吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 超賤奶奶又發功!!! 今次真係想"小"佢獲金!!! ...

夫婦情感今日: 8|主題: 42740

收藏本版

發帖

返回列表

跳至頁

查看: 4840 | 回覆: 34

超賤奶奶又發功!!! 今次真係想"小"佢獲金!!! [複製鏈接]

tokwawan

大宅

積分: 1864

1^#

發表於 07-12-22 14:18 |只看該作者 |正序瀏覽 |打印

話說本來明天約了去佢屋企做冬, 點知, 我的嫲嫲前天過身, 於是我叫c6同佢講, 我明天不去佢屋企(因佢係一個會忌諱的人)..況且, 我想陪我呀爸多些(因為佢係大仔, 他比較傷心)...

點知, 個賤人話我唔來唔緊要, 只要c6同個孫去就得, 佢話因為這是我女家的事, 不關男家的事, 所以c6同個孫去佢屋企就冇問題 (因為佢地唔係同我姓)!!!

大佬, 我記得三年前, c6的嫲嫲過身, 佢不但唔比c6去我呀媽屋企, 亦唔比我去其他人屋企, (咁你地男家的事, 又關我咩Q事呀), 佢當時仲話起碼一個月唔好去人地屋企...

所以, 我明知佢恨見個孫, 我今次就好絶, 以牙還牙, 起碼一個月唔比個賤人見個孫, 等佢知道唔理我的感受的後果...

0 0 0

私人傳訊

CHERRY@@@

複式洋房

積分: 390

35^#

發表於 08-1-5 18:17 |只看該作者

Hi 你們好

我今日有時間上來見到你們的 topic ......自己亞媽唔爭氣。好有同感......一齊入來講下自己的感受

講真，我亞媽都係咁，個個星期六來我屋企幫手都要3催4請 (因為老公唔在香港 / 大仔放假 / 仲有個細女6個月要照顧) 。請佢來是因為佢來了可以幫我睇著個細女，我就可以帶個仔落樓下玩下，比佢跑下跳下。但是，個個星期都要問....好煩。佢都知我的需要，就唔好下下都要我問啦﹗佢之前仲放過我兩次飛機，我唔打比佢，都唔知佢唔來.......

以前大仔住得遠，未有工人我仲番工時，佢就搬來我家住 (星期一至星期五) 星期六就回自己家，星期日晚再來。而爸爸就日日上來買餸煮飯，下午早吃完晚飯就走，好似番工咁。

後來唔想佢地咁辛苦，所以就決心搬近佢地附近，一心以為歌仔照唱，點知佢地上都好小上我家，叫佢地在我家開飯，又唔肯，到我大肚都要大住個推個仔上佢地屋企。

好似我生完個女，阿媽都住咁近 (行10/15分鐘)，都要2個星期後才來睇個女，我有請陪月照顧唔代表你不用關心......最搞笑係佢仲怪我點解老公咁耐都唔帶個大仔去佢地到玩？....我99來我屋企仲多過佢地過來。仲要受佢地咁多冇理的訓話......好慘﹗:-( :-( :-( 我爸就更不用講，我老公話我地屋企好似有野，咁少落來。

不過，我都忍.....因為我經常同自己講佢地都養到我咁大，幫我揍個仔都好辛苦，算啦﹗我老公都同我講，不同搬番佢媽附近，我有事出街，佢媽都會過來幫忙。

我成日都唔明點有d 阿媽可以冇條件咁付出，而我個家人會唔識得體諒我....

原文章由 kantanjin 於 08-1-1 02:13 發表

bonbon16, YYB:

仲有我陪妳地呀~:cry: 我自己亞媽咪又係唔爭氣

我結婚時, 佢同我99講要鬧我教我, 因我唔好, 我係要鬧先得喎, 咁99又無讀過書又傳統, 咪真係咩都唔鬧我, 仲要當住男家人面前喝我添

到我有 ...

私人傳訊

bonbon16

大宅

積分: 3663

34^#

發表於 08-1-5 11:10 |只看該作者

原文章由 kantanjin 於 08-1-5 01:08 發表
YYB, bonbon16:

妳地亞媽都叫做重男輕女, 但我係全女班?-( . 令我廢解

我一嫁, 我亞媽就即時搵人拆左間房, 仲要掉埋張床. 佢既道理係外嫁女唔好番轉頭. 但駛唔駛咁趕呢

好在我亞媽就唔會問我取錢. 因我搵得 ...

kantanjin,

唔好唔開心,有d人既行位同想法系會令人費解!我覺得有一個道理就系有得就有失,系相對既!!失左呢樣野,就自不然有其他得著!!我唔知你有小朋友未,好似我甘,而家個仔4個月大,我由陀住佢至而家,我都有一個想法,就系要盡量關心佢,等佢知道有我呢個媽咪系佢身邊,所以當我一知道有左,我就決定要餵人奶,就算身邊好多人同我講話會幾難、幾難,仲話我份工要應酬,好難既!!但我都堅持到今時今日,因為我覺得餵人奶真系可以同呀仔培養到感情,我同自己媽咪無緣,但希望同個仔有緣份,我覺得感情系可以慢慢培養既!!so far,每日放工番到屋企,呀仔一見到我就笑到好sweet,我就乜唔開心都唔記得!!

我諗你都應該有其他野得著既,願你永遠開開心心!!

私人傳訊

kantanjin

大宅

積分: 1272

33^#

發表於 08-1-5 01:08 |只看該作者

YYB, bonbon16:

妳地亞媽都叫做重男輕女, 但我係全女班?-( . 令我廢解

我一嫁, 我亞媽就即時搵人拆左間房, 仲要掉埋張床. 佢既道理係外嫁女唔好番轉頭. 但駛唔駛咁趕呢

好在我亞媽就唔會問我取錢. 因我搵得唔多. 佢就會單打我無錢...

有年母親節我同亞媽去買樽cream (因我媽媽係從來唔搽, 唔扮靚. 佢認為無此需要, 仲成日鬧我醜人多八怪去扮靚) 所以我亞媽搞到d 皮膚係乾晒鞋晒. 突然呢幾年佢話要扮靚. 咁我咪買樽cream比佢用. $300到. 買完後. 我地去食飯. 我話食好d. 佢又話唔好. 後來去左茶餐廳食粉麵. 佢叫左個齋米粉. 我話唔好. 叫個有"送" 佢又話無所謂. 叫左啦但食時...我亞媽又比說話我聽: 話有肉有菜咁食法無此必要. 佢平時只係食齋米粉. 唔好咁過份喎~言下之意好似我食埋肉就係好過份....唉....

根住話比番樽cream我佢唔用. 話"咁貴"(講時係好不屑既語氣) 我話唔駛啦. 買比妳用麻. 母親節禮物來架. 我亞媽即好大聲一句突埋來 : 妳好多錢咩!

我真係唔知做錯左咩~好羨慕朋友同佢地自己媽媽一起扮靚買衫食飯~我無呢個福份...仲累埋我而家的bb無公公婆婆錫錫:(

私人傳訊

hk08348

複式洋房

積分: 194

32^#

發表於 08-1-3 21:17 |只看該作者

睇完呢個post, 我先知原來自己唔係最可憐既一個, 不過都算係無家庭溫暖喇!

我亞媽縱男輕女得好緊要, 亞哥結婚後, 佢仲變本加厲!

縱到佢兩公婆加埋個孫, 就係一家三口"生骨大頭菜", 全年365日, 齊齊食超平殘廢餐! 家用超少, 甚至包洗衫!

佢一家三口每月至少有4至5萬收入, 有車有樓, 只肯比好少好少家用亞媽, 個仔仲同我亞媽住埋添, 你話...仲有邊個歎得過佢地兩公婆??

以上所有服務, 假期/公眾假照常24小時提供!

仲有, 試過過時過節, 可以夠膽死, 叫晒我亞嫂屋企既兄弟姊妹同父母去我亞媽處食飯, 到最後哥日先問我"你得唔得閒黎呀??"

我一定去, 去到見到人地成家人好似聯歡咁...我就成個"客人"咁...

哈!! 永遠都係一個規則, 我同我老公要幫手開飯收碟, 但扣亞哥同亞嫂呢??? 自動波"時運高, 咩都睇唔到, 睇到都唔會做!!",
好啦, 宜家連佢個仔都變成超級超級大蛇一條喇!

好多親戚朋友, 有眼見, 所有係事實, 都忍唔住同我講"你唔好理佢地, 由得佢地, 佢地今日種既因自己會收番....連個細路都縱到禁離譜, 真係過份...!"

我以前又係比一大分糧亞媽, 佢要咩我都會買, 甚至屋企裝修我試過全份錢出晒, 15年前成萬幾蚊架!! 但後來, 我發覺自己越來越似"有事鍾毛艷", 所以, 我亦忍手開始疏遠佢地, 由得佢地"相親相愛" .... 問我攞錢時, 咪又搬好多籍口出黎囉...又話亞哥點衰點"孤寒"....打晒"心理戰"....我傻得10令次唔會再傻架喇, 宜家佢要我比額外錢佢都好難囉!

又偏心錫晒我姪仔, 我個仔無論何時都只係排第二或者第三, 佢試過, 去外國旅行, 竟然我姪仔同亞嫂個姪仔都有車仔手信, 而我個仔無!!!!!!!!!!

你話啦, 我無講錯架, 所以好多時人地都完全睇到佢做既野, 叫我睇開d, 因為佢做得好揚, 好黑人憎!!!

私人傳訊

bonbon16

大宅

積分: 3663

31^#

發表於 08-1-2 18:50 |只看該作者

原文章由 YYB 於 08-1-2 15:52 發表
嘩!咩原來有咁多阿媽都係咁對自己個女，都唔明咩心態，男又好女又好，佢都要十月懷胎生出來，點解永遠都覺得男嘅係上品，對住個仔就服侍週到，對住個女就諸多要求。 ...

我以前同呀媽住既時候,我系每個月比份糧既40%比佢架,點知比左好多年之後發覺原來我2個呀哥系比份糧既10%,甘我咪問佢點解囉??你估下佢點答??

佢話 : 甘你出街,你d男朋友會比前食飯同去街,你唔使比,但你d 呀哥要比埋女朋友果份!!

我爭d忍唔住要拍手同比100分佢!!

甘過多2年,我就自己搬左出去住,佢初時幾乎反檯唔比,甘我咪話 : 你比個理由我,點解唔得,講獨立,我超級獨立,煮飯、洗衫、打掃,我乜都得,連織冷衫都識,我話又唔系要你比錢!所以我好後生就自己搬出黎住,但我呀媽連雞毛掃都無買過比我,反而d呀哥問過我有無野要買!!但屋企要大裝修,就打電話比我,"承惠 : $17,xxx,我就睬佢都傻,唔系我好孤寒d 錢,而系,我接親佢電話,都系要錢,初時我都一一照比,後來發覺我實在大疏爽,當左我系提款機!!所以我好細個就覺得我同佢無緣份,我唔會覺得唔開心,亦見過我有d朋友既媽媽仲離譜,佢唔鍾意佢個男朋友,叫我朋友唔好同佢拍拖,我朋友唔聽,佢就初時用煩功,跟住用監管,日call 夜call 佢,問佢系邊,甘佢做果行又唔定時,為左要隨傳隨到,仲系10幾年前,手機要成2萬銀時出個手機比我個friend,等佢無籍口唔覆機!之後為左確保佢地無繼續拍拖,就踩埋去佢公司,黎一個"媽媽大罵戰"等全公司既人都知,搞到我個friend第二日即刻無面番工!!

所以相比之下,我地好好架喇,一樣米讓百樣人!!大家睇開d,不過有新野咪羅出黎娛樂下囉!

私人傳訊

YYB

大宅

積分: 1542

30^#

發表於 08-1-2 15:52 |只看該作者

嘩!咩原來有咁多阿媽都係咁對自己個女，都唔明咩心態，男又好女又好，佢都要十月懷胎生出來，點解永遠都覺得男嘅係上品，對住個仔就服侍週到，對住個女就諸多要求。

私人傳訊

bonbon16

大宅

積分: 3663

29^#

發表於 08-1-2 15:31 |只看該作者

原文章由 kantanjin 於 08-1-1 02:13 發表

bonbon16, YYB:

仲有我陪妳地呀~:cry: 我自己亞媽咪又係唔爭氣

我結婚時, 佢同我99講要鬧我教我, 因我唔好, 我係要鬧先得喎, 咁99又無讀過書又傳統, 咪真係咩都唔鬧我, 仲要當住男家人面前喝我添

到我有 ...

我呀媽同你呀媽真系有得fight!!

佢飲完我個仔滿月酒後就失左蹤甘,直至我仔仔差不多3個月(即過左2個月)佢打電話到我家, 我老公接電話,一開口就問下星期去飲,一齊做人情好唔好?完全無提及過我啊仔!!但去到飲個晚,佢就一路系度同親戚講,話我個仔點得意,點可愛,點精靈,幾重,幾乜...幾乜...未停過口,連親戚都以為佢日日見住我個仔!!!
跟住做冬果日仲頂癮!!佢竟然走過黎對住我個仔講 : 我記得你個名叫xx,連我老公都忍唔住窒佢 : 甘你都記得呀??你好叻呀!!
如果唔系我覺得為人父母同仔女都應該有個責任同我唔想比個壞謗樣比我個仔,我根本唔想番去!!

私人傳訊

bonbon16

大宅

積分: 3663

28^#

發表於 08-1-2 15:21 |只看該作者

原文章由 YYB 於 08-1-2 11:50 發表

唔比家用?一定剷到上天花板，試過有一次比late咗兩三日(一時忘記咗)，即刻同我講話﹕"你今個月未比家用我呀!快啲呀!"仲有好多嘢.....總之....唉!其實我對佢真係算好，結咗婚都成日請佢飲茶﹑又買衫鞋比佢﹑同佢去旅行....但係 ...

YYB,

嘩!!你甘好既,仲有比家用呀媽呀??你嫁左幾耐喇??我已經5年無比家用喇,唔系我不孝,系我覺得無甘既必要!佢住緊間屋一早比晒錢,佢乜都唔好,唔好去街,唔好買野,唔好旅行,仲之乜都唔好,只系好攬住d錢,佢有錢過我甘濟,我只會系過時過節同新年比錢佢!!

私人傳訊

YYB

大宅

積分: 1542

27^#

發表於 08-1-2 11:50 |只看該作者

原文章由 sandy1425 於 08-1-1 14:19 發表
甘你可以話我嫁左比人架la 我都咩都吾理包括吾會再比家用睇下佢點?

唔比家用?一定剷到上天花板，試過有一次比late咗兩三日(一時忘記咗)，即刻同我講話﹕"你今個月未比家用我呀!快啲呀!"仲有好多嘢.....總之....唉!其實我對佢真係算好，結咗婚都成日請佢飲茶﹑又買衫鞋比佢﹑同佢去旅行....但係佢心目中嫁咗出去就嫁咗出去，間唔中話﹕"你姓x(跟老公姓)，我姓x。"仔始終係佢嘅寶貝，成年我無返過佢屋企，唔係我唔返，係佢唔比我返，佢話我返去要煮返比我地食阻住佢喎，可能真係無緣la!真係要睇開d。

私人傳訊

sandy1425

珍珠宮

積分: 41032

好媽媽勳章大廚勳章

26^#

發表於 08-1-1 14:19 |只看該作者

甘你可以話我嫁左比人架la 我都咩都吾理包括吾會再比家用睇下佢點?

原文章由 YYB 於 07-12-31 14:36 發表
你地都係99有問題，但係我自己阿媽都係咁，仲心傷，我阿媽同我講話我嫁咗比x家，跟咗人姓，佢咩都唔理，但家用比小個賓或比遲1日都唔得，有次，我同佢講我坐月唔今年唔去食團年飯，佢竟然不屑咁同我講﹕"你唔去咪唔好去law，車!你又唔係新 ...

私人傳訊

sandy1425

珍珠宮

積分: 41032

好媽媽勳章大廚勳章

25^#

發表於 08-1-1 14:08 |只看該作者

你99真係pk:tongue:

原文章由 pmhappy 於 07-12-30 23:17 發表
天下99一樣黑

我99個女(即我姑仔)生完0係佢阿媽度坐月, 個老爺到個孫擺滿月先第一次見個孫, 因為之前阿99話佢個女坐緊月, 唔可以帶 bb 周圍走, 又唔可以俾人地上黎.

到我生完, 我0係自己屋企坐月, 阿囡十二朝, 99 ...

私人傳訊

kantanjin

大宅

積分: 1272

24^#

發表於 08-1-1 02:13 |只看該作者

原文章由 bonbon16 於 07-12-31 23:19 發表

你唔使傷心,有我陪你,我呀媽都系甘架!!雖然唔系成日講出口,因一講出口比我聽見,我就罵到佢狗血淋頭!我成日都話好彩我系佢個女,唔系佢新抱,唔系就一日都頂唔順!!佢話過唔會煮飯比新抱食,就算系我呀嫂病左都要煮飯比 ...

bonbon16, YYB:

仲有我陪妳地呀~:cry: 我自己亞媽咪又係唔爭氣

我結婚時, 佢同我99講要鬧我教我, 因我唔好, 我係要鬧先得喎, 咁99又無讀過書又傳統, 咪真係咩都唔鬧我, 仲要當住男家人面前喝我添

到我有左後. 自己亞媽咩都唔理. 唔緊要. 我覺得生仔係我同老公既事. 咩事都係自己兩個解決. 到我生完, 佢話咩都唔識唔會幫手喎, 唔緊要, 我都唔想老人家幫手. 自己既事自己解決. 咁我唔識問下自己亞媽都得掛, 點知我亞媽同我講 : 車! 我(媽媽)咩都唔識架?-(

請佢來探b, 又話唔得閒. 仲成日問我bb叫咩名喎. 佢話唔記得喎.

最hurt既. 我叫佢抱下bb, 佢就話唔會抱(不停講N咁多次) 最幣我隻老家族係唔理咩事, 第一時間見b就搶抱根住唔放手, 唔食野都要抱住唔比番我, 真係一個太過, 一個就不及

我心中只有無奈, 唉.....自己家唔爭氣, 真係無緣份咯. 最唔開心係我bb無公公婆婆錫咯

私人傳訊

bonbon16

大宅

積分: 3663

23^#

發表於 07-12-31 23:19 |只看該作者

原文章由 YYB 於 07-12-31 14:36 發表
你地都係99有問題，但係我自己阿媽都係咁，仲心傷，我阿媽同我講話我嫁咗比x家，跟咗人姓，佢咩都唔理，但家用比小個賓或比遲1日都唔得，有次，我同佢講我坐月唔今年唔去食團年飯，佢竟然不屑咁同我講﹕"你唔去咪唔好去law，車!你又唔係新 ...

你唔使傷心,有我陪你,我呀媽都系甘架!!雖然唔系成日講出口,因一講出口比我聽見,我就罵到佢狗血淋頭!我成日都話好彩我系佢個女,唔系佢新抱,唔系就一日都頂唔順!!佢話過唔會煮飯比新抱食,就算系我呀嫂病左都要煮飯比佢食,我就最鍾意講道理,我叫我呀嫂唔使睬佢,佢會行會走,自己唔識煮呀!!又唔系我不孝,只系覺得新抱都系有呀媽生,都系人地個女!!
可能系甘,我同呀媽無乜偈傾!!我又憎佢雙重標準,有紅、白事,要比錢既就話叫我地2公婆夾埋佢一齊比,但新年我番到屋企,佢就叫呀嫂斟茶比我,理由系我嫁左出去,唔系自己人,過門都系客喎!!佢都顛既!!都唔知乜道理!!
我最近生左bb,但有左甘耐,我呀媽無黎睇過我!!只系哥哥、呀嫂打電話黎或黎睇我時,佢就搭單問候聲囉!!其他人唔知以為我同佢有好大仇口!!到我生左,出奇地系呀b滿月前黎過幾次,系我99,62,C6面前表現到好似對我好好甘!!系我出左院1星期就買埋豬手黎,我
C6仲讚佢好人,我跟住就叫C6將佢買過黎既豬手加入薑醋度,然後送左一大煲過去,佢照單全收,飲完bb滿月酒,62,99走左後,就無見過人,我呀b而家都3個半月大喇!!
所以你唔使唔開心,我睇得好開,我亦唔會嬲佢,可能呢D就系緣份,無緣就系無緣,就算得我一個女,甘又點???

私人傳訊

EMMYC

複式洋房

積分: 141

22^#

發表於 07-12-31 14:37 |只看該作者

d99又係唔化架:tongue:

私人傳訊

YYB

大宅

積分: 1542

21^#

發表於 07-12-31 14:36 |只看該作者

你地都係99有問題，但係我自己阿媽都係咁，仲心傷，我阿媽同我講話我嫁咗比x家，跟咗人姓，佢咩都唔理，但家用比小個賓或比遲1日都唔得，有次，我同佢講我坐月唔今年唔去食團年飯，佢竟然不屑咁同我講﹕"你唔去咪唔好去law，車!你又唔係新抱"，我聽完簡直眼淚在心裏流。

大肚至坐月無煲過任何野比我食都唔緊要，仲要話我點解唔親自送薑醋比佢同家姐食，又話我坐月點解唔出得街咁巴閉....總之攪到我產後抑鬱。係佢心目中仔係好重要，我阿哥三十幾歲人，無做野late晌屋企成十年，我阿媽都覺得無野，仲要日日趕返屋企煮飯比佢食，驚佢餓親。重男輕女得咁緊要，99都係老公嘅阿媽，唔鐘意可以見小d，但自己阿媽都咁對自己真係好hurt。

私人傳訊

galiegalie

伯爵府

積分: 16879

畀面勳章 BK Milk勳章

20^#

發表於 07-12-31 11:49 |只看該作者

你奶奶咁鬼死衰,你鬧得佢啱呀~ 對於呢d咁自私既人係唔洗比面佢, 唔係佢以為你好好蝦

原文章由 pmhappy 於 07-12-30 23:17 發表
天下99一樣黑

我99個女(即我姑仔)生完0係佢阿媽度坐月, 個老爺到個孫擺滿月先第一次見個孫, 因為之前阿99話佢個女坐緊月, 唔可以帶 bb 周圍走, 又唔可以俾人地上黎.

到我生完, 我0係自己屋企坐月, 阿囡十二朝, 99 ...

私人傳訊

pmhappy

男爵府

積分: 9619

好媽媽勳章畀面勳章

19^#

發表於 07-12-30 23:17 |只看該作者

天下99一樣黑

我99個女(即我姑仔)生完0係佢阿媽度坐月, 個老爺到個孫擺滿月先第一次見個孫, 因為之前阿99話佢個女坐緊月, 唔可以帶 bb 周圍走, 又唔可以俾人地上黎.

到我生完, 我0係自己屋企坐月, 阿囡十二朝, 99夠膽死話叫佢一大班姨媽姑姐上黎我度食薑醋, 我鬧到我c6發溫, 跟住99知我發脾氣, 就話唔上黎, 叫c6抱阿囡過去佢屋企應酬班pk, 我嬲到爆炸. 阿囡得果12日大, 果陣又冬天, 當我個囡公仔呀!!!!

佢個女生仔煲薑醋 d 蛋要我老公俾錢買, 佢話係佢地既習俗, 頂你, 我生完咸蛋都冇隻, 仲想叫我阿媽幫佢煲埋薑醋, 佢自己平日無情白事都會煲薑醋食, 到我生完就叫我阿媽煲, 我彩你都有味......

私人傳訊

ioi

伯爵府

積分: 16557

18^#

發表於 07-12-24 12:01 |只看該作者

原文章由 galiegalie 於 07-12-24 11:07 發表
最黑人憎就係呢D奶奶雙重標準, 又唔當新抱係自己屋企人,
我係樓主我都會咁做, 一定唔比老公同仔女過去

但係佢奶奶只係依照正規的習俗來做 (我之前解釋過這個習俗背後, 男女家人的分別), 並不是針對個新抱, 難為個新抱. 只不過我地呢一輩可能覺得無需要跟隨習俗, 而且我地又好想男女平等. 我覺得個奶奶都無錯的, 至於我地後輩唔想跟, 咪唔跟囉. 之前佢話男家有喪事, 奶奶唔准佢返外家, 你可以諗成"都係唔想佢帶D衰野俾外家, 都係為佢外家好啫."