吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› <母乳bb都可以好好睡覺> 超長

母乳餵哺今日: 0|主題: 85707

收藏本版

回覆發帖

返回列表

跳至頁

查看: 21666 | 回覆: 51

<母乳bb都可以好好睡覺> 超長 [複製鏈接]

12 3

草

伯爵府

積分: 18713

環保接龍勳章

1^#

發表於 14-8-1 10:30 |只看該作者 |正序瀏覽 |打印

<母乳bb都可以好好睡覺> 超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建立生活規律. 我睇書講, 母乳bb好多都可以係6wk左右自行戒夜奶, 唔洗特別幫佢戒. 吓?!真係架咩?! 冇錯, 有時母乳group討論, 真係好多都係差唔多時間戒的. 咁點解有d要歲幾都仲食?

其實只係習慣. 如果你覺得warm, 好親子, 兩歲都仲一晚起身幾次食夜奶亦大有人在, 亦都唔係大問題. 只係家庭習慣, 冇標準的. 不過好想澄清唔係人奶會令bb痴身唔戒夜奶, 而係習慣, 只係人奶媽媽比較容易比bb養成呢d習慣. 所以希望大家唔好有咩都賴落人奶上. 如果你係唔鐘意bb 24小時都咁痴身, 覺得唔適合你家庭模式, 餵人奶一樣可以建立時間表. 每個人都唔一樣, 於是每個家庭都唔一樣, 揀合適自己的方式會好d.

而我個人係選擇好的睡眠質數, 重申只係我個人選擇. 我覺得睡眠好重要, 對身體同腦都係好重要, 我自己的經驗係唔夠訓, 會易d發脾氣, 易d病, 精神冇咁好. 而bb發育快, 腦發展得好快, 影響我覺得會更大, 所以係佢地未出世時已選擇左自行入睡的方式, 不同床, 讓大家有好的睡眠, 對身體, 情緒同智力都好.

好多人以為人肉奶咀/ 暗bb訓覺佢先有安全感. 我覺得佢自己訓先有安全感同可以訓得耐. 由淺睡期入深睡期之前, 人潛意識會醒一醒, 睇下環境有冇轉, 冇的話就會直入深睡期. 假設你係bb, 訓時明明係好溫暖痴住mama, 點知只係合一合, 就係硬硬空曠的床, 你會唔會覺得呢個地方好可怕呢? 當佢覺得可怕就會狂喊, mama就會抱起, 比佢啜, 揾到個感覺就可以返去淺睡, 個幾兩小時又試入深睡期, 如果好攰冇左機警性就可以入到, 唔係又再重覆, 所以啜住訓的bb每晚起身兩三次係正常的. 不過bb長期咁樣反而對環境更不安, 冇錯, 佢痴住mama時係覺得好安全, 不過只要一唔小心訓着就會突然去左第二度, 冇左mama的擁抱, 佢會對冇媽媽的地方更恐懼. 所以有d人話一放阿b落床佢就醒, 從bb的角度睇, 真係自然不過的事. 如果bb唔想咁, 只好keep住自己唔好咁易訓着, 醒訓d, 自然睡眠質數就唔好. 當然啜住訓的bb會非常地痴mama, 好依賴, 好sweet, 啜住訓都有佢的好處, 只係我衡量自己的情況去揀.

我不建議母嬰同床, 最大原因當然係危險, 成日都有呢d意外, 個個都充滿自信,覺得自己好醒訓先會同bb同床, 但係意外就係意外, 只係幾分鐘就冇法挽回. 就算真係冇時冇刻醒訓, 咁即係一晚連幾分鐘優質的睡眠都冇, 長期係咁, mama的精神同肉體健康仍然會良好嗎? Bb係咪需要一個健康媽媽呢. 以上都係我自己的考慮.

然後係夫妻關係, 如果同床始終多左個人, 冇咁close,注目點亦落晒係bb度, 而我相信好的家庭關係由父母的感情基礎建立起會更健康. 對bb亦冇咁大壓力, 更更更加唔建議只係母嬰同床,爸爸要離場. 父母先應該係家庭的核心, 子女好自然從父母的關係由學習愛同尊重.

Bb方面, 母嬰同床會吸入比自己一張床更多二氧化碳, 唔知有冇影響, 不過我覺得空氣暢通d比較好. 而bb亦唔會要媽媽在場先安睡, 唔會慣左有人陪訓, 當冇人就會覺得好恐懼同可怕, 個安全感唔限於只係媽媽在場先有. 潛意識唔會成日要mon住身邊人的動靜, 入深睡期亦易d.

如果你都想bb自行入睡, 咁點呢?

好簡單, 就係唔抱住佢訓之麻, 比佢啜住訓/ 抱睡都係大人比佢的入睡習慣. 餵人奶起初確實係feed on demand. 所以bb會不定時成日啜, 不過到奶量穩定, 成個星期都夠濕片, 就可以建立生活的規律. bb如果係一直自行係床入睡, 佢腸胃ready就可以自動訓過夜, 唔洗train, 當然唔係全部都可以, 只係大部分的情況. 睡眠質數亦可以好d.

習慣越細越易養成. 我兩個女都係day1開始係床入睡. 可以架咩?! 當然可以, 唔係叫你唔抱bb, 而係當bb清醒時抱, 玩時會抱, 餵奶前抱, 臨上床之前抱, 好多時都可以抱, 只係訓就訓食就食. 我自己除非搭飛機, 打針等情況, 都唔會用奶頭作安撫, 佢係終極必殺技. 由day1已經唔比梅梅下, 訓住食, 佢一訓就拎開唔比食, 其實bb好快會get到呢個pose係食奶的, 要認真食, 好清晰, 習慣就容易建立.

建議想幫bb建立時間表的媽媽睇 ‘從零歲開始’ 呢本書, 佢概念好好. 特別係食-玩-訓呢part. 對我o黎講的好處我覺得有以下:
~ 一訓醒食, bb餓會認真食
~ 唔會養成啜住訓
~ 訓醒精力充沛, 食時夠力, 前後乳都食晒, 時間就可以隔耐少少
~ 冇咁容易食 ‘點心奶’, 即係只食前奶少少, 隔一陣又再食少少, 食得好密好密.
~ 食完係清醒, 減低睡時吐奶的危險.

Bb有規律的生活就會有安全感. 佢生理上有個時鐘, 大約到呢個時間就會有得食, 唔會餓, 會喊少d, 佢唔扭眼訓, 知道佢喊咩, 其他方面的問題就易d被發覺, 被滿足的情況更多, 佢就更易湊. 如果每次佢喊都開奶塞到佢唔出聲, 又或者行來行去曖佢, 其實佢真正需要未被滿足, 只係被安撫, 喊的情況只係一直重覆. 有時候有d bb細時戒左, 到幾個月時又食返, 好多時都係安全感問題, 因為佢開始大, 有驚覺性, 因為以上的原因食返係唔出奇.

如果你係中途想轉, 要考慮清楚先, 因為每逢改習慣, 都有一定的痛苦. 如果冇決心, 唔好開始, 盞大家會辛苦, 因為佢一定喊多左, 如果佢喊得多又喊得耐, 最後你又抱返佢訓, 更會比左個訊息佢, 要訓好耐, 仲要作嘔, 先可以返媽媽度, 有返個安全的睡覺環境, 於是你地將會面對更多的喊. 佢唔會了解你想train佢自己訓, 亦冇可能知道你的目的, 更加唔會對呢張床產生安全感. 自己衡量左利弊, 家人接受程度, 唔好茂茂然轉, 唔係盞大家白白過幾日辛苦日子. 轉唔到亦唔係大問題, 好多媽媽都係同睡, 只係一個階段, 轉唔到都唔洗唔開心, 就學習enjoy呢種關係, bb大得好快, 要持續都只不過係幾年, 既然都付出左, 梗要享受下sweet呢個好處.

我其實年輕時幫親人全職湊過BB, 真係唔係自己生都抑鬱, BB成日喊, 雖然全奶粉, 真係好辛苦, 8個月未戒夜奶, 半夜起身仆到瘀晒, 真係難忘, 有時佢喊我都想喊埋一份, 完全唔知佢做咩. 到我自己結婚, 考慮要生BB, 因為有D陰影, 就好努力睇育兒書, 上網爬文, 終於多年後明白左d問題係邊, 唔係BB難湊, 原來我有份令佢日喊夜喊, 我覺辛苦時原來佢都辛苦. 睇過不同理論, 選擇左一套比自己, 到實殘時雖然有d出入, 不過真係兩個女頭一年都好湊, 而家見佢地大左咁曳咁活躍, 相信冇邊個諗到佢地細時係好好湊的. 因為佢地好湊, 所以我先有咁多時間花係母乳上面, 特別係細妹出世之後. 所以唔好睇少規律生活, 真係可以輕鬆好多架, 對媽媽穩定情緒亦有幫助.

另外, 我生之前係bk好詳細咁爬過文, 不過條link冇save到. 然後有人出左差唔多的topic, 今次我記底左, 想睇的姊妹好好研究下, 係好長篇架. http://www.baby-kingdom.com/foru ... ead&tid=4210990

呢篇文好長呀, 打左好耐... 冇心機畫啦, 就用一次舊作做插圖.

點評

Yoshika0618 Well said 發表於 14-8-1 16:10

0 1 0

私人傳訊回覆引用

margaret_wai

男爵府

積分: 7649

52^#

發表於 14-12-27 02:04 |只看該作者

回覆：<母乳bb都可以好好睡覺> 超長

謝謝分享

私人傳訊回覆引用

poonlydia

大宅

積分: 2160

51^#

發表於 14-12-24 09:20 |只看該作者

回覆：<母乳bb都可以好好睡覺> 超長

草，我b 23日大，佢開始扭抱，bb喊時應該要抱嗎？定唔抱訓練佢獨立?

私人傳訊回覆引用

yoddo

大宅

積分: 3919

50^#

發表於 14-12-24 02:14 |只看該作者

本帖最後由 yoddo 於 14-12-24 02:42 編輯

草發表於 14-8-1 10:30
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

唉…我有左果時，老公已經分左房訓，生完個b都跟我，老公照訓細房。
講過無數次要老公同我同床，由細房搬返張bb床過黎，都唔肯。

原本講好張bb床放細房，方便坐月，我搵人凑，坐完月搬返過黎，點知無左當時嘅決定，老公係都唔肯搬過黎。

老公話一係我同bb訓大房同床，但唔同被，用欄隔著我同bb。一係就我訓細房細床，bb訓bb床。
結果，有左個bb，我同老公就分開訓，老公唔肯同我訓返。

同埋，我個女一晚踢被叫換片4，5次。唔叫食，我都要醒幾次。就算我個女真係由1點訓到朝早6點咁好彩，我都要起身幫佢換片。我諗我係咁唔好彩，個女就算戒左夜奶，都要一晚起幾次身嘅媽咪。希望阿女戒夜奶可以幫助夜晚屙少d尿，唔好屙咁多。

私人傳訊回覆引用

dorothy802

大宅

積分: 1384

49^#

發表於 14-12-24 00:31 |只看該作者

引用：<母乳bb都可以好好睡覺> 超長總有人會話餵

原帖由草於 14-08-01 發表
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

你好!我係全泵媽!我睇哂d文章都唔係好明!希望請教!
我b而家兩個月大，3個鍾一次，唯獨夜晚個轉就5個鍾，時間如下: 7:00am 10:00am 1:00pm 4:00pm 7:00pm/8:00pm 11:00pm 2:00pm
1)日頭食飽奶掃風之後約7:30，就抱住搖到8點有時8點半就訓，之後我就擺落床，bb就會訓到下一個食奶時間10:00am自己醒，每一個食奶時間節奏都係咁!但到夜晚食完11:00pm 就訓到12:30nn開始醒抱下扭下到1點半。。有時我就唔忍心1:30am就餵佢諗住等佢早d訓，自己都有休息時間。。餵完佢都係要抱住到3點先訓，我放佢落床。。就無醒到7:00am..
我想問咁樣算唔算戒左夜奶？
2) 我見到你地d時間nap (小睡)同milk中間d時間空白左。。咁即係要做d咩？？跟住\"食玩訓\"咁係咪中間d時間就係玩呀？得兩個月大。。點同佢玩呀？
3) 照我阿b既節奏，我要點開始教佢自己訓呀？？我睇哂d文章都唔明!可以指教一下嗎？

私人傳訊回覆引用

litteEE

別墅

積分: 539

48^#

發表於 14-12-22 23:36 |只看該作者

回覆：<母乳bb都可以好好睡覺> 超長

很好的文章，謝謝分享👏👏

私人傳訊回覆引用

草

伯爵府

積分: 18713

環保接龍勳章

47^#

發表於 14-12-22 23:12 |只看該作者

回覆 KLDC 的帖子

黃的時候要比佢飲多D, 我唔係不停埋身的, 我係埋身一陣, 到佢只係梅梅下就拎出黎, 用SPOON補泵奶, 佢一路訓一路都食到, 總之唔洗去醫院, 又要夠濕片先開始唔補.
未去黃之前全力以去黃為目標, 因為去醫院好浪費時間同體力.

唔洗去醫院又夠濕片幾日就開始由佢自己決定食幾多, 佢一訓就拎出黎, 其實佢食得唔係好好我都會拎出黎, 冇比佢當奶咀. 係街用巾都一樣, 一搞事就冇得食架啦. 佢好快就GET到. 佢咪埋眼都冇問題, 總之佢要有力咬, 冇認真食, 梅的話就係咁先. 夜晚一樣, 食到好眼訓就訓教.

私人傳訊回覆引用

KLDC

男爵府

積分: 9689

46^#

發表於 14-12-22 23:02 |只看該作者

回覆：草的帖子

你好呀草媽媽！
我好認同你嘅論點

想喺下一胎可以做到分床瞓…

根據第一胎經驗，BB 初生時又黃又攰，
真係好難要 BB 全程清醒住飲奶，
醒得一陣又繼續邊飲邊瞓。
因為 BB 真係認真啜，不過係瞓著，
所以嗰時冇打擾佢，但求佢食飽飽。

如果 BB 未戒夜奶，半夜都係要清醒飲奶嗎？
你當年點樣訓練到 BB 瞓就冇得飲，迫佢清醒飲奶？

今次唔想重蹈覆徹