夫婦情感 今日: 1 | 主題: 42777

積分: 2540

1^#

發表於 07-12-24 11:14 |只看該作者 |正序瀏覽 |打印

有冇人同奶奶做冬食飯炒大鍋?我就0岩0岩食到一肚氣

!
有冇D奶奶咁都有唔俾個新抱食0野!

話說個日出去食BUFFET做冬,我已好醒目預先一早餵左粥俾BB食先至哩,(我之前已同奶奶講左)但我BB一向好鬼為食,佢見大人食佢就要食,奶奶見佢成日呀呀聲叫我俾佢食,就叫我餵飽佢先至自己食,我又再同佢講多次(奶奶我之前餵左粥啦!佢食左好多啦!其實BB一路叫我都一路餵小小啦!佢厭我餵得唔夠多同唔夠密,佢意思叫我唔好食,整係餵BB

嘩!我直頭火都哩埋,即刻呻~喂!得我一個人餵,又冇人幫我手,(其實哩句說話根本就講俾佢同我老公聲),基本上每次出哩食飯,都係得我湊BB,隨非我媽咪係到之外,就唔會有其他人會幫我湊

~我老公見神色唔對,今次好醒咁先幫我湊反,(我奶奶個人係好老土,好傳統的潮州人,佢認為女人做媳婦應該係湊仔,做阿四,聽老公奶奶點)但而家乜0野年代啦!

不知所為

[ 本文章最後由 juliet 於 07-12-24 12:26 編輯 ]

0 0 0

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

祖兒豬

禁止發言

積分: 854

28^#

發表於 07-12-26 17:12 |只看該作者

提示: 作者被禁止或刪除內容自動屏蔽

私人傳訊

積分: 11426

睛靈勳章畀面勳章 BK Milk勳章

27^#

發表於 07-12-26 16:11 |只看該作者

回覆 #1 小寶貝兒的文章

其實我都冇乜所謂邊個先後邊個上下.只係覺得佢無稽.佢個仔係錫我,就點樣做都會係錫我.不過我係忟佢(99)早又唔講.等到近呢一兩日先講.我就同佢哋6299講明,我一早係約咗姑姐10點.你嗰邊男家上頭條好命婆住得近就緊係唔怕夜.喂..我求我姑姐入嚟幚我上.我緊係要就佢.所以宜家男家就要就我女家d人同時間.咁講到尾未又係男家就女家.吹咩...最好笑係我c6都仲要幚我講嘢.我62都話無所謂.未早d囉..激著99.我仲玩得大.佢一早冇講話要分後.我仲嚇鬼佢.話我哋7點仲喺九龍拎緊花球.拎完仆返嚟都仲要執好d嘢.(結婚當日用嘅嘢)呀99仲諗住同小小親戚要食餐飯.佢都R哂頭因為時間勁迫.62應承咗話男家9點半上頭.即係7點拎完嘢.8點返到嚟粉嶺.仲要執嘢.你估佢哋食唔食得切嘢??我就唔理一定10點上頭..哈哈~!

爆愛車縫作

私人傳訊

小寶貝兒

珍珠宮

積分: 30295

26^#

發表於 07-12-26 15:57 |只看該作者

回覆 #23 蜜棗的文章

哈~ 我結婚時99又係話要我遲過我老公上頭, 我一睇個時間, 我老公半夜1點上頭, 佢叫我遲一個時辰即係3點上頭, 我彩佢都有味呀!! 我係我婆婆黎同我上頭, 佢同公公2老當晚入左黎, 幫我上完頭之後又走(因為冇地方比佢地訓, 我都係訓廳咋!), 然後第二朝9點幾又黎過, 點可能要佢地2老捱眼訓等半夜3點?!

ps, 新郎要先過新娘上頭, 據我99講係老公帶住個老婆, 所以要上頭先!

d衫點放又冇乜點講, 可能我地一早講比佢聽, 2個衣櫃, 一人一個!

不過有人教我, 結婚當晚, 要將你著的衫放在老公的衫上面(當晚換出黎果d), 咁個老公以後就會聽晒你話!!

(可能你99就係因為想你聽晒佢個仔話, 所以先叫你將d衫放下格掛?!)

我冇做過research, 不過對我黎講, 呢招work囉~~ 嘻嘻~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

25^#

發表於 07-12-26 14:44 |只看該作者

原文章由 shirley73a 於 07-12-26 02:15 PM 發表
潮州人同福建人都不相伯仲, 係真架!!

我99佢真係當d新袍係工人咁使, 包括我.

要24小時on call, 有人嚟佢屋企, 你地就唔使旨意走, 要留喺度幫手招呼人, 仲要整野比佢地食... 如果係佢d仔仔女女 ...

嘩....你奶奶真係勁野!當d新抱係工人
我奶奶又冇咁離譜,佢係野蠻唔講道理o個隻
d思想非常之咁盟塞,同佢講唔夠兩句唔o岩聽就發爛渣鬧人
所以我係永遠同佢溝通唔到,亦已經唔想再同佢溝通

私人傳訊

shirley73a

禁止訪問

積分: 24331

好媽媽勳章畀面勳章

24^#

發表於 07-12-26 14:15 |只看該作者

提示: 作者被禁止或刪除內容自動屏蔽

私人傳訊

積分: 11426

睛靈勳章畀面勳章 BK Milk勳章

23^#

發表於 07-12-26 03:09 |只看該作者

回覆 #1 angel_cheng 的文章

我9962都係客家.
未一樣重男輕女.
我成日覺得我99好得意.成日搵人過穚.
啱先佢同我講,『結婚前一日,我哋男家上完頭先打比你,你哋先好上頭.』我未結過婚,唔知有D咁嘅嘢.我問咗句『咁得意嘅.乜咁嘅咩??』佢話係,但其實有好多唔同版本,有D會要求男家先,有D冇所謂(因為有兩包唔同地方買嘅上頭用品都有說明)佢即刻話亞邊個結婚都係咁,但又講唔倒點解,可能覺得咁樣男家會高過女家啩..(ON居)我未話一早約咗姑姐10點.你一係早過10點上囉!(我真係一早約好,因為冇諗過分先後)佢哋未局住就我時間囉!我又冇所謂喎.總之我姑姐一嚟到我就叫佢出手.
你話我99幾麻煩.寫名又要寫男人名先.最搞笑我未搬過嚟時,佢有一次同我講『你遲D搬過嚟呢D衫放喺亞X(我老公)下面D櫃筒(D櫃係上三個下三個)係一定喎!我頂佢都痴線.想同你講,你個仔就我就到比哂D櫃筒我用喎!咁點呢???

爆愛車縫作

私人傳訊

angel_cheng

積分: 2000

22^#

發表於 07-12-26 01:57 |只看該作者

我老公全家都係客家人,奶奶好重男輕女
我同老公要結婚時問我地點解拍拖禁多年突然間要結婚
我地話差不多係時候生bb所以就結囉
佢就話我地自己都養唔掂點生bb呀
點知結左婚兩年,佢細女結婚個晚就話希望我&姑仔都生bb
之後我同老公講呢件事
問佢唔係要養掂自己先生bb

我老公話妳奶奶成日都口不對心架啦
佢叫妳唔好生妳一定唔可以信呀,如果妳唔生佢一定恨妳一世?-(
到我陀bb時佢又話仔女都唔緊要
點知又話如果呢胎係女就要生多個,如果係仔就可以唔再生:tongue:
哇...超重男輕女呀,重當我係豬乸呀

到我生左bb,只係幫我湊左total四日就唔幫我湊啦(話阿b蝦佢要佢成日抱攪到腰骨痛,但係平時行路飛禁快,仲快過我

)
但係都仲好意思叫我生多個,我同老公都即say no

私人傳訊

IRON

積分: 8513

好媽媽勳章

21^#

發表於 07-12-26 00:05 |只看該作者

haha......我都係咁既待遇

未生仔仔前, 99/姑仔真係當我透明, 可能以為我無得生, 生左仔仔後, 連茶/飯/湯都拎埋俾我, 不知幾好招呼; 後黎個姑仔嫁左生個女, 阿99就好似欠左人地咁, 對姑仔個老公好有歉意(因佢個女生唔到仔), 有無諗返轉頭當初點對我呢? 我都係人地個女......不過見老公對自己好好, 其他野就算吧啦~~

私人傳訊

mrsdoh

積分: 6107

20^#

發表於 07-12-25 19:13 |只看該作者

原文章由晞玥於 07-12-25 12:39 發表
唉........其實唔止潮州人係咁
福建人都係呀.....我老爺奶奶就係福建人
真係同潮州人不相佰仲

我阿爸阿媽係福建人, 老公個老豆係潮洲人.
福建人真係幾傳統思想架. 我阿媽好似做妹仔咁做.
我老爺係大男人, 不過無一齊住, 我老公係百分百大男人, 不過佢惡時我惡返佢, 所以佢而家對其他人大男人, 對我係小男人. 哈哈哈

不過响老爺奶奶面前,我當然係千依百順,聽晒老公話的小女人啦

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

19^#

發表於 07-12-25 12:39 |只看該作者

唉........其實唔止潮州人係咁
福建人都係呀.....我老爺奶奶就係福建人
真係同潮州人不相佰仲

私人傳訊

nganfung

積分: 5611

18^#

發表於 07-12-25 11:34 |只看該作者

真係忍唔住要發表, 我都好唔好彩嫁了個潮州人, 仲要係獨子. 老公好好, 雖然係大男人左D, 但對我都好好, 但個奶奶........ "當新抱係外人" 呢句野真係身同感受. 最慘係如果你奶奶擺明當你係外人仲好喎, 你可以大條道理對佢唔好. 但如果佢成日掛在口中及同人講: 我錫個新抱仲多過個仔. 我諗你地會仲仲激氣. 我奶奶就係咁.
例子:
1) 我老公是帶飯返公司食的, 每次佢見到我夾餸到老公個飯盒時, 就會有微言: 乜唔夾XX, 夾多DXX..... 我心諗好似我克薄你個仔咁,你咁唔滿意, 你自己夾啦.
2) 呢朋友話D花旗參好, 叫佢買. 佢買了同我講: 呢D得閒沖比個老公同個女飲好呀, 有益呀. 我心諗只係你個仔辛苦, 我唔洗做呀, 我都要打工呀.
3) 有天同外家食飯, 我一早叫了佢, 佢話自己食素,唔去... 好啦. 臨去前個仔問佢:去唔去, 佢話唔去. 之後同我講:個仔冇佢心, 臨去先問. 咁我即刻幫我老公話: 佢日日都要番工, 我早幾日咪問你去唔去囉! 佢居然同我講: 你問, 點同佢問呢. 如果你地聽到, 個心酸嗎?
4) 我老公成日都覺得個阿媽好煩, 一唔妥, 就即刻大聲鬧, 唔會比面佢的. 次次比個仔話完, 最多嬲幾日. 我上2個月終於因為某些事頂了佢兩句, 佢嬲到現在, 仲要嬲到番埋鄉下.

私人傳訊

sylviawong

積分: 5339

17^#

發表於 07-12-25 02:03 |只看該作者

原文章由 onon1022 於 07-12-24 16:33 發表
其實你可以同你奶奶講...話bb食左野...佢好為食...如果食得太多...驚食滯佢...然後唔好理佢...佢再出聲...叫你老公同佢講...

無用架!個日去飲(C6婆婆生日),我個仔係佢面前食野食到其他親戚個個O華O華聲,話食得仲多過大人啦!佢一齊食飯見到架!!佢條XX,好似慌死蝕底咁,臨走仲要俾塊曲奇阿仔食喎!佢得廿幾個月既人仔,你俾咩,佢咪食咩羅,何況我個仔係唔知飽既...佢一俾,我已經話唔好,佢仲要俾喎

,佢仲識講呀...阿B食得咁飽,唔食既!一陣俾返你架啦!頂...我個仔邊會俾返我呀!!(佢都知阿仔D性格架!),出事啦,阿b一路搭LIFT,一路食塊曲奇,我咪怒啤我老公,我老公先識講,佢食得咁飽,搭車會嘔架!!跟住我車埋阿6299返屋企,佢地坐好啦,到我抱完阿B坐car seat,我一手搶左阿仔既半塊曲奇,咁阿b係架車到勁喊~呵...我就施施然坐返司機位,等佢享受下阿b既音波功

,之後...佢唔敢食完飯再俾阿b野食啦

私人傳訊

積分: 11426

睛靈勳章畀面勳章 BK Milk勳章

16^#

發表於 07-12-25 01:08 |只看該作者

回覆 #2 kantanjin 的文章

唉~~~~~
所以你真係要自強.雖則唔知你老公咩心態.但真係唔好比人虾.串你老爺啦!生仔生女有得揀.就唔會咁多人頭痛啦!雖然我62唔係潮州人.但如果佢開口話要我第一個一定要生仔.我諗我會同佢開拖.

爆愛車縫作

私人傳訊

carmenbbb

積分: 2291

15^#

發表於 07-12-25 00:24 |只看該作者

唉......總知大部分d99成日以為自己啱晒,
永遠當自己講緊的0野是聖旨,

要人跟足做!!!!!:tongue: :tongue: :tongue: :tongue:

私人傳訊

kantanjin

積分: 1272

14^#

發表於 07-12-24 23:59 |只看該作者

睇到呢到原來咁多姊妹係潮洲人. 唔好意思, 講真個句: 潮洲人真係好重男輕女及唔理人感受. 因為太愛護自己友. 有點自私.

蜜棗 :
haha, 我就是嫁左個潮州人既老公. 真係好重男輕女. 99講到明生BB就一定要係仔. 只對番自己潮州人好. 成家族好團結地來"洽"外人(新抱):cry: 點解呢

真係重自己個仔輕人哋個女? 何苦呢

私人傳訊

積分: 11426

睛靈勳章畀面勳章 BK Milk勳章

13^#

發表於 07-12-24 21:29 |只看該作者

回覆 #1 PJ 的文章

其實我都係潮州人....
點講呢!老實講我覺得我個潮州老豆(可能年紀唔大)所以都好錫我.但當然佢就成日想我亞哥成才.將D錢比哂佢讀書.
講返重男輕女.其實雖然自己潮州人.但都不得不講.潮州人的確都會係重男輕女,但真係重自己個仔輕人哋個女.自己個女唔算....所以如果你嫁著個老公家族係潮州人.就真係會對這個難題.所以最緊要你嫁個老公唔守舊.愛錫你就咩人都唔洗怕.

爆愛車縫作

私人傳訊