吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好想呻下..生唔生bb ge 問題

夫婦情感今日: 50|主題: 42728

收藏本版

發帖

返回列表

跳至頁

查看: 5320 | 回覆: 65

好想呻下..生唔生bb ge 問題 [複製鏈接]

12 3 4

Vanessa_818

男爵府

積分: 8503

1^#

發表於 07-12-10 16:17 |只看該作者 |正序瀏覽 |打印

結婚之前, 我同老公都好少講生bb 呢個問題. 咁其實我都鍾意小朋友ge. 不過人愈大, 睇個世界愈灰, 自問真係無能力生. 老公好想要一個自己ge 小朋友, 佢好有憧憬, 但係呢de都係佢個人意願. 事實佢無認真考慮錢銀問題, 教養問題, 個細路既前途問題, 一味天真咁幻想佢既甜美生活. 呢個分歧愈來愈大, 我生就累死一家, 唔生佢又會覺得我親手扼殺佢既美好家庭:-( :-( :-( . 今時今日我同佢都相處得好好, 我唔想變, 好唔開心, 好灰:-( :-( ... 無人聽我呻, 身邊個個都想生, 個個都以為好容易, 唔明我有幾辛苦, 當我搵藉口, 當我異類. 有幾次佢問我, 想開始計劃下, 佢好gentle, 無逼我. 我同佢計, 你知唔知我地咩環境, 事實係無得plan, 點解要夾硬黎? 怪就怪大家無本事! 我係愛小朋友, 愛佢先唔想累大家. 點解當我罪人? 當我唔岩? 成日勸我生, 你估有頭髮我想做和尚既咩? 我會係好媽媽黎ga, 如果我有錢, 如果呢個世界唔係咁殘酷, 如果呢個世界仲好似以前咁可以由低爬起, 如果前面既路易行de....但係呢個世界邊有咁多如果?
好灰, 想呻下je, 唉.....

0 0 0

私人傳訊

annacwh

民房

積分: 8

66^#

發表於 07-12-31 23:18 |只看該作者

回覆 #1 小科豆的文章

咁好彩!恭喜晒! 但我都係選擇唔生的一群,
因為深覺生個B,並非簡單,要牺牲大量精力,大量時間,大量金錢......至緊要倆個人一條心.唔好一時一樣,或者一個要,一唔要!

私人傳訊

小科豆

公爵府

積分: 28330

畀面勳章

65^#

發表於 07-12-31 22:46 |只看該作者

你咁正公司, 加成5千幾咁多, 羨慕死人, 我諗我公司同c6公司一定冇得加咁多.

我都係擔心錢既問題而唔敢生住.:-|

原文章由 joeyma 於 07-12-26 10:17 發表
生兒育女係兩個人，甚至兩個家族既事，唔可以一個人話事！

唔洗太過擔心錢既事！真係平有平養，而且細佬會自己帶錢來。

我生大女後，搵到一份好工；有佐二女後，老公同自己都加人工，我一個月仲加佐5千幾蚊。所以我信我阿媽講：細佬會 ...

[img][/img]

私人傳訊

wkchoy

伯爵府

積分: 18101

64^#

發表於 07-12-31 17:32 |只看該作者

我唔贊成你有 bb 住...
係因為我覺得你都無心理準備同埋生小朋友真係要有共識至得呀

私人傳訊

pen2012

大宅

積分: 1141

63^#

發表於 07-12-31 17:07 |只看該作者

SORRY, 我打漏左個字, 應是唔贊成你生BB

私人傳訊

pen2012

大宅

積分: 1141

62^#

發表於 07-12-31 17:06 |只看該作者

我贊成你唔生bb, 唔係平有平養咁簡單, 我都有一個女, 今年6歲, 諗返起, 自己2公婆要返工, 個bb又無人揍, 周圍搵人幫手揍, 不知幾辛苦, 自己份人工又唔夠請工人, 唔做又無得食, 都不知幾慘, 到佢讀幼稚園, 學費又貴, 而佢仲要食奶, 支出多到不得了, 而養比教簡單得多, 養只是比3餐比食就得, 而教方面, 真係要好多心機, 時間,如果只生佢出黎, 又無m比bb去增值, 在現今社會, 個bb大時一定比下去, 到時先後悔, 真是太遲了, 現今的社會, 每個父母都好希望自己的小朋友成龍, 少D M你都唔得, 到讀小學, 你唔比足夠物質佢, 佢又會向外搵, 要做到平衡係唔簡單, 你自己諗清楚啦, 你唔生, 無人迫到你的, 生個個係你呀,揍同安排小朋友個個都係你, 只意個老公就死得啦, 未生時咩都得, 生左次後好多野煩, 唔係生左就只是同佢玩得得, 一個美好家庭要有好多配合, 你問你老公BB大小便到時邊個去洗, BB肚鵝邊個去開奶(一出生時每一日要食足8餐的,3小時一餐,自己計數,剛剛好24小時), BB哭時邊個去抱, 生病時邊個去緊張擔心, 教養誰去諗, 只幻想, 係唔得嫁, 實際少少, 你唔食, 個細都要食, 大人訂到幾耐肚鵝.你叫你老公自己諗下, BB出世後一日裹要做幾多野, 記住唔你做一日咁少, 係要做到佢大個仔, 18歲, 這18年間所有的風浪你唔會知, 叫佢有心理準備.

私人傳訊

Japenese

男爵府

積分: 6946

61^#

發表於 07-12-26 10:26 |只看該作者

我係唔生的一群，$$$不是我的首要考慮，愛心及自己是否肯犧牲才是首要條件。

了解你自己及伴侶的性格和需要，因為生與唔生都冇得後悔。

私人傳訊

joeyma

男爵府

積分: 8773

60^#

發表於 07-12-26 10:17 |只看該作者

生兒育女係兩個人，甚至兩個家族既事，唔可以一個人話事！

唔洗太過擔心錢既事！真係平有平養，而且細佬會自己帶錢來。

我生大女後，搵到一份好工；有佐二女後，老公同自己都加人工，我一個月仲加佐5千幾蚊。所以我信我阿媽講：細佬會自己帶錢黎架！

私人傳訊

annacwh

民房

積分: 8

59^#

發表於 07-12-25 23:28 |只看該作者

回覆 #1 annacwh 的文章

每個星期日是你可以休息, 不用憂慮的日子, 減去這些日子, 就是兒女有一百歲, 你可以有十年的日子是不用憂慮的. :-(

私人傳訊

annacwh

民房

積分: 8

58^#

發表於 07-12-25 22:57 |只看該作者

回覆 #1 annacwh 的文章

多仔女就多麻煩, 無兒無女就逍遙自在

坐蓮花係借代觀自在..即係觀音
即係無兒一身輕噤解

私人傳訊

annacwh

民房

積分: 8

57^#

發表於 07-12-25 22:52 |只看該作者

回覆 #1 annacwh 的文章

多兒多女多冤家, 無兒無女坐蓮花
請問什麼叫「多兒多女多冤家, 無兒無女坐蓮花」？
請問為何「坐蓮花」就是逍遙自在？
這句說話即是叫人不要有子女？

私人傳訊

annacwh

民房

積分: 8

56^#

發表於 07-12-25 22:41 |只看該作者

係養兒一百歲, 長憂九十年, 即係話如果你的子女, 有一百歲命的話, 你需要担心他們足足九十年咁多, 表示養大兒女是需要付出很長遠的憂慮, 例如在小時候當他們患病, 唯恐他們會病死, 又或怕他們不夠營養, 買很多有豐富營養的食物給他們吃, 讀書時想他們能進入名校, 不但要將自巳間屋搬去有名校網地區處住, 需要千方百計考入名校, 不釋花費昂貴的金錢, 聘請補習老師去幫兒女增加智識, 以便能進入名校前鋪路, 到長大後又怕他接觸到一些壞同學, 或壞朋友而學壞, 到他們讀完書畢業, 離開學校到社會做事時, 又要担心他們的職業薪金, 能否夠供養他自已和父母, 到他們成家立業想結婚, 父母很想兒女婚後有一間舒適的居所, 又要替他們準備供樓的首期, 到一切都安排妥當和滿意, 之後又是到他們生下了兒女, 當然為了節省金錢來供樓, 凑孫的責任就交給你老人家去照顧, 又再由你去担心孫兒們患病, 帶孫兒去上學等等......統計下來你養兒一百歲, 長憂九十年就肯定無錯

私人傳訊

annacwh

民房

積分: 8

55^#

發表於 07-12-25 22:40 |只看該作者

回覆 #1 EVA222 的文章

私人傳訊

EVA222

禁止訪問

積分: 81485

54^#

發表於 07-12-13 11:56 |只看該作者

提示: 作者被禁止或刪除內容自動屏蔽

私人傳訊

jennyleung

子爵府

積分: 13193

53^#

發表於 07-12-12 23:29 |只看該作者

你會照顧佢, 教導佢就ok啦, 你再唸既話, 青春都流走喇, 呢d野無得唸同學, 錢就係你想比高質數小朋友姐, 咁其實好多野都有平價既, 興趣班社區中心果d都唔少, 都好平, 衫有平有貴啦,呢d可以平衡到既. 到你想要時可能已經高齡產婦, 流金歲月呀, 你唔生一陣你老公咪搵第2個生咪敝

私人傳訊

edithedith

別墅

積分: 538

52^#

發表於 07-12-12 17:37 |只看該作者

eva222,

你個兒子已比別好好多千倍了, 雖然他工作煩忙, 可能連休息的時間也不夠, 但不要忘記, 你的責任已完, 他現在已在社會做事, 而且有高學歷和一份大公司的工作, 理應老懷安慰, 何解你仍覺得如此呢? 路是要他們自己繼續走的, 越走他得着的便會越多, 你情願他向前走還是有高學歷而做隠敝青年呢, 我知這個社會有一小部份這類的人, 所以你還是要感謝你的公子是一位上進的青年人吧.

原文章由 EVA222 於 07-12-12 12:14 發表

你有憂慮的性格,未必適合當媽媽,性格不多不少影響下一代,鼓勵你生的人,大多是樂觀,對未來有憧憬,是由自己的角度出發,最終不是他們去面對,有句說話:你就係你我就係我,不能用你的一套加諸我身上.
養兒育女,經濟只是其 ...

私人傳訊

edithedith

別墅

積分: 538

51^#

發表於 07-12-12 17:30 |只看該作者

樓主,

要生bb都要講緣份的, 不是你話唔想要就一定無, 有時你想要時佢偏偏遲遲唔出現, 所以, 我都係奉勸你一句隨緣吧.

再者, 你如何肯定你生出的孩子是一個要你憂心的人呢, 可能佢係一個天資聰敏, 善解人意的可人兒呢? 憂心係人都有, 但試想想我們來這個世界要是經歷每一個階段的, 不養小孩難道你又不憂心你往後的生活嗎

可能你正正凡事都憂心, 亦凡事都想得很恢, 所以看來前面的出路好像辛苦了你似的, 但試想想, 你現在也生活得很悏意吧, 當初你父母也是否要憂心你的生活呢, 我的意思是每個人的頭上都有一片天, 既能來到這世界, 上天一定會給他/她容人之所, 你又何必己人憂天呢

私人傳訊

juliet

大宅

積分: 2540

50^#

發表於 07-12-12 16:20 |只看該作者

原文章由 EVA222 於 07-12-12 12:14 發表

你有憂慮的性格,未必適合當媽媽,性格不多不少影響下一代,鼓勵你生的人,大多是樂觀,對未來有憧憬,是由自己的角度出發,最終不是他們去面對,有句說話:你就係你我就係我,不能用你的一套加諸我身上.
養兒育女,經濟只是其 ...

非常同意,樓主真係要三思.....

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

EVA222

禁止訪問

積分: 81485

49^#

發表於 07-12-12 12:14 |只看該作者

提示: 作者被禁止或刪除內容自動屏蔽

私人傳訊

ShinTung820

別墅

積分: 975

48^#

發表於 07-12-12 12:01 |只看該作者

原文章由 小寶貝兒 於 07-12-11 20:20 發表
我都覺得, 錢唔係養bb最重要的條件, 最重要既係, 你有冇心比一個和諧溫馨既家比佢, 你有冇信心你會用你最大既愛去愛佢?

我細個時, 屋企窮, 得老豆一個人做野, 日做3份工, 阿媽要攞d野返黎做, 但我地一家過得好開心, ...

o甘啱既, 我都係o甘大架喎, 我阿爸阿媽仲要養6件喎 (爸媽我愛你)... 我地而家個個都不知幾生性. 幾孝順... 我地一家9口, 連埋我阿爺只係住係以前叫廉租屋既7層高大廈, 豆腐潤o甘細, 夜晚訓覺都係打地鋪... 環境好雜... 但阿爸阿媽由細都大都教我地做人無錢唔緊要, 最緊要唔好學壞, 要讀好書, 佢地既身教勝過言教, 佢地無讀過咩書, 幫唔到我地, 但佢地好著緊我地既成績, 好辛苦去做野等我大家姐可以讀完中五, (以前阿爺話女唔駛讀o甘多書, 但我爸媽知道只有讀書先可以有好d既將來) 我地無$$參加課外活動, 咪係樓梯口玩捉迷藏囉, 無$$買玩具咪同隔離屋既人玩自製豆袋囉....
但我可以好大聲o甘講, 我既童年係好好好快樂架...
我都係人地阿媽, 阿囡而家先15個月, 係有$$要用, 用得最多咪奶粉,尿片囉, (好彩奶奶幫我揍, 可以慳番筆) d衫仔多數家姐比, 見到好靚先買幾件....
想唔想生好睇你自己心態, 但我覺得你而家既心態未ready囉, 你太多顧慮, 會令到你陀bb時可能仲唔開心, 好好plan吓, 一個家, 係咪有d $$ 可以用少d, 留返多d $$ 呢? 如果你係鍾意bb既人, 將來bb一定帶比你莫大既開心... 放開錢銀既枷鎖, 好好諗吓, 究竟你係咪想要bb啦.