吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› <母乳bb都可以好好睡覺> 超長

母乳餵哺今日: 0|主題: 85709

收藏本版

回覆發帖

返回列表

跳至頁

查看: 21415 | 回覆: 51

<母乳bb都可以好好睡覺> 超長 [複製鏈接]

12 3

草

伯爵府

積分: 18713

環保接龍勳章

1^#

發表於 14-8-1 10:30 |只看該作者 |倒序瀏覽 |打印

<母乳bb都可以好好睡覺> 超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建立生活規律. 我睇書講, 母乳bb好多都可以係6wk左右自行戒夜奶, 唔洗特別幫佢戒. 吓?!真係架咩?! 冇錯, 有時母乳group討論, 真係好多都係差唔多時間戒的. 咁點解有d要歲幾都仲食?

其實只係習慣. 如果你覺得warm, 好親子, 兩歲都仲一晚起身幾次食夜奶亦大有人在, 亦都唔係大問題. 只係家庭習慣, 冇標準的. 不過好想澄清唔係人奶會令bb痴身唔戒夜奶, 而係習慣, 只係人奶媽媽比較容易比bb養成呢d習慣. 所以希望大家唔好有咩都賴落人奶上. 如果你係唔鐘意bb 24小時都咁痴身, 覺得唔適合你家庭模式, 餵人奶一樣可以建立時間表. 每個人都唔一樣, 於是每個家庭都唔一樣, 揀合適自己的方式會好d.

而我個人係選擇好的睡眠質數, 重申只係我個人選擇. 我覺得睡眠好重要, 對身體同腦都係好重要, 我自己的經驗係唔夠訓, 會易d發脾氣, 易d病, 精神冇咁好. 而bb發育快, 腦發展得好快, 影響我覺得會更大, 所以係佢地未出世時已選擇左自行入睡的方式, 不同床, 讓大家有好的睡眠, 對身體, 情緒同智力都好.

好多人以為人肉奶咀/ 暗bb訓覺佢先有安全感. 我覺得佢自己訓先有安全感同可以訓得耐. 由淺睡期入深睡期之前, 人潛意識會醒一醒, 睇下環境有冇轉, 冇的話就會直入深睡期. 假設你係bb, 訓時明明係好溫暖痴住mama, 點知只係合一合, 就係硬硬空曠的床, 你會唔會覺得呢個地方好可怕呢? 當佢覺得可怕就會狂喊, mama就會抱起, 比佢啜, 揾到個感覺就可以返去淺睡, 個幾兩小時又試入深睡期, 如果好攰冇左機警性就可以入到, 唔係又再重覆, 所以啜住訓的bb每晚起身兩三次係正常的. 不過bb長期咁樣反而對環境更不安, 冇錯, 佢痴住mama時係覺得好安全, 不過只要一唔小心訓着就會突然去左第二度, 冇左mama的擁抱, 佢會對冇媽媽的地方更恐懼. 所以有d人話一放阿b落床佢就醒, 從bb的角度睇, 真係自然不過的事. 如果bb唔想咁, 只好keep住自己唔好咁易訓着, 醒訓d, 自然睡眠質數就唔好. 當然啜住訓的bb會非常地痴mama, 好依賴, 好sweet, 啜住訓都有佢的好處, 只係我衡量自己的情況去揀.

我不建議母嬰同床, 最大原因當然係危險, 成日都有呢d意外, 個個都充滿自信,覺得自己好醒訓先會同bb同床, 但係意外就係意外, 只係幾分鐘就冇法挽回. 就算真係冇時冇刻醒訓, 咁即係一晚連幾分鐘優質的睡眠都冇, 長期係咁, mama的精神同肉體健康仍然會良好嗎? Bb係咪需要一個健康媽媽呢. 以上都係我自己的考慮.

然後係夫妻關係, 如果同床始終多左個人, 冇咁close,注目點亦落晒係bb度, 而我相信好的家庭關係由父母的感情基礎建立起會更健康. 對bb亦冇咁大壓力, 更更更加唔建議只係母嬰同床,爸爸要離場. 父母先應該係家庭的核心, 子女好自然從父母的關係由學習愛同尊重.

Bb方面, 母嬰同床會吸入比自己一張床更多二氧化碳, 唔知有冇影響, 不過我覺得空氣暢通d比較好. 而bb亦唔會要媽媽在場先安睡, 唔會慣左有人陪訓, 當冇人就會覺得好恐懼同可怕, 個安全感唔限於只係媽媽在場先有. 潛意識唔會成日要mon住身邊人的動靜, 入深睡期亦易d.

如果你都想bb自行入睡, 咁點呢?

好簡單, 就係唔抱住佢訓之麻, 比佢啜住訓/ 抱睡都係大人比佢的入睡習慣. 餵人奶起初確實係feed on demand. 所以bb會不定時成日啜, 不過到奶量穩定, 成個星期都夠濕片, 就可以建立生活的規律. bb如果係一直自行係床入睡, 佢腸胃ready就可以自動訓過夜, 唔洗train, 當然唔係全部都可以, 只係大部分的情況. 睡眠質數亦可以好d.

習慣越細越易養成. 我兩個女都係day1開始係床入睡. 可以架咩?! 當然可以, 唔係叫你唔抱bb, 而係當bb清醒時抱, 玩時會抱, 餵奶前抱, 臨上床之前抱, 好多時都可以抱, 只係訓就訓食就食. 我自己除非搭飛機, 打針等情況, 都唔會用奶頭作安撫, 佢係終極必殺技. 由day1已經唔比梅梅下, 訓住食, 佢一訓就拎開唔比食, 其實bb好快會get到呢個pose係食奶的, 要認真食, 好清晰, 習慣就容易建立.

建議想幫bb建立時間表的媽媽睇 ‘從零歲開始’ 呢本書, 佢概念好好. 特別係食-玩-訓呢part. 對我o黎講的好處我覺得有以下:
~ 一訓醒食, bb餓會認真食
~ 唔會養成啜住訓
~ 訓醒精力充沛, 食時夠力, 前後乳都食晒, 時間就可以隔耐少少
~ 冇咁容易食 ‘點心奶’, 即係只食前奶少少, 隔一陣又再食少少, 食得好密好密.
~ 食完係清醒, 減低睡時吐奶的危險.

Bb有規律的生活就會有安全感. 佢生理上有個時鐘, 大約到呢個時間就會有得食, 唔會餓, 會喊少d, 佢唔扭眼訓, 知道佢喊咩, 其他方面的問題就易d被發覺, 被滿足的情況更多, 佢就更易湊. 如果每次佢喊都開奶塞到佢唔出聲, 又或者行來行去曖佢, 其實佢真正需要未被滿足, 只係被安撫, 喊的情況只係一直重覆. 有時候有d bb細時戒左, 到幾個月時又食返, 好多時都係安全感問題, 因為佢開始大, 有驚覺性, 因為以上的原因食返係唔出奇.

如果你係中途想轉, 要考慮清楚先, 因為每逢改習慣, 都有一定的痛苦. 如果冇決心, 唔好開始, 盞大家會辛苦, 因為佢一定喊多左, 如果佢喊得多又喊得耐, 最後你又抱返佢訓, 更會比左個訊息佢, 要訓好耐, 仲要作嘔, 先可以返媽媽度, 有返個安全的睡覺環境, 於是你地將會面對更多的喊. 佢唔會了解你想train佢自己訓, 亦冇可能知道你的目的, 更加唔會對呢張床產生安全感. 自己衡量左利弊, 家人接受程度, 唔好茂茂然轉, 唔係盞大家白白過幾日辛苦日子. 轉唔到亦唔係大問題, 好多媽媽都係同睡, 只係一個階段, 轉唔到都唔洗唔開心, 就學習enjoy呢種關係, bb大得好快, 要持續都只不過係幾年, 既然都付出左, 梗要享受下sweet呢個好處.

我其實年輕時幫親人全職湊過BB, 真係唔係自己生都抑鬱, BB成日喊, 雖然全奶粉, 真係好辛苦, 8個月未戒夜奶, 半夜起身仆到瘀晒, 真係難忘, 有時佢喊我都想喊埋一份, 完全唔知佢做咩. 到我自己結婚, 考慮要生BB, 因為有D陰影, 就好努力睇育兒書, 上網爬文, 終於多年後明白左d問題係邊, 唔係BB難湊, 原來我有份令佢日喊夜喊, 我覺辛苦時原來佢都辛苦. 睇過不同理論, 選擇左一套比自己, 到實殘時雖然有d出入, 不過真係兩個女頭一年都好湊, 而家見佢地大左咁曳咁活躍, 相信冇邊個諗到佢地細時係好好湊的. 因為佢地好湊, 所以我先有咁多時間花係母乳上面, 特別係細妹出世之後. 所以唔好睇少規律生活, 真係可以輕鬆好多架, 對媽媽穩定情緒亦有幫助.

另外, 我生之前係bk好詳細咁爬過文, 不過條link冇save到. 然後有人出左差唔多的topic, 今次我記底左, 想睇的姊妹好好研究下, 係好長篇架. http://www.baby-kingdom.com/foru ... ead&tid=4210990

呢篇文好長呀, 打左好耐... 冇心機畫啦, 就用一次舊作做插圖.

點評

Yoshika0618 Well said 發表於 14-8-1 16:10

0 1 0

私人傳訊回覆引用

vicky039

複式洋房

積分: 168

2^#

發表於 14-8-1 10:59 |只看該作者

回覆：草的帖子

你講得好好呀，，依個媽媽好叻叻

私人傳訊回覆引用

pandadada

別墅

積分: 915

3^#

發表於 14-8-1 13:06 |只看該作者

回覆：<母乳bb都可以好好睡覺> 超長

私人傳訊回覆引用

junejune08

複式洋房

積分: 498

4^#

發表於 14-8-1 13:17 |只看該作者

回覆：<母乳bb都可以好好睡覺> 超長

私人傳訊回覆引用

alisavolvo

大宅

積分: 2092

5^#

發表於 14-8-1 13:19 |只看該作者

回覆：<母乳bb都可以好好睡覺> 超長

謝謝草分享！

私人傳訊回覆引用

samyuetmum

複式洋房

積分: 359

6^#

發表於 14-8-1 16:08 |只看該作者

私人傳訊回覆引用

gigilam528

大宅

積分: 4361

7^#

發表於 14-8-1 17:34 |只看該作者

回覆：<母乳bb都可以好好睡覺> 超長

草媽，請問此理論是否只限於夜晚睡覺？定其他時間都不可抱訓？
因我bb其他時間訓係可以自己訓，但反而夜晚多數係食完最後果餐埋身就直接訓著，我抱多10分鐘防嘔奶，放落床多數唔醒繼續訓，間中一兩次放落床時整醒左就會喊，我又會抱，但抱一陣就放落床又無喊，之後又會訓到4-5小時，我個b咁樣算唔算扭抱訓？

私人傳訊回覆引用

草

伯爵府

積分: 18713

環保接龍勳章

8^#

發表於 14-8-1 19:44 |只看該作者

回覆 gigilam528 的帖子

唔係由我定義, 係由你, 如果你覺得bb冇咩問題就唔洗諗同埋bb幾大都唔一樣, 如果有返1 歲, 4-5個鐘起身同得1個月 4-5個鐘起身都好唔同. 如果你覺得呢個方法work可以繼續呀.

私人傳訊回覆引用

vinivala

大宅

積分: 1494

9^#

發表於 14-8-2 19:53 |只看該作者

回覆：草的帖子

請問如果未到時間喂就醒了自己狂喊，點辦？

私人傳訊回覆引用

Meir079

侯爵府

積分: 24385

10^#

發表於 14-8-2 22:46 |只看該作者

引用：<母乳bb都可以好好睡覺>+超長總有人會話餵

原帖由草於 14-08-01 發表
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

bb真係需要養成自己入睡的習慣。

私人傳訊回覆引用

草

伯爵府

積分: 18713

環保接龍勳章

11^#

發表於 14-8-4 15:37 |只看該作者

回覆 vinivala 的帖子

建議有半小時走盞, 如果差唔多就食, 如果差好遠, 可以安撫下佢, 同佢換下片, 曖下佢O個D, 拖返近個時間.

私人傳訊回覆引用

sunshine135

男爵府

積分: 6413

12^#

發表於 14-8-4 16:37 |只看該作者

引用：<母乳bb都可以好好睡覺> 超長總有人會話餵

原帖由草於 14-08-01 發表
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

私人傳訊回覆引用

Samuelko

別墅

積分: 617

13^#

發表於 14-8-4 17:16 |只看該作者

回覆：<母乳bb都可以好好睡覺> 超長

好勁呀

但有野想問，我家小b當佢訓醒精神左一陣之後就會大喊，又時係食完奶或換完片後就會醒，但精神一陣又不停扭計，喊到咁上下又會放手仔落口不停喊，佢依咖半個月多d,每日都夠濕片。究竟佢係想訓訓吾到定係咩原因喊？

私人傳訊回覆引用

草

伯爵府

積分: 18713

環保接龍勳章

14^#

發表於 14-8-4 17:36 |只看該作者

回覆 Samuelko 的帖子

咁要你留意佢多d啦, 我覺得每個bb動作同表達都唔一樣, 所以你可以試好多野, 例如掃下風, 按下肚仔, 同佢傾下計, r下頭仔, 有時可能痕/ 熱... 如果咩都唔work, 睇下放一陣床會唔會訓, 試試下你就會了解佢多d.

私人傳訊回覆引用

SweetieGirl

大宅

積分: 2324

15^#

發表於 14-8-4 17:49 |只看該作者

回覆：<母乳bb都可以好好睡覺> 超長

好有用既文章，亦解答左我心中既疑慮，多謝分享

私人傳訊回覆引用

hilaryashley

男爵府

積分: 8407

16^#

發表於 14-8-5 00:50 |只看該作者

引用：<母乳bb都可以好好睡覺>+超長總有人會話餵

原帖由草於 14-08-01 發表
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

草媽，你講得好好呀。我bb7個月，呢一兩個月又飲返夜奶，我半夜試過由得佢喊唔理佢，但佢越喊越大聲，越喊越精神，仲抬高個頭周圍搵人，我又試過抱佢上大人床，打算俾佢攤攤下自己訓返，點知由半夜2點碌到4點，我投降啦！最後我當然屈服又俾佢啜

啜左一陣好快訓返啦

其實佢係搵安全感而唔係肚餓？我應該點做呢？7個月係咪改唔到啦

私人傳訊回覆引用

cathysze

大宅

積分: 1491

17^#

發表於 14-8-5 10:42 |只看該作者

I buy this concept too

I'm still a mom to be , 請問你幾時開始無叫醒佢食夜奶

私人傳訊回覆引用

lapinyee

男爵府

積分: 6738

18^#

發表於 14-8-5 12:01 |只看該作者

引用：<母乳bb都可以好好睡覺> 超長總有人會話餵

原帖由草於 14-08-01 發表
超長

總有人會話餵得人奶就預左斷奶前都冇覺好訓, 其實我想澄清, 母乳bb一樣係可以有好的睡眠質數同建 ...

你好呀。我係全泵媽。上星期都好規律 7am 11am 3pm 7pm 11pm. 一日5餐 4個鐘一餐。但呢幾日無啦啦半夜唔瞓係咁喊。。喊到5點幾我頂唔順餵左奶俾佢，佢就瞓返。但之前明明介左夜奶。。咁佢半夜係咁喊我應該點做？同埋佢本身食160ml..而家食60~100已經唔肯再食同埋2日都無poo 啦。