| 【平均年齡49歲】完全冇老過 天祐、大興、司徒拔 「南山三虎」再聚頭 | 34,704 |
| 建立時間: 0813 19:38 | |
|
147。夾埋係147。呢三個數字代表乜嘢？代表南山三虎——駱天祐、吳大興同司徒拔。三個大男人，今年夾埋147歲，平均年齡係49。
49歲剛過牛一嘅錢嘉樂，47歲王喜，同埋年紀最大但個樣最後生嘅51歲鄭敬基，南山三虎今日終於再聚頭，為鄭敬基本月22及23號一連兩日喺灣仔演藝學院個唱綵排。之前基基話過好擔心嘉樂仔因為要開工，未必能參與演出，但見今日三「佬」聚頭綵排，斷估嘉樂仔到時應該冇問題啦。
《烈火雄心》已經係98年嘅劇，即係16年前，三佬當年都不過係三字頭左右，男人味開始蘊釀，今日呢，更加係男人味特濃。拍埋一齊，完全不顯老態。之前都有唱過歌出過碟嘅王喜，其歌聲更加係深深感動到嘉樂仔添！眾人更分別於微博貼圖同回應，為基基個唱做宣傳。手足情深，果然係行消防嘅，兩脇插刀，冇計！ 
發表於 
返回列表
