論盡家傭 今日: 0 | 主題: 134082

積分: 1472

1^#

發表於 07-12-23 22:07 |只看該作者 |正序瀏覽 |打印

我請左個菲傭終於響11月28日到左啦!!!

本來一心以為會好D啦, 起碼上多個人照顧我嘛!!! (因為我老公響大陸做野, 通常星期六先會返黎)

因為我之前未請過菲傭，而基於家人及朋友意見，呢個菲傭我係響Agent見D現成既，佢地話正面同佢傾下同埋了解下會好D，加上我都曾經致電給我呢個菲傭既前僱主，問過呢個菲傭既過去，佢個舊老闆都同我講佢好鍾意自作主張，自我中心好強，叮囑我一定要強過佢，否則佢唔會聽我講!!

點解我都仲會請佢....因為佢個舊boss話佢揍bb係一流，好有經驗，同埋我叫過佢黎我家試工，煮飯炒菜都ok，所以我就請佢。

響11月30日我就出佢第一次出糧，我比左HK$348元佢，D賓妹真系好精，佢即刻問我..."MUM, YOU SHOULD GIVE ME 100 DOLLARS MORE FOR MY TRAVEL ALLOWANCE"。Agent叫佢第一日黎上工要將一批文件交比我，佢係有比呀!!! 不過份合約佢就收起兩份，原來佢自己睇晒份合約，上面寫左我地僱主要響佢上工及辭工分別要比HK$100佢，作為"車馬費及膳食費"。我終於都多比佢HK$100。

過左兩個禮拜，佢開始黎料啦!!!!!

前兩個星期一(14/12)，我早上叫佢去街市買菜，我每次都會以英文及中文寫清楚我要佢買什麼回來，首先我叫佢買Vegetable - 芥蘭一斤，Fish - 鯇魚 HK$15.00.....及其他等等。點知佢買左舊大魚回來，我本來都check佢，經過廚房見到舊大魚，我就同佢講，我叫你買鯇魚唔係大魚??? 佢話同賣魚佬用一半英文及一半中文講"I WANT A PIECE OF 鯇魚"，跟住個賣魚佬比舊大魚佢就話係鯇魚，我就問佢，係咪個賣魚佬聽唔明你講乜，又或者你有無比我寫果張紙比賣魚佬睇???? 賓妹話無比!!! 我心想算啦，可能個賣魚佬搵佢笨，我就同佢講，下次比埋我寫張紙比街市D人睇，你就唔會買錯啦!!! 點知佢突然同我講，"MUM.....大魚AND鯇魚ARE THE SAME!!!"哇......咩叫做一樣呀???? 真係斗膽，駁咀!!!!我之後叫佢總之我係唔食大魚，因為太多骨，以後都唔好再買...OK???

到左同日下午，因為我要拎幾個FILES去比核數師，佢鬼咁好心，話幫我拎去停車場，但係廚房內佢煲緊湯，佢即刻走入去較慢火，就拿拿聲想同我出去。哇!!!我問佢，你咁樣就行得架??? 佢話OK啦，行得!!!! 真係嚇傻我，居然夠膽唔關火就走，我跟住就好狠咁話佢，"I'M TELLING YOU SERIOUSLY, YOU MUST SWITCH OFF ALL THE FIRE BEFORE YOU LEAVE, IF NOT....I'LL FIRE YOU!!!!可能佢會覺得我好吋，但係事實，屋都比佢燒埋，唔仲使乜用工人呀???心諗真係好彩，我係響屋企做野，所以有好多時間睇實個賓妹。

到左同日晚上(於晚飯前)，我同佢講我明天早餐要食清淡些，後天要返醫院檢查，我就同佢講明天我會食麥皮加一只烚蛋做早餐，我都有問佢聽日食乜早餐，因為我都要照顧埋佢食乜，佢話會食noodle。到了晚飯時間，我叫佢炒芥蘭一齊食，因為每餐都係煮一斤菜(For 我同賓妹二人食)，因為我有妊娠糖尿，每餐只可食兩匙飯，所以我會食多一點菜，加上每餐都係一斤菜，所以份量我都知道有多少.....真奇怪!!!點解今晚d芥蘭得咁少?????平時碟菜會好似一座山咁，點解今晚係平碟??? 心諗，算啦!!可能佢比賣菜佬"握"秤啦!!!

到左11點半鐘，我要飲盒鮮奶，打開雪櫃，居然比我發現佢收埋左部份芥蘭響生果箱，原來佢收埋用黎明天早餐比佢自己煮麵食.....真係豈有此理!!!! 雖然幾條菜唔值得幾多錢，但係個問題係佢根本都唔尊重我，你要食都同我講一聲，卒之到左第二朝，我就問佢點解要收埋d菜????佢猛say sorry, 不過突然爆左句，"I THINK THAT VEGETABLE YOU SHOULD ENOUGH"，又駁咀，我即時鬧佢，不如唔好我做你阿MUM，你做我阿MUM仲好啦，既然你乜都可以幫我拿主意，我真係比佢激C.....

到左今日，佢又有新野，我有半支洗頭水及半支沐浴露用剩，(兩支都係好野黎架)，咁我響佢第一日上工時就叫佢用，佢今日居然同我講，話叫我買洗頭水。哇....大姐，半支架，你可以兩個禮拜就用完，你要黎飲架??? 我問佢黎咪日日洗頭，佢話係，我都無野好講，卒之我今晚買左cheap cheap三寶(沐浴露，洗頭水及牙膏)，我同佢講由今晚起你改用呢套cheap cheap三寶啦!! 佢話我買呢支"澳雪"沐浴露同佢之前個MUM買既都係一樣，一唔係就買"澳寶"比佢用，我心諗....梗係啦，你咁用野法，邊個阿MUM請你都會買呢D比你用啦!!!!

其實我而家都係觀察緊佢，我都唔知換唔換左佢好，因為我仲有6~7週就生得，如果而家替換，要等2個幾月，請大家比D意見我呀!!!!

0 0 0

私人傳訊

aung0528

複式洋房

積分: 219

84^#

發表於 08-1-14 00:48 |只看該作者

I am depressed after giving birth. If your maid is not a good one, you will be more depressed after giving birth. Also, it will be more difficult for you to change maid at that time (as you need someone to take care of your baby). If possible, change your maid quick!!!

I have got 2 maids so far. The first one is a bit stupid but loves my baby much and very honest. My current one is very smart but talks lies all the times even on little unimportant things. If I can choose, I prefer my ex- one who has resigned after one year service to go back home for her baby.

Other than taking care of baby, honesty (of your maid) also makes you a peace of mind. If you don't like her, just change another one if time still allows you to.

原文章由 stella789 於 07-12-24 23:37 發表

今日仲攪笑，有個朋友黎探訪我，我叫佢倒杯茶比客人飲，佢去左廚房拎左個茶杯倒左杯水出黎，但係個光光拎個茶杯出黎，咁我同佢講，你應該拎埋隻碟出黎盛住個杯，佢話"THAT IS OK, WITHOUT THE PLATE IS OK" 於是我命令佢 ...

私人傳訊

積分: 1472

83^#

發表於 08-1-12 15:17 |只看該作者

原文章由 Peg_Peg 於 08-1-12 00:56 發表

我而家個係印印，剛剛來做咗一個星期，因我今次指定要請有多年揍b經驗工人，我等佢完舊僱主約等咗三個月，so far，暫時好好，做嘢自動波，對我囝囝不錯，煮嘢食都唔錯。唯一比較頭痛係囝囝巳經七個月大，對佢覺得陌生，所以仲未可以 ...

peg_peg,

你就好啦，搵到個好工人，好過中六合彩呀!!!

希望你囝囝會好快接受到工人啦，仲有就係祝你個印印往後日子會越做越好!!

私人傳訊

積分: 1472

82^#

發表於 08-1-12 00:59 |只看該作者

原文章由 tsehon 於 08-1-11 23:19 發表
Hi Stella,

不如我講吓我嘅故事你聽，你會識决定點做。

我預產期1月尾，於是我9月中開始揾菲妹。但我唔好彩，千選萬選，選着一間不負責任的agent。時原我10月頭選定一個菲妹而決定揾呢間agent，事前我同呢間agent說明我識得 ...

tsehon,

其實我同你都差不多，只是你預產1月尾，我響2月頭，我都係9月中開始搵菲妹，我只係好過你少少，我個菲妹於11月28日到，而你果個就足足遲過我呢個一個月，同埋你又早產，所以而家阿B已經出左世，你可以睇到佢湊BB有冇heart，所以你見到佢唔掂，寧願補一個月工資叫佢馬上走，正因為你有個bb響屋企，但係我就未出世，所以會有點唔同。不過，我而家都係氹緊佢，佢以為我未send 張解僱信去immigration度，所以佢d態度都仲係好好(今日)，如果我臨盤，我會即刻叫佢走，因為我已經比左封解僱信佢簽左，證明佢係已經知道佢既僱主經已解僱左佢。

至於agent，我都係第一次請工人，我都唔知原來香港d agent係咁唔負責既，又可能菲律賓領事館聲大d啦，攪到d agent唔敢出聲啦!!!

私人傳訊

Peg_Peg

積分: 5081

81^#

發表於 08-1-12 00:56 |只看該作者

原文章由 stella789 於 08-1-10 00:32 發表

我知道啦，就算做左1日都要補一個月工資或一個月前通知，真係好無理，咁勞工處有冇腦架，我地香港人打工都有3個月試用期啦，點解外勞會無試用期，最多咪比番張機票佢請佢走o羅!!!

哇，你炒2個賓賓都洗左$9xxx咁大劑呀!!! 唉，真 ...

我而家個係印印，剛剛來做咗一個星期，因我今次指定要請有多年揍b經驗工人，我等佢完舊僱主約等咗三個月，so far，暫時好好，做嘢自動波，對我囝囝不錯，煮嘢食都唔錯。唯一比較頭痛係囝囝巳經七個月大，對佢覺得陌生，所以仲未可以自己一個揍b，希望bb快d跟下佢。但比起之前個2個好得多。如果佢keep住現家工作態度,我真係還得神落:D

私人傳訊

tsehon

複式洋房

積分: 320

80^#

發表於 08-1-11 23:19 |只看該作者

Hi Stella,

不如我講吓我嘅故事你聽，你會識决定點做。

我預產期1月尾，於是我9月中開始揾菲妹。但我唔好彩，千選萬選，選着一間不負責任的agent。時原我10月頭選定一個菲妹而決定揾呢間agent，事前我同呢間agent說明我識得朋友做imm.可以幫我排快期，只要佢哋入表去imm.後比個ref. code我，我就會通知朋友ref. code然後他會幫我攪。

Agent表示要先send資料去菲律賓再去菲律賓領事辦手續，然後才可入表去香港imm. 所以在send去Imm.之前需要起碼1個月時間。於是我便等，一個月(即10月尾)後我問agent妥當未，他們表示未。於是我繼續等，到11月中我又再問agent，他們竟然話已經入咗表去imm成2個星期，セ我哋無通知你Ref. code咩。我就開始發嬲表示通知客人進度係你哋公司責任。如果我一路唔揾你哋就一路無人通知我。因為我需要個ref. code比我朋友。

話咁快隔咗兩天Imm已經通知我出咗visa，於是我通知返agent叫佢哋盡快辦理，我心想visa已出耐極3個星期菲妹點都落到香港掛。

誰不知一個月後(即12月中)我突然早產咗一個半月。我重响醫院致電問agent究竟菲妹重要幾時到香港。他們表示菲律賓個邊重有手續要辦。雖則我開刀生已經無セ氣，但我無名火即起，我話香港visa已出重有セ野攪。佢哋話辦手續。最終菲妹要12月27日先到我屋企。呢間agent唔會幫客人，亦唔理會客人情况話之你。上天有眼好彩我臨時請到陪月，如果唔係都唔知點算好。

(故事重要繼續)
呢個菲妹好唔掂，日日要我勞氣，重要嘔一捅血。她第一天我已經鄭重聲明她主要エ作係照顧BB。
(1)我原本安排她同BB一間房，她睡上隔床，BB先睡BB床待大個D就睡下隔床。她第一天嚟到表示BB房セ都無得一張丁字床好冷清，於是表示想睡另外一間細房。我就同佢講細房係我屋企人間中嚟睡，但第一晚我想佢瞓得好D，於是答應她只係一晚。到第2晚佢又想睡細房，於是我好慎重表示no。點知佢靜雞雞走入細房睡。於是我即刻叫佢返BB房睡。
(2)當時天氣比較凍，我叫屋企人買一件厚褸，2套睡衣，2件泠衫比佢，重比Dcream佢搽，佢一句thank you都無。
(3)佢29歲話曾經响新加坡做個2年湊個BB，自己亦有5歲小孩。所以當初我就選中佢。最初我嘗試比BB佢抱，冲奶粉及喂奶，點知佢比我感覺係完全唔識，重要我教返佢。教佢唔係問題，但佢從來都無心去學。
(4)我依家都重係坐月期間，應該好需要休息。但我每天都只係趁早上陪月嚟先有得瞓4個鐘。當初我已經吩咐菲妹晚上需要起身照顧BB，所以晚上10點我已經比佢瞓。但我會比佢日間休息返。BB喊到拆天佢居然可以唔起身。要我叫佢起身佢先起身，重係沖完奶之後即刻返房瞓，將BB交返比你喂，完全側膊。
(5)做錯唔認，鍾意講大話。
(6)有次比佢喂奶，通常我BB需要分兩次食及掃風，我BB嘔風係好大聲。當時我坐係隔離，菲妹求其掃幾吓就竟然話已經掃到風。攪到我BB再飲奶時即刻嘔奶。
你見佢係完全無心照顧BB，你叫我點放心返工後將BB交比佢。

所以我決定唔要佢，計我話如果唔要嘅話最好補錢叫佢即刻走，就算你經常係屋企都係咁話，唔好放個炸旦係身邊。

期間我有致電agent投訴，但佢哋嘅態度唔積極，亦從來無打比我跟進情况。我個間agent叫得力僱傭公司，位於長沙灣廣場，千其唔好幫襯。

私人傳訊

birdbird

水晶宮

積分: 61627

79^#

發表於 08-1-11 19:13 |只看該作者

stella789,
我覺得你個 agent 靠唔住, 因為
1) 佢叫你包工人的日用品 (雖然唔係話大數目, 但係有 '洽' 人係新手僱主咩都唔識的成份);
2) 你解僱工人時, 叫你只需用口頭話比工人知幾時走. 有起時上黎, 佢就咩都話唔知唔關佢事.

好在你解僱工人時係白紙黑字. 到工人走時, 你出機票比工人, 記得都要工人簽收番張機票. 趁你未生, 做定封信好d.

現在, 你應該要通知immigration 你同你個工人解約.

還有, 你要check 埋外傭稅果度點計法. 詳情我唔係太清楚, 但係呢度應該有媽咪幫到你.

[ 本文章最後由 birdbird 於 08-1-11 19:16 編輯 ]

私人傳訊

積分: 1472

78^#

發表於 08-1-11 18:42 |只看該作者

原文章由 睿睿豬 於 08-1-11 17:18 發表
你有個new born BB, 你留佢一個月係度, 係好博, 好危險, 傷害到小BB就好唔值得, 你都係要想清楚, 唔好同佢癲

我係有個new born bb，不過仲響我個肚度仲未出世，我都有諗過，到我要生阿b時就會叫家人馬上"筆"佢走，唔會留佢響度，其實我都唔想比佢見到阿b，你估我傻咩........一定唔會同佢癲!!

私人傳訊

積分: 1472

77^#

發表於 08-1-11 18:39 |只看該作者

原文章由 fattumtum 於 08-1-11 16:35 發表
好o羅! congratulation! 你就唔洗o甘心煩啦!
不過你要小心個隻野偷屋企野... & 小心個人安全, 話晒你又就快生得:)

真係好多謝你地既關心!!!!

呢隻野想偷我屋企野....sorry, 我屋企無乜野可以比佢偷，況且我屋企都裝左個小型夾萬，所以呢樣野我反而放心。

至於個人安全，其實我都有d驚架，最衰個房門鎖又壞左，好彩今日個裝修師傅黎幫我換水龍頭同埋整門鎖，今晚就有覺好訓lu。

不過，我仲有野想請問一下，擒日我比左封解僱信佢，咁我而家應該係點做，要唔要通知agent定係要我自己通知immigration?? 因為今日賓賓猛咁追問我到底有冇通知immigration或agent，如果有，佢要開始搵工喎!!!! 我應該點做呢????

私人傳訊

睿睿豬

積分: 5061

76^#

發表於 08-1-11 17:18 |只看該作者

你有個new born BB, 你留佢一個月係度, 係好博, 好危險, 傷害到小BB就好唔值得, 你都係要想清楚, 唔好同佢癲

原文章由 stella789 於 08-1-8 01:03 發表

係呀, 佢真係好估惑架，不過佢阿mum唔係白痴呢!!!! 由今日起，佢d衫真係要用手洗架，對佢好，佢唔領情，抵佢c......

我已經決定左聽日就去agent度睇下有冇新妹妹.....而家搵左先，入左紙申請左佢，計下時間，例如新妹妹要3月10 ...

私人傳訊

machanmk

民房

積分: 20

75^#

發表於 08-1-11 17:07 |只看該作者

:-P 個工人早走早着.

[ 本文章最後由 machanmk 於 08-1-11 17:10 編輯 ]

私人傳訊

fattumtum

複式洋房

積分: 174

74^#

發表於 08-1-11 16:35 |只看該作者

好o羅! congratulation! 你就唔洗o甘心煩啦!

不過你要小心個隻野偷屋企野... & 小心個人安全, 話晒你又就快生得:)

私人傳訊

積分: 1472

73^#

發表於 08-1-10 20:48 |只看該作者

原文章由 SEricsson 於 08-1-10 13:30 發表
Stella,

算啦, 個工人無得留低架啦, 到時到後咪炒左佢囉.

我都係全職媽咪, 第一次請工人, 乜都唔識, 由得工人自己發揮, 但原來佢好唔掂, 手腳慢, 仲唔聽話, 自以為是, 無heart. 佢做D野做乜都唔合我心水, 因為 ...

好o羅......今日我終於比左個大信封佢，一個月通知佢執包袱!!!

今日發生件事，所以導致我要比大信封佢。
事緣......

其實佢做o野都幾快手既，加上我而家只得我一個人住(我老公只會響星期日先返黎)，所以佢每日只不過係做吓日常清潔同埋煮3餐，其餘時間都無乜野做。咁佢每日下午&夜晚就lay埋響佢房間度打開個衣櫃門好耐，早上我就唔係好知佢有無lay響房，因為我每日大約都係9~10點先起身，(黎左個幾月，日日都係咁)，我起初都無理佢，反正每人都有自己私人空間，不過響日頭工作時間咁做就唔得啦。今日我好奇地當佢響房間打開櫃門，我走左入去睇下佢做乜，原來佢lay入房係send sms比佢d fd，佢見到我就馬上收埋部電話，之後先走返出黎，但係當時地板還未拖..........

於是我就發出我第一封警告信比佢，點知佢睇完即刻走黎話我無講到唔可以使用電話，又話佢已經做完晒野，佢先至返入房send sms。咁我就話佢"你仲好講你自己已經做妥所有野??? 你連地板都還未拖呀!!" 佢回應我話"因為剛才你響洗手間，洗地水在洗手間內，所以我不能抺地!!" 都係一輪駁咀、駁咀又駁咀!!!!

其實根本與我去廁所無關，就算係，佢都唔可能響開工時間做佢喜愛做既野啦!!! 我話佢，你要send sms，大可以響晚上9時以後做，我係唔會干涉你既，不過唔可以影響到你日間做事就得。

駁火一輪之後，我終於"忍無可忍"，比左個大信封佢，通知佢一個月後走人，不過我可能會響呢個月尾就踢佢走，最重要都係睇我阿b幾時出世，如果我要去醫院，我會立即叫佢走，最多計糧計到下月9號，一定唔會比佢留響屋企見到我阿b。

我有問過我個agent，呢封信是否要比佢一個copy，agent話唔使喎，其實我可以口頭通知佢做到幾時使可(即一個月通知)，乜口頭通知都得既咩???

我覺得佢有d好似"鱔"我o羅，到最後我都係出左封信比佢，叫埋賓賓簽埋名確認，等佢無得底賴，哇......佢即時問我拎番個copy，認真醒呀.....佢。跟住又問我拎番整水龍頭張發票，因為我個裝修師傅仲未得閒過黎更換，佢可能以為我想食左佢大拿拿3舊水，不過我已經再call師傅盡快過黎整，應該呢兩日會換，唔使佢咁多野講。

仲有，佢拎左我比佢果張一個月通知書後，又lay響房度，佢拎左本勞工處既小冊子出黎猛咁睇，可能佢又想搵d野去告我。我諗我應該無野比佢玩呱.......

私人傳訊

SEricsson

積分: 6171

大廚勳章

72^#

發表於 08-1-10 13:30 |只看該作者

Stella,

算啦, 個工人無得留低架啦, 到時到後咪炒左佢囉.

我都係全職媽咪, 第一次請工人, 乜都唔識, 由得工人自己發揮, 但原來佢好唔掂, 手腳慢, 仲唔聽話, 自以為是, 無heart. 佢做D野做乜都唔合我心水, 因為己經有條棘, 到最後, 我未請第二個工人時就炒鬼左佢, 自己做返D野都好過對住佢. 老實講, 就算佢做到100分我都唔會滿意, 不如叫佢返歸啦!

既然佢已經唔合用, 無謂再留佢, 俾一個月通知叫佢走, 如果果一個月佢玩野, 就叫佢即時走, 唔好煩.

再請工人, 我都會對佢要求高D, harsh d, 慢慢再放寬好過. 唔鐘意咪唔好做囉... 大把人做!

私人傳訊

w_y

公爵府

積分: 25476

好媽媽勳章 2011精緻種植勳章畀面勳章環保接龍勳章

71^#

發表於 08-1-10 09:39 |只看該作者

stella
我比你好彩少少...我個 bun 係第一次來 hk, 佢個性同你個差唔多, 有自己主意, 但佢唔好彩, 因為我好惡, 大丙左佢幾次, 而家唔敢出咩花樣, 當然有時無記性呀, 駁一兩句咀, 做錯野又想賴我, 講大話呢 d 就例有, 唔係太嚴重我就面黑黑 xx 佢 2 句算, 不過我又係就生得, 所以唔同佢動胎氣, 而家我自己都開心返. 佢知自己衰左, 又幾聽話.

我個 bun 都係一星期洗一機衫, 佢自己諗掂, 唔夠衫佢手洗, 我覺得 ok 喎, 唔算 mean. 佢咁太胆偷偷地洗, 真係唔尊重你 d rule, 我肯定半夜即時叫醒佢又大丙.

不過你都決定炒佢, 唔好煩啦...係咪有 d 解脫的感覺呢......我個 bun 無你個咁衰 (其實算幾好架啦)...不過我地 full time 及實佢, 真係好多野會睇唔過眼架. 下次你有個新工人, 記住一開始要食住佢, 一入屋就講 7 頁家規, 一犯規即丙, 慢慢先對佢好 d 都未遲.

私人傳訊

積分: 1472

70^#

發表於 08-1-10 02:14 |只看該作者

原文章由 canies 於 08-1-10 02:00 發表
其實我好同意 bird bird 所講,尤其第1點.

個工人都'暗唖底'5點幾起身洗衫,唔眼訓嘅咩...俾我會了解下佢係咪有需要?協調下...

當然個個人做法唔同..

excuse me~ ...

了解左，因為我即時都有問佢，佢回答我係因為佢個fd比左d衫佢，所以多左衫洗，先至"暗啞底"5點幾起身洗衫，同埋之前佢曾經問過我可否多洗一機衫(響28/12時)，但我已拒絕!!!! 因為25/12 時佢已經洗了一機。可能咁樣，呢次佢索性唔問就自行用洗衣機多洗一機，如果我唔出聲，下次佢都會係咁樣做!!

其實我已經協調左佢啦，我亦問過我身邊僱用緊菲/印工人既朋友，佢地既答案係......我唔應該比佢用洗衣機，佢應該每晚沖涼後自行手洗自己衣服。不過我最初都覺得全部要佢手洗好似有點過份，因為有d大件頭衣服係好難手洗既，所以我就批准佢一星期可以使用一次洗衣機洗佢自己衣服，但係佢而家都違規，所以我只有咁做，以示懲戒!!!

私人傳訊

rainbowbb

積分: 1982

69^#

發表於 08-1-10 02:09 |只看該作者

原文章由 方方媽媽 於 07-12-27 11:35 發表
我睇完幾次樓主講工人做得唔好既地方,我覺得呢d係老練工人既習性,都唔算好錯.
講真,唔係個個家庭既要求都一樣,好似我屋企,奉客都唔一定成套杯碟咁出.
你工人用合約同你作出要求,只係想攞到最盡佢可以/應得既野,唔係 ...

我個maid未做過都同樓主差不多

私人傳訊

canies

翡翠宮

積分: 97204

68^#

發表於 08-1-10 02:00 |只看該作者

其實我好同意 bird bird 所講,尤其第1點.

個工人都'暗唖底'5點幾起身洗衫,唔眼訓嘅咩...俾我會了解下佢係咪有需要?協調下...

當然個個人做法唔同..

excuse me~

私人傳訊

積分: 1472

67^#

發表於 08-1-10 00:32 |只看該作者

原文章由 Peg_Peg 於 08-1-10 00:13 發表

就算做咗2日，你炒佢都要補一個月或一個月前通知，因為勞工處只保護人工，唔多理會我地d咁慘僱主。因我之前炒了2個賓賓，一個做了唔夠個月，一個做咗 2 個月。剩係賠錢及機票都使了$9xxx幾。

我個friend 仲慘，比agent騙 ...

我知道啦，就算做左1日都要補一個月工資或一個月前通知，真係好無理，咁勞工處有冇腦架，我地香港人打工都有3個月試用期啦，點解外勞會無試用期，最多咪比番張機票佢請佢走o羅!!!

哇，你炒2個賓賓都洗左$9xxx咁大劑呀!!! 唉，真係唔請好過請，名符其實"貼錢買難受"，不過如果好彩請到個聽聽話話既，咁就唔同!!!! 希望我都有呢一日啦!!

你而家呢個係賓定係印呀，ok嗎???

私人傳訊

Peg_Peg