Baby Kingdom - 親子王國 香港 討論區 › 首頁 › 自由講場› 我真的累了!

自由講場

收藏本版
發帖
返回列表
跳至頁
我真的累了! [複製鏈接]

首頁
123

尾頁
   0
皮亞莉


別墅

積分: 575


1#
發表於 07-12-11 22:20 |只看該作者
自從女兒出世了後己經好幾年沒有好好的休息過了
每天....日復日的上班......日復日的照顧女兒....日復日的聽著外婆的嘮叨, 當中從沒間斷過, 身心的疲累, 經濟的壓力, 我快要抖不過氣了, 往後的日子我該如何渡過呢? 有時會想死了是否就可以得到解脫呢, 但我實在捨不得女兒......
私人傳訊

IwanBB


子爵府

積分: 10570


45#
發表於 07-12-12 15:43 |只看該作者
樓主, 你要橕住!! 努力!!

我同樓主&好多BK媽咪一樣, 每日都好忙, 返工, 放工 ,湊囝 ,做家務, 進修....而且日日都俾婆婆哦呢樣果樣, 仲要俾成$7000家用, 人工無左一大半, 娘家只有我一人負擔, 兩個細佬又唔理, 負擔好重, 老公工作又唔穩定, 如果自己失業, 真係手停口停, 自己無得食唔緊要, 老人家同囝囝就唔捱得....

有時都覺得好辛苦, 成日病, 每日只瞓5-6個鐘, 老公又有婚外情... 心力交瘁...不過我都無想過死, 因為仲有好多人需要我, 尤其係囝囝同爸爸媽咪. 就o係我跌落谷底時, 有一班好關心同照顧我o既陌生人出現(e+成為好朋友), 仲有我家人o既支持, 所以橕得住, 仲比以前開心. 感謝神o既恩典.

有咩唔開心不妨同家人, 朋友&BK媽咪分享吓. 試吓重新編排時間表, 搵老公分擔家務... 唔好再亂唸野, 快D睇醫生or見輔導醫好個病. 祝你早日康復! Take Care!
私人傳訊

8C9


大宅

積分: 1078


44#
發表於 07-12-12 14:58 |只看該作者
佛偈我唔識講, 但有一次牧師咁講:

天父係人人出世既時候, 都俾一個咬左一啖既蘋果, 有d人為左個啖耿耿於懷, 周圍要去搵番, 又怨天尤人生命如何不完美, 死既時候拿著原封不動或腐爛既蘋果質問上帝; 另外有d人就覺得剩下既蘋果可以好好享受, 便盡情享受個個有缺憾既蘋果, 心裡還存感激, 因為畢竟個蘋果係一個賜予.

人生總有很多難關, 能不能過關都在一念之間. 人既愚昧在於經常執著一d不重要既事物, 又因此浪費精力卻錯過真正重要既野. 睇唔睇得開就係咁意思, 我地好多時為左一d無謂既說話, 或者其他人唔同既睇法動氣, 攪到自己好疲累, 其實好多都好無謂. 耍活得開心, 首先要有寬大既心, 第一樣要接納既就係個缺憾.

原文章由 babesiu 於 07-12-12 11:57 發表
我覺得聽佛偈好似有用d. 聽完個人會心境平和d,睇開d. 唔知寶蓮寺有無呢? 不過我唔係教徒.
私人傳訊

webjen


珍珠宮

積分: 44390


43#
發表於 07-12-12 14:34 |只看該作者
原文章由 皮亞莉 於 07-12-12 14:03 發表
多謝你們的鼓勵呀!
當然我知道自己只是說著悔氣話, 但每到低潮的時候, 這種念頭又會再次湧現, 尤其是外婆的嘮叨或者同老公鬧交之後.....
其實我同樣有產前同產後抑鬱, 曾經有個中e跟我說, 因為我的抑鬱情緒從來未曾 ...


大家互助鼓勵下:loveliness:
我都覺得好累,心靈上更加覺得累,尤其係自己為身邊o既人做左o既野,無人 appreciate 之餘,更加唔體諒自己!!
我有時都會好似你咁諗,死左一了百了,但我知,呢個世上仲有人需要我,如果有日我死左,咁佢地點呢,需要我照顧o既人點呢??
因為自己身體有毛病,更加知道要珍惜在世o既日子,可能壓力令人透不過氣,但最好 d ,他朝離開都無遺憾!!

[ 本文章最後由 webjen 於 07-12-12 14:37 編輯 ]

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

suilangmui


禁止訪問

積分: 14553


42#
發表於 07-12-12 14:30 |只看該作者
提示: 作者被禁止或刪除 內容自動屏蔽
私人傳訊

mat媽


子爵府

積分: 10077

好媽媽勳章 醒目開學勳章


41#
發表於 07-12-12 14:26 |只看該作者
一五一十同 外婆 & 你老公 講清楚你的情緒問題,
希望他們體諒你啦!
加油呀

原文章由 皮亞莉 於 07-12-12 14:03 發表
多謝你們的鼓勵呀!
當然我知道自己只是說著悔氣話, 但每到低潮的時候, 這種念頭又會再次湧現, 尤其是外婆的嘮叨或者同老公鬧交之後.....
其實我同樣有產前同產後抑鬱, 曾經有個中e跟我說, 因為我的抑鬱情緒從來未曾 ...
私人傳訊

lky3107


伯爵府

積分: 16923


40#
發表於 07-12-12 14:18 |只看該作者
你地同耶穌傾下啦, 好work架. 我自己就試過好多次唔開心時同佢傾. 人生在世數十年, 不如意事十常八九, 只有耶穌能幫助我地. 心裏有神, 我地在世有祂幫助和有祂的愛, 離開世界可以到天堂, 真好. 感謝神!

凡勞苦擔重擔的人, 可以到我這裏來, 我就使你們得安息.(馬太11:28)

原文章由 babesiu 於 07-12-12 11:17 發表
請問係邊個宗教咖. 我都想搵d大師傾吓人生道理. 唔知邊度有呢?
私人傳訊

皮亞莉


別墅

積分: 575


39#
發表於 07-12-12 14:03 |只看該作者
多謝你們的鼓勵呀!
當然我知道自己只是說著悔氣話, 但每到低潮的時候, 這種念頭又會再次湧現, 尤其是外婆的嘮叨或者同老公鬧交之後.....
其實我同樣有產前同產後抑鬱, 曾經有個中e跟我說, 因為我的抑鬱情緒從來未曾釋放過, 所以一丁點事情都會令自己鑽進牛角尖裡....
無論怎樣, 再一次多謝大家的鼓勵!
私人傳訊

pppmama


大宅

積分: 1692


38#
發表於 07-12-12 14:00 |只看該作者
皮亞莉 :

你點呀? 好啲未? 其實個個亞媽都係咁, 我都係3個仔女的媽媽, 辛苦的日子多過你, 最緊要識得放鬆自己同埋與家人分享。頂住呀!撥開雲霧見青天, 捱過咗這段日子後, 你會覺得係值得嘅!唔開心就上bk傾吓, 好多姊妹都會幫你!俾心機!
私人傳訊

veronna


伯爵府

積分: 16057

醒目開學勳章 畀面勳章 環保接龍勳章 BK Milk勳章 15週年勳章 親子王國15週年勳章 親子王國15週年勳章


37#
發表於 07-12-12 13:34 |只看該作者
其實好多人都係咁, 好似我咁咪日頭返工, 工作同壓力一日大過一日, 夜晚又要煮飯湊仔同做家務. 單親媽咪冇人幫, 所有野都要自己做.

不過我平時會搵d好朋友傾下, 等自己鬆d. 唔會"up"住係心度. 一諗有個仔要湊就會堅強起黎. 發揮做媽咪既小宇宙. 唔好睇小啊! 母愛既力量好厲害架.
Latte, 又名臭TE或臭喵
私人傳訊

WYmom


男爵府

積分: 9737


36#
發表於 07-12-12 12:59 |只看該作者
原文章由 彤b^^ 於 07-12-12 11:40 發表
加油呀,唔開心上來bk發洩下丫,
我每日都要湊住2個百厭仔,想上個網都係等訓左先可以,有時唔開心就抱埋個細仔一齊上,日日鬧仔,而家失左聲tim,講野都講唔到,每日都訓唔到4個鐘頭,精神唔夠成日做錯野,有時我會問自己點解 ...


Yes, same feelings. Feel very tired taking care of 2 young kids day and night without any help for years. Taking care of one kid is comparatively a lot easier already.
私人傳訊

ivysham


男爵府

積分: 5098

好媽媽勳章 畀面勳章 BK Milk勳章


35#
發表於 07-12-12 12:49 |只看該作者
原文章由 皮亞莉 於 07-12-11 22:20 發表
自從女兒出世了後己經好幾年沒有好好的休息過了
每天....日復日的上班......日復日的照顧女兒....日復日的聽著外婆的嘮叨, 當中從沒間斷過, 身心的疲累, 經濟的壓力, 我快要抖不過氣了, 往後的日子我該如何渡過呢? ...


加油ar 我地支持你ga~
有咩上黎bk呻同發洩下啦~
你囡囡需要你ga~
私人傳訊

mum-LCC


侯爵府

積分: 21547


34#
發表於 07-12-12 12:30 |只看該作者
原文章由 皮亞莉 於 07-12-11 22:20 發表
自從女兒出世了後己經好幾年沒有好好的休息過了
每天....日復日的上班......日復日的照顧女兒....日復日的聽著外婆的嘮叨, 當中從沒間斷過, 身心的疲累, 經濟的壓力, 我快要抖不過氣了, 往後的日子我該如何渡過呢? ...


千祈唔好放棄, 人生總會有高低, 諗野正面d, 記住你嘅囡囡好需要你嫁, 你對佢係非常重要, 冇人代替到你嫁, 好好培育女兒 e個已經係你嘅人生目標, 當你睇到個女兒慢慢成長, 跟住成為你個好朋友既時候, 你會好開心嫁。經濟上, 心理上唔妥, 好多社會上嘅機構都會幫到你, 唔開心就上黎bk, 好多mami 會同你頃謁。記住積極去面對前景, 囡囡會好錫你!!!
私人傳訊

RAA


珍珠宮

積分: 33275

2018復活節勳章 好媽媽勳章 醒目開學勳章


33#
發表於 07-12-12 12:00 |只看該作者
唔好亂諗嘢啦, 唔好做傻事呀. 望住自己個小朋友對眼, 你一定會好開心架, 因為你眼中有佢, 佢眼中有你.
私人傳訊

shirley73a


禁止訪問

積分: 24331

好媽媽勳章 畀面勳章


32#
發表於 07-12-12 11:58 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

babesiu


禁止訪問

積分: 11847


31#
發表於 07-12-12 11:57 |只看該作者
提示: 作者被禁止或刪除 內容自動屏蔽
私人傳訊

tigerboy


大宅

積分: 3218


30#
發表於 07-12-12 11:54 |只看該作者
hang on! u're not alone...



原文章由 皮亞莉 於 07-12-11 22:20 發表
自從女兒出世了後己經好幾年沒有好好的休息過了
每天....日復日的上班......日復日的照顧女兒....日復日的聽著外婆的嘮叨, 當中從沒間斷過, 身心的疲累, 經濟的壓力, 我快要抖不過氣了, 往後的日子我該如何渡過呢? ...
tigerboy - born in october 1998 - i'm proud to be his mama!
私人傳訊

lovelybearbear


大宅

積分: 2022


29#
發表於 07-12-12 11:50 |只看該作者
我一個人湊倆件......我覺得我就來"做"到死. 近排病左, 無去看醫生, 病到死死下, 行步路都好似死得o甘濟, 但家務煮飯各樣都唔可以唔做, 我老公同我講去睇醫生啦, cut到死都唔睇, 我同佢講, 係唔係一睇即好先, 睇完要食藥一定要訓, d野係咪你做先, 仔仔溫書係唔係你教, 半夜bb食奶, 係咪你"達匙"起身攪佢先.........我一論咀o甘講, 佢就唔出聲. 好話唔好聽, 我以為今次"o個頭近" , 但好唔好彩, 而家我好番了, 又要做喇, 我老公又同我講, 你好瘦, 食番多d野啦, 我又笞佢, 我有無餐安樂茶飯食呀, 煮完一大輪座底, 個女又走埋來一齊食, 食下食下, 成碗飯同我食晒, 又攪呢又攪路, 出街食情況一樣..........每一秒都唔屬於自己:-(


樓主, 大家bk ma ma都o甘辛苦, 好話唔好聽, 睇下你死先定我死先, 我地慢慢比人節磨死算了. 天堂見啦.
私人傳訊

阿西


大宅

積分: 1194


28#
發表於 07-12-12 11:43 |只看該作者
原文章由 8C9 於 07-12-12 11:25 發表
吓, 我好騎尼架喎, 我自己係基督徒, 個時搵左間天主教靜修院, 係摩星嶺架, 環境超清靜, 我冇搵修女傾, 淨係同d都係個段時間入去靜修既人傾. 連個個人叫咩名都冇問. 我覺得我只係借個地方安靜下, 所以唔駛理乜野宗 ...


唔緊要架，我都係基督徒，基督教無靜修院架ma，我都係去摩星嶺架，一年去一次，住兩日，果度有修女可以做輔導(我做過，但無咩用，修女，sorry呀下)反而自己靜靜諗下野就refresh返好多！

樓主，唔好氣餒，做人阿媽係好辛苦，我前兩年都係咁，個仔仲有個好煩既病，我身心疲累，我攰到跪響個仔前前喊都試過，不過，日子會過，見到佢日漸長大，活潑可愛，個病最終都e好，最辛苦既階段終於過左，諗返轉頭，果段日子唔易行架，但係勇敢d堅強d呀！比心機！呢度好多過來人支持你呀！
私人傳訊

彤b^^


禁止訪問

積分: 20403


27#
發表於 07-12-12 11:40 |只看該作者
提示: 作者被禁止或刪除 內容自動屏蔽
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見