吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我99好煩

夫婦情感今日: 0|主題: 42786

收藏本版

發帖

返回列表

跳至頁

查看: 2197 | 回覆: 15

我99好煩 [複製鏈接]

逸逸媽咪

複式洋房

積分: 297

1^#

發表於 07-12-11 00:35 |只看該作者 |正序瀏覽 |打印

我99好攬煩

,佢都痴痴地?-( 成日話我唔彩佢唔同佢傾計,大佬呀你估個個人好似佢食飽飯等屎疴,一d家務都唔幫手做又唔洗你煮飯,我每朝要7:30出門口返工,放工仲要返我呀媽到睇個囡(媽媽I Love U)晚上10:00先返到屋企點應酬你老人家呀訓都未有時間啦,仲係我老公同我爸爸媽媽仲有我姊夫面前數我,唔該你睇量一下d後生啦好辛苦嫁(要日日對著你),淨係識得製造問題同煩惱比我地兩公婆,好彩老公識睇量我

我條氣都順d .

[ 本文章最後由 edea 於 07-12-11 13:24 編輯 ]

0 0 0

私人傳訊

irisang2007

男爵府

積分: 7737

16^#

發表於 07-12-11 23:24 |只看該作者

蜜棗

哈哈!我開頭睇, 都好奇怪你個99做乜無端端轉死性, 點知原來係因為d金,

你99而家個頭就真有排痕喇, 佢原本以為你地女家比你d嫁妝同金飾會少過佢地男家, 乘機睇衰你, 比說話你聽, 點知而家好夢成空

, 硬係唔敢再多多野講啦!
你99成日都死要面, 其實要面真係好簡單, 買多d金比你咪得囉

, 我地做新抱既真係多多都收得落, 不過我諗佢又唔會捨得買, 記住, 你係結婚果日有幾多金就要戴幾多, 塞住佢把死人口

. 等佢成日都多多事實

.

講起個幾打餅, 其實我唔覺得你99會唔知呢d應該係由男家出, 我覺得之前佢係想乘機蝦你, 如果唔係, 佢點會唔再提, 就算佢知道你d嫁妝多, 如果佢真係認為d餅應該由女家出, 佢點會唔死咬住你.

私人傳訊

onon1022

子爵府

積分: 12600

好媽媽勳章

15^#

發表於 07-12-11 23:11 |只看該作者

其實佢可能太悶...你放假有時間...咪打多d電話同佢傾偈...或者到時佢會嫌你煩...唔駛你陪佢傾偈...

[url=http://lilypie.com][img]

私人傳訊

蜜棗

子爵府

積分: 11426

睛靈勳章畀面勳章 BK Milk勳章

14^#

發表於 07-12-11 18:39 |只看該作者

原文章由 irisang2007 於 07-12-11 16:31 發表
我99都係一樣好q煩, 我同佢跟本都傾唔埋泠, 正所謂話不投機半句多, 所以我而家見親佢, 都只會叫聲99, 其他野我唔會再同佢多講, 佢當然好不滿啦, 又係度多多聲氣, 又話我唔同佢溝通多d, 又話我自閉, 又話我唔尊重佢.. ...

IRIS
又係要講吓99.但我開始個心有d涼.雖然唔可以講永遠.但呢幾日都覺得佢有小小唔難為我.
話說講返嗰幾打餅.(席前小食)佢已經沒有再向我開口.前幾天又嚟問我另一樣嘢.就係龍鳳被.問我亞媽會唔會買?我話會.但我同佢講唔洗咁急.你屋企又唔係大咁快拎過嚟盞迫.之後佢都死死氣咁話如果女家唔買佢就會買.我就同佢講咗一句:『我話龍鳳被傳統都係女家買.我亞媽係知道嘅.如果係女家負責嘅嘢我哋都會做足』意思男家d席前餅唔好叫我哋出!!
我都喺度諗做乜條友講到咁樣.原來前幾日我條佬問佢亞媽買咗幾多金飾比我(男家)因為我條仔唔係話貪d咩.而係佢親眼見倒我d嫁妝有幾多.而佢亞媽上次仲聲大大同我鬥親戚多.如果仲小過我屋企比就會唔好睇.之後佢亞媽數到盡都係三對鈪+一d碎嘢(介子)佢知道咗我屋企比幾多嘢我(多過佢比嗰d禮金成倍)所以佢唔敢再咁多嘢嘈.

爆愛車縫作

私人傳訊

irisang2007

男爵府

積分: 7737

13^#

發表於 07-12-11 16:31 |只看該作者

我99都係一樣好q煩, 我同佢跟本都傾唔埋泠, 正所謂話不投機半句多, 所以我而家見親佢, 都只會叫聲99, 其他野我唔會再同佢多講, 佢當然好不滿啦, 又係度多多聲氣, 又話我唔同佢溝通多d, 又話我自閉, 又話我唔尊重佢........最慘係次次同佢傾完, 佢可以將一d我冇講過既野, 周圍同人講話係我講, 真係痴痴地.

有時佢又妄想發作, 係我老公面前亂講野, 初時我老公都信以為真, 點知有一次同老公傾開計, 佢講左句說話, 我好唔同意, 跟住佢就話"乜呢句說話唔係你講既咩, 我呀媽話你講架bor", 後來我地就發現原來我同我99講既野, 佢同我老公講返既又係另一版本, 有好多時我明明冇應承佢, 佢又同我老公講我已經應承左. 之後我叫我老公唔好信曬佢呀媽講既野, 因佢成日都吹水唔抺咀.

其實我99把口都真係幾賤, 乜都可以講一餐, 明明係好野都比佢講到衰曬. 好似我同老公買左樓, 佢一上到去間屋, 就不停係度彈, 又話層樓舊, 又話間屋細, 又話個景唔好, 又話大門對房門唔好, 跟住又係度講佢自己果層新樓點好點好, 當時我已經慶慶地架啦, 佢仲要講我地層咁既樓, 就算送比佢,佢都唔會住, 係喇, 咁巴閉, 就永世都唔好上黎我屋企, 最後連我老公都頂佢唔順, 同佢講, 層樓咁既價錢都算係咁啦, 而家又唔係你比錢買, 講咁多做乜呢!! 不過佢都仲唔收聲, 仲要係度講, 又話係比意見我地, 我心諗, 食屎啦, 你講到我地層樓咁差, 自己層樓咁好, 咁你咪死埋係入面囉. 真係唔好話我黑心.我真係好憎我99, 遲早我一定會同佢開火! 唔係等佢以為我好蝦.....