本帖最後由 rose-mag 於 16-5-13 20:15 編輯
近一年小朋友大得好快,我仔用開個個飯壺唔多夠大,同埋仔女投訴保溫唔好,到中午食時係暖唔係熱,食兩啖好快就凍。另外,老公好concern膠飯盒裝午餐,洗又唔易洗得乾淨,我地一直留意有咩選擇,又要唔好太貴,又要真係好用又健康,前年已經喺Costco買咗一D玻璃兜帶飯,但最麻煩係盒蓋個膠邊成日會發毛黑晒。
年頭見到Amazon減價買咗兩個Thermos壺,有24安士大,而家個女只要一半多少少飯/麵就夠,個仔就要去到差不多2/3滿,最初見到16安士係闊口,方便洗,但個仔好快會升中學,到時未必夠大,同埋當時24安士減價,同16安士差兩蚊,我就好貪心買咗兩個24安士嘅。果然係冇買錯,一早整熱D飯/麵,仔女話去到中午食時都仲係熱嘅,唔似以前用果兩個飯壺咁唔夠熱。

信用咭有分,上年感恩節果排有優惠,一次過換咗4個Pyrex 4杯量大細嘅玻璃午餐盒,個蓋仲係no leak design,個設計可以清洗得乾淨D,冇咁易會發毛,係就係重D,原價一個成7蚊,但其實過去幾年都有用緊玻璃盒,小朋友有投訴重,不過健康緊要D,於是解釋俾佢地聽膠盒好難洗乾淨,有時裝完濃味嘢會好大陣味洗唔甩,學校老師都有教關於環保,所以呢樣都唔難達成共識。

花旗太太生活在花旗國,留意時差,你問我未必即時答到。