夫婦情感 今日: 1 | 主題: 42758

積分: 7

1^#

發表於 08-1-30 15:56 |只看該作者 |正序瀏覽 |打印

我同我老婆圍繞住同一個話題而爭吵過無數咁多次，好明顯係大家既標準唔同，希望大家評論一下，就住你自己既標準以講講你既意見。

背景：
我老婆係一個好爽朗既人，比較容易同男性相處。有一個好要好既男性朋友，佢地曾經拍過拖（N年前）。

事源：
約一年多前，我無意間check到佢地既MSN內容，言談間佢地有好親密既來往，例如：我好掛住你呀，我想攬下你呀，sweetie，honey，等等。我bring up 左出黎，佢知道我check佢，之後佢地亦收斂左。

我老婆認為佢係一個好難得既十幾年朋友，所以我冇權要佢地斷絕來往，佢亦唔會咁做。

四個月前，當我出差離開左香港，佢放低左個女去外母度，然後約同一個男性朋友出黎食晚飯同睇戲。佢地睇既係"色.戒"。當我番香港既時候，我問佢呢幾日做過乜野，佢隻字不提佢地兩個出過街。

佢既解釋：
就佢自己而言，佢地只係普通朋友，而朋友冇性別之分，唔明白點解我要咁介意同小氣。況且，佢唔講係因為唔想我擔心，亂諗野。

我既睇法：
男女有別，一個結左婚既女人就要知道自己既界線，唔係因為冇野就可以做一D 令到我唔開心既事情。更何況個男人係一個我唔鐘意既人。

最近情況：
佢地而家間中（約一個星期一次）MSN或者電話來往，對上一次食飯係12月。琴晚佢地MSN傾偈，我刻意坐係佢隔離。然後我去左房睇個女訓未。之後我出番廳，我問佢同個男人傾左乜野，佢答係普通野，亦可能約出黎食飯。

之後我check佢MSN，發現原來佢問個男人星期五夜晚得唔得閒，我好嬲，發脾氣，覺得如果你plan好係星期五，又點解唔同我講？

我既諗法：
重蹈覆轍，12月先食完飯又話已經好耐冇見面，況且有乜野可以係電話/MSN講，我比你係夜晚同異性見面已經係我既最大包容，但係你都依舊唔話我知道。我發脾氣係我唔著，但係係你處理手法有問題在先。

我老婆既睇法：
佢未約好，自己都未肯定，自然冇講過知，佢地只係普通好朋友，咁咁耐冇見面想約出黎好正常不過，就算我約女性朋友出黎，佢都一定唔會反對。唔明白我為左一個普通朋友而咁心胸狹窄同小心眼。

意見發表：
1. 我係咪一個非常無理取鬧而又小氣既老公？

2. 定係佢已經超越左一個已婚女性可以做既界線？

希望大家唔好只係話各有各道理，你自己既道德標準又係點樣？想你諗諗，如果發生係你身上，你既伴侶同你既底線唔同，情況已經超過一年，你會點樣處理？

[ 本文章最後由 unhappy_husband 於 08-1-30 16:07 編輯 ]

0 0 0

私人傳訊

ringoivy

積分: 76971

35^#

發表於 08-2-1 16:51 |只看該作者

老實講在我立場, 我真係覺得無野比自己愛人同個家重要, 如果老公唔鍾意我一定會盡量減少, 可能會幾個月或一年先一次, 其實一個月一次太有規律既約會都唔係一件正常事, 就算我自己女性既朋友都唔會一個月見到佢地一次啦:evil: 所以我諗你既然退而求其次左由唔準佢地做朋友, 依家肯比機會佢地約會, 咁你老婆更加應該珍惜你呢個咁明白事理既老公

其實可唔可以有佢在場既約會預埋你一齊去會唔會好D呢

原文章由 unhappy_husband 於 08-1-31 18:02 發表
多謝你既回應。你係唯一一個我可以再澄清既post。

1. 因為之前既事，我係唔鐘意呢個男人，我清楚要求佢唔再聯絡呢個人，佢拒絕。

2. 我讓步，我只係要求佢地有乜野來往都向我清楚交代。並唔係一時一樣，係我嘗試尊重我老婆 ...

私人傳訊

chihung

複式洋房

積分: 133

34^#

發表於 08-2-1 15:47 |只看該作者

你老婆個異性好友結婚未?如果佢都有老婆，兩個都過份，很眛的關係。
樓主，我支持你。

:cheeze: :cheeze: 不要為明天憂慮，因為明天自有明天的憂慮；一天的難處，一天當就夠了。 :cheeze: :cheeze:

私人傳訊

premum2006

侯爵府

積分: 20748

好媽媽勳章醒目開學勳章

33^#

發表於 08-2-1 14:27 |只看該作者

你兜口兜面問佢
你好似佢咁得唔得囉
或者直情付諸行動囉
如你所講冇加鹽加醋
你完全冇錯
不過都可以試吓反省
平時溝通交流夠唔夠
會唔會佢需要嘅關注, 情感交流你俾唔夠
女人到任何年紀都需要有被愛感覺ga

私人傳訊

korie

別墅

積分: 538

32^#

發表於 08-2-1 13:54 |只看該作者

原文章由 unhappy_husband 於 08-1-30 16:58 發表
多謝咁多位既回覆。

我想講，從我太太既角度，佢認為佢地只係好朋友，又冇D乜野唔見得光既野，朋友唔係女就係男，冇第三樣，所以佢完全唔理解我既諗法。

而同時，佢認為我如果有一樣既情況，佢會選擇100％相信我，容許我同異性出夜街，而 ...

我都係一個好爽朗同勁多男性朋友嘅女性，我由初戀到我老公之前嘅男友都仲有聯絡亦有見面，但從來我都唔會單獨夜晚同佢哋出去食飯什至睇戲，每次都會成班人出去，因為冇理由當日拍拖只有兩個人，我超過10個以上嘅朋友都相識10年以上，我為咗令我老公放心同尊重佢我每個朋友佢都認識，每次去邊都會叫埋佢，佢唔去一件事，哩個係我嘅責任，因為我會逆地而處，自問如果我老公係咁我會好唔開心，好唔覺得俾尊重。
以上係我嘅做法︰我覺得你太太好自私完全冇理你感受，以我女性角度哩睇，佢哋已經超出一般朋友嘅關係，我全部男性朋友自己都好識避嫌，因為佢哋唔會令我在難做，因為佢哋都係男人知道(有所為﹑有所不為)。

私人傳訊

維仔媽媽

珍珠宮

積分: 36654

畀面勳章

31^#

發表於 08-2-1 00:40 |只看該作者

回覆 #1 unhappy_husband 的文章

沒時間看完全部回應.希望我說的樓主不要介意.首先,作為已婚的女人,行為應該檢點.同和異性朋友去看色戒都唔好.幾老友都唔得.既然是朋友,又拍過拖,點都要避忌下用詞.間中聯絡下.都沒所謂.朋友不是男就是女.交往要有分寸.另外,我認為夫妻間要有私人空間.樓主去check自己老婆的msn之類.我認為唔好.愛情是排他的.有邊個老公或老婆中意見到自己的另一半和異性一齊比較close啊.但人和人的相處,總有d人會投契d.比較close.既然結左婚.大家和異性交往要有分寸.做得夫妻要相信對方.講到底佢要變心,也是無可奈何的事.我和我老公都有自己的異性朋友,不過很少過問對方.更不會check對方的電話.下下check著當然會唔開心.嘩.佢幾時幾時又和見面啦.幾時幾時又傾左幾十分鐘.唔呷醋都冇人信啦.懶得check.簡直是自尋煩惱.大家都要有私人空間.這世界不是男就是女.就算我和異性朋友聯絡也不會比老公知.而我也不想知他和女性朋友聯絡.人人都需要朋友,而朋友不分男女.

私人傳訊

積分: 7

30^#

發表於 08-1-31 18:02 |只看該作者

多謝你既回應。你係唯一一個我可以再澄清既post。

1. 因為之前既事，我係唔鐘意呢個男人，我清楚要求佢唔再聯絡呢個人，佢拒絕。

2. 我讓步，我只係要求佢地有乜野來往都向我清楚交代。並唔係一時一樣，係我嘗試尊重我老婆。

3. 我發脾氣既原因，係因為就我立場，一個月見一次都係太密，我唔可以接受，其二係佢約個男人出黎而唔講我知。我覺得被隱瞞。

私人傳訊

ringoivy

積分: 76971

29^#

發表於 08-1-31 17:43 |只看該作者

咁既然你老婆曾經作出過讓步, 咁係咪你接受到既範圍內呀

如果係既咁我都會覺得你無理取鬧左d喎

但如果你覺得在你同佢之間根本無可能容納到呢個人存在, 索性要人斷絶交往既咪直接d講囉

一時一樣

一陣又話接受到人地係普通朋友關係, 一陣人地約出街食飯又要呷醋

咁你都幾難服侍喎大少:evil:

原文章由 unhappy_husband 於 08-1-31 17:24 發表
我已經將個thread forward 左比我老婆睇。係佢未回應之前，我上clarify番我明白佢既諗法：

1. 之前既事情已經過去，佢明白佢曾經做得唔好，所以已經冇再同呢個男人既來往咁親密。而家所做既，不過係普通朋友既野。

2. 既然 ...

私人傳訊

積分: 7

28^#

發表於 08-1-31 17:24 |只看該作者

我已經將個thread forward 左比我老婆睇。係佢未回應之前，我上clarify番我明白佢既諗法：

1. 之前既事情已經過去，佢明白佢曾經做得唔好，所以已經冇再同呢個男人既來往咁親密。而家所做既，不過係普通朋友既野。

2. 既然已經係普通朋友，點解我作為老公既仲要繼續去扯番之前既事黎講，每每要將佢所有既行為描繪成一個不道德/不合理既人，而繼續為一個普通朋友而妒忌，呷醋，甚至亂發脾氣？

呢兩個我相信係佢既諗法，我唔打算再回應，我希望我老婆明白，我唔係搵交黎嗌，只係我並唔係佢諗得咁不合情理。

私人傳訊

shamapple

複式洋房

積分: 377

27^#

發表於 08-1-31 16:58 |只看該作者

我只係認為,真心喜歡一個人時,就唔應該做出一些另對方唔開心的事情,又或者做出一些另一半會誤會或者妒忌的行為....

我也有一個很好的異性朋友,我們出來見面時一定不是單獨的,是成班朋友,講電話一個月也沒有一次,更加不會 send 我愛你,掛佳你,攬住你果D短訊....

因為一對同性好朋友係唔會好想攪住對方,唔會對對方講我愛你,除非你係同性戀喇....

所以,樓主,我都唔認同你太太做法,我支持你觀點及立場!

好好同太太傾傾喇!

私人傳訊

雲妮彭

伯爵府

積分: 19439

好媽媽勳章

26^#

發表於 08-1-31 16:29 |只看該作者

老實講啦樓主,
如果你老婆甘堅持佢個種觀念係岩既話,
你都好難說服/改變佢架喇,
而我地俾既意見都會係甘上下,
最重要係你自己會點樣處理架咋.

我覺得你唔好再做"好好先生"喇,
唔好再遷就佢而壓抑自己既不滿喇,
你甘樣做係於事無補架,
你老婆唔會領你既情囉.
佢既圈子裡面全部都係佢既fans,
點會有人認同你係岩呀..
但跳出佢既圈,就全世界都知道係錯個囉....

如果我係你,我會同佢講清楚底線,
唔鐘意佢甘樣攪男女關係........
如果佢繼續用歪理去同你吵,
我諗你都心中有數佢夠竟愛你有幾多啦....

你地根本就傾唔埋欄.....晒氣啦!!!

私人傳訊

ringoivy

積分: 76971

25^#

發表於 08-1-31 15:47 |只看該作者

你同佢講兩夫妻相處之道在乎坦誠, 無心隱瞞既又何須介懷人地睇佢既野呀?-( 我好憎呢d人, 自己有唔著既地方就將個茅頭指向第二方, 故勿論男女都係咁乞人憎

講真佢個d我唔覺得係一d正常既社交行為

正常既社交會話xxx掛住你等呢d字眼咩?-( 白痴, 你叫佢咪自欺欺人啦

我好憎呢d唔尊重婚姻既人:evil: 佢d咩朋友咁巴閉呀咪又係同流合污既8婆

你同佢講~係呀當你小氣, 咁家陣你好唔鍾意佢呢個朋友叫佢小d來往又得唔得呀, 多一個朋友唔多, 少一個亦唔會少得去邊, 你問佢如果佢係有把你放在眼內, 有尊重過你同呢段婚姻既就好應該收斂下

:evil: 如果佢仲要包嗌頸既

我都唔敢再比d咩意見你啦.........

原文章由 unhappy_husband 於 08-1-31 00:06 發表
再多謝咁多位既回應。

我老婆好強調，我咁樣check佢MSN，睇佢電話，同埋見到佢同佢既朋友出街會唔開心，根本就係唔尊重佢有社交，唔相信佢。

我係一個唔識得say no既人，我完全明白佢講乜野，所以，只要佢地事先同我講話會出街，我幾 ...

私人傳訊

小魔

別墅

積分: 691

24^#

發表於 08-1-31 01:31 |只看該作者

十萬個同意, 婚姻入面, 尊重好重要, 明知你唔鍾意, 暗地裏走去同個男人date, 呢d係好唔尊重囉.
我自己夠有十幾廿年既男好朋友, 咁又點? 為人妻, 總不會honey,sweetie咁. 食飯睇戲又點?總係光明正大, 另一半知道, 都welcome一齊去. 有時4人行添.
1. 我係咪一個非常無理取鬧而又小氣既老公？
咁如果你太太既行為咁唔理你既感受, 發脾氣都正常

2. 定係佢已經超越左一個已婚女性可以做既界線？
咁個個人唔同既. 只可以話你知, 如果係我, 老公有hard feeling, 就唔會去做, 因為唔想佢唔開心. 就算真係好想, 都會先同老公傾掂數先.

私人傳訊

Ruby06

大宅

積分: 2667

23^#

發表於 08-1-31 01:30 |只看該作者

原文章由 unhappy_husband 於 08-1-31 00:06 發表
再多謝咁多位既回應。

我老婆好強調，我咁樣check佢MSN，睇佢電話，同埋見到佢同佢既朋友出街會唔開心，根本就係唔尊重佢有社交，唔相信佢。

我係一個唔識得say no既人，我完全明白佢講乜野，所以，只要佢地事先同我講話會出街，我幾 ...

我都唔會同另一個男性朋友咁親近.(唔會單獨睇戲或說甜言密語). 就算"冇野"都唔會. 因為唔想有機會引起誤會. 因為始終結左婚,耍顧及老公既感受.
如果係普通社交(eg, 間中食lunch)就會預先講比老公知.

樓主,我撐你!

從你既敘述,覺得你太太好似唔多照顧你既感受.你地既感情會唔會有d問題呢?
而你太太好似好堅持要同e個人維持e種關係.縱使你極力反對.
證明佢係e個關係裹面,得倒d係其他關係(或係你度)缺少既野.佢可能自己都以為冇野或佢會convince自己係冇野.但,咁樣落去,好易出事
字裹行間,覺得樓主似乎係一個好好先生.好"就"得太太果d.
但樓主都耍注意自己既須耍,咁婚姻先會healthy.
我提意樓主要搵机會"認真"同太太傾下.耍比佢知道ed事對你黍講係"非常嚴重.同埋比佢知道你既底線.

私人傳訊

ding-2003

複式洋房

積分: 410

22^#

發表於 08-1-31 00:36 |只看該作者

閣下太太正在賞試找出你的底線，或在挑戰你的底線。非常肯定，她知道自己在做什麼，亦知道你在想什麼，當她覺得你的底線還遠，或你會自行將底線退后，她必會繼續向前。

你要立即清晣地將你的底線告訴她，並要她不可再挑戰你的底線，否則她將會親手破壞你們二人的關系。

既已為人妻，就是要對自己所選的伴侶負責，而不可再任意胡來。尊重伴侶，正是相處的基本，連這最基本要求也不能達到，相信她是一個頗為任性的人。

直接叫她來這裏看一看各人的意見，更歡迎她在此回應。

私人傳訊

canies

積分: 97130

21^#

發表於 08-1-31 00:25 |只看該作者

forward 呢個topic比佢睇law..

私人傳訊