要開工, 但我會盡量上嚟睇睇你情況！

私人傳訊

積分: 7830

27^#

發表於 07-12-15 21:45 |只看該作者

原文章由 SandraLo 於 07-12-15 17:36 發表

峻峻媽：

大人細路都係…... 唔好比較呀！
簡單來說, 小朋友發脾氣處理方式係
(1) 冇發時讚佢, 等佢知唔發脾氣係好行為
(2) 發時 ignore 佢, 需要時加埋罸, 等佢知咁做冇用, 重會受罸
(1) + (2) 其實就係行為矯正法
...

sandralo

thank you
我明白你意思啦....
我會去控制自己既情緒啦
小朋友真係學得好快..特別係唔好既野
我都知其實我係影響左個仔..
所以我先睇醫生接受治療..
但原來最重要既都唔係藥物
而係自己...............

其實我個仔咩都鐘意..例如:睇卡通片啦..玩玩具..食雜糧啦..最鐘意就係跟我出街..就算只是買送都要跟我出去唔願留係屋企啦
所以每星期都會想一些特別既地方帶去去玩..如..大埔舊鐵路..消防局開放日咁啦

至於最唔鐘意呀..我想就係唔可以跟我出街啦....要留在屋企陪爸爸就最苦囉..仲有冇玩具玩啦...冇電視睇其實都唔係咁重要呀.....

至於講故事呀..其實有架....我有好多故事事..木偶公仔..
狠來了.3隻小猪,等等......
不過因為個仔今年k2開始冇訓下午覺..差不多夜晚一上床就訓左啦....同埋果.幾本已經講了好多好多次了......我已經唔知仲可以講咩啦.....所以呢排少左啦.....
真係.麻煩你幫我去想呀.....
thank you

子峻媽咪

私人傳訊

積分: 33215

26^#

發表於 07-12-15 17:36 |只看該作者

原文章由 峻峻媽 於 07-12-14 23:30 發表
sandralo
妳好叻呀..做妳既仔女一定好幸福呀.因為妳真係一個好媽媽呀
而我就,...................
即係佢搵野掟我時..我收起佢掟我既野..再掟再收
只用眼神比反應佢...表示我已好嬲
如有第3者的話.我最行開下.....

峻峻媽：

大人細路都係…... 唔好比較呀！
簡單來說, 小朋友發脾氣處理方式係
(1) 冇發時讚佢, 等佢知唔發脾氣係好行為
(2) 發時 ignore 佢, 需要時加埋罸, 等佢知咁做冇用, 重會受罸
(1) + (2) 其實就係行為矯正法
你先要話我知佢最鍾意同最唔鍾意嘅嘢, 我想幫你諗埋點罰, 怕你罸錯。
另你仔仔瞓覺前你有冇同佢講故事？
其實小朋友學嘢, 係响無聲無息之中模仿咗父母同佢身邊嘅人, 咁如果你控制唔到自己情緒, 佢會學你(已經學咗)有乜就即發, 唔去控制；至於話你點令自己冷靜, 或者你不停咁話俾自己知, 嬲或鬧佢除咗冇效, 重會令情況更差…….如果鬧有效, 你都唔駛上嚟啦！
好啦, 你答咗我先啦！

私人傳訊

積分: 7830

25^#

發表於 07-12-14 23:30 |只看該作者

原文章由 SandraLo 於 07-12-14 22:39 發表

峻峻媽：

首先你不要自責, 這是於事無補的。我也說有個「好開始」……. 下去還要些時間的…..

縱壞咗係事實：每次佢有不滿或要求, 第一樣出現响佢腦的, 就是發脾氣→繼而動手打→繼而擲東西……. 因為每次他做這些 ...

sandralo

妳好叻呀..做妳既仔女一定好幸福呀.因為妳真係一個好媽媽呀
而我就,...................

即係佢搵野掟我時..我收起佢掟我既野..再掟再收
只用眼神比反應佢...表示我已好嬲
如有第3者的話.我最行開下..
比大家泠靜下嗎......

咁泠靜完呢..
我又可以做咩去完埸呀...

係咪問番佢頭先咁做岩唔岩
定係乜都唔問
直接罰佢呀..

我明白真係唔可以一日就改變個仔.
但係...........
有咩方法可以令我最憤怒既時候可以泠靜下來呀
我知首要控制自己情緒先嗎?

但我個仔有時搵野打我時真係好痛.
上次搵車打我已經手臂腫了.
我唔敢同人講.包括老公.......
不過點都好..咩方法我都會試架..
多謝妳

子峻媽咪

私人傳訊

積分: 33215

24^#

發表於 07-12-14 22:39 |只看該作者

原文章由 峻峻媽 於 07-12-14 20:17 發表

sandralo
有時真係好氣"女"呀...個仔實在太............
其實呢幾日都有好轉架..
點知今日.......................
放學佢好乖..自動攞工課出來做
我當然有讚佢啦..於是我放低晒家務同佢做工課啦
到要寫字時..佢無 ...

峻峻媽：

首先你不要自責, 這是於事無補的。我也說有個「好開始」……. 下去還要些時間的…..

縱壞咗係事實：每次佢有不滿或要求, 第一樣出現响佢腦的, 就是發脾氣→繼而動手打→繼而擲東西……. 因為每次他做這些「曳嘢」, 是沒有後果的(不會被罸), 而佢即使得不到要求的, 也會有「次選」或「代替品」, 最重要的, 是他得到你的「反應」, 這個「反應」無論是什麼, 都給了他很大的滿足…….. 他也從中向你學了「俾反應」！
我睇到嘅係：佢慣性出手, 你亦慣性咁「反擊」(通常係嚇), 你講咗佢又再嬲 d, 响落唔到台的情況下, 就再發勁 d……
因此, 你而家top priority要學的…… 係「唔好俾大反應」你仔仔！某些事甚至可能是完全唔俾反應佢！
明唔明？
例如佢用擦膠掟你, 就已經預咗你話佢(但冇佢乎), 而佢就繼續掟第二樣…..直到佢滿意為止…… 你試吓唔好反應, 收咗佢擦膠, 只係怒目而視, 等佢冇得升級咁發落去, 如有其他人在家的話, 亦可選擇離家一會, 等佢冇咗發脾氣嘅對象….. 如果想罸, 就要即罸, 唔好罸d 要等第二日或者由第二個人去執行嘅嘢, 亦必須要「言出必行」, 建立番自己的威信; 罸的話就唔好再鬧, 否則沒完沒了！

你要仔仔學懂控制情緒, 你先要控制自己的情緒, 繼而俾佢知唔發脾氣係會被讚, 發脾氣則一定沒有「着數」, 還可能會被罸
！

私人傳訊

積分: 7830

23^#

發表於 07-12-14 20:17 |只看該作者

原文章由 SandraLo 於 07-12-12 22:37 發表

峻峻媽：

有個好開始啦！
我以為都要幾日, 又担心你唔慣咁做...... 但原來佢係乖個隻; 敢問一句, 你平日是否較少時間同囝囝一齊玩呢？我咁問係因為我覺得佢想用「打你」嚟攞你注意力.....

無論點都好, 你將「 ...

sandralo

有時真係好氣"女"呀...個仔實在太............
其實呢幾日都有好轉架..
點知今日.......................
放學佢好乖..自動攞工課出來做
我當然有讚佢啦..於是我放低晒家務同佢做工課啦
到要寫字時..佢無啦啦發脾氣話寫唔到呀
我叫佢慢慢寫..佢就愈發愈大....
仲用擦膠掟我..我捉唔切佢..
我同佢講唔可以搵野掟我..掟我係唔可以既..
我仲同佢講如果佢再犯的話.明天就不回學校玩攤位遊戲
點知佢立即用筆掟向我...
我就講"咁明天你就不用去啦.唔該你做埋工課啦"
點知佢追我來打,我照你方法捉住佢,同佢講唔可以打媽咪
佢大叫..:"叫我放手".
點知佢一開手又打過...我唯有照捉住佢隻手講"唔可以打我.打我係唔可以架"
點知佢真係冇再打我..但係攞左本工課掟向我.....
我既耐性真係頂唔順啦.......可惜當我仲未做到反應時.
已經嘈醒了爸爸..(爸爸訓左)
我想我唔講你到估到之後發生既事啦..
就係比爸爸打囉.....而個仔就肯定好驚呀...
死死氣好快做完工課啦...之後自己扒左上梳化訓左
我想係喊到累了...
我見到咁..我個心真係好痛...
如果我做到控制個仔既情緒
如果我懂得點樣處理的話
個仔可能跟本唔會...比爸爸打
又係我既問題了......
我明白要改變個仔既行為.唔係可以一日就可以
但係的確令我.............唔知點講呀..

子峻媽咪

私人傳訊

積分: 33215

22^#

發表於 07-12-12 22:37 |只看該作者

原文章由 峻峻媽 於 07-12-12 14:33 發表

SandraLo

我好多謝妳教我點做呀...今日我照足妳教我點做.出來個效果都係好好呀.原來我個仔都唔係咁差呀..
我講比妳知今日既經過啦
首先我同佢出門口前真係約法三章(返下午)..
第一:唔可以摘人地種既花.(因我住西 ...

峻峻媽：

有個好開始啦！
我以為都要幾日, 又担心你唔慣咁做...... 但原來佢係乖個隻; 敢問一句, 你平日是否較少時間同囝囝一齊玩呢？我咁問係因為我覺得佢想用「打你」嚟攞你注意力.....

無論點都好, 你將「點讚」個topic睇熟d, 問題應該不大, 記得多些讚他的好行為！

私人傳訊

積分: 7830

21^#

發表於 07-12-12 14:33 |只看該作者

原文章由 SandraLo 於 07-12-11 22:23 發表

與其話你「縱容個仔打自己」, 不如話你唔識處理佢......
學校係想幫你, 利用罰佢(留堂)來話佢知打人唔啱會被罸; 但即使暫時有效, 長遠都係要你知自己錯响邊, 佢並非响學校犯錯, 打媽咪卻要學校嚟罸, 咁好快佢會知 ...

SandraLo

我好多謝妳教我點做呀...今日我照足妳教我點做.出來個效果都係好好呀.原來我個仔都唔係咁差呀..
我講比妳知今日既經過啦
首先我同佢出門口前真係約法三章(返下午)..
第一:唔可以摘人地種既花.(因我住西貢.隔離左右都門口都種滿花.每日都因呢個問題而發脾氣的)
第二:我可以同你食少少野先返學.但係只可以去邊度邊度食咋...
第三:返學前唔可以叫我買乜買乜.食完野就直接返學...
個仔同我討價還價..我只答佢一句.."如果你唔肯的話.我就只有到夠鍾返學先出門口啦"
於是個仔想左一陣."好啦.我聽你話"
就咁我們就出門口返學啦.....
他見到花好想摘."媽咪我今日唔摘啦"
我好開心"咁就乖啦"
好啦..食完野.佢叫我去買朱古力食...我答佢.'唔可以.我講過只食少少野之後直接返學..亦唔好叫我買什麼"
個仔好嬲不過冇任何行動,於是我就冇理佢.....
後來仔真係想郁手既時候.."我真係好嚴肅同佢講唔可以打我"

好出奇地個仔真係放低隻手..之後將朱古力放回架上
不過佢真係係咁喊囉...係咁嘈囉..
我照樣唔理佢...
佢喊完同我講"媽咪我有野想同妳講呀"
我答"好.你講啦"
喊住講"對唔住呀!"亦冇再提朱古力既事啦
我答佢"好啦..冇事啦...雖然妳都有錯.但我覺得你有進步"
仔答"媽咪你讚我呀..你唔嬲啦..好野"
我講"你想比人讚定係鬧呢"
仔答"緊係讚啦"
我答."咁媽咪多d讚你啦.不過要你真係乖至得喎"
仔答"好野"

我感覺都個仔真係好開心呀.而我都係呀..
我真係好多謝妳呀...
不過我知未必可以咁順利..
但我唔會放棄..我會努力..
thank uou very much

子峻媽咪

私人傳訊

積分: 33215

20^#

發表於 07-12-11 22:23 |只看該作者

原文章由 峻峻媽 於 07-12-11 20:19 發表
我想問下.個仔之所以有今日咁既行為
係咪真係我做成架...

我想問..應該話係今日連學校主任都知個仔既事
之後就話要佢留堂來罰佢..(個仔k2)
學校話係我寵壞個仔.係我縱容個仔打自己
講真我一定唔係囉..
有邊個阿媽會縱個小朋友打自己架...
但因為個仔今日去健康院所以冇留堂
我想問咁樣係咪唔好架..
對個仔冇幫助呢..
因為之前個仔知道我同老師講佢唔乖既野.....
佢好唔開心..仲叫我唔好同老師講...
會唔會我愈係同人講..佢就愈係要做比我睇呢 ...

與其話你「縱容個仔打自己」, 不如話你唔識處理佢......
學校係想幫你, 利用罰佢(留堂)來話佢知打人唔啱會被罸; 但即使暫時有效, 長遠都係要你知自己錯响邊, 佢並非响學校犯錯, 打媽咪卻要學校嚟罸, 咁好快佢會知媽咪係「冇能力」處理/管佢, 會愈嚟愈難搞！

你試咗用讚嘅方法先, 即使唔係好work要加埋罸, 都係應該由你嚟罸, 点罸我唔教住, 先睇你讚呢度做唔做到, 四歲半人仔, 讚已經好work, 不過, 你必須明白自己錯d 乜, 至識得改！

私人傳訊

積分: 33215

19^#

發表於 07-12-11 22:04 |只看該作者

原文章由 峻峻媽 於 07-12-11 20:03 發表
sandrolo

"佢一出手打你的話, 蹲下捉住佢隻手, 望實佢同佢講：唔可以打媽咪！然後繼續行….. 留意唔可以响街追逐或追打, 細路响街走都俾父母鬧啦"

咁我想問下我係咪要一直捉住個隻手行呀..定係,3放開手等佢自己跟住 ...

峻峻媽：

出街照平日咁就ok啦, 打先至捉..... 係捉住佢手唔俾佢打, 講完就放手。
佢打你時係好痛？一嘢嘢鋤落去？如果唔係好痛, ignore 佢..... 因假如佢用打你或打人來引你的注意, 你之前嘅反應係同佢完全「互動」的, 即係佢完全攞到哂你的注意力。
但如你做足我較早前所講的預備功夫同讚, 佢未必會打！

私人傳訊

積分: 7830

18^#

發表於 07-12-11 20:19 |只看該作者

sorry

我咁多問題

我想問..應該話係今日連學校主任都知個仔既事
之後就話要佢留堂來罰佢..(個仔k2)
學校話係我寵壞個仔.係我縱容個仔打自己
講真我一定唔係囉..
有邊個阿媽會縱個小朋友打自己架...
但因為個仔今日去健康院所以冇留堂

我想問咁樣係咪唔好架..
對個仔冇幫助呢..
因為之前個仔知道我同老師講佢唔乖既野.....
佢好唔開心..仲叫我唔好同老師講...
會唔會我愈係同人講..佢就愈係要做比我睇呢..

子峻媽咪

私人傳訊

積分: 7830

17^#

發表於 07-12-11 20:06 |只看該作者

原文章由 峻峻媽 於 07-12-11 20:03 發表
sandrolo

"佢一出手打你的話, 蹲下捉住佢隻手, 望實佢同佢講：唔可以打媽咪！然後繼續行….. 留意唔可以响街追逐或追打, 細路响街走都俾父母鬧啦"

咁我想問下我係咪要一直捉住個隻手行呀..
定係,3放開手等佢自己跟住 ...

我想問下.個仔之所以有今日咁既行為
係咪真係我做成架...

我真係好自責呀..

子峻媽咪

私人傳訊

積分: 7830

16^#

發表於 07-12-11 20:03 |只看該作者

sandrolo

"佢一出手打你的話, 蹲下捉住佢隻手, 望實佢同佢講：唔可以打媽咪！然後繼續行….. 留意唔可以响街追逐或追打, 細路响街走都俾父母鬧啦"

咁我想問下我係咪要一直捉住個隻手行呀..
定係,3放開手等佢自己跟住我行呀
但係放開手佢再追我來打..咁我點做呀.
一樣捉住佢對手對佢講唔可以打媽咪呀....
打一次我捉一次講一次呀...
係咪咁意思呀...

咁佢等我一另轉面就搵野拋擲我呢......
咁我又可以點呀//

唔該妳呀

子峻媽咪

私人傳訊